ຂ່າວ

ພິທີເຊັນບົດບັນທຶກຄວາມເຂົ້າໃຈ ສຶກສາຄວາມເປັນໄປໄດ້ໂຄງການກໍ່ສ້າງທາງດ່ວນ ແຕ່ນະຄອນຫລວງວຽງຈັນ ຫາ ປາກເຊ ຊ່ວງທີ IV

ໃນວັນທີ 29 ຕຸລາ 2018 ຢູ່ທີ່ຫ້ອງປະຊຸມໃຫຍ່ ກະຊວງໂຍທາທິການ ແລະ ຂົນສົ່ງ ໄດ້ຈັດພິທີເຊັນບົດບັນທຶກ ຄວາມເຂົ້າໃຈການສຶກສາຄວາມເປັນໄປໄດ້ຂອງໂຄງການກໍ່ສ້າງທາງດ່ວນ ແລວທາງໃໝ່ 13 ໃຕ້ ແຕ່ນະຄອນ ຫລວງວຽງຈັນ ຫາ ປາກເຊ ແຂວງຈຳປາສັກ ໄລຍະທີ IV ແຕ່ທາງແຍກເສັ້ນທາງ ເລກ 15 ແຂວງສາລະວັນ ຫາ ປາກເຊ ແຂວງຈຳປາສັກ, ຮ່ວມລົງນາມໃນຄັ້ງນີ້ ມີທ່ານ ແພງ ດວງເງິນ ຫົວໜ້າກົມຂົວທາງ ກະຊວງ ຍທຂ ແລະ ທ່ານ ຫລີ້ຊູ້ (Lixu) ຜູ້ອຳນວຍການຫ້ອງການ ຜູ້ຕາງໜ້າ ບໍລິສັດ ຂົວ-ທາງ ຈີນ ປະຈຳລາວ ໂດຍໃຫ້ກຽດ ເຂົ້າຮ່ວມເປັນ ສັກຂີພິຍານຂອງທ່ານ ປອ ສັນຕິສຸກ ສິມມາລາວົງ ຮອງລັດຖະມົນຕີ, ມີທ່ານຫົວໜ້າຫ້ອງການ, ບັນດາຄະນະ ກົມອ້ອມຂ້າງກະຊວງ ແລະ ແຂກຖືກເຊີນເຂົ້າຮ່ວມ. ການລົງນາມໃນຄັ້ງນີ້ທາງໂຄງການໄດ້ແບ່ງອອກ ເປັນ 4 ໄລຍະຄື: ໄລຍະທີ 1 ເລີ່ມຈາກ ແຂວງບໍລິຄຳໄຊ ຫາແຂວງຄຳມ່ວນມີໄລຍະທາງ 164 ກິ ໂລແມັດ, ໄລຍະທີ 2 ເລີ່ມຈາກແຂວງຄຳມ່ວນຫາ ແຂວງສະຫວັນ ນະເຂດມີໄລຍະທາງ 117 ກິໂລແມັດ, ໄລຍະທີ 3 ເລີ່ມຈາກແຂວງ ສະຫວັນນະເຂດ ຫາ ແຂວງສາລະວັນ ມີໄລຍະທາງ 128 ກິໂລແມັດ, ໄລຍະທີ 4 ເລີ່ມຈາກແຂວງສາລະວັນ ຫາ ແຂວງຈຳປາສັກ ມີໄລຍະທາງ 82 ກິໂລແມັດ, ການເຊັນບົດບັນທຶກການສຶກສາຄວາມເປັນໄປໄດ້ສຳລັບໄລຍະທີ IV ຊຶ່ງເລີ່ມແຕ່ທາງແຍກເສັ້ນທາງ ເລກ 15 ແຂວງສາລະວັນ ຫາ ນະຄອນປາກເຊ ແຂວງຈຳປາສັກ ຊຶ່ງມີໄລຍະທາງ 82 ກິໂລແມັດ ໂດຍແມ່ນບໍລິສັດຂົວ-ທາງ ຈີນ ເປັນຜູ້ດຳເນີນການສຳຫລວດ ແລະ ສ້າງບົດວິພາກເສດຖະກິດເຕັກນິກ, ໄລຍະສຶກສາຄວາມເປັນໄປໄດ້ ແມ່ນ 18 ເດືອນ, ເລີ່ມແຕ່ມື້ເຊັນສັນຍາເປັນຕົ້ນໄປ. ລັດຖະບານ ສປປ ລາວ ໄດ້ຖື ເອົາການພັດທະນາພື້ນຖານໂຄງລ່າງ ຢ່າງຕໍ່ເນື່ອງລຽນຕິດ, ໂດຍຂະຫຍາຍ ແລະ ພັດທະນາ ລະບົບຄົມມະນາ ຄົມ-ຂົນສົ່ງ ໃຫ້ເປັນປາຍແຫລມທີ່ໂລ່ງ ລ່ຽນ, ສະດວກ, ປອດໄພ, ທັນສະໄໝ, ໂປ່ງໃສ ເພື່ອປະຕິບັດສອງໜ້າທີ່ ຍຸດທະສາດ ແລະ ເຊື່ອມຕໍ່ກັບອະນຸ ພາກພື້ນ.

ພິທີເຊັນສັນຍາບົດບັນທຶກຄວາມເຂົ້າໃຈສຶກສາຄວາມເປັນໄປໄດ້ໂຄງການກໍ່ສ້າງ ທາງດ່ວນ 13 ໃຕ້

ໃນວັນທີ 26 ຕຸລາ 2018 ຢູ່ທີ່ຫ້ອງປະຊຸມໃຫຍ່ ກະຊວງໂຍທາທິການ ແລະ ຂົນສົ່ງ ໄດ້ຈັດພິທີເຊັນບົດບັນທຶກ ຄວາມເຂົ້າໃຈການສຶກສາຄວາມເປັນໄປໄດ້ຂອງໂຄງການກໍ່ສ້າງທາງດ່ວນ ແລວທາງໃໝ່ 13 ໃຕ້ ແຕ່ນະຄອນ ຫລວງວຽງຈັນ ຫາ ປາກເຊ ແຂວງຈຳປາສັກ ໄລຍະທີ III ແຕ່ແຍກທາງເລກ 9 ເຊໂນ ແຂວງສະຫວັນນະເຂດ ຫາ ແຍກທາງເລກທີ 15 ນາປົ່ງແຂວງສາລະວັນ, ຮ່ວມລົງນາມໃນຄັ້ງນີ້ ມີທ່ານ ແພງ ດວງເງິນ ຫົວໜ້າກົມຂົວທາງ ກະຊວງ ຍທຂ ແລະ ທ່ານ ສີທາ ພົມມະຈິດ ຕາງໜ້າບໍລິສັດຮ່ວມທຶນ ບໍລິສັດ ພູສີກໍ່ສ້າງ ແລະ ພັດທະນາ (ມະຫາ ຊົນ) ແລະ ທ່ານ ມົ້ງເຊົ໋າ ຕາງໜ້າກຸ່ມບໍລິສັດ ລັດວິສາຫະກິດ ວິສະວະກຳກໍ່ສ້າງ ສປ ຈີນ ໂດຍໃຫ້ກຽດເຂົ້າຮ່ວມເປັນ ສັກຂີພິຍານຂອງທ່ານ ບຸນຈັນ ສິນທະວົງ ລັດຖະມົນຕີ, ຫົວໜ້າຫ້ອງການ, ບັນດາຄະນະກົມອ້ອມຂ້າງກະຊວງ ແລະ ແຂກຖືກເຊີນເຂົ້າຮ່ວມ. ການລົງນາມໃນຄັ້ງນີ້ທາງໂຄງການໄດ້ແບ່ງອອກເປັນ 4 ໄລຍະຄື: ໄລຍະທີ 1 ເລີ່ມຈາກ ແຂວງບໍລິຄຳໄຊ ຫາແຂວງຄຳມ່ວນມີໄລຍະທາງ 164 ກິ ໂລແມັດ, ໄລຍະທີ 2 ເລີ່ມຈາກແຂວງຄຳມ່ວນຫາ ແຂວງສະຫວັນ ນະເຂດມີໄລຍະທາງ 117 ກິໂລແມັດ, ໄລຍະທີ 3 ເລີ່ມຈາກແຂວງສະຫວັນນະເຂດ ຫາ ແຂວງສາລະວັນ ມີໄລຍະທາງ 128 ກິໂລແມັດ, ໄລຍະທີ 4 ເລີ່ມຈາກແຂວງສາລະວັນຫາແຂວງຈຳປາສັກມີໄລຍະທາງ 82 ກິໂລແມັດ, ການເຊັນບົດບັນທຶກການສຶກສາຄວາມເປັນໄປໄດ້ສຳລັບໄລຍະທີ III ຊຶ່ງເລີ່ມຈາກສາມແຍກເຊໂນ ແຂວງສະ ຫວັນນະເຂດ ຫາ ສາມແຍກທາງເລກທີ 15 ບ້ານນາປົ່ງ ແຂວງສາລະວັນ ຊຶ່ງມີໄລຍະທາງ 