ເປີດກອງປະຊຸມ ວຽກງານ ຍທຂ ທົ່ວປະເທດ ປີ 2025-2026 ແລະ ຜັນຂະຫຍາຍ ແຜນພັດທະນາຂະແໜງ ຍທຂ ໄລຍະ 5ປີ 2026-2030

ກະຊວງໂຍທາທິການ ແລະ ຂົນສົ່ງ ໄດ້ຈັດກອງປະຊຸມ ວຽກງານ ຍທຂ ທົ່ວປະເທດ ປີ 2025-2026 ແລະ ຜັນຂະຫຍາຍ ແຜນພັດທະນາຂະແໜງ ຍທຂ ໄລຍະ 5ປີ 2026-2030 ຂຶ້ນໃນວັນທີ 5 ພຶດສະພາ 2026 ທີ່ຫໍປະຊຸມແຫ່ງຊາດ ໂດຍການເປັນປະທານຂອງ ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ, ເຂົ້າຮ່ວມມີ ຮອງລັດຖະມົນຕີກະຊວງ ຍທຂ, ຮອງລັດຖະມົນຕີກະຊວງ ອຄ, ມີການນໍາທັງ ສູນກາງ ແລະ ທ້ອງຖິ່ນ, ອະດີດການນຳກະຊວງ ຍທຂ, ບັນດາຜູ້ອຳນວຍການລັດວິສາຫະກິດ ແລະ ພາກສ່ວນທຸລະກິດທີ່ກ່ຽວຂ້ອງເຂົ້າຮ່ວມ.

ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ ໄດ້ກ່າວວ່າ:  ກອງປະຊຸມວຽກງານໂຍທາທິການ ແລະ ຂົນສົ່ງທົ່ວປະເທດ ປີ 2025-2026 ແລະ ຜັນຂະຫຍາຍແຜນພັດທະນາຂະແໜງ ຍທຂ 5 ປີຄັ້ງທີ 10 (2026-2030)ໄດ້ໄຂຂຶ້ນໃນທ່າມກາງບັນຍາກາດທີ່ທົ່ວພັກ-ທົ່ວລັດ ແລະ ທົ່ວປວງຊົນລາວທັງຊາດພວມຕັ້ງໜ້າຜັນຂະຫຍາຍ ແລະ ຈັດຕັ້ງ

ປະຕິບັດມະຕິກອງປະຊຸມໃຫຍ່ຄັ້ງທີ XII ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ X (2026-2030) ຂອງລັດຖະບານ ໂດຍສະເພາະແມ່ນການຈັດຕັ້ງຜັນຂະຫຍາຍ ມະຕິ 04/ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ ຫຼື ສອຈ ຕິດພັນກັບ ການຈັດຕັ້ງ ຜັນຂະຫຍາຍມະຕິກອງປະຊຸມໃຫຍ່ອົງຄະນະພັກກະຊວງ ຍທຂ ຄັ້ງທີ VI ກໍ່ຄືແຜນພັດທະນາ 5 ປີຂອງຂະແໜງ ຍທຂ ໃນໄລຍະເລີ້ມຕົ້ນ ໃຫ້ເປັນແຜນລະອຽດຈະແຈ້ງ ສາມາດປະຕິບັດສຳເລັດຕາມແຜນການທີ່ໄດ້ກຳນົດໄວ້.

ທ່ານ ເຫຼັກໄຫຼ ສີວິໄລ ໄດ້ກ່າວວ່າ: ຈຸດປະສົງຂອງກອງປະຊຸມໃນຄັ້ງນີ້ແມ່ນເພື່ອສະຫລຸບການຈັດຕັ້ງປະຕິບັດວຽງານໂຍທາທິການແລະ ຂົນສົ່ງ ປະຈຳປີ 2025, ວາງທິດທາງແຜນການປະຈຳປີ 2026 ແລະ ຜັນຂະຫຍາຍແຜນພັດທະນາຂະແໜງໂຍທາທິການແລະຂົນສົ່ງ 5 ປີ,ຄັ້ງທີ 10 (2026-2030)ໃນຂອບເຂດທົ່ວປະເທດ ,ເນື້ອແທ້ແມ່ນກອງປະຊຸມຜັນຂະຫຍາຍມະຕິກອງປະຊຸມໃຫຍ່ຄັ້ງທີ 12 ຂອງພັກປະຊາຊົນປະຕິວັດລາວແລະ ມະຕິ 04/ກມສພ,ວ່າດ້ວຍການສ້າງເສດຖະກິດເອກະລາດເປັນເຈົ້າຕົນເອງ ຫລື ສອຈ ຂົງເຂດ ຍທຂ ເຂົ້າສູ່ການຈັດຕັ້ງປະຕິບັດຕົວຈິງ,ພ້ອມດຽວກັນນີ້ກໍຍັງມີຫລາຍວຽກທີ່ຈະຕ້ອງໄດ້ຍົກ

