Uncategorised

ຄະນະພັກ ກະຊວງໂຍທາທິການ ແລະຂົນສົ່ງ ອວຍພອນ

ຄະນະພັກ ກະຊວງໂຍທາທິການ ແລະຂົນສົ່ງ ອວຍພອນ ຄະນະພັກ ກະຊວງໂຍທາທິການ ແລະຂົນສົ່ງ ອວຍພອນຄະນະສະພັນ ແມ່ຍິງກະຊວງ ຍທຂ. ເນື້ອໃນວັນແມ່ຍິງສາກົນ ທີ 8 ມີນາ 2012 ຄົບຮອບ 102 ປີ (08/03/1910 – 08/03/2012) ອວຍພອນໃນວັນທີ 07 ມີນາ 2012

ສະຫູຸບສັງລວມສະພາບການຈັດຕັ້ງປະຕິບັດວຽກຈຸດສຸມໃນເດືອນ 5/2012 ແລະ ສະເໜີແຜນວຽກປະຈຳເດືອນ 6/2012.

ຂະແໜງໂຍທາທິການ ແລະຂົນສົ່ງ ມີວຽກງານພົ້ນເດັ່ນໃນການເຄື່ອນໄຫວປະຕິບັດວຽກງານ ແລະ ແກ້ໄຂບັນຫາ ສຳ ຄັນໃນເດືອນ 05/2012 ແລະ ສະເໜີແຜນວຽກ ປະຈຳເດືອນ 6/2012 ຂອງກະຊວງ ຍທຂ, ຊື່ງສະແດງອອກໃຫ້ ເຫັນບາງດ້ານທີ່ພົ້ນເດັ່ນ ແລະ ບາງຂໍ້ຄົງຄ້າງທີ່ຕ້ອງໄດ້ສືບຕໍ່ແກ້ໄຂໃນເດືອນ ຕໍ່ໄປດັ່ງນີ້:

I. ສະພາບພົ້ນເດັ່ນໃນການຈັດຕັ້ງປະຕິບັດວຽກງານຂອງຂະແໜງ ຍທຂ ໃນເດືອນ 05/2012.

. ດ້ານການເມືອງແນວຄິດ.

- ໃນໄລຍະໜຶ່ງເດືອນຜ່ານມາ, ສະພາບການໂດຍລວມພາຍໃນ ກະຊວງ ຍທຂ ແມ່ນມີຄວາມສະຫງົບດີ, ບັນດາ ສະມາຊິກພັກ ແລະ ພະນັກງານ-ລັດຖະກອນທຸກຄົນ ແມ່ນມີຄວາມສາມັກຄີກັນດີ, ມີຄວາມອຸ່ນອ່ຽງທຸ່ນທ່ຽງ, ຈູບຈ້າວ ຫ້າວຫັນປະຕິບັດໜ້າທີ່ວຽກງານທີ່ຖືກມອບໝາຍຢ່າງຕັ້ງໜ້າ ແລະ ເຮັດສຳເລັດໜ້າທີ່ວຽກງານຕ່າງຯທີ່ ຖືກມອບ ໝາຍໄດ້ເປັນຢ່າງດີສຳເລັດການຮັບຟັງປາຖະກະຖາ ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 57 ປີ, ໃຫ້ກຽດປາ ຖະກະຖາໂດຍ ທ່ານ ດຣ ວິໄລວົງ ບຸດດາຄຳ ເລຂາຄະນະບໍລິຫານງານສູນກາງຊາວໜຸມເລຂາຄະນະ ພັກສູນກາງຊາວໜຸ່ມ ຊປປ ລາວ.

. ສະພາບພົ້ນເດັ່ນດ້ານວຽກງານວິຊາສະເພາະ ແລະ ການເຄື່ອນໄຫວວຽກງານຂອງຄະນະນໍາກະຊວງ.

- ເຂົ້າຮ່ວມກອງປະຊຸມປຶກສາຫາລືກ່ຽວກັບການສ້ອມແປງສະໜາມ ແລະ ໂຄງລ່າງພື້ນຖານເພື່ອກະກຽມຕ້ອນຮັບ ການແຂ່ງຂັນງານມະຫາກຳກິລາມະຫາໄລອາຊຽນຄັ້ງທີ່ 16, ປີ 2012.

- ເຂົ້າຮ່ວມກອງປະຊຸມວຽກງານຈັດຕັ້ງທົ່ວປະເທດ.

