ປາຖະກະຖາວັນກຳມະກອນສາກົນ ຄົບຮອບ 132 ປີ

ໃນຕອນເຊົ້າຂອງວັນທີ 3 ພຶດສະພາ 2018 ຢູ່ທີ່ຫ້ອງປະຊຸມໃຫຍ່ ກະຊວງ ຍທຂ ​ໄດ້​ຈັດ​ປາຖະກະຖາ ​ເພື່ອ​ຫວນ​ຄືນ​ເຖິງມູນ​ເຊື້ອ ການ​ຕໍ່ສູ້​ຂອງ​ຊົນຊັ້ນ​ກຳມະກອນ ຫລື ວັນ​ກຳມະກອນ​ສາກົນ ຄົບຮອບ 132 ປີ, ໃຫ້ກຽ​ດຂຶ້ນປາຖະກະຖາ​​ໃນ​ຄັ້ງ​ນີ້ໂດຍ ສະຫາຍ ແສງດາວີ ກັດຕິຍະສັກ, ປະທານສະຫະພັນກຳມະບານກະຊວງ, ຮອງຫົວໜ້າກົມຈັດຕັ້ງ ແລະ ພະນັກງານ, ​ເຂົ້າ​ຮ່ວມ​​ໃນ​ພິທີ​ຄັ້ງ​ນີ້ ມີ​ສະຫາຍ ຄະນະ​ພັກ​, ຜູ້ຊີ້ນຳວຽກງານອົງການຈັດຕັ້ງມະຫາຊົນບັນດາຮາກຖານ;​ ສະຫາຍປະທານ, ຮອງປະທານ ພ້ອມ​ດ້ວຍ​ຄະນະບໍລິຫານງານສະຫະພັນ​ກຳມະບານກະຊວງ; ສະຫາຍປະທານ, ຮອງປະທານ ພ້ອມ​ດ້ວຍ​ຄະນະ​ກຳມະບານຮາກຖານ; ບັນດາ​ທ່ານຫົວໜ້າ​ພະ​ແນ​ກ, ຮອງ​ຫົວໜ້າ​ພະ​ແນ​ກ, ພະນັກ ງານປະລິນຍາເອກ ແລະ ພະນັກງານ-ສະມາຊິກກຳມະບານ ຂອງ ຫ້ອງການ, ບັນດາ​ກົມ, ສະ​ຖາ​ບັນ, ກອງ​ວິຊາ​ການ, ລັດ​ວິ​ສາ​ຫະກິດ​ອ້ອມ​ຂ້າງ​ກະຊວງ.

 ປາຖະກະຖາ​ໃນ​ຄັ້ງ​ນີ້ ສະຫາຍ ແສງດາວີ ກັດຕິຍະສັກ, ປະທານສະຫະພັນກຳມະບານກະຊວງ, ​ໄດ້​ເລົ່າ​ປະຫວັດ​ຄວາມ​ເປັນ​ມາ​ແຫ່ງ​ການ​ກຳ​ເນີ​ດເຕີບ​ໃຫຍ່​ຂອງ​ຊົນ​ຊັ້ນ​ ກຳມະກອນສາກົນ ​ແລະ ພາລະ​ກຳປະຫວັດສາດ​ຂອງ​ຂະ​ບວນ ກຳມະກອນ​ສາກົນ ທີ່​ໂດດ​ເດັ່ນ ​ໃນ​ທ້າຍ​ສັດຕະວັດທີ XVIII ຫາ​ຕົ້ນ​ສັດຕະວັດ​ທີ XIX. ຂະ​ບວນການ​ຕໍ່ສູ້​ຂອງ​ຊົນຊັ້ນ​ກຳມະກອນ, ພ້ອມດຽວກັນນັ້ນ ທ່ານ​ປະທານກຳມະບານກະຊວງ ຍັງໄດ້ເນັ້ນໃຫ້ຮາກຖານກຳມະບານຕ່າງໆ ຂອງ ກະຊວງ ຍທຂ ​ເພີ່ມ​ທະວີ​ການ​ກໍ່ສ້າງ​ຊົນ​ຊັ້ນ​ກຳມະກອນ​ລາວ​ ​ໃຫ້ມີ​ຄວາມ​ເຕີບ​ໃຫຍ່​​ເຂັ້ມ​ແຂງ​​ ຕ້ອງເອົາ​ໃຈ​ໃສ່ ​ໃນ​ວຽກ​ງານ​ໂຄສະນາ-ສຶກສາ​ອົບຮົມ ການເມືອງ-ແນວຄິດ; ​ເອົາ​ໃຈ​ໃສ່​ສ້າງ ​ແລະ ພັດທະນາ​ຊົນ​ຊັ້ນ​ກຳມະກອນ​ລາວ ​ໃນ​ໄລຍະ​ໃໝ່ ຕິດ​ພັນ​ກັບ​ການ​ປັບປຸງ​ກໍ່ສ້າງ​ ການ​ຈັດ​ຕັ້ງສະຫະພັນ​ກຳມະບານ​ລາວ; ເພີ່ມທະວີກຳລັງໃຫ້ການຈັດຕັ້ງ ກຳມະບານ ເພື່ອເຮັດ ມີຄວາມເຂັ້ມແຂງທາງດ້ານປະລິມານ ແລະ ຄຸນນະພາບ; ປົກ​ປ້ອງ​ສິ​ດຜົນ​ປະ​​ໂຫຍ​ດທາງ​ດ້ານ​ວັດຖຸ ​ແລະ ຈິດ​ໃຈ​ໃຫ້ແກ່​ກຳມະ​ກອນ ​ແລະ ​ຊາວ​ຜູ້​ອອກ​ແຮງ​ງານ,​​ ເພີ່ມຄວາມເອົາໃຈໃສ່ຕໍ່ການຊີ້ນຳໆ ພາຂອງ ຄະນະພັກແຕ່ລະຂັ້ນ ຕໍ່ກັບອົງການຈັດຕັ້ງກຳມະບານຢ່າງໃກ້ສິດ, ແນ່ໃສ່ສ້າງໃຫ້ຊົນຊັ້ນກໍາມະກອນໃຫ້ມີຄວາມເຕີບ ໃຫຍ່ເຂັ້ມແຂງຮອບດ້ານ.

 

 

ກວດແກ້ໂດຍ ທ່ານ ວຽງຄອນ ວົງຄຳຈັນ

ຂຽນຂ່າວໂດຍ ທ່ານ ຈັນທະລາ ຂັນທະວີໄຊ

 

 

 

 

Additional information