ຂ່າວ

ກອງປະຊຸມຂອງຄະນະຊີ້ນຳໂຄງການຂັ້ນສູນກາງ ໂຄງການປັບປຸງ ແລະ ສ້ອມແປງທາງຫຼວງແຫ່ງຊາດ 13 ເໜືອ ໄລຍະສີເກີດ-ໂພນໂຮງ

ໃນວັນ​ທີ 12 ກໍ­ລະ­ກົດ 2018 ຢູ່ທີ່​ຫ້ອງປະຊຸມໃຫຍ່ເບີ 1 ກະ­ຊວງ ຍທຂ ໄດ້ຈັດກອງ​ປະ­ຊຸມ​ຂອງ​ຄະ­ນະ​ຊີ້​ນຳ​ໂຄງ­ການ​ຂັ້ນ​ສູນ​ກາງ ໂຄງ­ການ​ປັບ­ປຸງ ແລະ ສ້ອມ­ແປງ​ທາງ​ຫຼວງ​ແຫ່ງ​ຊາດ 13 ເໜືອ ໄລ­ຍະ​ສີ​ເກີດ-ໂພນ​ໂຮງ  ໂດຍ​ໃຫ້ກຽດເປັນ​ປະ­ທານ​ຂອງ​ທ່ານ ປອ. ບຸນ​ຈັນ ສິນ​ທະ​ວົງ ລັດ­ຖະ­ມົນ­ຕີ​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ  ເປັນ​ປະ­ທານ​ມີ​ຄະ­ນະ​ຊີ້​ນຳ ຄະ­ນະ​ກຳ­ມະ­ການ​ໄກ່​ເກ່ຍ​ນະ­ຄອນ­ຫຼວງ​ວຽງ​ຈັນ ແລະ ແຂວງ​ວຽງ​ຈັນ ມີ​ຜູ້​ຊ່ຽວ­ຊານ​ດ້ານ​ໂຄງ​ລ່າງ​ພື້ນ­ຖານ​ຈາກ​ທະ­ນາ­ຄານ​ໂລກ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ໂຄງ­ການ​ປັບ­ປຸງ​ທາງ​ຫຼວງ​ແຫ່ງ​ຊາດ​ເລກ​ທີ 13 ເໜືອ ໄດ້​ມີ​ການ​ສຶກ​ສາ ສຳ​ຫຼວດ ອອກ​ແບບ​ມາ​ແຕ່​ປີ 2015 ໂດຍ​ການ​ສະ­ໜັບ­ສະ­ໜູນ​ທີ່​ປຶກ­ສາ​ຈາກ​ທະ­ນາ­ຄານ​ໂລກ ຜ່ານ​ການ​ກະ­ກຽມ ແລະ ປຶກ­ສາ​ຫາ­ລື​ກັບ​ຫຼາຍ​ພາກ­ສ່ວນ​ທີ່​ກ່ຽວ­ຂ້ອງ​ຈາກ​ຜູ້​ໃຫ້​ທຶນ ບັນ­ດາ​ກະ­ຊວງ ແລະ ບໍ­ລິ­ສັດ​ລົງ­ທຶນ ມາ​ຮອດ​ເດືອນ​ສິງ­ຫາ 2017 ລັດ­ຖະ­ບານ​ເຫັນ​ດີ​ດ້ານ​ຫຼັກ­ການ​ຮັບ­ຮອງ​ເອົາ​ໂຄງ­ການ ແລະ ເຫັນ​ດີ​ໃຫ້​ກະ­ຊວງ​ການ​ເງິນ​ທາບ​ທາມ​ເງິນ​ກູ້​ຈາກ​ສະ​ຖາ​ບັນ​ການ​ເງິນ​ສາ­ກົນ ຄື:ທະ­ນາ­ຄານ​ໂລກ ກອງ​ທຶນ​ນໍ​ດິກ ແລະ ທະ­ນາ­ຄານ​ການ​ລົງ­ທຶນ​ໂຄງ​ລ່າງ​ພື້ນ­ຖານ​ອາ­ຊີ.   