- ຮ່ວມກັບທ່ານລັດຖະມົນຕີວ່າການກະຊວງກໍ່ສ້າງ ປະເທດ ມຽນມາ ພ້ອມຄະນະລົງສຳຫລວດເຂດກໍ່ສ້າງຂົວຂ້າມນ້ຳຂອງລາວ-ມຽນມາລະຫວ່າງຊຽງກົກແຂວງຫລວງນ້ຳທາ-​ແກ້ງລາບ,ສະຫະພາບມຽນມາ. ​ພ້ອມນີ້, ທັງສອງຝ່າຍຍັງໄດ້ພ້ອມກັນປຶກສາຫາລືກ່ຽວກັບເງື່ອນໄຂຕ່າງຯເພື່ອກຽມລົງມືກໍ່ສ້າງ

- ເຂົ້າຮ່ວມປະຊຸມສຳມະນາດ້ານການກໍ່ສ້າງ ແລະ ລົງທຶນໃນຂະແໜງການພື້ນຖານໂຄງລ່າງ ຄັ້ງທີ່ 3 ທີ່ ເຂດປົກ ຄອງມາກາວ ສປ ຈີນ.

- ເຂົ້າຮ່ວມກອງປະຊຸມສຳມະນາວິທະຍາສາດກ່ຽວກັບສະພາບວິກິດໜີ້ສິນຂອງ EU ແລະບົດຮຽນຂອງ ສປປລາວ.

- ເຂົ້າຮ່ວມຄະນະຕິດຕາມທ່ານຮອງນາຍົກລັດຖະມົນຕີ ເຄື່ອນໄຫວວຽກຢູ່ແຂວງບໍລິຄຳໄຊ ແລະແຂວງຊຽງຂວາງ.

- ເຂົ້າຮ່ວມສຳມະນາເຊື່ອມຊຶມມະຕິຂອງກົມການເມືອງສູນກາງພັກເລກທີ 03/ກມສພ, ລົງວັນທີ 15 ມີນາ 2012 ວ່າດ້ວຍການສ້າງແຂວງໃຫ້ເປັນຫົວໜ່ວຍຍຸດທະສາດ, ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານໃຫ້ເປັນຫົວໜ່ວຍພັດທະນາ.

- ເຂົ້າຮ່ວມກອງປະຊຸມປຶກສາຫາລືກ່ຽວກັບໂຄງການກໍ່ສ້າງທາງ 15 ເອ ແລະ ການກໍສ້າງດ່ານລະໄລ ແຂວງສາລະວັນ.

- ລົງຕິດຕາມການກໍ່ສ້າງເສັ້ນທາງ 1 ດີເຂດແຂວງບໍລິຄຳໄຊແລະແຂວງຊຽງຂວາງ.

- ເຮັດວຽກຮ່ວມກັບຄະນຳຂັ້ນສູງກະຊວງຄົມມະນາຄົມຂົນສົ່ງສສຫວຽດນາມກ່ຽວກັບໂຄງການກໍ່ສ້າງທາງ 2E ​ເມືອງຂວາ-​ໃຕຈາງແລະເສັ້ນທາງເລກທີ4 ​(ADB11) ທ່າເດື່ອ​-ນ້ຳປຸຍ.

. ສະພາບການເຄື່ອນໄຫວວຽກງານໃນຂົງເຂດຕ່າງໆອ້ອມຂ້າງກະຊວງ.

· ຂົງເຂດຂົວທາງ:

- ໄດ້ລົງຕິດຕາມວຽກສ້ອມແປງທາງ 13​ ເໜືອແຂວງວຽງຈັນແລະ 13​ໃຕ້ແຂວງບໍລິຄຳໄຊ.

- ໄດ້ເຂົ້າຮ່ວມການປະມູນຄັດເລຶອກເອົາບໍລິສັດຮັບເໝົາເພື່ອການສ້ອມແປງຍົກລະດັບເສັ້ນທາງເລກ 9 Tender opening ceremony in Japan (Raod N.9 Improvement Project).

- ສຳລັບຄວາມຄືບໜ້າການຈັດຕັ້ງປະຕິບັດໂຄງການຕ່າງໆ ຂອງວຽກງານຂົວທາງແມ່ນໄດ້ດຳເນີນໄປດ້ວຍຄວາມ ຄືບໜ້າຢ່າງຕໍ່ເນື່ອງ ແລະ ເປັນປົກກະຕິ (ລາຍລະອຽດເບິ່ງເອການຊ້ອນທ້າຍ 1).

