ກອງປະຊຸມສາມັນຄົບຄະນະບໍລິຫານງານພັກ ກະຊວງໂຍທາທິການ ແລະ ຂົນສົ່ງ ຄັ້ງທີ 14 ສະໄໝທີ IV

ກອງປະຊຸມສາມັນຄົບຄະນະບໍລິຫານງານພັກ ກະຊວງໂຍທາທິການ ແລະ ຂົນສົ່ງ ຄັ້ງທີ 14 ສະໄໝທີ IV (ເປີດກວ້າງ) ໄດ້ຈັດຂື້ນວັນທີ 31/1 – 1/2/2019 ທີ່ຫ້ອງປະຊຸມໃຫຍ່ຂອງກະຊວງ, ພາຍໃຕ້ການເປັນປະທານ ຂອງ ສະຫາຍ ປອ ບຸນຈັນ ສິນທະວົງ ກຳມະການສູນກາງພັກ, ເລຂາຄະນະພັກກະຊວງ ຍທຂ ມີຄະນະປະຈຳພັກ, ກຳມະ ການພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ຫົວໜ້າກົມ, ຮອງກົມ, ສະຖາບັນ, ກອງ, ຄະນະບໍລິຫານງານ ສາມອົງການຈັດຕັ້ງມະຫາຊົນ, ຜູ້ອຳນວຍການລັດວິສາຫະກິດ ແລະ ພະນັກງານ ຫລັກແຫລ່ງເຂົ້າຮ່ວມ.

ກອງປະຊຸມຄັ້ງນີ້ແມ່ນໄດ້ຜ່ານບົດສະຫລຸບຕີລາຄາການເຄື່ອນໄຫວນຳພາຂອງຄະນະພັກກະຊວງ ປີ 2018 ແລະ ກຳ ນົດແຜນການປີ 2019 ບົດສະຫລຸບໄດ້ຕີລາຄາການຈັດຕັ້ງປະຕິບັດວຽກງານກວດກາປີ 2018 ແລະ ກຳນົດ ແຜນການປີ 2019, ຕີລາຄາການຈັດຕັ້ງປະຕິບັດແຜນພັດທະນາ ຂະແໜງ ຍທຂ ແລະ ວຽກງານການເງິນ ປີ 2018 ແລະກຳນົດແຜນການປີ 2019, ພ້ອມນັ້ນ ທ່ານລັດຖະມົນຕີໄດ້ຮຽກຮ້ອງໃຫ້ຜູ້ເຂົ້າຮ່ວມຈົ່ງພ້ອມກັນເອົາໃຈໃສ່ ປະກອບ ຄຳຄິດຄຳເຫັນໃສ່ບັນດາບົດສະຫລຸບດັ່ງກ່າວ ເພື່ອພ້ອມກັນສືບຕໍ່ຈັດຕັ້ງປະຕິບັດແຜນງານປີ 2019 ໃຫ້ປະກົດຜົນ ເປັນຈິງ.

Additional information