ຂ່າວພາຍໃນກະຊວງ

ລາວ-ເຢຍຍລະມັນ ເສີມຂະຫຍາຍການພົວພັນຮ່ວມມືດ້ານວຽກງານໂຍທາທິການ


ລາວ-ເຢຍຍລະມັນ ເສີມຂະຫຍາຍການພົວພັນຮ່ວມມືດ້ານວຽກງານໂຍທາທິການ

ພິທີມອບ - ຮັບເຮືອບິນ ແອຣບັສ A320 ຢ່າງເປັນທາງການ

ໃນ​ຕອນ​ແລງ​ຂອງ​ວັນ​ທີ 8 ພະຈິກ 2011 ຢູ່​ທີ່​ສະໜາມ​ບິນ​ສາກົນ​ວັດ​ໄຕ​ໄດ້​ມີ​ພິທີ​ມອບ-​ຮັບ​ເຮືອບິນ​ແອ​ຣບັ​ສ໌ A320 ຂື້ນ​ລະ​ຫວ່າງ ທ່ານ ດຣ. ສົມ​ພອນ ດວງ​ດາລາ ຜູ້ອຳນວຍການ​ໃຫຍ່ລັດ​ວິ​ສາ​ຫະກິດ​ການບິນ​ລາວ​ກັບ ທ່ານ Therry MARIANI ລັດຖະມົນຕີ​ກະຊວງ​ຂົນ​ສົ່ງ​ແຫ່ງ​ສາທາລະນະ​ລັດ​ຝຣັ່ງ​ໂດຍ​ເປັນ​ກຽດ​ເຂົ້າ​ ຮ່ວມ​ເປັນ​ສັກຂີ​ພິຍານ​ຂອງ​ພະນະ ທ່ານ ສົມ​ສະຫວາດ​ເລັ່ງ​ສະຫວັດ ຮອງ​ນາຍົກລັດຖະມົນຕີ​ແຫ່ງ​ສປປ ລາວ, ທ່ານ ສົມ​ມາດ ພົລ​ເສນາ ລັດຖະມົນຕີ​ວ່າການ​ກະຊວງ ໂຍທາ​ທິການ ແລະ ຂົນ​ສົ່ງ, ທ່ານ Francois Laval ປະທານ​ຜູ້​ອາວຸ​ໂສ​ຂອງ​ບໍລິສັດ ຜະລິດ​ເຮືອ​ບີນ​ແອຣບັສ໌, ທ່ານ ຝັ່ຣງຊົວ ເຊ​ເນ​ໂມ Francois Senemaud ເອກ​ອັກຄະ​ລັດຖະທູດ​ຝັ່ຣງ​ປະຈຳ ສປປ ລາວ ແລະ ບັນດາ​ແຂກ​ທີ່​ຖືກ​ເຊີນ​ກໍໄດ້​ເຂົ້າ​ຮ່ວມ​ຢ່າງ​ພ້ອມພຽງ.
ຈຸດປະສົງການນຳເຂົ້າເຮືອບິນອາຍພົ່ນ ແມ່ນໂຄງການໜຶ່ງ ໃນແຜນພັດທະນາລັດວິສາຫະກິດການບິນລາວ ແຕ່ນີ້ຮອດປີ 2020, ຊີ່ງແມ່ນ ໂຄງການທີ່ສຳຄັນ ແລະ ມີຄວາມຈຳເປັນທາງດ້ານເຕັກນິກ-ເຕັກໂນໂລຊີ ເພື່ອສະໜັບສະໜູນ ແກ່ການຂະຫຍາຍຕົວທາງດ້ານເສດຖະກິດຂອງ ລັດວິສາຫະກິດການບິນລາວ ຊີ່ງເປັນສາຍການບິນແຫ່ງຊາດ, ໃຫ້ຈະເລີນເຕີບໂຕຂຶ້ນເລື້ອຍໆ ເພື່ອໃຫ້ໄດ້ມາດຖານສາກົນ, ທຽບທັນກັບສາຍ ການບິນນາໆຊາດສາມາດເຂົ້າເປັນສະມາຊິກຂອງກຸ່ມພັນທະມິດ ແລະ ກຽມພ້ອມໃສ່ການເປີດໜ່ານຟ້າເສລີ ໃນອະນາຄົດອັນໃກ້ນີ້.