ຂົງເຂດແຜນການ ແລະ ການຮ່ວມມື.

-ເຂົ້າຮ່ວມພົບກັບເອກອັກຄະລັດຖະທູດແລະຜູ້ຕາງໜ້າພະແນກການຄ້າຂອງທູດອັອສຕຼາລີປະຈຳສປປລາວເພື່ອປຶກສາຫາລືກ່ຽວກັບກນສະເໜີໃຫ້ອັອສຕຼາລີຊ່ວຍຍົກລະດັບເສັ້ນທາງອາຊຽນ.

- ເຂົ້າຮ່ວມປະຊຸມເພື່ອສະຫຼຸບຕີລາຄາວຽກງນຮ່ວມມືລາວ-ຫວຽດນາມໃນໄລຍະ 35 ປີຜ່ານມາຢູ່ກະຊວງແຜນການ ແລະ ການລົງທຶນ.

. ຂົງເຂດເຄຫາ-ຜັງເມືອງ ແລະ ນ້ຳປະປາ.

- ສຳເລັດກອງປະຊຸມປຶກສາຫາລືກັບອົງການ GRET ກ່ຽວກັບໂຄງການມີເຣບ 3 ໃນວັນທີ 26.04.2012.

- ສຳເລັດກອງປະຊຸມປຶກສາຫາລືກ່ຽວກັບການອອກແບບນ້ຳປະປາ 5 ຕົວເມືອງຂອງແຂວງສາລະວັນ ທີ່ໄດ້ຮັບທຶນຈາກໂຄງການ 15A.

- ສຳເລັດກອງປະຊຸມປຶກສາຫາລືສຶກສາຜົນກະທົບຕໍ່ສິ່ງແວດລ້ອມແລະສັງຄົມໂຄງການນ້ຳປະປາດົງ ໝາກຄາຍ.

- ສຳລັບວາມຄືບໜ້າການຈັດຕັ້ງປະຕິບັດໂຄງການຕ່າງໆ ຂອງວຽກງານເຄຫາ-ຜັງເມືອງ ແລະ ນ້ຳປະປາ ແມ່ນໄດ້ດຳເນີນໄປດ້ວຍຄວາມຄືບໜ້າຢ່າງຕໍ່ເນື່ອງ ແລະ ເປັນປົກກະຕິ (ລາຍລະອຽດເບີ່ງເອກະສາຊ້ອນທ້າຍ 2).

· ສະຖາບັນໂຍທາທິການແລະ ຂົນສົ່ງ

- ສຳເລັດການຈັດຝຶກອົບຮົມການສຶກສາການຍົກຍ້າຍຖິ່ນຖານຂອງປະຊາຊົນເຂດພູດອຍແຂວງຫລວງນ້ຳທາ ໂດຍການຮ່ວມມືກັບສາບັນເຕັກໂນໂລຊີແຫ່ງເອເຊຍ (AIT)

- ໄດ້ສຳເລັດການລົງສ້າງ ຈຸດຝາກລະດັບ (BM)​ໂຄງການອອກແບບຕົວເມືອງໃໝ່ຄອນພະເພັງເມືອງໂຂງ ແຂວງຈຳປາສັກເພື່ອນຳເອົາຂໍ້ມູນມາສືບຕໍ່ສ້າງພື້ນແຜນທີ່.

-ໄດ້ສຳເລັດການລົງສ້າງ ຈຸດຝາກລະດັບ (BM)​ໂຄງການອອກແບບຜັງເມືອງຕົວເມືອງໄຊຈຳພອນແຂວງ ບໍລິຄຳໄຊ ​​ເພື່ອນຳເອົາຂໍ້ມູນມາສືບຕໍ່ສ້າງພື້ນແຜນທີ່.