ທະ­ນາ­ຄານ​ການ​ລົງ­ທຶນ​ໂຄງ​ລ່າງ​ພື້ນ­ຖານ​ອາ­ຊີ ຍັງ​ໃຫ້​ງົບ​ກອງ​ທຶນ​ພິ­ເສດ ເພື່ອ​ຈ້າງ​ທີ່​ປຶກ­ສາ​ຊ່ວຍ​ວຽກ​ຄະ­ນະ​ໄກ່​ເກ່ຍ​ສິ່ງ​ກີດ­ຂວາງ​ທາງ 13 ເໜືອ ແລະ ກະ­ກຽມ​ສຳ​ຫຼວດ ອອກ​ແບບ​ໄລ­ຍະ​ທາງ 13 ໃຕ້ ແຕ່ ກມ 21 ນະ­ຄອນ­ຫຼວງ​ວຽງ​ຈັນ ຫາ ກມ 71.

ປັດ­ຈຸ­ບັນ ສາ­ມາດ​ເຮັດ​ສຳ­ເລັດ​ໄດ້​ຫຼາຍ​ໜ້າ​ວຽກ ເຊັ່ນ: ໄດ້​ວ່າ​ຈ້າງ​ບໍ­ລິ­ສັດ​ທີ່​ປຶກ­ສາ LCG ເພື່ອ​ດຳ­ເນີນ​ການ​ສຶກ​ສາ­ຜົນ​ກະ­ທົບ​ດ້ານ​ສິ່ງ­ແວ­ດລ້ອມ ແລະ ສັງ­ຄົມ​ແບບ​ຄົບ​ຊຸດ ແລະ ວ່າ​ຈ້າງ​ລັດ​ວິ​ສາ​ຫະ​ກິດ ວິ­ສະ­ວະ­ກຳ ຄົມ­ມະ­ນາ­ຄົມ (ລ.ວ.ຄ) ດຳ­ເນີນ​ວຽກ​ສຳ​ຫຼວດ-ອອກ​ແບບ​ລະ­ອຽດ​ດ້ານ​ວິ​ສະ​ວະ​ກະ​ທາງ​ເລກ​ທີ 13 ເໜືອ ຈາກ​ສາມ​ແຍກ​ສີ​ເກີດ​ຫາ​ໂພນ​ໂຮງ ລວງ​ຍາວ 58 ກິ­ໂລ­ແມັດ ແລະ ອື່ນໆ ຕາມ​ແຜນ­ການ​ລົງ­ມື​ກໍ່­ສ້າງ​ໂຄງ­ການ​ດັ່ງ­ກ່າວ​ນີ້ ແມ່ນ​ເດືອນ​ມັງ­ກອນ 2019 ແລະ ສຳ­ເລັດ​ໃນ​ປີ 2021 (ກຳ­ນົດ 3 ປີ) ຈາກ​ນັ້ນ ບູ­ລະ­ນະ​ຮັກ­ສາ 7 ປີ ເລີ່ມ 2022-2028.

 

 

 

 

ສະຫະພັນແມ່ຍິງກະຊວງໂຍທາທິການ ແລະ ຂົນສົ່ງ ຫວນຄືນມູນເຊື້ອວັນສ້າງຕັ້ງສະຫະພັນແມ່ຍິງລາວ

ວັນທີ 16 ກໍລະກົດ 2018 ທີ່ຜ່ານມາ ສະຫະພັນແມ່ຍິງກະຊວງໂຍທາທິການ ແລະ ຂົນສົ່ງ (ຍທຂ) ຈັດພິທີປະຖະກະ ຖາວັນສໍາຄັນດັ່ງກ່າວຂຶ້ນໃນກະຊວງ ຍທຂ ໂດຍການປາຖະກະຖາຂອງ ທ່ານນາງ ບົວຈັນ ສີຫານາດ ຮອງປະທານ ສູນກາງ ສະຫະພັນແມ່ຍິງລາວ ມີທ່ານນາງ ວິໄລຄຳ ໂພສາລາດ ຮອງລັດທະມົນຕີກະຊວງ ຍທຂ ບັນດາຄະນະບໍ ລິຫານງານ ສະຫະພັນແມ່ຍິງ ພະນັກງານອາວຸໂສບຳນານ ຫ້ອງການ, ກົມ, ກອງ ແລະ ສະມາຊິກແມ່ຍິງອ້ອມຂ້າງ ເຂົ້າຮ່ວມ.

