ຂ່າວຕ່າງແຂວງ
ພິທີເຊັນສັນຍາ ໂຄງການກໍ່ສ້າງທາງຫຼວງແຫ່ງຊາດເລກ 6A(ທາງລ້ອງ-ສົບເບົາ), ແລະ 6B(ສົບເບົາ-ປ່າຮ່າງ)
ທີ່ແຂວງຫົວພັນ ວັນທີ 23/02/2014, ກະຊວງໂຍທາທິການ ແລະ ຂົນສົ່ງ ຮ່ວມກັບອໍານາດການປົກຄອງແຂວງຫົວພັນ, ຈັດຕັ້ງປະຕິບັດໂດຍ ກົມຂົວທາງ ແລະ ພະແນກ ຍທຂ ແຂວງຫົວພັນ ໄດ້ຈັດພິທີເຊັນສັນຍາຮັບເໝົາກໍ່ສ້າງ ເສັ້ນທາງຫລວງແຫ່ງຊາດ 6A ຫາງລ້ອງ ຫາ ສົບເບົາ ລວງຍາວ 60.62 ກມ ມູນຄ່າສັນຍາ 14,486,646 USD ແລະ ເຊັນສັນຍາຮັບເໝົາກໍ່ສ້າງ ເສັ້ນທາງຫລວງແຫ່ງຊາດ 6B ສົບເບົາ ຫາ ປ່າຮາງ ລວງຍາວ 26.1 ກມ + ຂົວນ້ຳມ່າ 200ແມັດ ມູນຄ່າສັນຍາ 9,530,315 USD
ເຂົ້າຮ່ວມເປັນສັກຂີພິຍານ, ທ່ານ ດຣ ພັນດວງຈິດ ວົງສາ ປະທານແນວລາວສ້າງຊາດ, ທ່ານ ຄໍາຮຸ່ງ ເຮືອງວົງສີ ເຈົ້າແຂວງ ແຂວງຫົວພັນ, ບັນດາທ່ານຮອງເຈົ້າແຂວງ, ຫົວໜ້າພະແນກ ຍທຂ ແຂວງຫົວພັນ ແລະ ທ່ານ ຮອງຫົວໜ້າກົມຂົວທາງ, ທ່ານຮອງຫົວໜ້າກົມແຜນການ ແລະ ການຮ່ວມມື, ທ່ານຮອງຫົວໜ້າກົມ ຈັດຕັ້ງພະນັກງານ, ທ່ານຜູ້ຕາງໜ້າກົມການເງິນ ຂອງ ກະຊວງ ຍທຂ ແລະ ທ່ານ ຜູ້ຕາງໜ້າ ຈາກ ກົມພົວຕ່າງປະເທດ ກະຊວງແຜນການ ແລະ ການລົງທຶນ.
ເຊັນຕ່າງໜ້າເຈົ້າຂອງ ໂຄງການ ສໍາຫັລບສັນຍາ ທາງຫລວງແຫ່ງຊາດ6A ແມ່ນ ທ່ານສຸກສາຄອນ ຊູຕັນນຸວົງ ຫົວໜ້າໂຄງການ,ກົມຂົວທາງ, ກະຊວງ ຍທຂ ແລະ ຕາງໜ້າບໍລິສັດຮັບເໝົາກໍ່ສ້າງ ລັດວິສະຫະກິດກໍ່ສ້າງຂົວທາງ ເລກ 8 ຮ່ວມກັບ CEI18 ສສ ຫວຽດນາມ ແມ່ນທ່ານ ແສງເພັດ ອານັນທະວົງ ແລະເຊັນຕ່າງໜ້າເຈົ້າຂອງ ໂຄງການ ສໍາຫັລບສັນຍາ ທາງຫລວງແຫ່ງຊາດ6B ແມ່ນ ທ່ານ ດາວອນ ວົງລໍຄໍາ ຫົວໜ້າໂຄງການ, ກົມຂົວທາງ, ກະຊວງ ຍທຂ ແລະ ຕາງໜ້າບໍລິສັດຮັບເໝົາກໍ່ສ້າງ Zhongmei Engineering Group Ltd ສປຈີນ ແມ່ນ ທ່ານ Zhang Huajun