. ຂົງເຂດຂົນສົ່ງ

ໄດ້ສຳເລັດການຈັດກອງປະຊຸມຝຶກອົບຮົມກ່ຽວກັບວຽກງານກວດດກາເຕັກນິກລົດຮ່ວມກັບກົມການຂົນສົ່ງທາງ ບົກແຫ່ງຣາດຊະອານາຈັກໄທແລະຜຸ້ດຳເນີນການຂົນສົ່ງໂດຍສານເຂົ້າຮ່ວມທັງໝົດ 53 ທ່ານໂດຍໄດ້ແບ່ງ ອອກເປັນ 02 ພາກ, ພາກທິດສະດີແມ່ນຈັດຢູ່ກະຊວງຍທຂ, ສ່ວນພາກປະຕິບັດຕົວຈິງແມ່ນໄດ້ໄປທັງສະນະສຶກ ສາຢຸ່ຈັງຫວັດຂອນແກ່ນຣາດຊະອານາຈັກໄທ.- ຈັດກອງປະຊຸມຮ່ວມກັບນະຄອນຫລວງວຽງຈັນພາຍໃຕ້ການ ເປັນປະທານຂອງ ທ່ານແກ້ວພິລາວັນອາໄພລາດ,ຮອງເຈົ້າຄອງນະຄອນຫລວງເພື່ອຄົ້ນຄ້ວາ ກ່ຽວກັບແຜນ ການປັບປຸງການເດີນລົດທີ່ແອອັດໃນຊົ່ວໂມງເລັ່ງດ່ວນ.

. ຂົງເຂດໂຍທາທິການທາງນໍ້າ

- ໄດ້ຈັດກອງປະຊຸມຕີລາຄາການເຄື່ອນໄຫວວຽກງານຂອງ ລັດວິສາຫະກິດພັດທະນາທ່າເຮືອຫວຸ່ງອ່າງ ທາງດ້ານ ກົງຈັກການຈັດຕັ້ງ, ດ້ານການເງິນແລະການຕະຫລາດຂື້ນຢູ່ກົມໂຍທາທິການທາງນ້ຳ.

- ໄດ້ສົມທົບກັບແຂວງໄຊຍະບູລິສະໜອງຂໍ້ມູນໃຫ້ແກ່ບໍລິສັດວິສາວະກຳກໍສ້າງແຂວງຢຸນນານໃນ ການສຶກສາຄວາມເປັນໄປໄດ້ຂອງໂຄງການກໍ່ສ້າງໂຄງລ່າງປ້ອງກັນໄພພິບັດເທດສະບານແຂວງໄຊຍະບູລີແລະບໍລິສັດດັ່ງກ່າວໄດ້ເລີ່ມລົງມືສຳຫຼວດທາງດ້ານເສດຖະກິດ-ເຕັກນິກ.

- ໄດ້ສຳເລັດການປະເມີນຜົນໂຄງການກໍ່ສ້າງປ້ອງກັນຕະຝັ່ງຢູ່ນະຄອນຫຼວງວຽງຈັນ, ບໍລິຄຳໄຊ, ຄຳມ່ວນ ແລະຈຳປາສັກເຫັນວ່າມີປະສິດທິຜົນ, ຕະກອນຕົກຫລາຍແລະແລວນ້ຳເລິກຍ້າຍອອກໄປກາງແມ່ນ້ຳຂອງ.

- ສຳລັບຄວາມຄືບໜ້າການຈັດຕັ້ງປະຕິບັດໂຄງການຕ່າງໆ ຂອງວຽກງານໂຍທາທິການທາງນ້ຳ ແມ່ນໄດ້ ດຳເນີນໄປດ້ວຍຄວາມຄືບໜ້າຢ່າງຕໍ່ເນື່ອງ ແລະ ເປັນປົກກະຕິ (ລາຍລະອຽດເບີ່ງເອກະສານຊ້ອນທ້າຍ3).

· ຂົງເຂດທາງລົດໄຟ

- ການແລ່ນລົດໄຟລະຫວ່າງທ່ານາແລ້ງ ສປປ ລາວ-ໜອງຄາຍປະເທດໄທໄດ້ດຳເນີນເປັນປົກກະຕິ ໃນແຕ່ລະວັນ, ສະຫລຸບຈຳນວນຜູ້ໂດຍສານແຕ່ວັນທີ 1-30/4/2012 ມີຜຸ້ໂດຍສານມາໃຊ້ບໍລິການທັງໝົດ 2.676 ຄົນ (ຂາເຂົ້າ 1.400 ຄົນ, ຂາອອກ 1.276 ຄົນ).

ໄດ້ເຂົ້າຮ່ວມກອງປະຊຸມຂອງຄະນະກຳມາທິການປະສານງານດ້ານການບໍລິການອາຊຽນຂອງ ສປປລາວຢູ່ ກະຊວງແຜນການແລະການລົງທຶນ.

. ຂົງເຂດວຽກກວດກາ.

