ກະຊວງ
ຍທຂ ໄດ້ດຳເນີນກອງປະຊຸມສາມັນຄົບຄະນະບໍລິຫານງານພັກກະຊວງ ໂຍທາທິການ ແລະ ຂົນສົ່ງ ຄັ້ງທີ 8, ສະໄໝທີ V ຂຶ້ນໃນວັນທີ 23 ມີຖຸນາ 2022,
ທີ່ຫ້ອງປະຊຸມໃຫຍ່ ກະຊວງ ຍທຂ ຢ່າງເປັນທາງການ ໂດຍການເປັນປະທານຂອງ ສະຫາຍ
ວຽງສະຫວັດ ສີພັນດອນ ກຳມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງ ໂຍທາທິການ ແລະ ຂົນສົ່ງ; ມີບັນດາສະຫາຍ ຮອງເລຂາ, ບັນດາສະຫາຍ
ຄະນະປະຈໍາພັກກະຊວງ ແລະ ບັນດາສະຫາຍ ກໍາມະການພັກກະຊວງ ເຂົ້າຮ່ວມ.
ກອງປະຊຸມສາມັນຄົບຄະນະບໍລິຫານງານພັກກະຊວງ ຍທຂ ຄັ້ງທີ 8,
ສະໄໝທີ V ເປັນກອງປະຊຸມທີ່ມີຄວາມ ໝາຍ, ຄວາມສໍາຄັນ ແລະ
ມີເນື້ອໃນເລີກເຊິ່ງ; ຊຶ່ງກອງປະຊຸມຈະໄດ້ພ້ອມກັນປຶກສາຫາລື, ສະຫຼຸບຕີລາຄາ ແລະ ປະກອບຄໍາເຫັນ
ຕໍ່ກັບຫຼາຍວຽກງານຂອງຂະແໜງ ຍທຂ ດັ່ງນີ້:
ເພື່ອຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນ ຂອງອົງຄະນະພັກກະຊວງ ໂຍທາທິການ
ແລະ ຂົນສົ່ງ ຄັ້ງທີ V ໃຫ້ບັນລຸຄາດໝາຍທີ່ກຳນົດໄວ້;
ເພື່ອປະຕິບັດແບບແຜນວິທີເຮັດວຽກ ຂອງຄະນະບໍລິຫານງານພັກກະຊວງ ໃຫ້ເຂັ້ມງວດ,
ເພີ້ມທະວິຄວາມສາມັກຄີ ເປັນເອກະພາບພາຍໃນພັກໃຫ້ໜັກແໜ້ນ,
ດຳເນີນຊິວິດການເມືອງພາຍໃນພັກເປັນປົກກະຕິ ເຮັດໃຫ້ຄະນະບໍລິຫານງານພັກກະຊວງ
ກາຍເປັນແກນນໍາໃນທຸກດ້ານ ແລະ ເຮັດໃຫ້ສຳເລັດທຸກໜ້າທີ່ການເມືອງ,
ກໍ່ຄືສູ້ຊົນຈັດຕັ້ງປະຕິບັດຄາດໝາຍແຕ່ລະດ້ານ ຂອງຂະແໜງການ ຍທຂ ໃຫ້ປະກົດຜົນເປັນຈິງ;
ແລະ ເພື່ອສ້າງເງື່ອນໄຂສະດວກ ໃຫ້ແກ່ການເຄື່ອນໄຫວນໍາພາ ໃຫ້ມີປະສິດທິຜົນ, ຕິດຕາມ,
ກວດກາການປະຕິບັດໜ້າທີ່ ຂອງຄະນະປະຈຳພັກ ແລະ ບັນດາສະຫາຍກຳມະການຄະນະພັກ,
ຕາມການມອບໝາຍແບ່ງຄວາມຮັບຜິດຊອບ. ພ້ອມກັນນີ້,
ກະຊວງ ຍທຂ ກໍ່ໄດ້ສຳເລັດການປາຖະກະຖາວັນສຳຄັນຂອງຊາດ-ຂອງພັກເຊັ່ນ: ວັນສ້າງຕັ້ງພັກປະຊາຊົນປະຕິວັດລາວຄົບຮອບ
67 ປີ, ປີສາມັກຄີມິດຕະພາບ ລາວ-ຫວຽດນາມ, ວັນສົນທິສັນຍາ-ການຮ່ວມມື ຄົບຮອບ 45 ປີ,
ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 60 ປີ. ນອກຈາກນີ້ກອງປະຊຸມຍັງໄດ້ຜ່ານບົດສະຫຼຸບຕີລາຄາການເຄື່ອນໄຫວນຳພາຂອງຄະນະບໍລິຫານງານພັກກະຊວງ
6
ເດືອນຕົ້ນປີ (1-6/2022) ແລະ ກໍານົດແຜນການ 6 ເດືອນຕໍ່ໜ້າ (7-12/2022); ສະຫຼຸບການເຄື່ອນໄຫວນໍາພາຂອງຄະນະປະຈຳພັກກະຊວງ 6 ເດືອນຕົ້ນປີ (1-6/2022) ແລະ ກຳນົດແຜນການ 6 ເດືອນຕໍ່ໜ້າ (7-12/2022); ສະຫຼຸບການຈັດຕັ້ງປະຕິບັດວຽກງານກວດກາ 6 ເດືອນຕົ້ນປີ (1-6/2022) ແລະ ກຳນົດແຜນການ 6 ເດືອນຕໍ່ໜ້າ (7-12/2022); ສະຫຼຸບຕີລາຄາການຈັດຕັ້ງປະຕິບັດແຜນພັດທະນາຂະແໜງ
ຍທຂ 6 ເດືອນຕົ້ນປີ 2022 ແລະ ກໍານົດແຜນການ 6 ເດືອນໃນຕໍ່ໜ້າ ແລະ ແຜນດັດແກ້ 6
ເດືອນທ້າຍປີ 2022 ແລະ ສະເໜີແຜນງົບປະມານ ປະຈໍາປີ 2023 ແລະ ສະຫຼຸບຕີລາຄາການຈັດຕັ້ງປະຕິບັດວຽກງານຂົນສົ່ງ
ໃນໄລຍະຜ່ານມາ
ແລະ ກຳນົດແຜນການໃນຕໍ່ໜ້າ.
