ຂ່າວຕ່າງແຂວງ

ຄວາມຄືບໜ້າຂອງໂຄງການປັບປຸງ, ຍົກລະດັບສະໜາມບິນເມືອງຫ້ວຍຊາຍ ແຂວງບໍ່ແກ້ວ

ແຂວງບໍ່ແກ້ວ ແມ່ນທີ່ຕັ້ງຢູ່ພາກຕາເວັນຕົກສຽງເໜືອຂອງປະເທດລາວ, ຊຶ່ງເປັນແຂວງໜຶ່ງທີ່ມີຊື່ສຽງທາງດ້ານອັນຍະ ມະນີ, ເປັນແຂວງທີ່ມີການພັດທະນາເສດຖະກິດສູງພໍສົມຄວນ ແລະ ເປັນແຂວງທີ່ຕິດກັບສາມຫຼ່ຽມຄໍາ, ຍ້ອນເຫັນ ໄດ້ເຖິງການເຕີບໃຫຍ່ຂະຫຍາຍຕົວທາງດ້ານເສດຖະກິດ-ສັງຄົມ, ຈຶ່ງໄດ້ມີການປັບປຸງ, ຍົກລະດັບສະໜາມບິນເມືອງ ຫ້ວຍຊາຍ ແຂວງບໍ່ແກ້ວຂຶ້ນ, ການຍົກລະດັບສະໜາມບິນເມືອງຫ້ວຍຊາຍ ແຂວງບໍ່ແກ້ວ ແມ່ນກໍ່ສ້າງໃຫ້ໄດ້ຕາມ ມາດຖານຂອງກົມການບິນພົນລະເຮືອນ (MOS 2009) ແລະມາດຖານສາກົນ (ICAO) ປັບປຸງສະໜາມບິນໃຫ້ມີ ຄວາມປອດໄພ, ໄດ້ຂະໜາດ 3C (Aerodrome Code 3C), ຊຶ່ງສາມາດຮອງຮັບເຮືອບິນຂະໜາດ 70-100 ບ່ອນ ນັ່ງເຊັ່ນ: ເຮືອບິນ ATR 72, MA-60 ຫຼື ທຽບເທົ່າ.

ສໍາລັບໜ້າວຽກທີ່ປັບປຸງ ແລະກໍ່ສ້າງມີ 4 ໜ້າວຽກໃຫຍ່ຄື: ວຽກກໍ່ສ້າງຂະຫຍາຍເສັ້ນທາງຂື້ນ-ລົງ (Runway) ຂອງ ເຮືອບິນໃຫ້ມີຄວາມຍາວ ແລະກວ້າງອອກຕື່ມຈາກ 19 ແມັດໃນເບື້ອງຕົ້ນອອກມາເປັນ 36 ແມັດ, ວຽກການກໍ່ສ້າງ ປັບປຸງລານຈອດເຮືອບິນ (Parking), ກໍ່ສ້າງສະຖານທີ່ຈອດລົດ (Car parking) ຂອງຜູ້ໂດຍສານ, ວຽກການກໍ່ສ້າງ ຮົ້ວຖາວອນອ້ອມຮອບສະໜາມບິນ, ວຽກສ້ອມແປງອາຄານຜູ້ໂດຍສານ ແລະວຽກອື່ນໆ ລວມທັງການກໍ່ສ້າງລະບົບ ປ້ອງກັນຕ້ານເຈື່ອນອີກຈໍານວນໜຶ່ງ.