ໂດຍຕອບສະໜອງຄວາມຮຽກຮ້ອງຕ້ອງການ, ໃນປະຈຸບັນ ແລະ ສະເພາະໜ້າ ຂອງການພັດທະນາສາຍການບິນນັ້ນ, ລັດຖະບານຈິ່ງ ໄດ້ຕົກລົງ ໃຫ້ລັດວິສາຫະກິດການບິນລາວ ຈັດຊື້ເຮືອບິນອາຍພົ່ນຊະນິດ ແອຣບັສ໌ A320 ຈຳນວນ 2 ລຳ ໂດຍໄດ້ຮັບການສະ ໜັບສະໜູນດ້ານການ ເງິນຈາກທະນາຄານພາຍໃນປະເທດ.
ນີ້ແມ່ນນິມີດໝາຍປະຫວັດການບິນທີ່ ​ສຳຄັນ​ຄັ້ງ​ໜື່ງ, ຂອງ​ລັດ​ວິ​ສາ​ຫະກິດ​ການບິນ​ລາວ ທີ່​ໄດ້​ຈັດ​ຊື້​ແລະ​ນຳ​ເຂົ້າ ເຮືອ​ບິນ​ອາຍ​ພົ່ນ​ຂະໜາດ 150 ບ່ອນ​ນັ່ງ, ຊຶ່ງ​ກ້າວຂື້ນ​ຈາກ​ການ​ນຳ​ໃຊ້​ເຮືອບິນ​ໃບ​ພັດ ໄປ​ສູ່​ການ​ນຳ​ໃຊ້​ເຮືອບິນ​ອາຍ​ພົ່ນ​ທີ່​ທັນ​ສະ​ໄໜ ວ່ອງ​ໄວ, ມີ​ຄວາມ​ປອດ​ໄພ​ສູງ ແລະ ສາມາດ​ບິນ​ໄປ​ໄດ້​ໄກ​ກວ່າ​ເກົ່າ, ການບິນ​ລາວ​ພວກ​ເຮົາຈະ​ນຳ​ໃຊ້​ເຮືອບິນ​ຊະ​ນິດນີ້ ໃນ​ເສັ້ນ​ບິນ​ຕ່າງປະ​ເທດ, ຕາມ​ເສັ້ນ​ບິນ​ທ່ີ​ມີ​ຢູ່​ແລ້ວ​ຈຳນວນ​ໜ່ືງ ແລະ​ເປີດ​ເສັ້ນ​ບິນ​ໃໝ່ ວຽງ​ຈັນ - ສິງກະ​ໂປ ຄາດກະ​ໃສ່​ວັນ​ທີ 24 ພະຈິກ ທີ່​ຈະ​ມາ​ເຖິງ​ນີ້​ເປັນ​ຖ້ຽວ​ປະຖົມມະ​ເລີກ ພ້ອມ​ນັ້ນ​ຍັງ​ມີ​ແຜນ​ຈະ ຂະຫຍາຍ​ເສັ້ນ​ບິນ​ໄປ​ຍັງ​ບັນດາ​ປະ​ເທດ​ອາ​ຊຽນ, ເກົາຫຼີ ແລະ ຍີ່ປຸ່ນ ໃນ​ອານາ​ຄົດ. ເຮືອບິນ A320 ພາຍ​ໃຕ້​ເຄື່ອງໝາຍ “ ການບິນ​ລາວ” ແລະ ໂລ​ໂກ “ ດອກ​ຈຳປາ ” ຊື່​ງ​ແມ່ນ​ສັນຍາ​ລັກ​ດອກ​ໄມ້​ປະຈຳ​ຊາດ​ຂອງ​ລາວ, ໄດ້​ມາ​ເຖິງ​ນະຄອນຫຼວງ​ວຽງ​ຈັນ​ໂດຍ​ບິນ​ຜ່າໜ່ານຟ້າ​ຂອງ​ຫຼາຍ ປະ​ເທດ ດ້ວຍຄວາມ​ສະຫັວດດີ​ພາບ ແລະ​ປອດ​ໄພທຸກ​ປະການ​, ເຮືອບິນ 02 ລຳ ທີ່​ລັດ​ວິ​ສາ​ຫະກິດ​ການບິນ​ລາວ​ນຳ​ເຂົ້າ​ໃນ​ຄັ້ງ​ນີ້​ເປັນ​ເຮືອບິນ ທີ່​ທັນ​ສະ​ໄໝ ປະຢັດ​ນ້ຳມັນ, ປະກອບ​ດ້ວຍ​ເຕັກ​ໂນ​ໂລ​ຊີ​ການບິນ​ລຸ້ນຫລ້າ​ສຸດ, ມີ​ເຄື່ອງ​ບັນ​ເທິງ​ໃຫ້​ຄວາມ​ສະດວກ​ສະບາຍ ແລະ ບໍລິການ​ເທິງ ເຮືອບິນ ທີ່​ດີ​ເລີດ. ຄຽງ​ຄູ່​ກັບ​ການ ນຳ​ເຂົ້າ​ເຮືອບິນ A320 ນີ້ ພວກ​ເຮົາ​ໄດ້​ມີ​ການ​ພັດທະນາ​ຫຼາຍ​ດ້ານ​ໄປ​ພ້ອມໆ​ກັນ​ເຊັ່ນ: ການ​ພັດທະນາ​ບຸກຄະ ລາ​ກອນ ສ້າງ​ນັກ​ບິນ 20 ຄົນ, ນາຍ​ຊ່າງ16 ຄົນ​ແລະ ວິຊາ​ການ​ອື່ນໆທີ່​ຕິດ​ພັນ​ກັບ​ການ​ປະຕິບັດ​ການບິນ​ໃຫ້​ພຽງພໍ​ກັບ​ຄວາມ​ ຕ້ອງການ ແລະ ມີ​ແຜນ ບຳລຸງ​ຮັກສາ​ເຮືອບິນ​ທີ​ໄດ້​ມາດຖານ, ຈັດ​ລະບົບ​ສາງ​ອາ​ໄຫຼ່​ໃຫ້​ເຂົ້າ​ລະບົບ, ນຳ​ໃຊ້ Program ແລະ Software ຕ່າງ​ໆ ເຂົ້າ​ໃນ​ວຽກ​ງານ ເພື່ອ​ຮັບປະກັນ​ປະຕິບັດ​ການບິນ ໃຫ້​ບັນລຸ​ເປົ້າ​ໜາຍ ມີ​ຄວາມ​ປອດ​ໄພ, ໃນ​ນີ້​ພວກ ເຮົາ​ກໍໄດ້​ມີ ການ​ເຊັນ​ສັນຍາ​ວ່າ​ຈ້າງ​ຊ່ຽວຊານ​ຕ່າງປະ​ເທດຄື: ນັກ​ບິນ​ຈຳນວນ 07 ຄົນ, ວິສະວະກອນ 02 ຄົນ, ນາຍ​ຊ່າງ 04 ຄົນ, ຫົວໜ້າ​ການ​ຕະຫຼາດ​ເພື່ອ​ຊ່ວຍ ປັບປຸງວຽກງານ ລະບົບ​ການ ບໍລິຫານ​ສາມາດ​ເຊື່ອມ​ກັບ​ສາກົນ​ເທື່ອ​ລະ​ກ້າວ 01 ຄົນ ແລະ ບໍລິສັດ​ແລະ​ບໍລິສັດ​ຜະ ລິດ​ເຮືອບິນ ແອຣບັສ໌ໄດ້​ຊ່ວຍ​ສົ່ງ​ຊ່ຽວຊານ ມາ​ປະຈຳການ​ຢູ່​ນຳ​ພວກ​ເຮົາ ເພື່ອ​ຕິດຕາມ ແລະ ແນະນຳ​ການ​ສ້ອມ​ບຳລຸງ​ເປັນ​ເວລາ 03​ປີ ການ​ນຳ​ໄຊ້​ເຮືອບິນອາຍ​ພົ່ນ ສອງ​ລຳ​ນີ້​ເຂົ້າ​ໃນ ແຜນ​ທຸລະ​ກິດ​ໃນ ເວ​ວລາ​ອັນ​ໃກ້ໆ​ນີ້​ຈະ​ເປັນ​ສ່ວນ​ໜຶ່ງ​ສ້າງ​ສິ່ງ ເອື້ອ​ອຳ​ນວຍ​ໃຫ້​ແກ່​ການ​ພັດທະນາ​ເສດຖະກິດ ສັງຄົມ​ຂອງ​ປະ​ເທດ. ອີກ​ປະການ​ນຶ່ງ ແມ່ນ​ການ​ກຽມພ້ອມ​ຮັບ​ຕ້ອນ​ປີ​ທ່ອງ​ທ່ຽວ​ລາວ​ໃນ​ປີ 2012 ແລະ ຮັບ​ໃຊ້​ກອງ​ປະຊຸມ​ສຸດ​ຍອດ​ອາ​ເຊັມ ປີ 2012 ນີ້, ແລະ​ພິ​ເສດ​ໃນ​ໂອກາດ​ອັນ​ສະຫງ່າ​ລາສີ​ນີ້ ທ່ານ ຮອງ​ນາຍົກລັດຖະມົນ ຕີພ້ອມດ້ວຍ​ແຂ​ກກໍ​ໄດ້​ຂື້ນ​ຊົມ​ເຮືອ​ບີນລຳ​ໃໝ່​ອີກ​ດ້ວ

ລາວ-ໄທ ຮ່ວມເຊັນສັນຍາການນຳໃຊ້, ການບໍລິຫານ ແລະການປົກປັກຮັກສາຂົວມິດຕະພາບ 3

ໃນຕອນບ່າຍຂອງ ວັນທີ 12 ຕຸລາ 2011 ທີ່ຜ່ານມາ ທ່ານ ສົມມາດ ພົລເສນາ ລັດຖະມົນຕີວ່າການ ກະຊວງໂຍທາທິການ ແລະ ຂົນສົ່ງ ພ້ອມດ້ວຍຄະນະ ໄດ້ຕ້ອນຮັບຄະນະຜູ້ແທນຣາຊະອານາຈັກໄທ ນຳໂດຍ ທ່ານ ພົນອາກາດເອກ ສຸກຳພົນ ສຸວະນະທັດ ລັດຖະມົນຕີ ວ່າ ການກະຊວງ ຄົມມະນາຄົມ ພ້ອມດ້ວຍຄະນະ ຕາມຄຳເຊີນຂອງລັດຖະມົນຕີວ່າການກະຊວງ ຍທຂ ພິທີຕ້ອນຮັບໄດ້ຈັດ ຂື້ນຢູ່ທີ່ໂຮງແຮມ ລາວພລາຊາ ນະຄອນ ຫຼວງວຽງຈັນ, ທັງສອງຝ່າຍໄດ້ເຈລະຈາປືກສາຫາລືບັນຫາທີ່ຄ້າງຄາ ແລະ ບັນຫາໃໝ່ ທີ່ທາງສອງຝ່າຍມີຄວາມສົນ ໃຈຮ່ວມກັນ ເຊັ່ນ:
+ ການຈັດຕັ້ງປະຕິບັດກວດກາປະຕູດຽວ (Single Stop Inspection) ຊຶ່ງນອນໃນອະນຸສັນຍາວ່າດ້ວຍການອຳນວນຄວາມສະດວກໃຫ້ແກ່ສິນຄ້າ ຜ່ານແດນລະຫ່ວາງປະເທດ ໃນກອບການຮ່ວມມືອະນຸພາກພື້ນ GMS ບັນຫານີ້ຍັງບໍ່ສາມາດປະຕິບັດໄດ້ເນື່ອງຈາກກົດໝາຍຂອງໄທ ແມ່ນບໍ່ອານຸ ຍາດໃຫ້ເຈົ້າໜ້າທີ່ຂອງຕົນອອກໄປປະຕິບັດວຽກ ຢູ່ນອກ ປະເທດ, ໃນໄລຍະຜ່ານມາພວກເຮົາສາມາດປະຕິບັດວຽກງານກວດກາປະຕູດຽວຮ່ວມກັນໄດ້ ລະຫ່ວາງລາວ-ຫວຽດນາມຢູ່ດ່ານຊາຍ ແດນສະຫັວນນະເຂດ - ລາວບາວ;