ສຳເລັດການກວດສອບບັນຊີການເງີນຂອງໂຄງການຂະແໜງຂົວທາງ ຂອງບໍລິສັດ Ernst & Youn ນຳໃຊ້ການເງິນ ຂອງທະນາຄານໂລກ

- ກອງຄຸ້ມຄອງສະໜາມບິນ

- ສຳເລັດຫ້ອງການກໍ່ສ້າງຫ້ອງການຄຸ້ມຄອງສະໜາມບິນ ທົ່ງໄຫຫີນແຂວງຊຽງຂວາງ.

i. ຈຳນວນຖ້ຽວບິນຂື້ນແລະ ລົງທັງໝົດ:2288 ຖ້ຽວ(ສາຍພາຍໃນ 1,025 ຖ້ຽວ ແລະ ສາຍຕ່າງປະເທດ 1,263 ຖ້ຽວ).

ii. ຈຳນວນຜູ້ໂດຍສານຂາອອກແລະ ຂາເຂົ້າທັງໝົດ: 105.562 ຄົນ (ສາຍພາຍໃນ 35,970 ຄົນ ແລະ ສາຍຕ່າງປະເທດ 69,592 ຄົນ).

iii.ສະຫລຸບເກັບລາຍຮັບປະຈຳດືອນ 04/2012 ສາມາດສ້າງລາຍຮັບໄດ້ທັງໝົດ: 832,315,543 ກີບແລະ 367.007 ໂດລາ.

· ກອງຄຸ້ມຄອງຈາລະຈອນທາງອາກາດ.

- ໄດ້ເຂົ້າຮ່ວມປະຊຸມວຽກງານໂຄງການພັດທະນາລະບົບວິທະຍຸການບິນແບບໃໝ່ New CNS Project ກັບອົງການ JICA

- ສະຫລຸບສະຖິຕິການບິນຜ່ານແລະ ໜີຕ້ອງຮັບ ສຳລັບເດືອນເມສາ 2012.

i. ຈຳນວນຖ້ຽວບິນບັນຊາບິນຜ່ານພາກເໜືອ 3,554 ຖ້ຽວບິນ.

ii. ຈຳນວນຖ້ຽວບິນບັນຊາຜ່ານພາກໃຕ້ 8,008 ຖ້ຽວບິນ.

iii.ໜີ້ຕ້ອງຮັບຄ່າບໍລິການບິນຜ່ານ 3,067,930,00 USD.

· ສູນຝຶກໂຍທາທິການແລະ ຂົນສົ່ງ.

- ໄດ້ເປີດຫລັກສູດຝຶກອົບຮົມພາສາອັງກິດ (ຫຼັກສູດທີ່ສາມ) ສຳລັບພະນັກງານກະຊວງຍທຂ; ຫຼັກສູດການເດີນເຮືອ (Navigation) ມີນັກສຳມະນາກອນທັງໝົດ 17 ທ່ານ, ໃນນັ້ນມີຊາວຕ່າງປະເທດເຂົ້າຮ່ວມ 10 ທ່ານ( ຫວຽດນາມ 3ທ່ານ, ກຳປູເຈຍ 05 ທ່ານ, ໄທ 02 ທ່ານ). ທັງສອງຫລັກສູດດັ່ງກ່າວໄດ້ຮັບການສະໜັບສະໜູນຈາກສະຖານທູດສະຫະລັດອາເມລິກາ ປະຈຳ ສປປ ລາວ.

II. ແຜນວຽກຈຸດສຸມໃນເດືອນ 06/2012.

- ສືບຕໍ່ຊີ້ນຳນຳພາວຽກງານການເມືອງແນວຄິດ ແລະ ການຈັດຕັ້ງ ເພື່ອໃຫ້ພະນັກງານ-ລັດຖະກອນມີຄວາມອຸ່ນອ່ຽງ ທຸ່ນທ່ຽງມີຄວາມສາມັກຄີ, ຈູບຈ້າວຫ້າວຫັນ ແລະ ແຂ່ງຂັນກັນຫັນເອົາ 04 ບາດກ້າວບຸກທະລຸເຂົ້າໃສ່ການ ຈັດຕັ້ງປະຕິບັດໜ້າທີ່ວຽກງານ ຂອງຕົນໃຫ້ສຳເລັດຕາມແຜນການ. ເປີດກອງປະຊຸມເຜີຍແຜ່ຜົນສຳເລັດຂອງກອງປະ ຊຸມວຽກງານກໍ່ສ້າງຮາກຖານການເມືອງ ແລະ ພັດທະນາຊົນນະບົດທົ່ວປະເທດຄັ້ງທີ່ 3 ສຳລັບຂະແໜງ ຍທຂ.

Subcategories

Additional information