ສໍາລັບຄວາມຄືບໜ້າວຽກງານຂອງໂຄງການກໍ່ສ້າງ, ວຽກກໍ່ສ້າງສະໜາມບິນ, ໃນການຈັດຫາທົ່ວໄປ, ປະຕິບັດໄດ້ 38,07%, ສໍາລັບການຕິດຕັ້ງອຸປະກອນຫ້ອງທົດລອງຢູ່ພາກສະໜາມຊົ່ວຄາວ 70%, ວຽກອະນາໄມດຸດລອກ ປະຕິ ບັດໄດ້ 180,00 m2 = 83,94%, ວຽກດິນຕັດ 171,807.23 m3 = 34,16%, ວຽກການກໍ່ສ້າງຖົມດິນ 148,582.35 m3 = 36.31%, ວຽກຍົກຍ້າຍວັດສະດຸບໍ່ເໝາະສົມ 18,532 m3 = 36.85%, ວຽກຮື້ຖອນ ໂຄງສ້າງເກົ່າ (ອາຄານເກົ່າ) 100% ແລະວຽກກໍ່ສ້າງຮົ້ວ 300 ມ= 6.99%, ວຽກເກັບກູ້ລູກລະເບີດທີມງານ ຂອງບໍລິສັດ ແສງເພັດເກັບກູ້ລະເບີດ, ໄດ້ລົງມືກວດກາເກັບກູ້ລະເບີດ ເລີ່ມແຕ່ວັນທີ 5 ພະຈິກ 2018 ເຖິງ ວັນທີ 26 ພະຈິກ 2018 ເປັນເວລາ 22 ວັນ, ໃນເນື້ອທີ່ໆໄດ້ກວດກາຕາມແບບ 17.54 ເຮັກຕາ, ເນື້ອທີ່ຕາມທີມງານເກັບ ກູ້ລະເບີດທີ່ໄດ້ກວດກາຕົວຈິງ 8.134 ເຮັກຕາ, ສໍາລັບວຽກເກັບກູ້ລະເບີດທີ່ປະຕິບັດໄດ້ທັງໝົດ, ກວດກາ ແລະ ເກັບກູ້ໄດ້ 169 ລູກ/ຊິ້ນສ່ວນ/ແມັກກາຊິນ, ສາມາດແຕກໄດ້ 154 ລູກ/ຊິ້ນສ່ວນ/ແມັກກາຊິນ, ໃຊ້ບໍ່ໄດ້ 7 ລູກ/ຊິ້ນ ສ່ວນ, ແມັກກາຊິນ, ສໍາລັບວຽກໄກເກ່ຍສິ່ງກີດຂວາງທີ່ຖືກຜົນກະທົບຈາກໂຄງການ, ສໍາເລັດການເກັບກໍາຂໍ້ມູນ ຈໍານວນຄອບຄົວ ທີ່ຖືກຜົນກະທົບ ລວມທັງທີ່ດິນ, ເຮືອນ ແລະເຄື່ອງປູກອື່ນໆສໍາເລັດ (ຍັງຂັ້ນຕອນຈ່າຍຄ່າ ທົດແທນ), ຈໍານວນບ້ານທີ່ຖືກຜົນກະທົບມີ 2 ບ້ານຄື: ບ້ານປ່າອ້ອຍ ແລະບ້ານອຸດົມ, ຈໍານວນເຮືອນທີ່ຖືກຜົນ ກະທົບມີ 51 ຄົວເຮືອນຄື: ເຂດບ້ານປ່າອ້ອຍມີ 34 ຄົວເຮືອນ, ເຂດບ້ານອຸດົມມີ 17 ຄົວເຮືອນ, ສິ່ງປຸກສ້າງມີ 10 ຫຼັງ, ດິນປຸກສ້າງມີ 43 ຕອນ, ເນື້ອທີ 35,793.66 ຕາແມັດ, ດິນກະສິກໍາມີ 7 ຕອນ, ເນື້ອທີທັງມົດ 43,120 ຕາແມັດ, ຕົ້ນໄມ້ກິນໝາກ 39 ຕົ້ນ, ຕົ້ນໄມ້ອຸດສາຫະກໍາ 2,312 ຕົ້ນ, ຊຸມໄມ້ປ່ອງ 17 ຊຸມ, ຊຸມກ້ວຍ ແລະຕົ້ນໄມ້ອື່ນໆ 81 ຊຸມ.

ພາຍຫຼັງໂຄງການປັບປຸງ, ຍົກລະດັບສະໜາມບິນເມືອງຫ້ວຍ ແຂວງບໍ່ແກ້ວ ສໍາເລັດ ກໍ່ເປັນອີກໃບໜ້າໃໝ່ຂອງຊາວ ແຂວງບໍ່ແກ້ວ ແລະ ຊ່ວຍໃຫ້ການຂົນສົ່ງທາງອາກາດ, ສະດວກ, ວອງໄວຂື້ນຕື່ມ.

