ກະຊວງ ຍທຂ ປາຖະກະຖາວັນສຳຄັນ ຂອງພັກ ຂອງຊາດ

    ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດກອງປະຊຸມປາຖະກະຖາຫວນຄືນມູນເຊື້ອວັນສຳຄັນຕ່າງໆຂອງພັກ ຂອງຊາດ ຂຶ້ນໃນວັນທີ 2 ກຸມພາ ຜ່ານມາທີ່ ກະຊວງ ຍທຂ, ໂດຍໃຫ້ກຽດປາຖະກະຖາ ໂດຍທ່ານ ວຽງສະຫວັດ ສີພັນດອນ ລັດຖະມົນຕີກະຊວງ ຍທຂ ຊຶ່ງມີພະນັກງານຫຼັກແຫຼ່ງອ້ອມຂ້າງກະຊວງເຂົ້າຮ່ວມ.

    ຈຸດປະສົງໃນການປາຖະກະຖາຄັ້ງນີ້ ເພື່ອເປັນການທົບທວນຫວນຄືນມູນເຊື້ອ  ແລະ ຄວາມໝາຍສຳຄັນຂອງວັນຊາດທີ 2 ທັນວາ, 46 ປີ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ  ແລະ ສືບຕໍ່ເສີມຂະຫຍາຍມູນເຊື້ອວັນຊາດທີ 2 ທັນວາ. ຊີວິດ ແລະ ການເຄື່ອນໄຫວປະຕິວັດຂອງ ປະທານ ໄກສອນ ພົມວິຫານ, ຜົນງານ ແລະ ຄຸນງາມຄວາມດີຂອງ ປະທານ ໄກສອນ ພົມວິຫານ, ເສີມຂະຫຍາຍ ແລະ ສືບທອດມໍລະດົກອັນລໍ້າຄ່າຂອງ ປະທານ ໄກສອນ ພົມວິຫານ ທີ່ໄດ້ສ້າງໄວ້. ຄວາມໝາຍ ຄວາມສຳຄັນຂອງທາງລົດໄຟ,ຄວາມເປັນມາຂອງໂຄງການກໍ່ສ້າງທາງລົດໄຟລາວ-ຈີນ, ຜົນສຳເລັດຂອງໂຄງການກໍ່ສ້າງທາງລົດໄຟ ລາວ-ຈີນ ແລະ  ຜົນໄດ້ຮັບຂອງໂຄງການກໍ່ສ້າງທາງລົດໄຟ ລາວ-ຈີນ.