ທ່ານລັດຖະມົນຕີ ກະຊວງໂຍທາທິການ ແລະ ຂົນສົົ່ງ ຕ້ອນຮັບການເຂົົ້າ ຢ້ຽມຂໍ່ານັບຂອງ ຜູ້ຕາງໜ້າອົງການອານາໄມໂລກ ປະຈໍາ ສປປ ລາວ ຄົນໃໝ່

ໃນວັນທີ 21 ສິງຫາ 2024, ທ່ານ ງາມປະສົງ ເມືອງມະນີ (H.E. Mr.Ngampasong Muongmany), ລັດຖະມົນຕີ ກະຊວງໂຍທາທິການ ແລະ ຂົນສົົ່ງ ໄດ້ຕ້ອນຮັບການເຂົົ້າຢ້ຽມຂໍ່ານັບຂອງ ທ່ານ ດຣ ທິມໂມຕີ ອາມສະຕຣອງ (Dr. Timothy Armstrong), ຜູ້ຕາງໜ້າ ອົງການອານາໄມໂລກ ປະຈໍາ ສປປ ລາວ ຄົນໃໝ່. ໃນໂອກາດຖືກແຕ່ງຕັ້ງມາປະຈໍາຢູ່ ສປປ ລາວ.

ໃນໂອກາດດັ່ງກ່າວ, ທ່ານລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ສະແດງຄວາມຊົມເຊີຍຕໍ່ ທ່ານ ດຣ. ທິມໂມຕີ ອາມສະຕຣອງ ທີີ່ໄດ້ຖືກແຕ່ງຕັ້ງໃຫ້ມາດໍາລົງຕໍາແໜ່ງເປັນຜູ້ຕາງໜ້າ ອົງການອານາໄມໂລກ ປະຈໍາ ສປປ ລາວ ຄົນໃໝ່ ແລະ ອວຍພອນໃຫ້ປະສົບຜົນສໍາເລັດໃນການຈັດຕັ້ງປະຕິບັດໜ້າທີີ່ ຢູ່ ສປປ ລາວ, ພ້ອມທັງສະແດງຄວາມຂອບໃຈ ແລະ ຕີລາຄາສູງຕໍ່ການຮ່ວມມື ລະຫວ່າງ ສປປ ລາວ ແລະ ອົງການອານາໄມໂລກ ໃນໄລຍະຜ່ານມາ. ພ້ອມດຽວກັນນັ້ນ, ທ່ານລັດຖະມົນຕີ ກໍ່ໄດ້ສະແດງຕໍ່ ອົງການອານາໄມໂລກ ທີີ່ໃຫ້ການຊ່ວຍເຫຼື່ອ ສປປ ລາວ ກໍ່ຄືກະຊວງໂຍທາທິການ ແລະ ຂົນສົົ່ງ ໂດຍສະເພາະ ແມ່ນວຽກງານທາງດ້ານໂຄສະນາຄວາມປອດໄພທາງຖະໜົນ, ການສ້າງແຜນນໍ້າປະປາປອດໄພ ທີີ່ມີຄວາມທົນທານຕໍ່ການປ່ຽນແປງດິນຟ້າອາກາດ ໃຫ້ແກ່ຂະແໜງການນໍ້າປະປາ ໃນບັນດາຕົວເມືອງໃນຂອບເຂດທົົ່ວປະເທດ.

ໃນການຢ້ຽມຢາມຄັ້ງນີ້, ທ່ານ ດຣ ທິມໂມຕີ ອາມສະຕຣອງ, ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງ ທ່ານລັດຖະມົນຕີ ກະຊວງໂຍທາທິການ ແລະ ຂົນສົົ່ງ ແລະ ມີຄວາມປິຕິຍິນດີ ທີີ່ໄດ້ຮັບມອບໝາຍເປັນຜູ້ຕາງໜ້າໃຫ້ອົງການອະນາໄມໂລກປະຈໍາ ສປປ ລາວ. ພ້ອມດຽວກັນນີ້, ທ່ານ ດຣ ທິມໂມຕີ ອາມສະຕຣອງ ຈະໄດ້ສຶບຕໍ່ຊຸກຍູ້ໃນການສະໜັບສະໜູນ-ຮ່ວມມື ກັບ ກະຊວງໂຍທາທິການ ແລະ ຂົນສົົ່ງ ກ່ຽວກັບການພັດທະນານະໂຍບາຍດ້ານຄວາມປອດໄພທາງຖະໜົນ ແລະ ຂະຫຍາຍວຽກງານແຜນນໍ້າປະປາປອດໄພ ແລະ ການສ້າງຄວາມເຂັ້ມແຂງໃຫ້ແກ່ ຂະແໜງໂຍທາທິການ ແລະ ຂົນສົົ່ງ ໃຫ້ນັບມື້ນັບມີການພັດທະນາຂື້ນເລື້ອຍໆ.