ການຄຸ້ມຄອງ ແລະ ຕອບໂຕ້ຕໍ່ການປ່ຽນແປງສະພາບອາກາດສຳລັບ ເສັ້ນທາງ, ທີ່ພະແນກ ຍທຂ ແຂວງອຸດົມໄຊ ຄັ້ງວັນທີ່ 11-15 ກັນຍາ 2017

ໃນ​ປະ​ຈຸ​ບັນ, ບັນ​ດາ​ເສັ້ນ​ທາງ​ຊົນ​ນະ​ບົດ ແມ່ນ​ມີ​ຄວາມ​ສ່ຽງ​ສູງ ຈາກ​ໄພ​ຂົມ​ຂູ່​ຂອງ​ການ​ປ່ຽນ​ແປງ​ສະ​ພາບ​ອາ​ກາດ ເຊັ່ນ ດິນ​ເຈື່ອນ, ນ້ຳ​ສຸ​ໄຫຼ​ແຮງ, ນ້ຳ​ຖ້ວມ, ພະ​ຍຸ ແລະ ອື່ນໆ ຊື່ງ​ບັນ​ດາ​ເສັ້ນ​ທາງ​ເລົ່າ​ນັ້ນ ໄດ້​ກໍ່​ສ້າງ​ໂດຍ​ງົບ​ປະ​ມານ​ທີ່​ຈຳ​ກັດ ແລະ ນຳ​ໃຊ້​ເຕັກ​ນິກ​ທີ່ບໍ່​ສາ​ມາດ​ຕ້ານ​ທານ​ກັບ​ການ​ປ່ຽນ​ແປງ​ສະ​ພາບ​ອາ​ກາດໄດ້ ສ້າງ​ຜົນ​ກະ​ທົບ ແລະ ຜົນ​ເສຍ​ຫາຍ​ອັນ​ໃຫ​ຍ່ຫຼວງ​ຕໍ່​ເສັ້ນ​ທາງ​ຊົນ​ນະ​ບົດ. ກະຊວງໂຍທາທິການ ແລະ ຂົນສົ່ງ (ກະຊວງ ຍທຂ)  ໃນ​ນາມ​ຜູ້​ເປັນ​ເຈົ້າ​ການ ໃນ​ການກໍ່​ສ້າງ ແລະ ບູ​ລະ​ນະ​ຮັກ​ສາ​ເສັ້ນ​ທາງ ແມ່ນ​ເຫັນ​ໄດ້​ຄວາມ​ສຳ​ຄັນ​ດັ່ງ​ກ່າວ ແລະ ຈື່ງໄດ້​ຖື​​ເອົາ​ການ​ຮັບ​ມື/ການ​ຕ້ານ​ທານ ​ຕໍ່​ການ​ປ່ຽນ​ແປງ​ສະ​ພາບ​ອາ​ກາດເປັນ​ບູ​ລິ​ມະ​ສິດ​ທີ່​ສຳ​ຄັນ.

