ຂ່າວກິດຈະກຳຕ່າງໆ
ກົມຂົນສົ່ງ ກະຊວງ ຍທຂ ລົງໂຄສະນາເຜີຍແຜ່, ປູກຈິດສໍານຶກ ແລະ ການນໍາໃຊ້ກົດໝາຍ ດ້ານຄວາມປອດໄພທາງຫຼວງ ໃຫ້ກັບນ້ອງໆນັກຮຽນ
- Details
- Published on ຈັນ, 12 ເມສາ 2021 03:21
ໃນຕອນເຊົ້າຂອງວັນທີ 9 ເມສາ 2021 ກົມຂົນສົ່ງ ກະຊວງ ຍທຂ, ສົມທົບກັບ ກົມຕໍາຫຼວດ ຈາລະຈອນ ກະຊວງ ປກສ ລົງໂຄສະນາເຜີຍແຜ່, ປູກຈິດສໍານຶກ ແລະ ການນໍາໃຊ້ກົດໝາຍ ດ້ານຄວາມປອດໄພທາຫຼວງ ໃຫ້ກັບນ້ອງໆນັກຮຽນຢູ່ 2 ໂຮງຮຽນຄື: ມປ ອີໄລ ເມືອງນາຊາຍທອງ ແລະ ມສ ໂພນໂຮງ ເມືອງໂພນໂຮງ, ມີຕ່າງໜ້າຈາກກົມຂົນສົ່ງ ກະຊວງ ຍທຂ, ຕ່າງໜ້າກົມຕໍາຫຼວດຈາລະຈອນ ກະຊວງ ປກສ, ບັນດາອໍານາກການປົກຄອງເມືອງ, ຄູອາຈານ ແລະ ນ້ອງໆນັກຮຽນເຂົ້າຮ່ວມ.
ໃນການລົງໂຄສະນາເຜີຍແຜ່ໃນຄັ້ງນີ້, ແມ່ນເນັ້ນໃຫ້ນັກຮຽນໄດ້ມີສະຕິໃນການຂັບຂີ່, ໃນໄລຍະບຸນປີໃໝ່, ບໍ່ສະເພາະແຕ່ບຸນປີໃໝ່ເທົ່ານັ້ນ, ຕ້ອງປະຕິບັດກົດລະບຽບຈາລະຈອນຢ່າງເຂັ່ງຂັດ, ຄວນໃຫ້ມີສະຕິລະວັງຕົວ ໃນການຂັບຂີ່ຢ່າງປອດໄພ ແລະ ໃສ່ໝວກກັນທະທົບທຸກຄັ້ງໃນເວລາຂັບຂີ່ລົດຈັກ, ໃນກິດຈະກໍາດັ່ງກ່າວໄດ້ມີການນໍາສະເໜີ ສະຖິຕິການເກີດອຸບັດຕິເຫດໃນແຕ່ລະປີ ແລະ ສະຖິໃນ 3 ເດືອນຕົ້ນປີ 2021 ນີ້, ອຸປະຕິເຫດສູງຫຼາຍ, ໃນການລົງໂຄສະນາຢູ່ສອງໂຮງຮຽນີ້: ໄດ້ມີກິດຈະກໍາໃຫ້ນັກຮຽນໄດ້ມີສ່ວນຮ່ວມ, ເຊັ່ນການຕອບຄໍາຖາມເອົາໝວກກັນກະທົບ, ເສື້ອຢືດ, ພວງກະແຈ ແລະ ຖົງກັນນໍ້າ...ນັກຮຽນກໍ່ມີຄວາມກະຕືລືລົ້ນໃນການຕອບຄໍາຖາມ ໃນການມີສ່ວນຮ່ວມໃນກິດຈະກໍາ.
ສະນັ້ນ ເພື່ອເປັນການຫຼຸດຜ່ອນ ອຸບັດຕິເຫດໃນໄລຍະບຸນປີໃໝ່ທີ່ໃກ້ຈະມາເຖິງນີ້, ທາງກົມຂົນສົ່ງ ກະຊວງ ຍທຂ ຮ່ວມມືກັບກົມຕໍາຫຼວດຈາລະຈອນ ແລະ ຫຼາຍພາກສ່ວນ ບໍ່ວ່າຈະເປັນຊາວໜູ່ມ ກໍາມະບານ ແລະ ແມ່ນຍິງ ໄດ້ລະລົງເຜີຍແຜ່ວຽກງານຄວາມປອດໄພທາງທ້ອງຖະໜົນຫຼວງ ເພື່ອໃຫ້ນັກຂັບຂີ່ມີສະຕິລະວັງຕົວ ເປັນເຈົ້າການນໍາກັນ ໃນການຂັບຂີ່ປອດໄພ.
