ຂ່າວກິດຈະກຳຕ່າງໆ

ອອກແຮງງານລວມ ເພື່ອສ້າງຂະ ບວນການຂ່ຳນັບຮັບຕ້ອນວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 60 ປີ

 ເພື່ອເປັນການສ້າງຂະບວນການຂ່ຳນັບຮັບຕ້ອນ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 60 ປີ, ໃນວັນເສົາ ວັນທີ 14 ມີນາ 2015 ທີ່ຜ່ານມານີ້, ຫ້ອງການກະຊວງ ພ້ອມດ້ວຍພະນັກງານ-ລັດຖະກອນ ຈາກບັນດາກົມ, ກອງ, ສະຖາບັນ, ສູນຝຶກ ອ້ອມຂ້າງກະຊວງ ໄດ້ຈັດຕັ້ງການອະນາໄມລວມ ເພື່ອສ້າງຄວາມເປັນລະບຽບຮຽບຮ້ອຍສະອາດ ຈົບງາມ ຢູ່ສຳ ນັກງານຂອງຕົນ ແລະຂອບເຂດພາຍໃນກະຊວງຂື້ນ ຢ່າງມີຄວາມຫ້າວຫັນ ແລະ ເປັນຂະບວນຟົດຟື້ນ. 

ກໍາມະບານຮາກຖານຫ້ອງການສ້າງກິດຈະກໍາແຂ່ງຂັນກິລາເປຕັງ ເພື່ອສະເຫລີມສະຫລອງວັນ ກໍາມະກອນສາກົນຄົບຮອບ 128 ປີ

ໃນ​ວັນ​ທີ 29 ​ເມສາ 2014 ທີ່ຜ່ານມາ, ​ກໍາມະບານ​ຮາກ​ຖານ​ຫ້ອງການກະຊວງ ຍທຂ ໄດ້​ສ້າງກິດຈະ​ກໍາ​​ແຂ່ງຂັນກິລາ​ເປ​ຕັງຂື້ນ ​ເພື່ອ​ສະ​ເຫລີມສະຫລອງ​ວັນ​ກໍາມະກອນ​ສາກົນຄົບຮອບ 128 ​ປີ (01 ພຶດສະພາ 1886-01 ພຶດສະພາ 2014) ເປັນ​ກຽດ​ເຂົ້າ​ຮ່ວມ​ຂອງ​ ທ່ານ ດຣ. ສັນຕິ​ສຸກ ສິມ​ມາລາ​ວົງ, ພ້ອມດ້ວຍຄະນະ​ນໍາຫ້ອງການ ​ແລະສະມາຊິກ​ກໍາມະບານ​ຮາກ​ຖານຂອງ​ຫ້ອງການ​ເຂົ້າ​ຮ່ວມ​ຢ່າງ​ພ້ອມພຽງ. ຊຶ່ງ​ການ​ແຂ່ງ​ຂັນ​ໃນ​ຄັ້ງ​ນີ້​ແມ່ນ​ແຂ່ງຂັນ ​​ໃນຮູບແບບ 2 ​ໃນ 3 ​ແກມ, ໃນ​ການ​ສ້າງ​ກິດຈະ​ກໍາ​ແຂ່ງຂັນ​ກິລາ​ເປ​ຕັງ ຄັ້ງ​ນີ້ມີ​ລາຍລະອຽດ ແລະຜົນຂອງການ​ແຂ່ງຂັນ​ດັ່ງ​ນີ້:

ຮອບ​ທີ 1: ຄູ່ທີໜຶ່ງ​ແມ່ນ​ຄະນະ​ຫ້ອງການ ພົບ​ກັບ ພະ​ແນ​ກ ​ໄອ​ຊີ​ທີຜົນ​ໄດ້​ຮັບ​ແມ່ນພະ​ແນ​ກ ​​ໄອຊີ​ທີ​ເປັນ​ຜູ້​ຊະນະ, ຄູ່ທີ ສອງ​ແມ່ນ​ພະ​ແນ​ກສັງ​ລວມ ພົບ​ກັບ ພະ​ແນ​ກ ​​ແມ່ຍິງຜົນ​ໄດ້​ຮັບ​ແມ່ນພະ​ແນ​ກ ​​ ​ສັງ​ລວມເປັນ​ຜູ້​ຊະນະ, ຄູ່ທີສາມ​ແມ່ນ​ຄະນະ​ຄຸ້ມຄອງ​ທາງ​ລົດ​ໄຟ ພົບ​ກັບ ພະ​ແນ​ກ ​ນິຕິ​ກໍາຜົນ​ໄດ້​ຮັບ​ແມ່ນພະ​ແນ​ກ ​​ນິຕິ​ກໍາ ​ເປັນ​ຜູ້​ຊະນະ , ຄູ່ທີສີ່​ແມ່ນ​ພະ​ແນ​ກການ​ເງິນພົບ​ກັບ ພະ​ແນ​ກ ​ຈັດ​ຕັ້ງບໍລິຫານ-ພິທີການຜົນ​ໄດ້​ຮັບ​ແມ່ນພະ​ແນ​ກ ​​ການ​ເງິນ ​ເປັນ​ຜູ້​ຊະນະ, ສະ​ແດງ​ວ່າພະແນກທີຜ່ານເຂົ້າຮອບມີ: ພະແນກໄອຊີທີ, ພະແນກ ສັງລວມ, ພະແນກ ນິຕິກຳ ແລະພະແນກ ການເງິນ.

