ຂ່າວກິດຈະກຳຕ່າງໆ

ທ່ານຜູ້ຊ່ວຍລັດຖະມົນຕີວ່າການ ກະຊວງ ໂຍທາທິການ ແລະ ຂົນສົ່ງ ເຂົ້າຮ່ວມແຂ່ງຂັນກິລາເປຕັ໋ງ

 

 

 

    ຫ້ອງວ່າການສູນກາງພັກ ໄດ້ຈັດການແຂ່ງຂັນກິລາເປຕັ໋ງ ຂື້ນວັນທີ 10 ຕຸລາ 2015 ທີ່ເດີນ ໜ່ວຍງານຄົ້ນຄ້ວາແຜນຍຸດທະສາດການພັດທະນາເສດຖະກິດ ໂດຍເປັນກຽດເຂົ້າຮ່ວມ ຂອງທ່ານ ດຣ ຄຳພັນ ພົມມະທັດ ກຳມະການສູນກາງພັກ, ເລຂາຄະນະພັກ, ຫົວໜ້າຫ້ອງວ່າການສູນກາງພັກ; ທ່ານ ສຈ ດຣ ບຸນເຫຼື່ອມ ສີສຸລາດ ຜູ້ຊ່ວຍລັດຖະມົນຕີວ່າການ ກະຊວງ ໂຍທາທິການ ແລະ ຂົນສົ່ງ; ທ່ານ ສຈ ດຣ ສົມພອນ ເດດອຸດົມ ຫົວໜ້າສະພາວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະ; ທ່ານ ສຳເນົາ ສາຍລ້ອມທໍລະນີ ຫົວໜ້າກົມຄົ້ນຄ້ວາສັງລວມ ຫ້ອງວ່າການສູນກາງພັກ ແລະ ພະນັກງານຂອງຫ້ອງວ່າການສູນກາງພັກເຂົ້າຮ່ວມ. ຊຶ່ງການແຂ່ງຂັນກິລາເປຕັ໋ງໃນຄັ້ງນີ້ ແມ່ນເພື່ອ ຮັດແໜ້ນຄວາມສາມັກຄີ ແລະ ເປັນການປຸກລະດົມຂົນຂວາຍການສະໜັບສະໜູນຈາກພາກ ສ່ວນຕ່າງໆ ແລະ ວັດຖຸປັດໃຈ ເພື່ອຮັບໃຊ້ໃນການກະກຽມ ແລະ ດຳເນີນກອງປະຊຸມໃຫຍ່ຂອງ ໜ່ວຍພັກ ກຄສ.

 

 

 

 

 

 

ການຝຶກຊ້ອມການສວນສະໜາມສະເຫຼີມສະຫຼອງສອງວັນປະວັນສາດ ປີ 2015 ຂອງກ້ອນກຳລັງສວນສະໜາມຂອງກະຊວງ ໂຍທາທິການ ແລະ ຂົນສົ່ງ

  ການຝຶກຊ້ອມການສວນສະໜາມສະເຫຼີມສະຫຼອງສອງວັນປະວັນສາດ ປີ 2015 ຂອງກ້ອນກຳລັງສວນສະໜາມຂອງກະຊວງ ໂຍທາທິການ ແລະ ຂົນສົ່ງ ໄດ້ເລີ້ມຕົ້ນໃນຕອນບ່າຍວັນທີ 14 ສິງຫາ 2015 ເປັນຕົ້ນມາ ຊຶ່ງກ້ອນກຳລັງສວນສະໜາມຂອງ ຍທຂ ມີຈຳນວນ ທັງໝົດ 445 ຄົນ ໄດ້ພ້ອມກັນຝຶກສ້ອມໃນທຸກວັນສຸກ ຕອນບ່າຍ ແລະ ວັນເສົາ ຕອນເຊົ້າ ແຕ່ວັນທີ 14 ສິງຫາ ມາຮອດວັນທີ 25 ກັນຍາ 2015 ໂດຍເຫັນວ່າກ້ອນກຳລັງສວນສະໜາມມີຄວາມພ້ອມພຽງກັນດີ, ເປັນເອກະພາບກັນ ແລະ ພ້ອມພາກັນມາຝຶກຊ້ອມເປັນປົກກະຕິຕາມວັນເວລາທີຫົວໜ້າກ້ອນສວນສະໜາມກະຊວງກຳນົດໃຫ້.

ການຝຶກຊ້ອມການສວນສະໜາມສະເຫຼີມສະຫຼອງສອງວັນປະວັນສາດ ປີ 2015 ຂອງກ້ອນກຳລັງສວນສະໜາມຂອງກະຊວງ ໂຍທາທິການ ແລະ ຂົນສົ່ງ

 

 

  ການຝຶກຊ້ອມການສວນສະໜາມສະເຫຼີມສະຫຼອງສອງວັນປະວັນສາດ ປີ 2015 ຂອງກ້ອນກຳລັງ ສວນສະໜາມຂອງກະຊວງ ໂຍທາທິການ ແລະ ຂົນສົ່ງ ໄດ້ເລີ້ມຕົ້ນໃນຕອນບ່າຍວັນທີ 14 ສິງຫາ 2015 ເປັນຕົ້ນມາ ຊຶ່ງກ້ອນກຳລັງສວນສະໜາມຂອງ ຍທຂ ມີຈຳນວນ ທັງໝົດ 445 ຄົນ ໄດ້ພ້ອມກັນຝຶກສ້ອມໃນທຸກວັນສຸກ ຕອນບ່າຍ ແລະ ວັນເສົາ ຕອນເຊົ້າ ແຕ່ວັນທີ 14 ສິງຫາ ມາຮອດວັນທີ 25 ກັນຍາ 2015 ໂດຍເຫັນວ່າກ້ອນກຳລັງສວນສະໜາມມີຄວາມພ້ອມພຽງກັນດີ, ເປັນເອກະພາບກັນແລະ ພ້ອມພາກັນມາຝຶກຊ້ອມເປັນປົກກະຕິຕາມວັນເວລາທີຫົວໜ້າກ້ອນ ສວນສະໜາມກະຊວງກຳນົດໃຫ້ ແລະ ນີ້ແມ່ນພາບບັນຍາກາດການເດີນສວນສະໜາມຂອງ ກ້ອນກຳລັງສວນສະໜາມຂອງ ກະຊວງ ໂຍທາທິການ ແລະ ຂົນສົ່ງ ໃນວັນທີ 26 ກັນຍາ 2015.