ຍທຂ ສ້າງຂະບວນການອານາໄມລວມ ເພື່ອຕ້ອນຮັບກອງປະຂຸມໃຫຍ່ຂອງອົງຄະນະພັກກະຊວງ, ສາມອົງການຈັດຕັ້ງມະຫາຊົນ ທີ່ຂື້ນກັບກະຊວງ ແລະ ກອງປະຊຸມໃຫຍ່ຂອງບັນດາຮາກຖານພັກ ຫ້ອງການ, ກົມ, ກອງ ແລະ ສະຖາບັນ
- Details
- Published on ພະຫັດ, 02 ມັງກອນ 2020 03:37
ໃນວັນເສົາທີ 28 ທັນວາ 2019 ທີ່ຜ່ານມາ ກະຊວງ ຍທຂ ໄດ້ສ້າງຂະບວນການອານາໄມລວມ ເພື່ອເປັນການສ້າງຄວາມເປັນລະບຽບຮຽບຮ້ອຍ, ສະອາດຈົບງາມ ພາຍໃນບໍລິເວນສຳນັກງານ ກະຊວງ ໂຍທາທິການ ແລະ ຂົນສົ່ງ ແລະ ເພື່ອຕ້ອນຮັບກອງປະຂຸມໃຫຍ່ຂອງອົງຄະນະພັກກະຊວງ, ສາມອົງການຈັດຕັ້ງມະຫາຊົນ ທີ່ຂື້ນກັບກະຊວງ ແລະ ກອງປະຊຸມໃຫຍ່ຂອງບັນດາຮາກຖານພັກ ຫ້ອງການ, ກົມ, ກອງ ແລະ ສະຖາບັນ ທີ່ຈະມາເຖິງນີ້ ໃຫ້ມີຂະບວນຟົດຟື້ນ ແລະ ຈົບງາມ.
ກະຊວງ ຍທຂ ຈັດກິດຈະກຳແຂ່ງຂັນກິລາບານເຕະຊາຍມິດຕະພາບ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ຍທຂ
- Details
- Published on ຈັນ, 24 ສິງຫາ 2020 04:05
ກະຊວງ ຍທຂ ຈັດກິດຈະກຳແຂ່ງຂັນກິລາບານເຕະຊາຍມິດຕະພາບ ແລະແຂ່ງຂັນຍຽບປຸມເປົາ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ຍທຂ ພ້ອມທັງສະເຫຼີມສະຫຼອງວັນສຳຄັນຕ່າງໆຂອງຊາດແລະ ເພື່ອໃຫ້ພະນັກງານ, ສະມາຊິກພັກພາຍໃນກະຊວງ ຍທຂ ໄດ້ຮັດແໜ້ນຄວາມສາມັກຄີຮັກແພງ ແລະ ແລກປ່ຽນບົດຮຽນທາງດ້ານວິຊາການໃຫ້ເຊິ່ງກັນ ແລະ ກັນ ຢ່າງເປັນຂະບວນຟົດຟື້ນ.
ກິດຈະກຳຄັ້ງນີ້ ໄດ້ມີຂຶ້ນ ເມື່ອວັນທີ 19 ສິງຫາ 2020 ຜ່ານມາ ທີ່ສະໜາມກິລາເຕະບານຫຍ້າທຽມ ສັບພະວິຊາ ເມືອງສີສັດຕະນາກ ນະຄອນຫຼວງວຽງຈັນ ໃຫ້ກຽດເຂົ້າຮ່ວມໂດຍສະຫາຍ ປອ ສັນຕິສຸກ ສີມມາລາວົງ ຄະນະປະຈຳພັກກະຊວງ, ຮອງລັດຖະມົນຕີກະຊວງ ຍທຂ; ສະຫາຍ ລັນ ແສງອາພອນ ຄະນະປະຈຳພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ; ມີບັນດາຄະນະຫ້ອງການ, ກົມ, ສະຖາບັນ, ກອງ, ລັດວິສາຫະກິດທີ່ຂື້ນກັບກະຊວງ ຍທຂ, ພະແນກ ຍທຂ ປະຈໍາແຂວງ ແລະ ນະຄອນຫຼວງ, ຕາງໜ້າຈາກກະຊວງອ້ອມຂ້າງ, ມະຫາວິທະຍາໄລແຫ່ງຊາດ (ຄະນະທີ່ກ່ຽວຂ້ອງກັບ ວຽກງານ ຍທຂ) ກໍ່ໄດ້ເຂົ້າຮ່ວມຢ່າງພ້ອມພຽງ.
