ຂ່າວພາຍໃນກະຊວງ
ພິທີເຊັນສັນຍາໂຄງການຕົວແບບໄລຍະ 2
ໃນວັນທີ 12 ທັນວາ 2022 ໄດ້ມີພິທີເຊັນສັນຍາໂຄງການຕົວແບບໄລຍະ
2 (ໂຄງການຂະຫຍາຍລະບົບຕາຂ່າຍສາຍທໍ່ສົ່ງນ້ຳ)ພາຍໃຕ້ຂອງໂຄງການ
MaWaSU2 ໂດຍມີທ່ານຫົວໜ້າກົມນໍ້າປະປາ
ຕ່າງໜ້າໃຫ້ ກະຊວງ ໂຍທາທິການ ແລະ ຂົນສົ່ງ, ຮອງກົມນ້ຳປະປາ,ຮອງພະແນກ ໂຍທາທິການ ແລະ
ຂົນສົ່ງ 3 ແຂວງ, ແລະ ບັນດາຜູ້ໃຫ້ທືນກໍ່ເຂົ້າຮ່ວມ
1) ໂຄງການຂະຫຍາຍສາຍທໍ່ແຈກຈ່າຍນໍ້າປະປາ ເຂດພື້ນທີ່ບໍລິການ ບ້ານນາຕາກ ແລະ ບ້ານນາຕໍໃຫຍ່ ເມືອງໄຊຍະບູລີ ແຂວງໄຊຍະບູລີ;
ເພື່ອໃຫ້ບັນລຸຜົນສໍາລັບ
ປະກອບສ່ວນເຂົ້າໃນການປັບປຸງສະພາບແວດລ້ອມ ຊີວິດການເປັນຢູ່ຂອງປະຊາຊົນດ້ວຍການສະໜອງນໍ້າປະປາທີ່ມີຄວາມປອດໄພ
ແລະ ມີສະຖຽນລະພາບ, ໂດຍຜ່ານການ ເພີ່ມອັດຕາປົກຄຸມພຶ້ນທີ່ບໍລິການ
ໃນເຂດເທດສະບານເມືອງໄດ້ 78% ໃນປັດຈຸບັນ ຄາດຄະເນປີ 2023 ເພີ່ມຂຶ້ນ 80% ແລະ ຕາມຄາດໝາຍສູ້ຊົນຂອງແຜນພັດທະນາ
ເສດຖະກິດ-ສັງຄົມ 5 ປີ ຂອງແຂວງໄຊຍະບູລີ ໃຫ້ໄດ້ 90% ຂອງປະຊາກອນໃນຕົວເມືອງຮອດປີ 2030 ແລະ
ຈັດຕັ້ງປະຕິບັດ 3S ໃຫ້ປະກົດຜົນເປັນຈິງ.
2) ໂຄງການຂະຫຍາຍສາຍທໍ່ແຈກຈ່າຍນໍ້າປະປາ ເຂດພື້ນທີ່ບໍລິການ 04 ບ້ານ ເທດສະບານເມືອງໃໝ່ ແຂວງຜົ້ງສາລີ;
ເພື່ອຫຼຸດຜ່ອນຄວາມທຸກຍາກ ຂອງພໍ່ແມ່ປະຊາຊົນ ດ້ວຍການສະໜອງນໍ້າໃຊ້ທີ່ສະອາດ ແລະ
ປອດໄພ ໃຫ້ປະຊາຊົນ ໃນເທດສະບານ ເມືອງໃໝ່ ໄດ້ເພີ່ມຂື້ນ 18%,
ເພີ່ມບໍລິມາດນໍ້າຈໍາໜ່າຍຢ່າງພຽງພໍ ແລະ ແຮງດັນທີ່ເໝາະສົມ ແລະ
ໄດ້ມີການຈັດຕັ້ງ ລະບົບການກວດກາຄຸນນະພາບນໍ້າ
ໃນເຂດພື້ນທີ່ບໍລິການເທດສະບານເມືອງໃໝ່.
3) ໂຄງການຂະຫຍາຍສາຍທໍ່ ເຂດພື້ນທີ່ບໍລິການ 06 ບ້ານ ເມືອງຄູນ ແຂວງຊຽງຂວາງ.
ບັນລຸສໍາເລັດໃນການເພີ່ມພື້ນທີ່ບໍລິການນໍ້າປະປາ
ຈາກ 08 ບ້ານ ມາເປັນ 14 ບ້ານ, ອັດຕາສ່ວນປົກຄຸມພື້ນທີ່ບໍລິການກໍ່ເພີ່ມຂື້ນເຕີ່ມເປັນ 98.43%, ພ້ອມທັງຕິດຕັ້ງໝໍ້ແທກນໍ້າເຂົ້າຄົວເຮືອນ ໃຫ້ໄດ້ 60% ຂອງຈໍານວນປະຊາກອນທີຕ້ອງການຊົມໃຊ້ນໍ້າສະອາດ ໃນ 06 ບ້ານ ເປົ້າໝາຍ
ພາຍຫຼັງສຳເລັດໂຄງການໄລຍະ 01 ປີ. ນອກຈາກນັ້ນຍັງຈະໄດ້ຈັດກິດຈະກໍາຫ້ອງຮຽນນໍ້າປະປາ ແລະ
ວຽກງານກວດກາຄຸນນະພາບນໍ້າ, ປະກອບສ່ວນເຂົ້າໃນການປັບປຸງຊີວິດການເປັນຢູ່ ຂອງປະຊົນ
ດ້ວຍການສະໜອງນໍ້າທີ່ມີຄວາມປອດໄພ ແລະ ມີສະຖຽນລະພາບ,
ໂດຍຜ່ານອັດຕາສ່ວນປົກຄຸມພື້ນທີ່ບໍລິການໃນເຂດເທດສະບານເມືອງ ແລະ ຈັດຕັ້ງປະຕິບັດ 3S ໃຫ້ປະກົດຜົນເປັນຈິງ ແລະ
ສຳເລັດໃນການຈັດຕັ້ງປະຕິບັດແຜນພັດທະນາວຽກງານນໍ້າປະປາ ຂອງຂະແໜງໂຍທາທິການ ແລະ ຂົນສົ່ງ
ແຂວງຊຽງຂວາງ"ສະໜອງນໍ້າໃຫ້ປະຊາຊົນໃນພື້ນທີ່ບໍລິການທີ່ມີຢູ່ແລ້ວ ຂອງເຂດເທດສະບານໃຫ້ໄດ້ 95% ໃນປີ 2025 ແລະ 98% ໃນປີ 2030". 