ກະຊວງ ຍທຂ ສະຫຼຸບຕີລາຄາການປະຕິບັດ ວຽກງານກວດກາ ປະຈຳປີ 2022 ແລະ ວາງທິດທາງປີ 2023

ໃນກອງປະຊຸມ ສະຫາຍ ທອງປານ ອິນທະຈັກ ຫົວໜ້າພະແນກກວດກາພັກ, ກົມກວດກາ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານຕິດຕາມ, ກວດກາ, ວຽກງານກວດສອບ, ວຽກງານສະກັດກັ້ນ-ຕ້ານການສໍ້ລາດບັງຫຼວງ ແລະ ວຽກງານແກ້ໄຂຄຳຮ້ອງ-ຄໍາສະເໜີ ໃນໄລຍະ 1 ປີທີ່ຜ່ານມາ ເຫັນໄດ້ວ່າຄະນະພັກ-ຄະນະນໍາກະຊວງໂຍທາທິການ ແລະ ຂົນສົ່ງ ໄດ້ເອົາໃຈໃສ່ນໍາພາ-ຊີ້ນຳ ໃນການການເຄື່ອນໄຫວຈັດຕັ້ງປະຕິບັດຕົວຈິງ ຢ່າງໃກ້ຊິດ ແລະ ເປັນປົກກະຕິ ອັນໄດ້ມີຜົນສຳເລັດຫຼາຍດ້ານ ເຊິ່ງສະແດງອອກບາງວຽກງານທີ່ພົ້ນເດັ່ນເຊັ່ນ: ໄດ້ນໍາພາ-ຊີ້ນໍາກົມກວດກາ, ບັນດາຂະແໜງການກວດກາແຕ່ລະຂັ້ນ ເຄື່ອນໄຫວຕາມພາລະບົດບາດ, ໜ້າທີ່, ຂອບເຂດສິດຂອງຕົນຢ່າງເຕັມສ່ວນ, ເປັນຕົ້ນໄດ້ເຄື່ອນໄຫວຕິດຕາມ, ກວດກາການຈັດຕັ້ງປະຕິບັດພາລະບົດບາດຂອງຄະນະພັກແຕ່ລະຂັ້ນ, ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ການຈັດຕັ້ງປະຕິບັດ 2 ວາລະແຫ່ງຊາດ ແລະ ການປະຕິ ບັດຂໍ້ແຂ່ງຂັນຮັກຊາດ-ພັດທະນາ ທີ່ຕິດພັນກັບວຍກງານວິຊາສະເພາະຢູ່ໃນແຕ່ລະຂະແໜງການ; ວຽກງານຕິດຕາມ, ກວດກາການບໍລິຫານລັດແມ່ນໄດ້ສຸມໃສ່ນໍາພາ-ຊີ້ນໍາການຕິດຕາມ, ກວດກາ ການປະຕິບັດກົດໝາຍ ແລະ ລະບຽບການຕ່າງໆຂອງລັດ ກໍ່ຄືຂອງກະຊວງວາງອອກ ທັງໝົດ 26 ພາກສ່ວນ, ໃນນີ້ຕິດຕາມ, ກວດກາປົກກະຕິມີ 16 ພາກ ສ່ວນ, ກວດກາໂຄງການເລີ່ມແຕ່ຫົວທີ 11 ໂຄງການ, ກວດກາຕາມຄໍາສັ່ງ 13 ເປົ້າໝາຍ, ຕິດຕາມຊຸກຍູ້ແກ້ໄຂບັນຫາຂໍ້ຄົງຄ້າງຜົນການກວດສອບ 12 ພາກສ່ວນ, ໃນນັ້ນ ລັດບໍລິຫານ 7 ພາກສ່ວນ, ລັດວິສາຫະກິດ 5 ພາກສ່ວນ; ຕິດ ຕາມ, ກວດກາ, ຊຸກຍູ້ການແກ້ໄຂຜົນຂອງການກວດກາ ຕາມຜົນການກວດສອບ 7 ພາກສ່ວນ; ແກ້ໄຂຜົນການກວດກາມີ 2 ພາກສ່ວນ ແລະ ວຽກງານອື່ນໆອີກຫຼາຍດ້ານ. ໂອກາດນີ້ຜູ້ເຂົ້າຮ່ວມກອງປະຊຸມຍັງໄດ້ຜັດປ່ຽນກັນປະກອບຄຳເຫັນ ຕໍ່ບົດສະຫຼຸບຜົນການຈັດຕັ້ງປະຕິບັດວຽກງານປະຈຳປີ 2022 ແລະ ທິດທາງແຜນການປະຈໍາປີ 2023 ເພື່ອເຮັດໃຫ້ແບບແຜນການ ຈັດຕັ້ງປະຕິບັດໃນຕໍ່ໜ້າສອດຄ່ອງກັບສະພາບຕົວຈິງ ແລະ ມີປະສິດທິຜົນສູງ ກ່ວາເກົ່າ. ຕອນທ້າຍ ສະຫາຍ ໄຊສົມຄາມ ມະໂນທັມ ຍັງໄດ້ໃຫ້ກຽດເຜີຍແຜ່ເຊື່ອມຊຶມຄຳສັ່ງແນະນຳ ຂອງຄະນະບໍລິຫານງານພັກກະຊວງ ໂຍທາທິການ ແລະ ຂົນສົ່ງ ສະບັບເລກທີ 01/ຄພກຊ, ລົງວັນທີ 03 ມັງກອນ 2023, ກ່ຽວກັບການເພີ່ມທະວີການນຳພາ-ຊີ້ນຳ ຕໍ່ການເຄື່ອນໄຫວວຽກງານກວດກາ ແລະ ການແກ້ໄຂຜົນການກວດກາ ພ້ອມທັງມີຄໍາເຫັນຊີ້ນຳຕໍ່ກອງປະຊຸມ. ເຊິ່ງກອງປະຊຸມຄັ້ງນີ້ແມ່ນໄດ້ດຳເນີນໄປເປັນເວລາ 01 ວັນ.