ຂ່າວພາຍໃນກະຊວງ
ກອງປະຊຸມໃຫຍ່ໜ່ວຍຊາວໜຸ່ມຮາກຖານ ລວຄ
ໃນຕອນບ່າຍຂອງວັນທີ 28 ສິງຫາ 2012 ຢູ່ທີ່ຫ້ອງປະຊຸມໃຫ່ຍບໍລິສັດລັດວິສະຫະກິດ ວິສະວະກໍາ ຄົມມະນາຄົມ ໄດ້ຈັດກອງປະຊຸມໃຫຍ່ຂອງໜ່ວຍ ຊາວໜຸ່ມຂອງຖານ ຄັ້ງທີ X ຂອງຕົນຂື້ນຢ່າງເປັນທາງການ. ໃຫ້ກຽດເປັນປະທານໂດຍທ່ານ ບຸນຈັນສິນລາດສະວົງ, ກໍາມະການສູນກາງຊາວໜຸ່ມ, ເລຂາ ຄະນະບໍລິຫານງານຊາວໜຸ່ມກະຊວງ ຍທຂ.ມີທ່ານແສງທະວີໃສມະລີວັນ, ເລຂາຄະນະພັກຮາກຖານ,ຜູ້ອໍານວຍການ ລັດວິສະຫະກິດວິສະວະກໍາ ຄົມມະ ນາຄົມພ້ອມດວ້ຍຄະນະພັກ, ຕ່າງໜ້າແມ່ຍິງ, ຕ່າງ ໜ້າກໍາມະບານ ແລະສະມາຊິກຊາວໜຸ່ມ ສປປລາວ ຈາກລວຄ ເຂົ້າຮ່ວມຢ່າງພ້ອມພຽງ.
ການຈັດກອງປະຊຸມໃນຄັ້ງນີ້ແມ່ນເພື່ອເປັນການ ສະຫຼຸບຜົນງານການເຄື່ອນໄຫວຂອງໜ່ວຍຊາວໜຸ່ມຮາກຖານລວຄຄັ້ງທີ IX (2010-2012) ແລະຜ່ານທິດທາງແຜນການ 2013-2015. ໃນກອງປະຊຸມຄັ້ງນີ້ ຍັງໄດ້ມີການເລືອກຕັ້ງຄະນະຊາວໜຸ່ມຊຸດໃໝ່, ມອບໃບຢັ້ງຢືນໃຫ້ຊາວໜຸ່ມຜູ້ອາວຸໂສທີ່ໄດ້ຮັບອານຸຍາດໃຫ້ອອກພັກຜ່ອນຍ້ອນອາຍຸກະສຽນ, ຜ່ານຂັ້ນຕອນການເລືອກຕັ້ງໃນຄັ້ງນີ້ ກໍໄດ້ ຄະນະຊາວໝຸ່ມຊຸດໃໝ່ 3 ສະຫາຍດັ່ງນີ້: ສະຫາຍນສິນນະຄອນອິນທະວົງ, ສະຫາຍສີສຸພັນ ເຄນສຸລິນ ແລະສະຫາຍສຸວິຄານຫານປະສິດ. ທັງສາມສະຫາຍນີ້ຈະເປັນຜູ້ສືບຕໍ່ນໍາພາການເຄື່ອນໄຫວວຽກງານ ຂອງຊາວໝຸ່ມໃນ ລວຄ ຕາມທີ່ອົງການຈັດຕັ້ງໄດ້ມອບໝາຍໃຫ້.
ຈາກນັ້ນ, ໃນຕອນທ້າຍຂອງກອງປະຊຸມ ທ່ານບຸນຈັນ ສິນລາດຊະວົງ,ກໍາມະການສູນກາງຊາວໜຸ່ມ, ເລຂາຄະນະບໍລິຫານງານຊາວໜຸ່ມກະຊວງ ຍທຂ ໃນນາມຄະນະປະທານກອງປະຊຸມ ກໍ່ໄດ້ໃຫ້ທິດຊີ້ນໍາຕໍ່ກອງປະຊຸມ ໂດຍທ່ານໄດ້ເນັ້ນໃຫ້ສະມາຊິກຊາວໜຸ່ມທຸກຄົນ ຕ້ອງເອົາໃຈໃສ່ສຶບຕໍ່ປະຕິບັດ ແລະຮັກສາຜົນງານອັນດີເດັ່ນຂອງຊາວໜຸ່ມປະຊາຊົນປະຕິວັດລາວໄວ້ຕະຫຼອດໄປ, ສ້າງອົງການຈັດຕັ້ງໃຫ້ເຂັ້ມແຂງ-ຮູ້ນໍາພາຮອບດ້ານ, ຈັດຕັ້ງປະຕິບັດແຜນການຕໍ່ໜ້າ ແລະຈຸດໝາຍສູ້ຊົນໃຫ້ສໍາເລັດຕາມຂໍ້ແຂ່ງຂັນ 4 ບຸກຂອງ ສປປລາວ ເປັນຕົ້ນແມ່ນ ບຸກທາງດ້ານແນວຄິດ, ຍົກສູງສະຕິເຊື່ອໜັ້ນຕໍ່ການນໍາພາຂອງພັກ ປະຊາຊົນປະຕິວັດລາວ, ບຸກທາງດ້ານແບບແຜນວິທີການເຮັດວຽກ ໃນຂົງເຂດຂະແໜງການຂອງຕົນໃຫ້ມີປະສິດທິພາບ. ບຸກທາງດ້ານການປັບປຸງການຈັດຕັ້ງຂັ້ນຈຸໜ່ວຍ. ໃນຕອນທ້າຍທ່ານຍັງຮຽກຮ້ອງໃຫ້ເລຂາຊາວໜຸ່ມລວຄກໍຄືສະຫາຍສະມາຊິກຊາວໜຸ່ມທຸກສະຫາຍໃຫ້ພ້ອມກັນບືນຕົວກ້າວຂຶ້ນ ເພື່ອສ້າງຂະບວນການ ແລະສາມາດຄັດເລືອກໄດ້ສະມາຊິກຕົວແບບຜູ້ທີ່ມີຜົນງານດີເດັ່ນ ແລະສາມາດເປັນແບບຢ່າງທີ່ດີໃຫ້ມະຫາຊາວໜຸ່ມທົ່ວໄປ, ກອງປະຊຸມດັ່ງກ່າວໄດ້ປິດລົງດວ້ຍຜົນສໍາເລັດອັນຈົບງາມ.