ຮອບ​ທີ 2: ຄູ່ທີໜຶ່ງແມ່ນ​ພະ​ແນ​ກ ​ໄອ​ຊີ​ທີ ພົບ​ກັບ ພະ​ແນ​ກ ​ສັງ​ລວມຜົນ​ໄດ້​ຮັບ​ແມ່ນພະ​ແນ​ກ ​​ສັງ​ລວມ ​ເປັນ​ຜູ້​ຊະນະ, ຄູ່ທີສອງແມ່ນ​ພະ​ແນ​ກ ນິຕິ​ກໍາ ພົບ​ກັບ ພະ​ແນ​ກ ​ການ​ເງິນຜົນ​ໄດ້​ຮັບ​ແມ່ນພະ​ແນ​ກ ​​ການ​ເງິນ ​ເປັນ​ຜູ້​ຊະນະ ຜົນການ ແຂ່ງຂັນໃນຮອບທີ 2 ​ແມ່ນພະ​ແນ​ກ ​ສັງ​ລວມ ​ແລະ ພະ​ແນ​ກ ​ການ​ເງິນ. ໃນ​ຮອບຊີງຊະນະເລີດ ​ພະ​ແນ​ກສັງ​ລວມ ເຂົ້າຊີງ​ກັບ ພະ​ແນ​ກ ​ການ​ເງິນ ຜົນ​ປະກົດ​ວ່າພະ​ແນ​ກ ສັງ​ລວມ ​ເປັນ​ຜູ້​​ເອົາຊະນະ​ໄປ​ໄດ້ ​ແລະ ​ໄດ້​ຄອງ​ຂັນ​ປະທານ​ກໍາມະບານ​ຮາກ​ຖານ​ຫ້ອງການ​. ພາຍຫລັງ ການແຂ່ງຂັນສຳເລັດແລ້ວ ໃຫ້ກຽດມອບລາງວັນຊະນະເລີດໂດຍ ​ທ່ານ ກິດສະໜາ ຈັນທະ​ວຽງ ຮອງ​ຫົວໜ້າ​ຫ້ອງການ ​ແລະ ລາງວັນຮອງຊະນະເລີດ ​ມອບໂດຍ​ ທ່ານ ສົມ​ປາງ ສີຣິສັກ ປະທານ ກໍາມະບານ​ຮາກ​ຖານ​ຫ້ອງການ. ​ກິດຈະ​ກໍາດັ່ງກ່າວ​ເຕັມ​ໄປ​ດ້ວຍຄວາມຟົດຟື້ນ, ​ເບີກບານມວນ​ຊື່ນ, ມີຄວາມ ໝາຍອັນ ເລິກເຊິ່ງໃຫ້ແກ່ການສະເຫລີມສະຫລອງວັນກຳມະກອນສາກົນໃນຄັ້ງນີ້ ແລະຈົບລົງດ້ວຍຜົນສຳເລັດອັນ ສະຫງ່າງາມ.

ຊາວໜຸ່ມກະຊວງ ໂຍທາທິການ ແລະຂົນສົ່ງ ເຂົ້າຢ້ຽມຊົມ ຫໍພິພິທະພັນ ກະຊວງ ປກຊ ແລະ ປກສ

 

 