128 ກິໂລແມັດ ໂດຍແມ່ນບໍລິສັດຮ່ວມທຶນ ບໍລິສັດພູສີກໍ່ສ້າງ ແລະ ພັດທະນາ (ມະຫາຊົນ) ແລະ ກຸ່ມບໍລິສັດ ລັດວິສາຫະກິດ ວິສະວະກຳ ກໍ່ສ້າງ ສປ ຈີນ ເປັນຜູ້ດຳເນີນ ການສຳຫຼວດ ແລະ ສ້າງບົດວິພາກເສດຖະກິດເຕັກນິກ, ໄລຍະການ ສຶກສາຄວາມເປັນໄປໄດ້ ແມ່ນ 16 ເດືອນ. ລັດຖະບານ ສປປ ລາວ ໄດ້ຖືເອົາການພັດທະນາພື້ນຖານໂຄງລ່າງ ຢ່າງຕໍ່ເນື່ອງລຽນຕິດ ໂດຍຖືເອົາວຽກງານຄົມມະນາຄົມ ແລະ ຂົນສົ່ງ ເປັນວຽກຈຳເປັນ ແລະ ຮີບດ່ວນ ເພື່ອໃຫ້ ມີເສັ້ນທາງ ໄປມາຫາສູ່ຢ່າງສະດວກສະບາຍ ເພື່ອຮັບໃຊ້ການຜະລິດ, ການຂົນສົ່ງສິນຄ້າ, ການບໍລິການ ແລະ ການ ທ່ອງທ່ຽວ ແລະ ອື່ນໆ ອີກອັນໜຶ່ງແມ່ນເຫັນວ່າເສັ້ນທາງ 13 ໃຕ້ ເປັນເສັ້ນທາງສາຍຫລັກ ຊຶ່ງສາມາດເວົ້າໄດ້ວ່າເປັນ ກະດູກສັນຫລັງຂອງຊາດທີ່ເຊື່ອມຕໍ່ລະຫວ່າງບັນດາແຂວງພາກກາງ ຫາ ບັນດາແຂວງພາກໃຕ້.

ກອງປະຊຸມຄັ້ງທີ II ຂອງຄະນະກຳມະການປ້ອງກັນ ຄວາມປອດໄພການບິນພົນລະເຮືອນແຫ່ງຊາດ

ຄະນະກໍາມະການປ້ອງກັນຄວາມປອດໄພການບິນພົນລະເຮືອນແຫ່ງຊາດ ໄດ້ຈັດກອງປະຊຸມຂື້ນ ໃນວັນທີ 09 ຕຸລາ 2018, ໂດຍການເປັນປະທານຂອງ ພົທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ປະທານ ຄະນະກໍາມະການປ້ອງກັນຄວາມປອດໄພການບິນພົນລະເຮືອນແຫ່ງຊາດ, ເຂົ້າຮ່ວມມີທ່ານຮອງລັດຖະມົນຕີກະຊວງ ໂຍທາທິການ ແລະ ຂົນສົ່ງ, ທ່ານຮອງລັດຖະມົນຕີກະຊວງປ້ອງກັນຄວາມສະຫງົບ, ທ່ານຮອງເຈົ້າຄອງນະຄອນ ຫລວງວຽງຈັນ, ບັນດາທ່ານຮອງເຈົ້າແຂວງ ແລະ ພ້ອມດ້ວຍ ພະນັກງານຂັ້ນກົມ, ຮອງກົມ, ຫົວໜ້າພະແນກ, ຮອງ ພະແນກ ແລະ ພະນັກງານວິຊາການຈາກຂະແໜງ ການຕ່າງໆ ຈຳນວນ 54 ທ່ານ.

