ຂ່າວ

ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ

ກະຊວງໂຍທາທິການ ແລະ ຂົນສົ່ງ ໄດ້ຈັດຕັ້ງຮັບຟັງປາຖະກະຖາເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ( ວັນທີ 20/1/1949-20/1/2019). ຂື້ນໃນວັນທີ 19 ທັນວາ 2018 ນີ້ ທີ່ຫ້ອງປະຊຸມໃຫຍ່ກະຊວງ ໂດຍການປາຖະກະຖາຂອງສະຫາຍ ພົນຈັດຕະວາ ສາຍສະໜອນ ສະຫລັບແສງ ຄະນະພັກກົມໃຫ່ຍການເມືອງ ກອງທັບ ຫົວໜ້າກົມໂຄສະນາອົບຮົບ ກົມໃຫ່ຍການເມືອງກອງທັບ, ເຂົ້າຮັບຟັງມີສະຫາຍ ລັດຕະນະມະນີ ຄູນນິວົງ ຮອງເລຂາຄະນະພັກ ຮອງລັດຖະມົນຕີ ກະຊວງ ຍທຂ ພ້ອມດ້ວຍຄະນະປະຈຳພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ຫົວໜ້າກົມ, ຮອງກົມ, ພະນັກງານວິຊາການ, ຜູ້ອຳນວຍການລັດວິສາຫະກິດ ແລະ ສາມອົງການຈັດຕັ້ງອ້ອມຂ້າງກະຊວງເຂົ້າຮ່ວມ ຈຳນວນ 200 ກ່ວາສະຫາຍ.

ສະຫາຍ ພົນຈັດຕະວາ ສາຍສະໝອນ ສະຫລັບແສງ ໄດ້ຍົກໃຫ້ເຫັນຂະບວນການປະຕິບັດຕໍ່ກູ້ຊາດຂອງປະຊາຊົນ ບັນດາເຜົ່າຜູ້ຮັກຊາດ, ກອງທັບປະຊາຊົນລາວ ໄດ້ຮັບການສ້າງຕັ້ງຂື້ນໃນວັນທີ 20 ມັງກອນ 1949. ຜ່ານໄລຍະ ທາງແຫ່ງການສ້າງຕັ້ງສູ້ຮົບມີໄຊ ແລະ ການເຕີບໃຫ່ຍຂະຫຍາຍຕົວ ພາຍໃຕ້ການນຳພາອັນປີຊາສາມາດສະຫລາດ ສ່ອງໃສຂອງພັກປະຊາຊົນ ປະຕິວັດລາວ, ກອງທັບປະຊາຊົນລາວ ໄດ້ຜ່ານຜ່າອຸປະສັກນາໆປະການບໍ່ຈັກວ່າເທົ່າໃດ ແລະ ເຕັມໄປດ້ວຍຄວາມເສຍສະຫຼະອັນໃຫ່ຍຫຼວງໃນພາລະກິດຕໍ່ສູ້ປົດປ່ອຍປະເທດຊາດ ເຮັດສຳເລັດພາລະກຳປະ ຫວັດສາດທີ່ພັກ ແລະປະຊາຊົນ ມອບໝາຍ ໃຫ້ຢ່າງມີໄຊ, ສາມາດຕີເອົາຊະນະຈັກກະພັດລ່າເມືອງຝຣັ່ງ, ຈັກກະພັດ ອາເມລິກາຜູ້ຮຸກຮານພ້ອມດ້ວຍລູກແຫ່ຼງຕີນມືຂອງພວກເຂົາ, ປົດປ່ອຍປະເທດຊາດໄດ້ຢ່າງສົມບູນ ສະຖາປະນາເປັນ ປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ, ມາເຖິ່ງ ປັດຈຸບັນຍັງເປັນກຳລັງຫຼັກແຫຼ່ງໃນການປົກປັກຮັກສາໝາກຜົນຂອງການປະຕິວັດ ແລະ ລະບອບໃໝ່ໄວ້ໄດ້ຢ່າງໝັ້ນ ຄົງ.