ກະຊວງ ຍທຂ ຈັດກິດຈະກຳແຂ່ງຂັນກິລາບານເຕະຊາຍມິດຕະພາບ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ຍທຂ ພ້ອມທັງສະເຫຼີມສະຫຼອງວັນສຳຄັນຕ່າງໆຂອງຊາດ. ຜ່ານການແຂ່ງຂັນບານເຕະຊາຍ ປະກອບມີ 2 ທີມ ຜົນປະກົດວ່າ: ທີມ ບານເຕະຊາຍຈາກພະແນກ ຍທຂ ປະຈໍາແຂວງ ແລະ ນະຄອນຫຼວງ ເປັນຝ່າຍເອົາໄດ້ຊະນະ ທີມບານເຕະຊາຍຈາກສູນກາງ.
ຊາວຫນຸ່ມ ກະຊວງ ຍທຂ ຈັດກິດຈະກຳແຂ່ງຂັນກິລາບານເຕະຊາຍມິດຕະພາບ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ XI ຄະນະບໍລິຫານງານຊາວຫນຸ່ມ ກະຊວງ ຍທຂ
- Details
- Published on ຈັນ, 09 ທັນວາ 2019 08:24
ຄະນະບໍລິຫານງານຊາວຫນຸ່ມ ກະຊວງ ຍທຂ ຈັດກິດຈະກຳແຂ່ງຂັນກິລາບານເຕະຊາຍມິດຕະພາບ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງຄະນະບໍລິຫານງານຊາວຫນຸ່ມ ກະຊວງ ຍທຂ ພ້ອມທັງສ້າງໂອກາດສະເຫຼີມສະຫຼອງວັນຊາດ ທີ 2 ທັນວາ 2019 ຄົບຮອບ 44 ປີ (2 ທັນວາ 1975 ຫາ 2 ທັນວາ 2019) ແລະ ວັນສຳຄັນຕ່າງໆຂອງຊາດ ແລະ ເພື່ອໃຫ້ສະມາຊິກຊາວຫນຸ່ມ, ພະນັກງານ, ສະມາຊິກພັກພາຍໃນກະຊວງ ຍທຂ ໄດ້ຮັດແໜ້ນຄວາມສາມັກຄີຮັກແພງ ແລະ ແລກປ່ຽນບົດຮຽນທາງດ້ານວິຊາການໃຫ້ເຊິ່ງກັນ ແລະ ກັນ ຢ່າງເປັນຂະບວນຟົດຟື້ນ.
ກິດຈະກຳຄັ້ງນີ້ ໄດ້ມີຂຶ້ນ ເມື່ອວັນທີ 6 ທັນວາ 2019 ຜ່ານມາ ທີ່ສະໜາມກິລາເຕະບານຫຍ້າທຽມ ສັບພະວິຊາ ເມືອງສີສັດຕະນາກ ນະຄອນຫຼວງວຽງຈັນ ໃຫ້ກຽດເຂົ້າຮ່ວມໂດຍສະຫາຍ ລັນ ແສງອາພອນ ຄະນະປະຈຳພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ; ສະຫາຍ ຈັນທະລາ ພີມມະຈັກ ຮອງເລຂາຄະນະບໍລິຫານງານຊາວຫນຸ່ມ ຍທຂ ແລະ ມີບັນດາຄະນະບໍລິຫານງານຊາວຫນຸ່ມກະຊວງ ພ້ອມດ້ວຍບັນດາສະມາຊິກຊາວຫນຸ່ມ 23 ຮາກຖານ ອ້ອມຂ້າງກະຊວງ ໂຍທາທິການ ແລະ ຂົນສົ່ງ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ການແຂ່ງຂັນກິລາບານເຕະຊາຍມິດຕະພາບ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງຄະນະບໍລິຫານງານຊາວຫນຸ່ມ ກະຊວງ ຍທຂ ພ້ອມທັງສ້າງໂອກາດສະເຫຼີມສະຫຼອງວັນຊາດ ທີ 2 ທັນວາ 2019 ຄົບຮອບ 44 ປີ (2 ທັນວາ 1975 ຫາ 2 ທັນວາ 2019) ແລະ ວັນສຳຄັນຕ່າງໆຂອງຊາດ. ຜ່ານການແຂ່ງຂັນບານເຕະຊາຍ ປະກອບມີ 4 ທີມ ຜົນປະກົດວ່າ: ທີມເຕະບານຊາຍທີມ 2 (ປະກອບມີ: ກົມນ້ຳປະປາ, ກົມການເງິນ, ກອງຈະລາຈອນທາງອາກາດລາວ, ກອງສະໜາມບິນລາວ, ກົມຂົນສົ່ງ, ສະຖາບັນຝຶກອົບຮົມ ຍທຂ)ໄດ້ຄອງຂັນຊະນະເລີດເລຂາຄະນະບໍລິຫານງານຊາວໜຸ່ມ ຍທຂ, ທີມ 4 ໄດ້ຮອງຊະນະເລີດ ແລະ ທີມ 1 ແລະ ທີມ 3 ໄດ້ອັນດັບທີ 3.
