Ministry News
Meeting or Ministry of Public Works and Transport XI
2022-08-23 - Administrator
ເພື່ອເປັນການຈັດຕັ້ງເຜີຍແຜ່ເຊື່ອມຊຶມ ມະຕິກອງປະຊຸມ
ຄົບຄະນະຂອງຄະນະບໍລິຫານງານສູນກາງພັກ
ຄັ້ງທີ4 ສະໄໝ ທີ XI ໃຫ້ມີຄວາມໝາຍຄວາມສຳຄັນ
ແລະ ມີເນື້ອໃນເລິກເຊິ່ງ ດັ່ງນັ້ນ, ກະຊວງໂຍທາທິການ ແລະ ຂົນສົ່ງ ຈຶ່ງໄດ້ ຈັດປາຖະກະຖາຂຶ້ນໃນວັນທີ 22 ສິງຫາ 2022 ທີ່
ຫ້ອງປະຊຸມໃຫຍ່ ກະຊວງ ຍທຂ, ໂດຍໃຫ້ກຽດປາຖະກະຖາໂດຍ
ທ່ານ ວຽງສະຫວັດ ສີພັນດອນ ກໍາມະການສູນກາງພັກ, ເລຂາຄະນະບໍລິຫານງານພັກກະຊວງ, ລັດຖະມົນຕີ
ກະຊວງ ຍທຂ;
ຊຶ່ງມີບັນດາຄະນະປະຈໍາພັກ, ກຳມະການພັກ, ຄະນະໜ່ວຍພັກຮາກຖານ, ຫົວໜ້າ, ຮອງຫົວໜ້າຫ້ອງການ,
ກົມ, ສະຖາບັນ, ກອງວິຊາການ, ຄະນະຄຸ້ມຄອງໂຄງການກໍ່ສ້າງທາລົດໄຟລາວຈີນ, ຜູ້ອຳນວຍການ,
ຮອງຜູ້ອຳນວຍ ລັດວິສາຫະກິດ; ຫົວໜ້າ, ຮອງຫົວໜ້າພະແນກ ຂອງຫ້ອງການ, ບັນດາກົມ, ສະຖາບັນ,
ກອງວິຊາການ ແລະ ທຽບເທົ່າ; ຄະນະບໍລິຫານງານສາມອົງການຈັດຕັ້ງມະຫາຊົນຂັ້ນກະຊວງເຂົ້າ
ຮ່ວມຮັບຟັງ.
ໃນການເຊື່ອມຊຶມເອກະສານມະຕິ ໃນຄັ້ງນີ້ປະກອບມີ
ດັ່ງນີ້: ກອງປະຊຸມໄດ້ປະເມີນສະພາບແວດລ້ອມຢູ່ພາກພື້ນ
ແລະ ສາກົນ. ໃນປັດຈຸບັນ ແລະ
ຄາດຄະເນທ່າຂະຫຍາຍໃນຕໍ່ໜ້າ, ຕີລາຄາຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ແລະ ແຜນເງິນຕາ ຕົ້ນປີ 2022 ຕິດພັນກັບຜົນການຈັດຕັ້ງປະຕິບັດ 2ວາລະແຫ່ງຊາດ, ສືບຕໍ່ຍູ້ແຮງການຈັດຕັ້ງປະຕິບັດມະຕິກອງປະຊຸມໃຫຍ່
ຄັ້ງທີ XI ຂອງພັກ ໃຫ້ປະກົດຜົນເປັນຈິງ,ຊຸກຍູ້ສົ່ງເສີມຜູ້ປະກອບການທຸລະກິດຂະໜາດນ້ອຍ, ຂະໜາດກາງ
ແລະ ຈຸນລະວິສາຫະກິດ ໃຫ້ມີຄວາມເຂັ້ມແຂງ, ເພີ່ມທະວີການພັດທະນາຊັບພະຍາກອນມະມຸດໃຫ້ມີຄຸນນະພາບສູງ, ປັບປຸງລະບົບການຈັດຕັ້ງກົງຈັກ ແລະ ກົນໄກ
ການເຄື່ອນໄຫວຂອງອົງການ
ບໍລິຫານລັດຕາມທິດເຂັ້ມແຂງ
ແລະ ມີປະສິດທິພາບ, ຄະນະບໍລິຫານງານສູນກາງພັກ ໄດ້ ຄົ້ນຄວ້າປຶກສາຫາລື ແລະ ໃຫ້ທິດຊີ້ນຳເບື້ອງຕົ້ນກ່ຽວກັບການ
ຄົ້ນຄວ້າທິດສະດີ ແລະ ສະຫຼຸບ
ພຶດຕິກຳ ໃຫ້ແກ່ການສ້າງປະຖົມປັດໄຈ ເພື່ອກ້າວຂຶ້ນສູ່ຈຸດໝາຍສັງຄົມນິຍົມ, ໃຫ້ທິດຊີ້ນຳກ່ຽວກັບການກະກຽມການດຳເນີນກອງປະຊຸມວຽກງານການເມືອງແນວຄິດທົ່ວປະເທດ
ຄັ້ງທີ V, ກອງປະຊຸມວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ, ແກ້ໄຂຄວາມທຸກຍາກ ແລະ ວຽກງານສາມສ້າງ, ກອງປະຊຸມ ສະຫຼຸບຂະບວນການແຂ່ງຂັນ ຮັກຊາດ ແລະ ພັດທະນາ, ວຽກງານຈຸດສຸມໃນການຊີ້ນຳນຳພາຂອງຕົນ
ແຕ່ນີ້ຫາກອງປະຊຸມ ຄົບຄະນະບໍລິຫານງານສູນກາງ
ພັກ ຄັ້ງທີ 5 ສະໄໝທີ XI. ທັງໝົດນັ້ນກໍເພື່ອ ໃຫ້ຄະນະພັກ, ສະມາຊິກພັກ,
ພະນັກງານລັດຖະກອນ ເຂົ້າໃຈເນື້ອໃນ,ເປັນເຈົ້າການຍົກສູງຄວາມຮັບຜິດຊອບການເມືອງ ໃນການປະຕິບັດມະຕິດັ່ງກ່າວໃຫ້ປະກົດຜົນເປັນຈິງ
ແລະ ທັນກຳນົດເວລາທີ່ສູນກາງພັກ
ກຳນົດໄວ້. ໃນວັນດຽວກັນ ທ່ານ ນາງ ວິໄລຄຳ ໂພສາລາດ ຄະນະປະຈໍາພັກ, ຮອງລັດຖະມົນຕີຍທຂ ໄດ້ເປັນກຽດປາຖະກະຖາ
ວັນເກີດປະທານ ສຸພານຸວົງ
ຄົບຮອບ 113 ປີ; ຊຶ່ງໄດ້ຍົກໃຫ້ເຫັນໂດຍຫຍໍ້ຜົນງານການ
ເຄື່ອນໄຫວປະຕິວັດ ຂອງ
ປະທານ ສຸພານຸວົງ, ປະທານ ສຸພານຸວົງ ເປັນແບບຢ່າງທີ່ດີການເຕົ້າໂຮມຄວາມສາມັກຄີ
ຂອງປະຊາຊົນ ບັນດາເຜົ່າ
ຕໍ່ສູ້ຕ້ານສັດຕູຜູ້ຮຸກຮານ ແລະ
ຄຸນງາມຄວາມດີຂອງປະທານ
ສຸພານຸວົງ.