ໃນການປາຖະກະຖາຄັ້ງນີ້, ເພື່ອໃຫ້ສາມະຊິກພັກ, ພະນັກງານ-ລັດຖະກອນ ໃນທົ່ວກະຊວງ ໂຍທາທິການ ແລະ ຂົນສົ່ງ ໄດ້ຮັບຮູ້ ແລະ ເຂົ້າໃຈຕໍ່ປະຫວັດສາດ ການກຳເນີດກອງທັບປະຊາຊົນລາວ, ຜົນງານໄຊຊະນະ ແລະ ການ ເຕີບໃຫ່ຍຂະຫຍາຍຕົວຂອງກອງທັບປະຊາຊົນລາວ ໃນແຕ່ລະໄລຍະ, ທາດແທ້ ແລະ ມູນເຊື້ອອັນສະຫງ່າອົງອາດ ໃນພາລະກິດຕໍ່ສູ້ປົກປັກຮັກສາ ແລະ ພັດທະນາປະເທດຊາດ.

ທ່ານຮອງລັດຖະມົນຕີ, ຫົວໜ້າຄະນະຄຸ້ມຄອງໂຄງການ ກໍ່ສ້າງເສັ້ນທາງລົດໄຟລາວ-ຈີນ ຖະ­ແຫລງ​ຂ່າວ​ຄວາມ​ຄືບ​ໜ້າ​ຂອງ​ໂຄງການ

ທ່ານ ລັດ­ຕະ­ນະ­ມະ­ນີ ຄູນ​ນີ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ, ຫົວ­ໜ້າ​ຄະ­ນະ​ຄຸ້ມ​ຄອງ​ໂຄງ­ການ​ກໍ່­ສ້າງ​ເສັ້ນ­ທາງ​ລົດ­ໄຟ​ລາວ-ຈີນ ໄດ້​ຖະ­ແຫລງ​ຂ່າວ​ກ່ຽວ​ກັບ​ຄວາມ​ຄືບ​ໜ້າ​ຂອງ​ໂຄງການ ​ກໍ່ສ້າງ​ເສັ້ນ­ທາງ​ລົດ­ໄຟ ​ລາວ-ຈີນ ວັນ​ທີ 12 ທັນ­ວາ 2018 ຢູ່​ກະ­ຊວງ ວ່າ: ນັບ​ແຕ່​ວັນ​ທີ 25 ທັນ­ວາ 2016 ໄດ້​ເລີ່ມ​ລົງ­ມື​ກໍ່­ສ້າງ​ເສັ້ນ­ທາງ​ລົດ­ໄຟ​ລາວ-ຈີນ ມາ​ຮອດ​ວັນ​ທີ 30 ເດືອນ​ພະ­ຈິກ 2018 ສາມາດ​ປະຕິ­ບັດ​ໂຄງ­ການ​ດັ່ງ­ກ່າວ ມີ​ຄວາມ​ຄືບ​ໜ້າ 46,5% ຂອງ​ວຽກ​ງານ​ກໍ່­ສ້າງ​ພື້ນ­ຖານ​ໂຄງ​ລ່າງ​ທາງ​ລົດ­ໄຟ ທຽບ­ໃສ່​ເດືອນ​ຜ່ານ​ມາ ເພີ່ມ​ຂຶ້ນ 3,19% ໜ້າ​ວຽກ​ລະ­ອຽດ​ໄດ້​ລົງ­ມື​ກໍ່­ສ້າງ​ໂຄງ­ການ 778 ຈຸດ​ກໍ່ສ້າງ ໃນ​ນີ້​ຊີ​ເຈາະ​ອຸ​ໂມງ 69 ອຸ­ມົງ ລວມ 193 ຈຸດ​ກໍ່­ສ້າງ ສາ­ມາດ​ຊີ​ເຈາະ​ໄດ້ 103.654 ແມັດ ເລີ່ມ​ລົງ­ມື​ກໍ່­ສ້າງ​ຂົວ 139 ແຫ່ງ ໃນ​ນີ້ ສ້າງ​ເສົາ​ຂົວ​ສຳ­ເລັດ 1.197 ເສົາ ຊີ​ເຈາະ​ເຂັມ​ເສົາ​ຂົວ​ລວມ​ຄວາມ​ຍາວ 205.863 ແມັດ ສ່ວນ​ວຽກ​ອຳ­ນວຍ​ຄວາມ​ສະ­ດວກ​ໃຫ້­ການ​ກໍ່­ສ້າງ ແມ່ນ​ໄດ້​ກໍ່­ສ້າງ​ເສັ້ນ­ທາງ ເພື່ອ​ເຂົ້າ​ຫາ​ສະ­ຖານ­ທີ່​ກໍ່­ສ້າງ​ໄດ້ 910 ກິ­ໂລ­ແມັດ ແລະ ຂົວ 4.098 ແມັດ ຕິດ​ຕັ້ງ​ສາຍ​ສົ່ງ​ໄຟ­ຟ້າ 860 ກິ­ໂລ­ແມັດ ຕິດ​ຕັ້ງ​ໝໍ້​ແປງ 258 ໜ່ວຍ ແລະ ສ້າງ​ລະ­ບົບ​ນ້ຳ​ປະ­ປາ​ໄດ້ 128 ກິ­ໂລ­ແມັດ.

