ຂ່າວພາຍໃນກະຊວງ
ກອງປະຊຸມສາມັນຄົບຄະນະພັກກະຊວງ ຍທຂ ຄັ້ງທີ 3 ສະໄໝທີ III
ໃນວັນທີ 25–26 ກໍລະກົດ2012 ຢູ່ທີ່ຫ້ອງປະຊຸມເບີ 1 ກະຊວງຍທຂ, ໄດ້ຈັດກອງປະຊຸມສາມັນຄົບຄະນະພັກກະຊວງ ຍທຂ ຄັ້ງທີ 3 ສະໄໝທີ III ເປີດກ້ວາງ, ໂດຍການເປັນປະທານຂອງທ່ານ ສົມມາດ ພົລເສນາ ກຳມະການສູນກາງພັກ, ເລຂາຄະນະພັກ, ລັດຖະມົນຕີວ່າການກະຊວງ ໂຍທາທິການ ແລະຂົນສົ່ງ ເປັນກຽດເຂົ້າຮ່ວມມີ ຜູ້ຕາງໜ້າຫ້ອງວ່າການສູນ ກາງພັກ, ຜູ້ຕາງໜ້າຄະນະກວດກສູນກາງພັກ ແລະຄະນະພັກກະຊວງ, ເລຂາ, ຮອງເລຂາ, ກຳມະການຄະນະພັກຮາກຖານ, ໜ່ວຍພັກຮາກຖານ, ເລຂາ, ຮອງເລຂາໜ່ວຍພັກທີ່ຂື້ນກັບຄະນະພັກຮາກຖານ, ຫົວໜ້າກົມ, ຮອງກົມ ຫຼືທຽບເທົ່າຂອງບັນດາກົມ, ຫ້ອງການ, ອົງການ, ສະຖາບັນ, ສະພາວິທະຍາສາດ ແລະເຕັກໂນໂລຊີ, ຫົວໜ້າ, ຮອງຫົວໜ້າກອງວິຊາການ, ສູນຝຶກ, ຫ້ອງການດັດສົມນ້ຳປະປາ,ຜູ້ອຳນວຍການ ພ້ອມຄະນະອຳນວຍການລັດວິສາຫະກິດອ້ອມຂ້າງກະຊວງ, ປະທານ, ຮອງປະທານ ຫຼືເລຂາ, ຮອງເລຂາສາມອົງການຈັດຕັ້ງມະຫາຊົນຂັ້ນກະຊວງ ເຂົ້າຮ່ວມທັງໝົດ 102 ສະຫາຍ.
ໃນທາມກາງບັນຍາກາດທີ່ທົ່ວພັກ, ທົ່ວປວງຊົນລາວບັນດາເຜົ່າ ພວມສຸ່ມໃສ່ຈັກຕັ້ງຜັນຂະຫບາຍມະຕິກອງປະຊຸມໃຫຍ່ ຄັ້ງທີ IX ຂອງພັກ, ສ້າງຜົນງານຂ່ຳນັບຮັບຕ້ອນວັນສຳຄັນຂອງພັກ, ຂອງຊາດຢ່າງເປັນຂະບວນຟົດຟີ້ນ ເປັນຕົ້ນ ວັນຄ້າຍວັນເກີດຂອງ ປະທານ ສຸພານຸວົງ ຜູ້ນຳທີ່ແສນເຄົາລົບຮັກ ຄົບຮອບ 103 ປີ, ວັນຢຶດອຳນາດ 23 ສີງຫາ, ວັນເຊັນສົນທິສັນຍາມິດຕະພາບ ແລະການຮ່ວມມື ລາວ-ຫວຽດນາມ, ໂດຍສະເພາະໃນທົ່ວອົງຄະນະພັກກະຊວງ ພວມສຸ່ມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງ. ກອງປະຊຸມໃນຄັ້ງນີ້ ສຸດທີ່ມີຄວາມໝາຍສຳຄັນ ເພາະວ່າຄະນະພັກຂອງພວກເຮົາ ຈະໄດ້ພ້ອມກັນຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງ ໃນ 6 ເດືອນຜ່ານມາ ແລະວາງທິດທາງແຜນການສຶບຕໍ່ສຳລັບ ທ້າຍສົກປີ 2012 ນີ້ ພ້ອມທັງພິຈາລະນາບັນຫາສຳຄັນຕ່າງໆ ເພື່ອສຶບຕໍ່ນຳເອົາເນື້ອໃນຈິດໃຈຂອງ 4 ບຸກທະລຸ ກໍຄືມະຕິກອງປະຊຸມໃຫຍ່ ຄັ້ງທີ IX ຂອງພັກ, ມະຕິກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງ ໄປຈັດຕັ້ງຜັນຂະຫຍາຍເຂົ້າໃນຊີວິດຕົວຈີງ ຂອງຂະແໜງໂຍທາທິການ ແລະຂົນສົ່ງ ໃຫ້ປະກົດຜົນເປັນຈີງ ແລະສຶບຕໍ່ນຳພາກະຊວງຂອງພວກເຮົາ ສຸ່ມໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງລັດ 5 ປີ ເທື່ອທີ VII ພ້ອມກັນສູ້ຊົນເຮັດໃຫ້ປະເທດຊາດຫຼຸດພົ້ນອອກຈາກຄວາມດ້ວຍພັດທະນາໃນປີ 2020.