ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ຮອງປະທານປະເທດ ແຫ່ງ ສປປ ລາວ ລົງຢ້ຽມຢາມ ແລະ ເຮັດວຽກຢູ່ພະແນກ ຍທຂ ນະຄອນຫຼວງວຽງຈັນ

ໃນວັນທີ່ 30 ມິຖຸນາ 2023 ນາງ ປາ​ນີ ຢາ​ທໍ່​ຕູ້ ກຳ​ມະ​ການ​ກົ​ມ​ການ​ເມືອງ​ສູນ​ກາງ​ພັກ, ຮອງ​ປະທານປະເທດ ແຫ່ງ ສ​ປ​ປ ລາວ ລົງຢ້ຽມຢາມ ແລະ ເຮັດວຽກຢູ່ພະແນກ ຍທຂ ນະຄອນຫຼວງວຽງຈັນ

ທ່ານ ສຸລິວັນ ພົມມະຫາໄຊ ກໍາມະການພັກ ນະຄອນຫຼວງວຽງຈັນ, ເລຂາຄະນະພັກຮາກຖານ ຫົວໜ້າ ພະແນກ ໂຍທາທິການ ແລະ ຂົນສົ່ງ ນະຄອນຫຼວງວຽງໄດ້ລາຍງານ ການຈັດຕັ້ງວຽກງານແລະຜັນຂະຫຍາຍເຂົ້າສູ່ພຶດຕິກຳຕົວຈິງ ແນ່ໃສ່ເຮັດໃຫ້ວຽກ​ງານໂຍທາ​ທິການ ​ແລະ ຂົນສົ່ງ ມີບາດກ້າວໃໝ່, ມີຜົນສໍາເລັດ ຕາມມະຕິ, ຄໍາສັ່ງ ຂອງຂັ້ນເທິງວາງອອກ
ເພື່ອແນ່ໃສ່ສ້າງເງື່ອນໄຂຮັບໃຊ້ພໍ່ແມ່ປະຊາຊົນໃຫ້ມີທ່າແຮງປະກອບສ່ວນເຂົ້າໃນການປົກປັກຮັກສາ ແລະ ພັດທະນາ ນະຄອນຫຼວງວຽງຈັນ ໃຫ້ກາຍເປັນເມືອງໜ້າຢູ່ ກ້າວໄປສູ່ປັດໃຈພື້ນຖານຕົວເມືອງທັນສະໄໝ ເຊິ່ງພະແນກ ຍທຂ ພວກເຮົາ ຈະເອົາໃຈໃສ່ຄຸ້ມຄອງ ແລະ ພັດທະນາກໍ່ສ້າງພື້ນຖານໂຄງລ່າງດ້ວຍການກໍ່ສ້າງ, ປັບປຸງ ແລະ ສ້ອມແປງຖະໜົນຫົນທາງ, ການກໍ່ສ້າງເຄຫາສະຖານ, ການຂົນສົ່ງມວນຊົນດ້ວຍລະບົບທັນສະໄໝເປັນມິດກັບສິ່ງແວດລ້ອມ, ຈັດສັນຄວາມເປັນລະບຽບຮຽບຮ້ອຍຕົວເມືອງ ຕິດພັນກັບການແກ້ໄຂການສັນຈອນແອອັດ ການສ້າງສະພາບແວດລ້ອມຕົວເມືອງໃນທຸກມິຕິ ເພື່ອເຮັດໃຫ້ຕົວເມືອງ ກາຍເປັນຕົວເມືອງໜ້າຢູ່ ຕາມມະຕິ ທີ່ຮັບຮອງ,

ທ່ານ ສຸລິວັນ ພົມມະຫາໄຊ ຍັງໄດ້ລາຍງານກ່ຽວກັບຮັບຜົນສໍາເລັດດັ່ງທີ່ກ່າວໄວ້ນັ້ນ ຂ້າພະເຈົ້າ ພ້ອມດ້ວຍຄະນະພັກ, ຄະນະພະແນກ ຈະສືບຕໍ່ເຕົ້າໂຮມຄວາມສາມັກຄີ ສະມາຊິກພັກ, ພະນັກງານ ລັດຖະກອນທັງໝົດ ພ້ອມກັນສຸມເຮືອເທແຮງ ສັງລວມທຸກຄວາມຮູ້ຄວາມສາມາດ ຈັດຕັ້ງປະຕິບັດ

ໜ້າທີ່ວຽກງານ ທີ່ຕົນຮັບຜິດຊອບໃຫ້ສໍາເລັດຕາມແຜນ ຖືກຕ້ອງສອ່ດຄ່ອງກັບລະບຽບການທີ່ກໍານົດໄວ້ ຢ່າງມີການຕິດຕາມ, ກວດກາ, ປະເມີນຜົນ ແລະ ລາຍງານ ຕໍ່ຂັ້ນເທິງເປັນປົກກະຕິ