ກອງປະຊຸມຄັ້ງນີ້, ມີເນື້ອໃນສຳຄັນຫຼາຍດ້ານ ດັ່ງທີ່ໄດ້ກ່າວມາຂ້າງເທິງນັ້ນ ດ້ວຍເວລາອັນເຄັ່ງຮ້ອນ ຈຶ່ງຮຽກຮ້ອງມາຍັງບັນດາສະຫາຍທັງໝົດທີ່ເຂົ້າຮ່ວມກອງປະຊຸມໃນຄັ້ງນີ້ຈະຕ້ອງພ້ອມກັນຕັດສິນໃຈສູງ, ເຊີດຊູ ແລະ ຍົກສູງຄວາມຮັບຜິດຊອບຂອງຕົນ, ພ້ອມກັນສຸມສະຕິປັນຍາເຂົ້າໃນການຄົ້ນຄວ້າ ແລະ ປະກອບຄໍາຄິດຄໍາເຫັນ
ຢ່າງກົງໄປກົງມາ ຖືກກັບສະພາບຕົວຈິງຂອງການເຄື່ອນໄຫວນຳພາຂອງຄະນະບໍລິຫານງານພັກກະຊວງ ຍທຂ
ເພື່ອຊອກໃຫ້ເຫັນດ້ານຕັ້ງໜ້າທີ່ ພົ້ນເດັ່ນ ແລະ ຂໍ້ຄົງຄ້າງ ທີ່ກະຊວງ ຍທຂ ຕ້ອງໄດ້ຄົ້ນຄວ້າປັບປຸງແກ້ໄຂໃນຕໍ່ໜ້າ.
ຢາກເຮັດໄດ້ແນວນັ້ນ
ກ່ອນອື່ນໝົດ ພາຍໃນຄະນະບໍລິຫານງານພັກ ກະຊວງ ຍທຂ
ຕ້ອງເປັນເອກະພາບກັນສູງທາງດ້ານທັດສະນະ ແລະ ຄວາມຮັບຮູ້
ຕໍ່ການຈັດຕັ້ງປະຕິບັດແນວທາງນະໂຍບາຍຂອງພັກ, ລະບຽບການ ແລະ
ກົດໝາຍຂອງລັດຢ່າງເຂັ້ມງວດ
ພ້ອມກັນຕັ້ງໜ້າແກ້ໄຂສິ່ງຫຍໍ້ທໍ້ທັງໝົດ ທີ່ເກີດຂຶ້ນຢູ່ໃນກະຊວງ ຂທຂ ໃຫ້ໝົດໄປເທື່ອລະກ້າວ, ຕ້ອງຕັ້ງໜ້າປະຕິບັດ
4 ບຸກທະລຸ ທີ່ພັກເຮົາກໍານົດໃຫ້ມີຜົນສໍາເລັດ, ທັງໝົດນັ້ນແມ່ນເພື່ອແນ່ໃສ່ເຮັດໃຫ້ກະຊວງ ຍທຂ ມີບາດກ້າວບຸກທະລຸໃໝ່ຮອບດ້ານ ແລະ ເຮັດໃຫ້ກອງປະຊຸມປະສົບຜົນສໍາເລັດ
ຕາມຈຸດປະສົງຄາດໝາຍ ທີ່ໄດ້ກໍານົດໄວ້ຢ່າງຈົບງາມ, ຕາມຄຳຂວັນຂອງຂະແໜງ ຍທຂ ທີ່ວ່າ: “ ພັດທະນາໂຍທາທິການ ແລະ ຂົນສົ່ງໃຫ້ເປັນປາຍແຫຼມ, ມີຈຸດສຸມ, ປະສິດທິຜົນສູງ, ທັນສະໄໝ, ປອດໄພ,
ມີຄວາມທົນທານຕໍ່ການປ່ຽນແປງດິນຟ້າອາກາດ, ເຊື່ອມໂຍງ-ເຊື່ອມຈອດ ແລະ ຍືນຍົງ.