    ສຳ­ລັບ​ການ​ຈ່າຍ​ຄ່າ​ຊົດ​ເຊີຍ​ໃຫ້​ປະ­ຊາ­ຊົນ ທີ່​ໄດ້​ຮັບ​ຜົນ​ກະ­ທົບ​ຈາກ​ໂຄງ­ການ ໄດ້​ຈ່າຍ​ທົດ​ແທນ​ຄືນ​ຊັບ​ສິນ (ສິ່ງ​ປຸກ​ສ້າງ) ທີ່​ດິນ ແລະ ຜົນ­ລະ­ປູກ​ຂອງ​ປະ­ຊາ­ຊົນ​ທີ່​ໄດ້​ຮັບ​ຜົນ​ກະ­ທົບ ໃນ​ນີ້​ໄດ້​ຈ່າຍ​ຄ່າ​ຊົດ​ເຊີຍ​ໄປ​ແລ້ວ​ສາມ​ງວດ​ຄື: ງວດ​ທີ 1 ຈໍາ­ນວນ 56,5 ຕື້​ກີບ, ງວດ​ທີ 2 ຈໍານວນ 81,6 ຕື້​ກີບ, ງວດ​ທີ 3 ຈຳນວນ 82,9 ຕື້​ກີບ ແລະ ງວດ​ທີ 4 ກໍາລັງ​ຈະ​ຈ່າຍ​ໃນ​ອາ­ທິດ​ໜ້າ​ນີ້ ຈຳ­ນວນ 134 ຕື້​ກີບ.

ພິທີເປີດໂຄງການກໍ່ສ້າງທາງ ເລກທີ 2.6313 ແຕ່ເຊບັງນວນ-ເມືອງທ່າປາງທອງ-ເມືອງຕຸ້ມລານ ແຂວງສະຫວັນນະເຂດ

ພິທີເປີດໂຄງການກໍ່ສ້າງທາງເລກທີ 2.6313 ແຕ່ເຊບັງນວນ-ເມືອງທ່າປາງທອງ-ເມືອງຕຸ້ມລານ ແຂວງ ສະຫວັນ ນະເຂດ ຂື້ນຢ່າງເປັນທາງການ ໃນວັນທີ 24 ພະຈິກ 2018, ເຂົ້າຮ່ວມໂດຍທ່ານ ປອ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ຄຳມະນີ ອິນທິລາດ ລັດຖະມົນຕີກະຊວງ ພະລັງງານ ແລະ ບໍ່ແຮ່, ທ່ານ ສັນຕິພາບ ພົມວິຫານ ເຈົ້າແຂວງແຂວງສະຫວັນນະເຂດ, ເຈົ້າເມືອງ ເມືອງທ່າປາງທອງ, ຫົວໜ້າຫ້ອງການຮ່ວມມື ລາວ-ຈີນ, ຫົວໜ້າບໍລິສັດ ນໍລິນໂກ ແລະ ບັນດາພະນັກງານວິຊາການຂອງພະແນກການຂ້ອມຂ້າງກໍເຂົ້າຮ່ວມ.