ກອງປະຊຸມຄັ້ງນີ້ ທ່ານນາງ ບົວຈັນ ສີຫານາດ ໄດ້ເລົ່າມູນເຊື້ອຂອງເອື້ອຍນ້ອງແມ່ຍິງລາວ ເຊີ່ງໄດ້ຍົກໃຫ້ເຫັນ ປະຫວັດຄວາມເປັນມາຂອງວັນສ້າງຕັ້ງຂອງສະຫະພັນແມ່ຍິງລາວ ທີ່ເມື່ອກ່ອນເອື້ອຍນ້ອງແມ່ຍິງລາວມີຄວາມຫຍຸ້ງ ຍາກລຳບາກ ເນື່ອງຈາກໄດ້ແບກຫາບພາລະຂອງຄອບຄົວຫຼາຍຢ່າງ ການປະກອບອາຊີບກໍມີຄວາມຫຍຸ້ງຍາກ ແມ່ຍິງ ຈຳນວນຫຼວງຫຼາຍບໍ່ມີໂອກາດໄດ້ເຂົ້າຮ່ວມໂຮງຮຽນ ເມື່ອເປັນແນວນັ້ນເອື້ອຍນ້ອງແມ່ຍິງຈິ່ງພ້ອມກັນລຸກຂຶ້ນຕໍ່ສູ້ເພື່ອ ທວງສິດສະເໝີພາບ ລະຫ່ວາງ ຍິງ-ຊາຍ ຈົນປະສົບຄວາມສຳເລັດ ຫຼັງຈາກນັ້ນ ມາແມ່ຍິງກໍ່ໄດ້ປະກອບສ່ວນຢ່າງ ຕັ້ງໜ້າເຂົ້າໃນການປະຕິບັດໜ້າທີ່ຈົນມາເຖີງປັດຈຸບັນຈາກຜົນງານການອຸທິດຂອງຂະບວນການແມ່ຍິງລາວຕະຫຼອດໄລຍະຜ່ານມາພັກ-ລັດຖະບານ ໄດ້ປະດັບຫຼຽນຊັ້ນຕ່າງໆເພື່ອຢັ້ງຢືນເຖິງຜົນງານໃນການປະກອບສ່ວນຢ່າງຕັ້ງໜ້າເຂົ້າໃນພະລະກິດປົກປັກຮັກສາ ແລະ ສ້າງສາພັດທະນາປະເທດຊາດ ປັດຈຸບັນ ສະຫະພັນແມ່ຍິງ ກໍ່ຄື ຮາກຖານແມ່ຍິງແຕ່ຂັ້ນໄດ້ເອົາໃຈໃສ່ໃນການ ຊອກຮູ້ຮ່ຳຮຽນທັງພາຍໃນ ແລະ ຕ່າງປະເທດໄດ້ເຮັດໃຫ້ແມ່ຍິງຈຳນວນຫຼາຍກາຍເປັນຜູ້ນຳຂັ້ນຕ່າງໆ ແລະ ເຮັດ ໜ້າທີ່ໃນການອົບຮົມສັ່ງສອນລູກຫຼານໃຫ້ເປັນຄົນດີຂອງສັງຄົມ ພ້ອມນີ້ ຍັງໄດ້ຮັບຟັງການເຜີຍແຜ່ຜົນສຳເລັດທີ່ພົ້ນ ເດັ່ນໃນການເຄື່ອນໄຫວວຽກງານ ແລະ ການຖອດຖອນບົດຮຽນໃນການຈັດຕັ້ງປະຕິບັດປະເມີນຜົນ ຂໍ້ແຂ່ງຂັນ 3 ດີ ຂອງສູນກາງສະຫະພັນແມ່ຍິງລາວ ແລະ ຮັບຟັງສະຫຼູບລາຍງານການເຄື່ອນໄຫວວຽກງານຂອງສະຫະພັນແມ່ຍິງ ກະຊວງ ຍທຂ ຕື່ມອີກ.

ສະພາບອາກາດ ປະຈຳເດືອນ ກໍລະກົດ ຫາ ກັນຍາ 2018

 

 

 

 

 

 

Additional information