ຂ່າວພາຍໃນກະຊວງ
ກະຊວງ ຍທຂ ປະຊຸມປຶກສາຫາລືຍົກລະດັບພື້ນຖານ ໂຄງລ່າງ
ໃນວັນທີ 19 ກັນຍາ 2012 ຢູ່ທີ່ຫ້ອງປະຊຸມເບີ 1 ໄດ້ຈັດກອງປະຊຸມປຶກສາຫາລືຍົກລະດັບພື້ນຖານໂຄງລ່າງ ປະຈຳປີ 2012 ຂື້ນ. ໂດບການເປັນປະທານຂອງທ່ານ ສົມມາດ ພົລເສນາ ລັດຖະມົນຕີວ່າການກະຊວງ ຍທຂ ມີບັນດາອົງການຈັດຕັ້ງສາກົນຜູ້ໃຫ້ທຶນ ແລະມີບັນດາພະນັກງານ, ວິຊາການຂັ້ນສູງຈາກບັນດາກົມທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນການຈັດຕັ້ງປະຕິບັດວຽກງານທີ່ຜ່ານມາ ໂດຍສະເພາະແມ່ນ ຂະແໜງການກໍ່ສ້າງຖະໜົນຫົນທາງ ໂດຍແມ່ນ ກົມຂົວທາງເປັນຜູ້ຮັບຜິເຊອບ, ຂະແໜງການຂົນສົ່ງ ແລະບໍລິການທາງບົກ, ນ້ຳ ແລະທາງອາກາດ ແມ່ນກົມຂົນສົ່ງເປັນຜູ້ຮັບຜິດຊອບ, ຂະແໜງການກໍ່ສ້າງເຄຫາສະຖານ ແລະນ້ຳປະປາ ແມ່ນກົມເຄຫາ-ຜັງເມືອງເປັນຜູ້ຮັບຜິດຊອບ. ເຫັນໄດ້ວ່າງົບປະມານຂອງລັດບໍ່ພຽງພໍກັບຄວາມຮຽກຮ້ອງຕ້ອງການໃນການພັດທະນາພື້ນຖານໂຄງລ່າງ. ສະນັ້ນ, ກົມແຜນການ ແລະການຮ່ວມມື ຂອງກະຊວງ ຍທຂ ຈຶ່ງຈຳເປັນຕ້ອງໄດ້ສຸ່ມໃສ່ການປຸກລະດົມຂົນຂວາຍທຶນຮອນທາງພາຍໃນ ແລະຕ່າງປະເທດ ເພື່ອມາພັດທະນາພື້ນຖານໂຄງລ່າງໃນຂະແໜງຂອງຕົນ. ໂດຍສະເພາະແມ່ນຈະຕ້ອງໄດ້ສະໜັບສະໜູນທາງດ້ານເຕັກນິກວີຊາການ ລວມໄປເຖີງຂອດການປະສານງານບູລະນະປັບປຸງພື້ນຖານໂຄງລ່າງທີ່ມີຢູ່ແລ້ວໃຫ້ດີຂຶ້ນ ຊຸກຍູ້ໃຫ້ຫົວໜ່ວຍທຸລະກິດພາຍໃນປະເທດມີສ່ວນຮ່ວມຫຼາຍຂື້ນ ເພື່ອແນ່ໃສ່ການພັດທະນາແບບຍືນຍົງ.
ໃນກອງປະຊຸມປຶກສາຫາລືຍົກລະດັບການພັດທະນາພື້ນຖານໂຄງລ່າງໃນຄັ້ງນີ້ ໄດ້ມີການສະຫຼູບຕີລາຄາການຈັດຕັ້ງປະຕິບັດວຽກງານທີ່ຜ່ານມາ ແລະໄດ້ກຳນົດທິດທາງແຜນການພັດທະນາໃນ ຕໍ່ໜ້າຢ່າງຈະແຈ້ງ ແນ່ໃສ່ເພື່ອເຮັດໃຫ້ຜູ້ຕາງໜ້າຈາກອົງການຈັດຕັ້ງສາກົນຕ່າງໆ ໄດ້ເຂົ້າໃຈ ແລະສຶບຕໍ່ສະໜັບສະໜູນຕື່ມອີກ