ກອງປະຊຸມຄັ້ງນີ້ ແມ່ນເພື່ອປຶກສາຫາລືແລກປ່ຽນບົດຮຽນກ່ຽວກັບສິ່ງທ້າທາຍ ແລະ ໄພຂົ່ມຂູ່ຕໍ່ຄວາມປອດໄພຂອງ ຂະແໜງການບິນພົນລະເຮືອນ ເພື່ອຫາວິທີແກ້ໄຂ ແລະ ການກຳນົດນະໂຍບາຍຍຸດທະສາດ ຮ່ວມກັນໃນຄະນະ ກຳມະການປ້ອງກັນຄວາມປອດໄພການບິນພົນລະເຮືອນແຫ່ງຊາດ ໃນການເພີ່ມທະວີຍົກລະດັບມາດຕະການປ້ອງ ກັນຄວາມປອດໄພການບິນໃນທົ່ວປະເທດໃຫ້ທຽບເທົ່າກັບສາກົນ ຫລື ບັນລຸ ໄດ້ຕາມມາດຕະຖານຕ່ຳສຸດ ທີ່ອົງການ ການບິນພົນລະເຮືອນສາກົນໄດ້ວາງອອກ, ຊຶ່ງ ສປປ ລາວ ຈະໄດ້ຖືກກວດສອບດ້ານການປ້ອງກັນຄວາມປອດໄພ ການບິນຈາກອົງການການບິນພົນລະເຮືອນສາກົນໃນທ້າຍປີນີ້, ໂດຍການກວດສອບຄັ້ງນີ້ ອົງການການບບິນພົນລະ ເຮືອນສາກົນ ຈະໄດ້ກວດກາບັນດານິຕິກຳ, ລະບົບປ້ອງກັນຄວາມປອດໄພສະໜາມບິນ, ການຈະລາຈອນທາງອາ ກາດ, ສາຍການບິນ ແລະ ລະບົບ ຕອບໂຕ້ກໍລະນີທີ່ມີເຫດສຸກເສີນໂດຍຜູ້ກໍ່ການຮ້າຍ ເຊີ່ງກົມການບິນພົນລະເຮືອນ ກໍ່ໄດ້ມີການກະກຽມຄວາມພ້ອມໃນຫລາຍດ້ານ, ພ້ອມກັນນັ້ນ ກໍ່ໄດ້ຊຸກຍູ້ໃຫ້ບັນດາຜູ້ໃຫ້ບໍລິການໃນຂະແໜງການບິນ ແລະ ໜ່ວຍງານທີ່ກ່ຽວຂ້ອງ ເປັນເຈົ້າການຮ່ວມກັນໃນການເອົາໃຈໃສ່ຈັດຕັ້ງປະຕິບັດມາດຕະການປ້ອງກັນຄວາມ ປອດໄພ ແລະ ການແກ້ໄຂຂໍ້ຄົງຄ້າງທີ່ມີຢູ່ໃຫ້ສຳເລັດຕາມແຜນໄລຍະສັ້ນ ແລະ ໄລຍະຍາວຕາມທີ່ ໄດ້ກຳນົດໄວ້, ກອງປະຊຸມຄັ້ງນີ້ ຍັງເປັນການກຳນົດຂີດໝາຍ ແລະ ການກຳນົດທິດທາງອັນສຳຄັນ ທີ່ຈະເຮັດໃຫ້ວຽກງານການປ້ອງ ກັນການບິນພົນລະເຮືອນ ໃນ ສປປ ລາວ ມີປະສິດທິພາບ ແລະ ມີຄວາມຍືນຍົງໃນອານາຄົດ.

Additional information