ໃນພິທີດັ່ງກ່າວ ທ່ານ ວຽງວິໄລ ສຸລິນທອງ, ຫົວໜ້າໂຄງການກໍ່ສ້າງທາງດັ່ງກ່າວໄດ້ຂື້ນລາຍງານ ກ່ຽວກັບຄວາມເປັນ ມາຂອງໂຄງການ, ເຊິ່ງໂຄງການໄດ້ຮັບການສ້າງຕັ້ງຂຶ້ນພາຍໃຕ້ການເຫັນດີຕົກລົງຂອງລັດຖະມົນຕີກະຊວງ ຍທຂ ຕາມຂໍ້ຕົກລົງເລກທີ 24849/ຍທຂ, ລົງວັນທີ 5/12/2016, ເສັ້ນທາງດັ່ງກ່າວຕັ້ງຢູ່ເຂດຫ່າງໄກສອກຫຼີກ, ເປັນທາງ ດິນ, ເສັ້ນທາງມີການເປເພຊຸດໂຊມຫຼາຍ, ທາງເປັນບວກເປັນຂຸມ, ບາງບ່ອນກໍ່ຖືກນໍ້າກັດເຊາະຂາດ, ເຮັດໃຫ້ການສັນ ຈອນ ໄປ-ມາ ຂອງປະຊາຊົນບັນດາເຜົ່າພົບຄວາມຫຍຸ້ງຍາກ, ໃຊ້ເວລາໃນການເດີນທາງຫຼາຍຊົ່ວໂມງ, ໂດຍສະເພາະ ໃນລະດູຝົນ, ສະນັ້ນພັກ-ລັດຖະບານ ກໍ່ຄືຄະນຳຂອງກະຊວງ ຍທຂ, ອໍານາດການປົກຄອງແຂວງສະຫວັນນະເຂດ ເຫັນໄດ້ຄວາມສໍາຄັນຂອງວຽກງານຄົມມະນາຄົມ ທີ່ເປັນປາຍແຫຼມ ແລະ ເປັນວຽກງານທີ່ຕິດພັນກັບ ການພັດທະນາ ເສດຖະກິດສັງຄົມ, ເພື່ອໃຫ້ປະຊາຊົນບັນດາເຜົ່າຫຼຸດພົ້ນອອກຈາກຄວາມທຸກຍາກເທື່ອລະກ້າວ, ຈຶ່ງໄດ້ເຫັນດີຕົກລົງ ສ້າງຕັ້ງໂຄງການກໍ່ສ້າງທາງດັ່ງກ່າວຂື້ນ, ເພື່ອກໍ່ສ້າງ, ຟື້ນຟູໃຫ້ການເປັນທາງ 2 ຊັ້ນ, ຊຶ່ງເຮັດໃຫ້ຫານສັນຈອນ ໄປ-ມາ ຂອງປະຊາຊົນບັນດາເຜົ່າມີຄວາມສະດວກ ສະບາຍ ແລະປະຢັດເວລາ, ເສັ້ນທາງດັ່ງກ່າວປະກອບມີ: ຄະນະຮັບຜິດຊອບໂຄງການມາຈາກກະຊວງ ຍທຂ, ພະແນກ ຍທຂ ແຂວງສະຫວັນນະເຂດ ແລະຫ້ອງການ ຍທຂ ເມືອງທີ່ກ່ຽວຂ້ອງ, ບໍລິສັດອາກຄີເນາຍ ອາສໂຊຊີເອສ ເປັນທີ່ປຶກສາໂຄງການ, ບໍລິສັດນໍລິນໂກ ສປ ຈີນເປັນຜູ້ຮັບ ເໝົາກໍ່ສ້າງ, ສໍາລັບໜ້າວຽກທີ່ຈະກໍ່ສ້າງປະກອບມີ: ເສັ້ນທາງດັ່ງກ່າວມີຄວາມຍາວ 8802 ກມ, ຄວາມໄວຂອງ ການອອກແບບ 80 ກມ/ຊມ, ນໍ້າໜັກຂອງການອອກແບບ 901 ໂຕນ/ເພົາ, ໂດຍທົ່ວໄປໜ້າທາງຢາງກວ້າງ 7 ແມັດ, ສະເພາະທາງໃນເຂດເທດສະບານເມືອງທ່າປາງທອງ 3 ກມ, ມີໜ້າທາງປູຢາງກວ້າງ 9 ແມັດ, ປະກອບດ້ວຍ ທາງຄົນຍ່າງ ແລະໄຟເຍືອງທາງ, ວຽກການກໍ່ສ້າງຂົວເບຕົງ 19 ແຫ່ງມີຄວາມຍາວ 458 ແມັດ, ວຽກກໍ່ສ້າງທໍ່ລະບາຍ ນໍ້າລອດທາງ, ວຽກກໍ່ສ້າງພື້ນຖານໂຄງລ່າງ ເມືອງທ່າປາງທອງ (ສ້າງສູນຝຶກອົບຮົມເຕັກນິກກະສິກໍາ), ສໍາລຳມູນຄ່າ ການກໍ່ສ້າງ ທັງມົດ 59,788,446 ໂດລາສະຫະລັດ, ທີ່ໄດ້ຮັບການສະໜັບສະໜູນກູ້ຢືມທືນຈາກບໍລິສັດ ນໍລິນໂກ ສປ ຈີນ, ໄດ້ມີການເຊັນສັນຍາຮັບເໝົາກໍ່ສ້າງໃນວັນທີ 3/5/2017, ໄລຍະການກໍ່ສ້າງ 36 ເດືອນ, ຊຶ່ງໄດ້ເລີາມລົງມືກໍ່ສ້າງ ວັນທີ 1/10/2017 ແລະຈະໃຫ້ສໍາເລັດວັນທີ 1/10/2020.  