ສະຖາບັນຝຶກອົບຮົມ ໂຍທາທິການ ແລະ ຂົນສົ່ງ (ສຝຍຂ) ແມ່ນມີໜ້າທີ່ເປັນເສນາທິການ ໃຫ້ແກ່ກະຊວງ ໂຍທາທິການ ແລະ ຂົນສົ່ງ (ກະຊວງ ຍທຂ) ເປັນເຈົ້າການ ໃນການຈັດຝຶກອົບຮົມໃຫ້ແກ່ພະນັກງານ ວິຊາການຂະແໜງ ຍທຂ ໃນຂອບເຂດທົ່ວປະເທດ. ສະ​ຖາ​ບັນ​ຝຶກ​ອົບ​ຮົມ ໂຍ​ທາ​ທິ​ການ ແລະ ຂົນ​ສົ່ງ​ໄດ້​ຖືກມອບ​ໝາຍ​ຈາກກະ​ຊວງ ໂຍ​ທາ​ທິ​ການ ແລະ ຂົນ​ສົ່ງ, ໂດຍ​ສະ​ເພ​າະ​ໂຄງ​ການ LRSP 2 ​ທີ່​ເຫັນ​ຄວາມ​ສຳ​ຄັນ​ໃນ​ການ​ຈັດ​ຫົວ​ຂໍ້​ຝຶກ​ອົບ​ຮົມ ​ການ​ຄຸ້ມ​ຄອງ ແລະ ຕອບ​ໂຕ້ຕໍ່ການປ່ຽນແປງສະພາບອາກາດສຳລັບເສັ້ນ​ທາງຊົນນະບົດ ໃຫ້​ແກ່​ພະ​ນັກ​ງານ​ວິ​ຊາ​ການ​ທີ່​ພວມ​ເຮັດ​ວຽກ​ກ່ຽວ​ກັບ​ເສັ້ນ​ທາງ. ການຝຶກອົບຮົມ ຫົວຂໍ້ດັ່ງ​ກ່າວ ແມ່ນຄວາມຕ້ອງການຕົວຈິງຂອງພະນັກງານວິຊາການໃນຂະແໜງ ຍທຂ ໂດຍສະເພາະຜູ້ທີ່ເຮັດ ວຽກກ່ຽວກັບເສັ້ນທາງ. ສຝຍຂ ໄດ້ເອົາໃຈໃສ່ຢ່າງຕັ້ງໜ້າໃນການສ້າງເນື້ອໃນຫຼັກສູດຝຶກອົບຮົມ ໃຫ້ແທດ ເໝາະກັບຄວາມຮັບຮູ້ ແລະ ຄວາມຕ້ອງການທາງດ້ານວິຊາການ ຂອງພະນັກງານຈາກ  ພະແນກ ຍທຂ 6 ແຂວງ ແລະ ຫ້ອງການ ຍທຂເມືອງ. ບັນດາບົດຮຽນທີ່ຈະນຳໃຊ້ເຂົ້າໃນການຝຶກອົບຮົມແມ່ນໄດ້ກະກຽມ ໂດຍຊ່ຽວຊານຕ່າງປະເທດ ພາຍໄຕ້ ໂຄງການ RIP 6 ແລະ ຈາກ​ປະ​ສົບ​ການ​ຕົວ​ຈິງ​ຂອງ​ຄູ​ຝຶກ​ພາຍ​ໃນ ກະ​ຊວງ ຍ​ທ​ຂ, ຊື່ງເອກະສານແມ່ນໄດ້ພັດທະນາຂື້ນໂດຍອີງໃສ່ຄວາມເໝາະສົມ ແລະ ຄວາມຕ້ອງການຂອງ ແຕ່ລະ ລະດັບວິຊາການ. 

​ການ​ຝຶກ​ອົບ​ຮົມ​ຫົວ​ຂໍ້: ການ​ຄຸ້ມ​ຄອງ ແລະ ຕອບ​ໂຕ້ຕໍ່ການປ່ຽນແປງສະພາບອາກາດສຳລັບເສັ້ນ​ທາງຊົນນະບົດ ທີ່​ພະ​ແນກ ຍ​ທ​ຂ ແຂວງ​ອຸ​ດົມ​ໄຊ ຄັ້ງ​ວັນ​ທີ່ 11-15 ກັນ​ຍາ 2017 ໄດ້​ຈັດ​ຂື້ນ​ພາຍ​ໃຕ້ການ​ເປັນ​ປະ​ທານ ຂອງ ທ່ານ ສີນວນ ຄຳດີ ຮັກສາການ ພະແນກ ຍທຂ ແຂວງອຸດົົມໄຊ ແລະ ເປັນ​ປະ​ທານ​ຮ່ວມ​ໂດຍ ທ່ານ ນາງ ສາຍ​ຄຳ ທຳ​ມະ​ໂນ​ສຸດ ຮອງ​ຫົວ​ໜ້າ ສະ​ຖາ​ບັນຝຶກອົບຮົມ ຍ​ທ​ຂ. ເຊີ່ງ​ມີ​ຜູ້​ເຂົ້າ​ຮ່ວມ​ຈາກ ພະ​ແນກ ຍ​ທ​ຂ ແຂວງ ແລະ ຫ້ອງ​ການ ຍ​ທ​ຂ​ເມືອງ ຂອງ ແຂວງ ​ຜົ້ງສາລີ, ອຸ​ດົມ​ໄຊ, ຫຼວງນໍ້າທາ ແລະ ໄຊ​ຍະ​ບູ​ລີ ທັງ​ໝົດ 45 ຄົນ. ​ການ​ຝຶກ​ອົບ​ຮົມ​ໃນ​ຄັ້ງ​ນີ້ ແມ່ນ​ຈະ​ເຮັດ​ໃຫ້ຜູ້​ເຂົ້າ​ຮ່ວມເຂົ້າໃຈແຈ້ງກ່ຽວ ກັບຫລັກການ ໃນການຮັບມືຕໍ່ການປ່ຽນແປງສະພາບດິນຟ້າອາກາດ; ສາ​ມາດຄຸ້ມຄອງເຫດການຕ່າງໆ ຈາກສະພາບດິນຟ້າອາກາດ ຕໍ່ການກໍ່ສ້າງ ແລະ ສ້ອມແປງເສັ້ນທາງ;   ການຕີລາຄາ ແລະ ສຶກສາເບີ່ງ ທາງເລືອກ: ວິທີທາງເລືອກ ໃນການປ້ອງກັນຕໍ່ການປ່ຽນແປງດິນຟ້າອາກາດສຳຫລັບການກໍ່ສ້າງ ແລະ ສ້ອມແປງເສັ້ນທາງ;ການອອກແບບທາງເລືອກໃນການຮັບມືຄວາມສ່ຽງສຳຫລັບການກໍ່ສ້າງ ແລະ ສ້ອມ ແປງເສັ້ນທາງ; ການກໍ່ສ້າງ ແລະສ້ອມແປງຈຸດທີ່ມີຄວາມສ່ຽງຈາກສະພາບດິນຟ້າອາກາດ.