ຂະບວນການແຂ່ງຂັນກິລາເປຕັງເພື່ອຂ່ຳນັບຮັບຕ້ອນ ກອງປະຊຸມໃຫຍ່ ຄັ້ງທີ IV ອົງຄະນະພັກກະຊວງ ໂຍທາທິການ ແລະ ຂົນສົ່ງ ເພື່ອຊິງຂັນເລຂາຄະນະພັກກະຊວງ ຍທຂ.

 

 

   ໃນ​ວັນ​ທີ 12 ​ມີຖຸນາ 2015 ທີ່​ຜ່ານ​ມາໄດ້​ເປີດ​ການແຂ່ງຂັນ​ກິລາ​ເປ​ຕັງ​ຢູ່​ທີ​ເດີນເປຕັງ ກະຊວງ ​ໂຍທາ​ທິການ ​ແລະ ຂົນ​ສົ່ງ ເພື່ອ​ຂ່ຳນັບ​ຮັບ​ຕ້ອນ ກອງ​ປະຊຸມ​ໃຫຍ່​ ຄັ້ງທີ IV ອົງຄະ​ນະ​ພັກ​ກະຊວງ ​ໂຍທາ​ທິການ ​ແລະ ຂົນ​ສົ່ງ ທີ່ຈະ​ຈັດ​ຂື້ນ​ໃນ​ມໍ່ໆ​ນີ້, ​ເພື່ອ​ສ້າງ​ຂະ​ບວນການ​ໃຫ້​ມີ​ບັນຍາກາດ​ຟົດ​ຟື້ນ ​ແລະ ຮັດ​ແໜ້ນ​ຄວາມ​ສາມັກຄີບັນດາ​ຮາກ​ຖານ ອ້ອມ​ຂ້າງ​ກະຊວງ. ຊຶ່ງ​ມີ​ບັດາ​ທີ​ມ​ເປ​ຕັ້ງ​​ເຂົ້າຮ່ວມ​ທັງ​ໝົດ 44 ທີ​ມ, ທັງ​ທີ​ມຊາຍ ​ແລະ ທີ​ມຍິງ, ຊຶ່ງ​ການ​ແຂ່ງ​ຂັນ​ໃນ​ຄັ້ງ​ນີ້​ແມ່ນ​ຈະ​ດຳ​ເນີນ​ໄປ​ຮອດ​ ວັນ​ທີ 26 ມີ​ຖຸນາ 2015 ຈຶ່ງ​ໄດ້​ຊິງ​ຊະນະ​ເລີດ. ສ່ວນ​ຜົນ​ຂອງ​ການ​ແຂ່ງຂັນ​ຈະ​ເປັນ​ແນວ​ໃດ​ຈະ​ແຈ້ງ​ໃຫ້​ຊາບ​ຕາມ​ພາຍຫຼັງ.

ນອກຈາກ​ນັ້ນ, ຍັງ​ມີ​ການ​ແຂ່ງຂັນ​ກິລາ​ບານ​​ເຕະ ​ແລະ ດຶງ​ເຊືອກ ​ເພື່ອ​ຊິງ​ຂັນ​​ເລຂາ​ຄະນະ​ພັກກະຊວງ ຍທຂ ຊຶ່ງ​ຈະ​ໄດ້​ຈັດ​ຂື້ນ ​ໃນ​ວັນ​ເສົາ, ວັນທີ 27 ມີ​ຖຸນາ 2015 ຕັ້ງ​ແຕ່​ເວລາ 8:00-18:00 ​ໂມງ ທີ່​ເດີນ​ເຈົ້າ​ອານຸວົງ. ສ່ວນປະ​ເພດ​ຂອງ​ການ​ແຂ່ງຂັນມີ​ດັ່ງ​ນີ້:

       1. ບານ​ເຕະ​ຊາຍ​ຄູ່​ກິດ​ຕິ​ມາ​ສັກ” ພະນັກງານ​ການ​ນຳ ​ແລະ ພະນັກງານ​ອາວຸ​ໂສ​ຫຼັກ​ແຫຼ່ງ”;

      2. ບານ​ເຕະ​ຊາຍ​ທົ່ວ​ໄປ ​ແບ່ງ​​ເປັນ 4 ທີ​ມ;

      3. ບານ​ເຕະ​ຍິງ ແບ່ງ​​ເປັນ 2 ທີ​ມ;

      4. ດຶງ​ເຊືອກ​ຍິງ ແບ່ງ​​ເປັນ 2 ທີ​ມ;

      ສ່ວນ​ລາຍ​ລະອຽດການ​ແຂ່ງຂັນ​ເບິ່ງ​ເອກະ​ສອນ​ຊ້ອນທ້າຍ.

 

 

Additional information