ຖ້າໂຄງການກໍ່ສ້າງເສັ້ນທາງດັ່ງກ່າວສໍາເລັດ ຈະເຮັດໃຫ້ຊີວິດການເປັນຢູ່ຂອງພໍ່ແມ່ປະຊາຊົນດີຂື້ນເທື່ອ ລະກ້າວ, ການໄປມາກໍ່ສະດວກສະບາຍ, ເພື່ອເຮັດໃຫ້ເມືອງທ່າປາງທອງ ກາຍເປັນເມືອງທີ່ມີຄວາມສະອາດ, ຈົບງາມ ແລະ ໜ້າຢູ່, ສະນັ້ນ, ຄະນນໍາກະຊວງ ຍທຂ ຈຶ່ງໄດ້ຕົກລົງເຫັນດີເປັນເອກະພາບ, ແບ່ງເອົາງົບປະມານຈໍານວນໜຶ່ງພາຍໃຕ້ ໂຄງການກໍ່ສ້າງທາງເລກທີ 2,6313 ເພື່ອນໍາໃຊ້ໃນວຽກງານພັດທະນາພື້ນຖານໂຄງລ່າງເມືອງປາງທອງໂດຍ ການ ຈັດຫາລົດຂົນສົ່ງຂີ້ເຫຍື້ອ ຈໍານວນ 2 ຄັນ ແລະກໍ່ສ້າງສູນຝຶກອົບຮົມເຕັກນິກ ກະສິກໍາ ເຊສາລະລອງ ເພື່ອສະໜອງ ໃຫ້ແກ່ເມືອງທາປາງທອງ.

Additional information