ກະຊວງໂຍທາທິການ ແລະ ຂົນສົ່ງ ປາຖະກະຖາວັນສ້າງຕັ້ັ້ງພັກປະຊາຊົນປະຕິວັດລາວ ຄົບຮອບ 67 ປີ

ກະຊວງໂຍທາທິການ ແລະ ຂົນສົ່ງ ໄດ້ຈັດກອງປະຊຸມປາຖະກະຖາວັນສ້າງຕັ້ັ້ງພັກປະຊາຊົນປະຕິວັດລາວ ຄົບຮອບ 67 ປີ ຂຶ້ນໃນວັນທີ 1 ເມສາ 2022 ທີ່ຫ້ອງປະຊຸມໃຫຍ່ ກະຊວງ ຍທຂ, ໂດຍໃຫ້ກຽດເປັນປະທ່ານ ແລະ ປາຖະກະຖາ ໂດຍສະຫາຍ ວຽງສະຫວັດ ສີພັນດອນ ກຳມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງ ຍທຂ; ມີບັນດາສະຫາຍ ຄະນະປະຈໍາພັກກະຊວງ, ບັນດາສະຫາຍ ກໍາມະການພັກກະຊວງ, ຄະນະໜ່ວຍພັກຮາກຖາານ, ຜູ້ຊ່ວຍລັດຖະມົນຕີ, ຫົວໜ້າ, ຮອງຫົວໜ້າຫ້ອງການ, ກົມ, ສະຖາບັນ, ກອງວິຊາການ, ຄະນະຄຸ້ມຄອງໂຄງການກໍ່ສ້າງທາງລົດໄຟລາວ-ຈີນ, ຜູ້ອຳນວຍການ, ຮອງຜູ້ອຳນວຍການລັດວິາຫະກິດ, ຫົວໜ້າພະແນກ ຂອງບັນດາກົມ ແລະ ທຽບເທົ່າ ແລະ ຄະນະບໍລິຫານງານສາມອົງການຈັດຕັ້ງມະຫາຊົນຂັ້ນກະຊວງ ເຂົ້າຮ່ວມ.

ກອງປະຊຸມປາຖະກະຖາຄັ້ງນີ້ ເພື່ອເປັນການທົບທວນຫວນຄືນມູນເຊື້ອ  ແລະ ຄວາມໝາຍສຳຄັນຂອງສ້າງຕັ້ັ້ງພັກປະຊາຊົນປະຕິວັດລາວ ຄົບຮອບ 67 ປີ, 22 ມີນາ 1955 - 22 ມີນາ 2022; ຊຶ່ງສະຫາຍ ທ່ານ ວຽງສະຫວັດ ສີພັນດອນ ໄດ້ຍົກໃຫ້ເຫັນຄວາມໝາຍ ແລະ ຄວາມສໍາຄັນວ່າ: ການກໍາເນີດຂອງ ພັກປະຊາຊົນ ປະຕິວັດລາວ 67 ປີແຫ່ງການຊີ້ນຳ-ນຳພາຂອງພັກປະຊາຊົນ ປະຕິວັດລາວ ແລະ ເສີມຂະຫຍາຍມູນເຊື້ອທາດແທ້ຂອງພັກປະຊາຊົນປະຕິວັດລາວ. ທັງໝົດນັ້ນ ກໍ່ເພື່ອໃຫ້ພະນັກງານ-ລັດຖະກອນ ຮັບຮູ້ກຳແໜ້ນທາດແທ້ການນຳພາຂອງພັກປະຊາຊົນ ປະຕິວັດລາວ ຕະຫຼອດໄລຍະ 67 ປີ.