ຂ່າວພາຍໃນກະຊວງ
ກອງປະຊຸມໃຫຍ່ສະມາຄົມສະຖາປະນິກ ແລະ ວິສະວະກອນກໍ່ສ້າງລາວ (ສສວ) ຄັ້ງທີ IV
![](/web/image/6866/ALACE%202.jpg?access_token=696440a4-d38b-4256-8ff4-ecde170ee288)
ກອງປະຊຸມໃຫຍ່ສະມາຄົມສະຖາປະນິກ
ແລະ ວິສະວະກອນກໍ່ສ້າງລາວ (ສສວ) ຄັ້ງທີ IV ໄດ້ຈັດຂຶ້ນວັນທີ 12 ພຶດສະພາ
2022 ທີ່ ໂຮງແຮມຄຣາວພລາຊາ ໂດຍການເປັນປະທານຂອງ ທ່ານ ວຽງສະຫວັດ ສີພັນດອນ
ລັດຖະມົນຕີກະຊວງໂຍທາທິການ ແລະ ຂົນສົ່ງ; ທ່ານ ສຈ ດຣ ບຸນເຫຼື່ອມ ສີສຸລາດ
ປະທານຄະນະປັບປຸງ ສສວ ແລະ ທ່ານ ພອນໄຊ ສຸດທິພົງ ປະທານ ສສວ ທັງເປັນຮອງປະທານຄະນະປັບປຸງ
ສສວ ພ້ອມດ້ວຍສະມາຊິກ ສສວ ແລະ ພາກສ່ວນກ່ຽວຂ້ອງເຂົ້າຮ່ວມ.![](/web/image/6867/ALACE%203.jpg?access_token=32e88bb0-c7f8-4303-b41e-62835b081b19)
![](/web/image/6868/ALACE%207.jpg?access_token=1c2884a3-a508-4db4-8dac-2e3d7240af97)
![](/web/image/6867/ALACE%203.jpg?access_token=32e88bb0-c7f8-4303-b41e-62835b081b19)
![](/web/image/6868/ALACE%207.jpg?access_token=1c2884a3-a508-4db4-8dac-2e3d7240af97)
ທ່ານ ພອນໄຊ ສຸດທິພົງ
ໄດ້ຂຶ້ນຜ່ານບົດລາຍງານການເຄື່ອນໄຫວປະຕິບັດວຽກງານຂອງສະມາຄົມ ສສວ ວ່າ:ມາຮອດປັດຈຸບັນ
ສສວ ມີສະມາຊິກທັງໝົດ 1.781 ຄົນ, ໂດຍ ສສວ ໄດ້ສືບຕໍ່ແລກປ່ຽນຂໍ້ມູນຂ່າວສານທາງວິຊາສະເພາະ,
ລະບຽບ ແລະ ບັນດານິຕິກຳ ທີ່ກ່ຽວຂ້ອງກັບວິຊາການ ການສົ່ງເສີມ ແລະ
ເປີດກວ້າງການແຂ່ງຂັນອອກແບບ ການສົ່ງນັກສຶກສາໄປຮ່ວມກິດຈະກຳກັບສະມາຄົມວິຊາຊີບ ແລະ
ອົງການຈັດຕັ້ງສາກົນຕ່າງໆຢ່າງເປັນປະຈຳ ແລະ ຕໍ່ເນື່ອງ.![](/web/image/6869/ALACE%204.jpg?access_token=87e9bf3f-0463-4b89-9b89-58b6782bf9c7)
![](/web/image/6869/ALACE%204.jpg?access_token=87e9bf3f-0463-4b89-9b89-58b6782bf9c7)
ໃນໄລຍະ 8 ປີຜ່ານມາ (2012-2021) ສສວ ໄດ້ມີບາດກ້າວຂະຫຍາຍຕົວຫຼາຍພໍສົມຄວນ ຄືການເຄື່ອນໄຫວວຽກງານຢູ່ທັງພາຍໃນ ແລະ ຕ່າງປະເທດ ຫຼື ເວທີສາກົນ, ເຊິ່ງ ສສວ ໄດ້ເຮັດໃຫ້ສັງຄົມທົ່ວໄປມີຄວາມສົນໃຈໃນພາລະບົດບາດຂອງ ສສວ ນັບມື້ນັບດີຂຶ້ນ ເຊິ່ງສະແດງໃຫ້ເຫັນໃນຫຼາຍວຽກງານ ຫຼື ໂຄງການສຳຄັນຂອງລັດຖະບານ, ນະຄອນຫຼວງວຽງຈັນ ຫຼື ເວົ້າສະເພາະຂອງກະຊວງໂຍທາທິການ ແລະ ຂົນສົ່ງ ແມ່ນໄດ້ໃຫ້ ສສວ ໄດ້ມີຄວາມຄິດຄວາມເຫັນຕໍ່ວຽກງານຄຸ້ມຄອງເຄຫາສະຖານ ແລະ ຜັງເມືອງ; ໂຄງການປັບປຸງບູລະນະອາຄານໂຄງການລົງທຶນຈາກນັກລົງທຶນທັງພາຍໃນ ແລະ ຕ່າງປະເທດ. ໂຄງການກໍ່ສ້າງສໍານັກງານຂອງລັດຈຳນວນໜຶ່ງ ຕະຫຼອດເຖິງໂຄງການປັບປຸງຕໍ່ເຕີມຫໍຄຳ ສຳນັກງານປະທານປະເທດ ແລະ ໂຄງການກໍ່ສ້າງຫໍສະພາຫຼັງໃໝ່ ທີ່ເປັນໂຄງການລະດັບຊາດ ເຊິ່ງຜົນສຳເລັດດັ່ງກ່າວໄດ້ຕີລາຄາເປັນຜົນສຳເລັດໃນດ້ານໜຶ່ງທີ່ຍາດມາໄດ້.
ໃນກອງປະຊຸມຄັ້ງນີ້
ໄດ້ປ່ອນບັດຄັດເລືອກເອົາຄະນະບໍລິຫານງານຊຸດໃໝ່ ລົງສະໝັກ 24 ສະຫາຍ
ເລືອກເອົາ 19 ສະຫາຍ ໃນນັ້ນ ເຫັນດີເປັນເອກກະພາບເລືອກເອົາທ່ານ ວົງໄພ
ບຸນມະນີ ເປັນປະທານສະມາຄົມສະຖາປະນິກ ແລະ ວິສະວະກອນກໍ່ສ້າງລາວຜູ້ໃໝ່.