+ ສະເໜີໃຫ້ຝ່າຍໄທ ພິຈາລະນາໃຫ້ການສະໜັບສະໜູນດ້ານການເງິນ ສຳລັບໂຄງການກໍ່ສ້າງຂົວຂ້າມນ້ຳຂອງມິດຕະພາບ ປາກຊັນ - ບຶງການ, ໂຄງການດັ່ງກ່າວນີ້ ກະຊວງ ຍທຂ ເຄີຍໄດ້ທາບທາມຕໍ່ຝ່າຍໄທແລ້ວໃນໄລຍະຜ່ານມາ ຊຶ່ງຝ່າຍໄທກໍເຫັນດີໄຫ້ຄວາມສຳຄັນ ແລະ ເຫັນດີ ສະໜັບ ສະໜູນ;
+ ສະເໜີພິຈາລະນາແລວທາງເສດຖະກິດໃໝ່ ຊຽງໃໝ່ - ຫຼວງພະບາງ - ວຽງຈັນ;
+ ສະເໜີພິຈາລະນາກ່ຽວກັບການຮ່ວມມືລົດໄຟ ລາວ-ໄທ-ຈີນ ເນື່ອງຈາກວ່າໃນປະຈຸບັນ ພວກເຮົາມີການຮ່ວມມືກັບ ສປ ຈີນ ສຳລັບໂຄງການກໍ່ສ້າງ ທາງລົດໄຟລາວ-ຈີນ ຊຶ່ງເລີ້ມແຕ່ບໍເຕັນ ( ຊາຍແດນລາວ-ຈີນ ) ເຖິງໜອງຄາຍ. ໃນເວລາ 2:45 ໂມງ ຕາງໜ້າໃຫ້ລັດຖະບານ ສປປ ລາວ ແລະ ລັດຖະບານແຫ່ງຣາຊະອານາຈັກໄທ ທັງສອງຝ່າຍໄດ້ເຂົ້າຮ່ວມພິທີເຊັນ MOU ວ່າດ້ວຍກຳມະສິດການນຳໃຊ້ການບໍລິຫານ ແລະ ການປົກປັກຮັກສາ ຂົວມິດຕະພາບ 3 ຄຳມ່ວນ-ນະຄອນພະນົມ , ເຂົ້າຮ່ວມພິທີເຊັນສັນຍາຄັ້ງນີ້ ຝ່າຍລາວໂດຍແມ່ນ ທ່ານ ສົມມາດ ພົລເສນາ ລັດຖະມົນຕີວ່າການ ກະຊວງໂຍຖາທິການ ແລະ ຂົນສົ່ງ, ຝ່າຍໄທ ໂດຍແມ່ນ ທ່ານ ພົນອາກາດເອກ ສຸກຳພົນ ສຸວັນນະທັດ ລັດຖະມົນຕີວ່າການກະຊວງຄົມມະນາຄົມ ພ້ອມດ້ວຍພະນັກງານ ວິຊາ ການ ທັງສອງຝ່າຍເຂົ້າຮ່ວມເປັນສັກຂີພິຍານ, ຈາກນັ້ນຄະນະທັງສອງຝ່າຍກໍ່ໄດ້ເຂົ້າຢ້ຽມຄຳນັບພະນະທ່ານ ທອງສິງ ທຳມະວົງ ນາຍົກລັດ ຖະມົນຕີ ແຫ່ງ ສປປ ລາວ, ຫຼັງຈາກສຳລັດການຢ້ຽມຢາມຄະນະຜູ້ແທນຝ່າຍໄທກໍເດີນທາງກັບປະເທດ ໂດຍຜ່ານທາງຂົວມິດ ຕະພາບ 1 ນະຄອນຫຼວງວຽງຈັນ - ໜອງຄາຍ.

