ພິທີເຊັນສັນຍາ ກໍ່ສ້າງໄຟສັນຍານຈະລາຈອນໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນ

ໃນຕອນແລງຂອງວັນທີ 18 ມັງກອນ 2024 ກົມຂົນສົ່ງ ກະຊວງໂຍທາທິການ ແລະ ຂົນສົ່ງ, ໄດ້ຈັດພິທີເຊັນສັນຍາກໍ່ສ້າງໄຟສັນຍານຈະລາຈອນໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນນຳໃຊ້ທຶນກູ້ຢືມ ຈາກ ADB, OPEC Fund, EIB, EU-AIF, GEF ແລະ ລັດຖະບານລາວໃຫ້ກຽດເຂົ້າຮ່ວມໂດຍ ທ່ານ ງາມປະສົງ ເມືອງມະນີ ລັດຖະມົນຕີ ກະຊວງໂຍທາທິການ ແລະ ຂົນສົ່ງ,ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫຼວງວຽງຈັນ, ທ່ານ ຫົວໜ້າກົມ-ຮອງກົມ, ຫົວໜ້າພະແນກ, ຮອງພະແນກ, ຫົວໜ້າຂະແໜງ-ຮອງຂະແໜງ, ແລະ ຜູ້ໃຫ້ທຶນສາກົນ, ພາກສ່ວນບໍລິສັດຜູ້ຮັບເໝົາ ແລະ ຕາງໜ້າບໍລິສັດທີ່ປຶກສາ ກໍ່ໃຫ້ກຽດເຂົ້າຮ່ວມ.

ທ່ານ ຄຳພັນ ວັນທະນາ ຫົວໜ້າໂຄງການໄດ້ລາຍງານຜົນການກໍ່ສ້າງ ຈະໃຊ້ເວລາປະມານ 10 ເດືອນ, ຊຶ່ງໃນເບື້ອງຕົ້ນ ບໍລິສັດຮັບເໝົາ ຕ້ອງໄດ້ສຳຫຼວດຄືນພື້ນທີ່ ແລະ ຈຸດທີ່ຈະກໍ່ສ້າງ ແລ້ວອອກແບບລາຍລະອຽດການກໍ່ສ້າງ ເພື່ອນຳສະເໜີໂຄງການຮັບຮອງ ພາຍໃນ 60 ວັນ ຫຼັງຈາກເຊັນສັນຍາ.

ພາຍຫລັງໄດ້ຮັບຜົນສຳເລັດຂະບວນການປະມູນ ຈັດຫາເອົາຜູ້ຮັບເໝົາ ກໍ່ສ້າງ ແລະ ຕິດຕັ້ງໄຟສັນຍານຈະລາຈອນ ຕາມການເຫັນດີຂອງຜູ້ໃຫ້ທຶນ ກໍຄື ທະນາຄານພັດທະນາອາຊີ ໃນວັນທີ 05/01/2024 ໃນມູນຄ່າ 1.382.696,36 ໂດລາ ສຫລ (ລວມພາສີ-ອາກອນ);