 

 

ສະພາບການແກ້ໄຂວຽກສຸກເສີນຕາມເສັ້ນທາງຫລວງແຫ່ງຊາດຂອບເຂດແຂວງຜົ້ງສາລີ

ຕາມການລາຍງານຂອງພະແນກໂຍທາທິການ ແລະ ຂົນສົ່ງ ແຂວງຜົ້ງສາລີ ໃນຄັ້ງວັນທີ 14 ສິງຫາ 2018 ກ່ຽວກັບ ສະພາບການແກ້ໄຂວຽກສຸກເສີນຕາມເສັ້ນທາງຫລວງຂອບເຂດທົ່ວແຂວງຜົົ້ງສາລີ, ສຳຫລັບເສັ້ນທາງຫລວງແຫ່ງຊາດ ເລກທີ 1A (ບຸນເໜຶອ ຫາ ດ່ານລານຕຸ໋ຍ) ປະຈຸບັນຈຸດກິໂລແມັດ 79+800 ແມ່ນຖືກຕັດຂາດໂດຍສິ້ນເຊີງ, ຍານພາຫະນະບໍ່ສາມາດສັນຈອນໄປ-ມາແມ່ນມີຄວາມລຳບາກຫລາຍ. ສາເຫດທີ່ເຮັດໃຫ້ເສັ້ນທາງຖືກຕັດຂາດ ແມ່ນ ຍ້ອນພຶ້ນທີ່ດັ່ງກ່າວເປັນເຂດສູງຊັນ, ຊັ້ນດິນຍອງຢູ່ເທິງຊັ້ນພະລານຫີນໃຫຍ່ ບວກໃສ່ກັບມີນ້ຳລອດພື້ນ ແລະ ມີຝົນ ຕົກໜັກຕໍ່ເນື່ອງ ຈຶ່ງເຮັດໃຫ້ເສັ້ນທາງເຊາະເຈື່ອນລົງຂະໜາດໃຫຍ່ກໍ່ໃຫ້ເກີດມີທາງຂາດຍາວ: 60 ແມັດ, ເລິກປະມານ 30 ແມັດ. ມາຮອດປະຈຸບັນພະແນກ ຍທຂ ແຂວງ ໄດ້ສົມທົບກັບ ກົມຂົວທາງ ແລະ ອະນຸກຳມະການຂັ້ນແຂວງ ເພຶ່ອ ຫາວິທີການແກ້ໄຂ ແລະ ກຳລັງກໍ່ສ້າງທາງເວັ້ນຊົ່ວຄາວ, ຊຶ່ງຄາດວ່າ: ຕອນແລງວັນດຽວກັນ ປະເພດພາຫະນະລົດ ກະບະທີ່ມີໂຟວິນແມ່ນສາມາດສັນຈອນໄດ້, ໃນນີ້ເສັ້ນທາງເວັ້ນທີ່ກໍ່ສ້າງໃໝ່ແມ່ນຍັງມີຄວາມສ່ຽງຢູ່ເນື່ອງຈາກຮາກ ຖານຂອງທາງເວັ້ນບໍ່ມີສະຖຽນລະພາບ ບວກກັບຕະລິງທາງເບື້ອງເທິງທີ່ຕັດໃໝ່ມີຄວາມສູງຊັນຫລາຍ (ສູງ 53 ແມັດ). ສ່ວນລົດທົ່ວໄປແມ່ນຈະເປີດໃຫ້ສັນຈອນໄດ້ໃນວັນທີ 17 ສິງຫາ 2018.

Additional information