ພິທີເປີດຂົວມິດຕະພາບ 3 ຄຳມ່ວນ

ຢູ່ທີ່ແຂວງຄຳມ່ວນ ໃນວັນທີ 11 ພະຈິກ 2011 (11/11/2011) ເວລາ 11 ໂມງ 11 ນາທີ ເປັນ ວັນເວລາທີ່ເປັນສີລິມຸ່ງຄຸນ ສຳລັບປະຊາຊົນສອງຊາດ ລາວ-ໄທ. ໄດ້ຈັດພິທີເປີດການນຳໃຊ້ ຂົວມິດຕະ ພາບ ລາວ-ໄທ ແຫ່ງທີ 3 ຂື້ນລະຫວ່າງແຂວງ ຄຳມ່ວນ ແລະນະຄອນພະນົນຢ່າງເປັນທາງການ. ໃນພິທີດັ່ງກ່າວ, ມີພະນະທ່ານ ບຸນຍັງ ວໍລະຈິດ ຮອງປະທານປະເທດ ແຫ່ງ ສປປ ລາວ ແລະສົມ ເດັດພະເທບຣັດຣາຊະສຸດາ ສະຫຍາມ ບໍຣົມຣາຊະກຸມາຣີ ແຫ່ງ ຣາຊະອານາຈັກໄທ ໄດ້ເປັນປະທານຮ່ວມເປິດພິທີງານສຳຄັນດັ່ງກ່າວ. ນອກນັ້ນ, ນາຍົກລັດຖະມົນຕີຂອງທັງສອງປະເທດ, ບັນດາລັດຖະມົນຕີ, ເຈົ້າແຂວງໃກ້ຄຽງຂອງລາວ, ຫວຽດນາມ ແລະ ຜູ້ວ່າຣາຊະການຈັງຫວັດຂອງໄທ, ການນຳຂັ້ນສູງຂອງສອງປະເທດເຂົ້າຮ່ວມຢ່າງພ້ອມພຽງ. ພິທີເປີດໄດ້ຈັດຂື້ນໃນບໍລິເວນກາງຂົວ ໂດຍການກ່າວເປີດຂອງສອງນາຍົກລັດຖະມົນຕີໄທ ແລະ ລາວ ຕາມລຳດັບ ແລະ ກົດປຸ່ມເປີດຂົວຂອງ ພະນະທ່ານ ບຸນຍັງ ວໍລະຈິດ ຮອງປະທານປະເທດ ແລະ ສົມເດັດພະເທບຣັດຣາຊະສຸດາ ສະຫຍາມ ບໍຣົມຣາຊະກຸມາຣີ ຫຼັງຈາກນັ້ນ, ກໍໄດ້ມີການສູດໄຊຍະຍັນໂຕຂອງພຣະສົງ 11 ອົງ ເພື່ອເປັນສີລິມຸ່ງຄຸນແກ່ພິທີ. ຂົວມິດຕະພາບ 3 ນີ້ເປັນສັນຍາ ລັກແຫ່ງ ໄມຕີຈິດມິດຕະພາບ ແລະຄວາມເປັນປະເທດເພື່ອນບ້ານໃກ້ຄຽງທີ່ດີ ແລະ ເປັນຍາດສະໜິດຕິດແໜ້ນ ກັນ, ເຊື່ງຈະອຳ ນວຍຄວາມ ສະດວກໃຫ້ແກ່ການໄປ-ມາຫາສູ່ລະຫວ່າງສອງປະເທດ, ທັງເປັນການສອດຄ່ອງກັບທ່າອ່ຽງແຫ່ງການຂະຫຍາຍຕົວຂອງການຮ່ວມມື ເພື່ອການ ພັດທະນາໃນພາກພຶ້ນ ໂດຍສະ ເພາະການເຊື່ອມໂຍງແລວເສດຖະກິດຕາເວນອອກ-ຕາເສນຕົກ, ກໍຄືການອຳນວຍຄວາມສະດວກໃຫ້ ແກ່ຄົມມະນາ ຄົມຂົນສົ່ງ ແລະພ້ອມທັງເປັນການສ້າງຄວາມເຊື່ອມຈອດໃນອາຊຽນກດ້ວຍກັນ. ຂົວແຫ່ງ ນີ້ ເບື້ອງລາວແມ່ນຢູ່ບ້ານ ເວີນໃຕ້, ເມືອງທ່າແຂກ, ແຂວງ ຄຳມ່ວນ, ສ່ວນເບື້ອງໄທແມ່ນຕັ້ງຢູ່ບ້ານ ຫ້ອມ, ຕຳບົນອາດສາມາດ, ອຳເພີເມືອງ, ຈັງຫວັດນະຄອນພະນົມ ມີຄວາມຍາວ 1.423 ກມ ແລະ ກວ້າງ 13 ແມັດ ລວມມູນຄ່າການກໍ່ສ້າງທັງໝົດ ນັບທັງອາຄານດ່ານຊາຍແດນສອງປະເທດ ແລະ ຂົວ-ເສັ້ນທາງປະມານ 1.723 ລ້ານບາດ ສະກຸນເງິນໄທ.

Additional information