   ໃນຕອນເຊົ້າຂອງວັນທີ 30 ພຶດສະພາ 2014 ຄະນະບໍລິຫານງານຊາວໜຸ່ມ ແລະ ສະມາຊິກ ຊາວໜຸ່ມກະຊວງ ຍທຂ, ນໍາພາໂດຍ ສະຫາຍ ບຸນຍາເວດ ນິລະໃນ ແລະ ສະຫາຍ ສົມພາວັນ ກິ່ງສະດາ ຄະນະບໍລິຫານຊາວໝຸ່ມ ກະຊວງ ຍທຂ,  ພ້ອມທັງສະມາຊິກຊາວໜຸ່ມທັງໝົດ 100 ສະຫາຍ ໃນການເຂົ້າ​ຢ້ຽມຊົມຫໍພິພິຕະພັນ ປະຫວັດສາດ​ກອງທັບປະຊາຊົນ​ລາວ ​ເພື່ອ​ຫວນ​ຄືນ​ປະຫວັດ​ສາດການ​ຕໍ່ສູ້​ກູ້ຊາດອັນ​ພິລະ​ອາດ​ຫານ​ຂອງ​ກອງທັບ​ປະຊາ​ຊົນ​ປະຕິ​ວັດ​ລາວ. ​ເຊຶ່ງ​ໃນ​ການ​ເຂົ້າ​ຢ້ຽມ​ຊົມ​ຫໍພິພິຕະພັນ​​ໃນ​ຄັ້ງ​ນີ້ຜູ້ບັນລະ ຍາຍໄດ້ເວົ້າເຖິງປະຫວັດຄວາມເປັນມາ​ຂອງ​ວັນ​ກອງທັບ ​ແລະ ມູນ​ເຊື້ອການ​ຕໍ່ສູ້​ກູ້​ຊາດຂອງ​ກອງທັບ​ປະຊາ ຊົນ​ປະຕິ​ຫວັດ​ລາວ ​ໃນ​ແຕ່​ລະ​ຍຸກ ​ແຕ່ລະສະ​ໄໝ​​. ຫຼັງຈາກນັ້ນກໍ່ໄດ້ເຂົ້າຢ້ຽມຊົມຫໍພິພິທະພັນ ກະຊວງ ປ້ອງ ກັນ ຄວາມສະຫງົບ, ໃນການເຂົ້າຢ້ຽມຊົມຫໍພິພິທະພັນໃນຄັ້ງນີ້. ເພື່ອເຮັດໃຫ້ສະມາຊິກຊາວໜຸ່ມໄດ້ຮັບຮູ້ເຖິງ ປະຫວັດສາດຄວາມເປັນມາ ແລະມູນເຊື່ອອັນພິລະອາດຫານຂອງກອງກໍາລັງ ປ້ອງກັນຊາດ ແລະ ກໍາລັງ ປ້ອງກັນຄວາມສະຫງົບ, ໃນໄລຍະປົດປ່ອຍປະເທດຊາດ, ກໍຄືໄລຍະປົກປັກຮັກສາ ແລະ ສ້າງສາພັດທະນາ ປະເທດຊາດ, ເພື່ອເປັນການປູກຈິດສໍານຶກ, ອຸດົມການຮັກຊາດ, ຫຼັກໝັ້ນປະຕິວັດຮັກສາລະບອບໃໝ່ ແລະ ເຊື່ອໝັ້ນຕໍ່ແນວທາງການເມືອງຂອງພັກ.

 

ພິທີມອບເສື້ອໃຫ້ສາມອົງການຈັດຕັ້ງມະຫາຊົນ ຫ້ອງການ ກະຊວງ ຍທຂ

​​

 

     ໃນຕອນ​ເຊົ້າ​ຂອງ​ວັນ​ທີ 25 ​ເມສາ 2014 ຢູ່​ຫ້ອງ​ປະຊຸມ ກົມ​ເຄຫາ-ຜັງ​ເມືອງ ໄດ້​ຈັດ​ພິທີ​ມອບ​​ເສື້ອ ​ໃຫ້​ສາມ​ອົງການ​ຈັດ​ຕັ້ງ​ມະຫາຊົນ ຫ້ອງການ. ​ຕາງໜ້າ​ໃຫ້​ກົມ​ເຄຫາ-ຜັງ​ເມືອງໃນ​ການ​ມອບ​ເສື້ອ​ໃນ​ຄັ້ງ​ນີ້ ​ແມ່ນ ມອບ​ໂດຍ ທ່ານ ພົມ​ມາ ​ແວວ​ລາ​ວັນ ຮອງ​ຫົວໜ້າ​ກົມ​ເຄຫາ-ຜັງ​ເມືອງ ​ແລະ ຮັບ​​ໂດຍ ທ່ານ ນ. ສາຍ​ຄໍາ ທໍາ​ມະ​ໂນ​ສຸດ ຫົວໜ້າ​ພະ​ແນ​ກສົ່ງ​ເສີມ​ຄວາມ​ກ້າວໜ້າ​ຂອງ​ແມ່ຍິງ​ຫ້ອງການ ພ້ອມ​ພະນັກ ງານ​ທີ່​ກ່ຽວຂ້ອງ.

      ​ໃນ​ການ​ມອບ​​ເສື້ອ ​ໃນ​ຄັ້ງ​ນີ້ ​ແມ່ນ​ເພື່ອ​ໃຫ້​ສາມ​ອົງການ​ຈັດ​ຕັ້ງ​ມະຫາຊົນ ຫ້ອງການ ​ເອົາ​ໄປ​​ໃຫ້ ສະມາ​ຊິກ ກໍາມະບານ, ​ເພື່ອ​ນໍາ​ໃຊ້​ເຂົ້າ​ໃນ​ການ​ສະ​ເຫຼີ​ມສະຫຼອງ​ວັນ ກໍາມະກອນ​ສາກົນ ຄົບຮອບ 128 ປີ ທີ່​ຈະ​ມາ​ເຖີງນີ້ (01 ພຶດ​ສະພາ 1886-01 ພຶດ​ສະພາ 2014). ຊຶ່ງສາມ​ອົງການ​ຈັດ​ຕັ້ງ​ມະຫາຊົນ ຂອງ​ຫ້ອງການ​ ຈະ​ໄດ້​ສ້າງ​ກິດຈະ​ກໍາ ​ແຂ່ງຂັນກິລາ ​ເປຕັງ​ ຂື້ນໃນ​ວັນ ອັງຄານ ທີ 29 ​ເມສາ 2014 ທີ່​ເດີນ ກົມ​ເຄຫາ-ຜັງ​ເມືອງ.

 

Additional information