ຂຶ້ນນມາຄົ້ນຄ້ວາ,ປຶກສາຫາລື ແລະ ແລກປ່ຽນຄຳຄິດຄຳເຫັນນຳກັນຕື່ມຫລາຍບັນຫາເປັນຕົ້ນ:

1) ຄວາມຄືບໜ້າການຈັດຕັ້ງປະຕິບັດນະໂຍບາຍຊຸກຍູ້ສົ່ງເສີມການກໍ່ສ້າງ ແລະ ສ້ອມແປງເສັ້ນທາງໃນໄລຍະໃໝ່ໂຄງການ OPBRC ແລະPRTC

2) ການຈັດຕັ້ງປະຕິບັດກອງທຶນທາງ (ການສ້ອມແປງທາງ ແລະ ການສ້າງຕັ້ງກອງສ້ອມແປງທາງຕິດພັນກັບວຽກງານສາມສ້າງ);

3) ການຫັນເປັນທັນສະໄໝຂອງຂະແໜງຍທຂ;

4) ຜ່ານຮ່າງຂໍ້ຕົກລົງຂອງລັດຖະມົນຕີວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ຍທຂ ຕາແສງ;

5) ການຄຸ້ມຄອງການຂົນສົ່ງສີນຄ້າ,ໂດຍສານ.

6) ການຄຸ້ມຄອງລົດບັນທຸກນໍ້າໜັກ,ມາດຕະການຕໍ່ການບັນທຸກນໍ້າໜັກເກີນກໍານົດ.

7) ການແກ້ໄຂບັນຫາການລະເມີດລະບຽບຈາລະຈອນໃນຕົວເມືອງ ຫລື ມາດຕະການຫລຸດຜ່ອນອຸປະຕິເຫດຕາມທ້ອງຖະໜົນຫລວງ (ການແລ່ນລົດໃວເກີນຂອບເຂດ, ການບໍ່ເຄົາລົບກົດຈາລະຈອນ,ການຂົນສົ່ງດີນ,ຫີນ,ຊາຍ,ວັດສະດຸກໍ່ສ້າງຕ່າງໆແບບບໍ່ຖືກຕ້ອງ)

8) ການຄຸ້ມຄອງການເດີນເຮືອ,ຄວາມປອດໄພຂອງເຮືອທ່ອງທ່ຽວ,ເຮືອນຂົນສົ່ງສີນຄ້າ, ໂດຍສານ.

9) ການຄຸ້ມຄອງການດູດຫີນແຮ່,ຊາຍ ຮັບໃຊ້ການກໍ່ສ້າງ ເພື່ອບໍ່ໃຫ້ສວຍໂອກາດເຮັດຄໍາຕົກຂ້ອນ.

10) ຂອດປະສານງານກັບບັນດາຂະແໜງການກ່ຽວຂ້ອງຕ່າງໆ(ຂອດປະສານງານພາຍໃນຂອງຍທຂ ແລະ ຂອດປະສານງານກັບຂະແໜງການອື່ນໆ) ແລະ

11) ການສ້າງກົນໄກອໍານວຍຄວາມສະດວກໃຫ້ການຈັດຕັ້ງພາກລັດ, ພາກເແກະຊົນ ແລະປະຊາຊົນໃນສັງຄົມ ຫັນມາຊົມໃຊ້ລົດໄຟຟ້າຮອດປີ 2030 ໃຫ້ກວມ 30% ຂອງຈຳນວນພາຫະນະທັງໝົດ ໃນຂອບເຂດທົ່ວປະເທດ.

ກອງປະຊຸມ ຈະດໍາເນີນຮອດວັນທີ 6 ພຶດສະພາ ຈຶ່ງສໍາເລັດ.