ການປັງປຸງ ແລະ ພັດທະນາສະໝາມບິນສາກົນ ຫຼວງພະບາງ ໃນຮູບແບບການລົງທຶນຮ່ວມ ລະຫວ່າງ ພາກລັດ ແລະ ເອກະຊົນ

ກະຊວງໂຍທາທິການ ແລະ ຂົນສົ່ງ ໄດ້ຮັບການຍື່ນເອກະສານດ້ານຄຸນວຸດທິເບື້ອງຕົ້ນ 8 ບໍລິສັດ ສຳລັບໂຄງການປັງປຸງ ແລະ ພັດທະນາສະໝາມບິນສາກົນ ຫຼວງພະບາງ ໃນຮູບແບບການລົງທຶນຮ່ວມ ລະຫວ່າງ ພາກລັດ ແລະ ເອກະຊົນ (PPP) 

ບັນດາ 8 ບໍລິສັດທີ່ໄດ້ຍື່ນເອກະສານດ້ານຄຸນວຸດທິເບື້ອງຕົ້ນ ຕາມບັນດາມາດຖານ ແລະ ເງື່ອນໄຂຕ່າງໆ ທີ່ໄດ້ລະບຸໄວ້ໃນເອກະສານດ້ານຄຸນວຸດທິເບື້ອງຕົ້ນ (RFQ)ປະກອບມີ.

ທ່ານ ນາງ ວັນ ດີລະພັນ, ຫົວໜ້າກົມແຜນການ ແລະ ການເງິນ, ກະຊວງ ໂຍທາທິການ ແລະ ຂົນສົ່ງ ໄດ້ກ່າວວ່າ “ກະຊວງໂຍທາທິການ ແລະ ຂົນສົ່ງ ຈະດໍາເນິນການພິຈາລະນາ ເອກະສານດ້ານຄຸນວຸດທິເບື້ອງຕົ້ນທັງໝົດທີ່ໄດ້ຮັບຢ່າງລະອຽດ. ຈາກນັ້ນ, ກະຊວງ ຍທຂ ຈະປະກາດ ຜົນຂອງບັນດາຜູ້ປະມູນ ທີ່ຄົບຕາມມາດຖານ ແລະ ເງື່ອນໄຂ ດ້ານຄຸນວຸດທິທີ່ກຳນົດໄວ້ ເພື່ອເຂົ້າຮ່ວມຂະບວນການປະມູນ ໂຄງການດັ່ງກ່າວໃນຂັ້ນຍື່ນເອກະສານສະເໜີດ້ານເຕັກນິກ ແລະ ການເງິນ. ນີ້ແມ່ນບາດກ້າວສຳຄັນໜຶ່ງ ທີ່ຫຍັບເຂົ້າໃກ້ການພັດທະນາ ແລະ ຍົກລະດັບ ສະໜາມບິນສາກົນທີ່ມີຖ້ຽວບິນຫຼາຍທີ່ສຸດເປັນອັນດັບທີສອງ ຂອງ ສປປ ລາວ ທີ່ເປັນຈຸດໝາຍປາຍທາງດ້ານການທ່ອງທ່ຽວ. ພາຍໃຕ້ໂຄງການການລົງທຶນຮ່ວມ ລະຫວ່າງ ພາກລັດ ແລະ ເອກະຊົນ (PPP) ທີ່ພວກເຮົາຄາດວ່າ ຈະເປັນແຮງກະຕຸ້ນທີ່ສຳຄັນ ສຳລັບ ການພັດທະນາພື້ນຖານໂຄງລ່າງແຫ່ງຊາດ.”