ກອງປະຊຸມເຜີຍແຜ່ກົດໝາຍວ່າດ້ວຍການຜັງເມືອງ (ສະບັບປັບປຸງໃໝ່), ກົດໝາຍວ່າດ້ວຍການບິນພົນລະເຮືອນ (ສະບັບປັບປຸງໃໝ່) ແລະ ນິຕິກໍາທີ່ກ່ຽວຂ້ອງ

ໃນວັນທີ 16 – 17 ມັງກອນ 2019 ກະຊວງໂຍທາທິການ ແລະ ຂົນສົ່ງ ໄດ້ເປີດກອງປະຊຸມເຜີຍແຜ່ ກົດໝາຍ ວ່າດ້ວຍ ການຜັງເມືອງ (ສະບັບປັບປຸງໃໝ່), ກົດໝາຍ ວ່າດ້ວຍການບິນພົນລະເຮືອນ (ສະບັບປັບປຸງ ໃໝ່) ແລະ ນິຕິກຳອື່ນໆ ທີ່ກ່ຍວຂ້ອງ ຂື້ນຢູ່ພະແນກ ຍທຂ ແຂວງໄຊຍະບູລີ ໂດຍການເປັນປະທານ ຂອງທ່ານ ບຸນເຫລື່ອມ ສີສຸລາດ ຜູ້ຊ່ວຍລັດຖະມົນຕີ ກະຊວງ ຍທຂ ເຂົ້າຮ່ວມມີທີ່ປືກສາລັດຖະມົນຕີ, ບັນດາທ່ານຫົວໜ້າ​ກົມ, ຮອງ​ກົມ, ຄະນະພະ​ແນ​ກ ຈາກກະຊວງໂຍທາທິການ ແລະ ຂົນສົ່ງ ແລະ ຂະແໜງການອື່ນ ທີ່ກ່ຽວຂ້ອງ ຈຳນວນ 96 ທ່ານ.

ກອງປະຊຸມແມ່ນໄດ້ເອົາຜົນສໍາເລັດໃນການປັບປຸງ 2 ກົດໝາຍ ຄື: ກົດໝາຍວ່າດ້ວຍການຜັງເມືອງ (ສະບັບປັບປຸງ) ປີ 2017 ແລະ ກົດໝາຍວ່າດ້ວຍການບິນພົນລະເຮືອນ (ສະບັບປັບປຸງ) ປີ 2018 ຊຶ່ງສະພາແຫ່ງຊາດ ໄດ້ຮັບຮອງ, ປະກາດນຳໃຊ້ແລ້ວ  ມາເຜີຍແຜ່ຢູ່ແຂວງ ໄຊຍະບູລີ ເຊີ່ງ​ເປັນ​ໃຈກາງເຕົ້າໂຮມ ​ ​ບັນດາ​ທ່ານທັງພາກລັດ ແລະ ເອກະ ຊົນ ທີ່ກ່ຽວຂ້ອງຈາກ 8 ​ແຂວງ​ພາກເໜືອ ​ເຂົ້າຮ່ວມຮັບຟັງການເຜີຍແຜ່ ກົດໝາຍດັ່ງກ່າວ ແລະ ນິຕິກຳຕ່າງໆ ທີ່ກ່ຽວຂ້ອງ ຢ່າງ​​ເປັນ​ຂະ​ບວນຟົດຟື້ນ, ​ນ​ອກຈາກ​ນັ້ນກໍ​ຍັງ​ມີບັນດາທ່ານ ນັກຄົ້ນຄວ້າ, ນັກວິຊາການ, ຊ່ຽວຊານ​ອະ​ວຸ​ໂສ ດ້ານລະບຽບ​-ກົດໝາຍຂ​ະ​ແໜງ​ການ ໂຍທາທິການ ແລະ ຂົນສົ່ງ ​ມາ​ເປັນ​ວິທະ​ຍາກ​ອນ ​ເພື່ອຖ່າຍ​ທອດ​ຄວາມ​ຮູ້ກ່ຽວ​ກັບນິຕິ​ກຳ​ກ່ຽວຂ້ອງ ທີ່ໄດ້ທຳ​ການ​ປັບປຸງໃໝ່ນີ້.

ກອງ​ປະຊຸມ​ເຜີຍ​ແຜ່​ໃນ​ຄັ້ງນີ້ ຍັງ​ເປັນ​ໂອກາດ​ດີ ​ທີ່​ໄດ້ໃຫ້ບັນດາແຂກຜູ້ເຂົ້າຮ່ວມ​ພ້ອມ​ກັນ​ຄົ້ນຄວ້າ ສົນທະນາ​ ປຶກສາ​ຫາລື ຊອກ​ໃຫ້​ເຫັ​ນ​ໄດ້ ຈຸດ​ດີ ຈຸດ​ອອ່ນ ​ໂອກາດ ​ແລະ ສິ່ງທ້າ​ທາຍ ​ໃນ​ການຈັດຕັ້ງປະຕິບັດ ກົດໝາຍ ​ແລະ ນິຕິ​ກຳ​ຕ່າງໆ ທີ່ກ່ຽວພັນກັບວຽກງານ ຂະ​ແໜງ​ການ ຂອງ​ຕົນ, ສາມາດສະຫຼຸບ ຖອນ​ຖອນ​ເປັນ​ບົດຮຽນ ​ເພື່ອ​ນຳ​ໄປ​​ເສີມ ຂະຫຍາຍ​, ປັບປຸງ ​ຫຼື ແກ້​ໄຂ​ ​​ສຶບຕໍ່ພັດທະນາຂະແໜງ ການຂອງ​ຕົນ ​​ໃຫ້​ກ້າວ​ໄປ​ສູ່​ເປົ້າໝາຍ​ທີ່​ວາງ​ໄວ້  ຊຶ່​ງ​ເປັນ​ການ​ປະກອບສ່ວນ​ ອັນ​ແຂງ​ແຮງ​ໃຫ້ ​ແກ່​ການ​ພັດທະນາ​ເສດຖະກິດ-ສັງຄົມ​ ຂອງ​ປະ​ເທດ​ເຮົາ ​ໃນ​ອະນາຄົດ.

Additional information