ໜ່ວຍພັກຮາກຖານ ສະຖາບັນຄົ້ນຄວ້າ ຍທຂ ໄດ້ຮັບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VIII

ໃນຕອນ​ເຊົ້າ ວັນທີ 23 ມີນາ 2018 ຢູ່ທີ່ຫ້ອງປະຊຸມສະຖາບັນ ຄົ້ນຄວ້າ ໂຍທາທິການ ແລະ ຂົນສົ່ງ ໄດ້ຈັດ​ພິທີມອບ-ຮັບໃບຢັ້ງຢືນເປັນໜ່ວຍພັກ​ເຂັ້ມແຂງ-ຮູ້ນຳພາຮອບດ້ານ ໃຫ້ໜ່ວຍພັກຮາກຖານສະຖາບັນ ຄົ້ນຄວ້າໂຍທາ ທິການ ແລະ ຂົນສົ່ງ ຄັ້ງ​ທີ VIII, ໂດຍໃຫ້ກຽດເຂົ້າຮ່ວມ ແລະ ມອບໃບຢັ້ງຢືນຂອງ ສະຫາຍ ນ. ວິໄລຄຳ ໂພສາລາດ  ​​ຄະນະປະຈຳ​ພັກ​ກະຊວງ, ຮອງລັດຖະມົນຕີ​ກະຊວງ ​ໂຍທາ​ທິການ ​ແລະ ຂົນ​ສົ່ງ; ມີບັນດາສະຫາຍເລຂາຄະນະ​ພັກ​ຮາກ​ຖານ, ບັນດາສະຫາຍເລຂາໜ່ວຍພັກ, ຮອງເລຂາໜ່ວຍພັກ, ບັນດາກຳມະການພັກ, ຄະນະພັກຮາກຖານ, ​ຄະນະ​ຕິດຕາມ​​ຊຸກຍູ້ ແລະ ປະ​ເມີນ​ຜົນ ໜ່ວຍພັກເຂັ້ມແຂງ-ຮູ້ນໍາພາຮອບດ້ານ ຂອງ​ກະຊວງ ແລະ ສະມາຊິກ​ພັກ​ພາຍ​ໃນຮາ​ກຖານ​ພັກເຂົ້າຮ່ວມ.

ໃນໂອກາດດັ່ງກ່າວ, ສະຫາຍ ນ. ພອນສະຫວັນ ແພງສີດາ ຄະນະພັກກະຊວງ, ເລຂາໜ່ວຍພັກຮາກຖານ ໃຫ້ຮູ້ວ່າ: ໜ່ວຍພັກຮາກຖານ ສະຖາບັນຄົ້ນຄວ້າໂຍທາທິການ ແລະ ຂົນສົ່ງ ແມ່ນຮາກ​ຖານ​ພັກ​​ທີ່​ຂຶ້ນ​ກັບ​ອົງຄະ​ນະ​ພັກ​ກະຊວງ ຍທຂ ​ໄດ້ຕັ້ງໜ້າ​ຈັດຕັ້ງປະຕິບັດ ​ຜັນຂ​ະຫຍາຍແຜນ​ການ, ເຮັດ​ໜ້າ​ທີ່​ຂອງ​ຕົນ​ຢ່າງ​ຫ້າວ​ຫັນ, ໄດ້​ຕັ້ງ​ໜ້າ​ສຸມ​ທຸກ​ເຫື່ອ​ແຮງ ເຂົ້າ​ໃນ​ການ​ຈັດ​ຕັ້ງ​ປະ​ຕິ​ບັດ ແຜນ​ການ​ສ້າງ​ໜ່ວຍ​ພັກ​ເຂັ້ມ​ແຂ​ງ-ຮູ້​ນຳ​ພາ​ຮອບ​ດ້ານ ຂອງ​ຕົນຢ່າງ​ເປັນ​ເຈົ້າ​ການ. ບັນ​ດາ​ສະ​ຫາຍ​ສະ​ມາ​ຊິກ​ພັກພາຍ​ໃນໜ່ວຍພັກຮາກຖານ ​ໄດ້​ຈັດຕັ້ງຜັນ​ຂະຫຍາຍ​ ມະຕິ​ກອງ​ປະຊຸມ​ໃຫຍ່​  ຂ​ອງສູນ​ກາງ​ພັກຄັ້ງທີ X ​ແລະ ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ IV ຂອງ​ອົງຄະ​ນະ​ພັກ​ກະຊວງ ຍທຂ ​​ເຂົ້າ​ໃນ​ການຈັດຕັ້ງປະຕິບັດ ວຽກ​ງານ​ຕ່າງໆ​​ຂອງ​ຕົນ​ຢ່າງ​ຮອບ​​ດ້ານ. ຜ່ານການເຄື່ອນໄຫວຈັດຕັ້ງປະຕິບັດແຜນການສ້າງໜ່ວຍພັກເຂັ້ມແຂ-ຮູ້ນຳພາຮອບດ້ານ ສົກປີ 2016-2017 ສາມາດຕີລາຄາໃນແຕ່ລະດ້ານໄດ້ດັ່ງນີ້: ວຽກການ​ເມືອງແນວຄິດ ເປັນວຽກ ໜຶ່ງທີ່ສຳຄັນ ແລະ ລະອຽດອ່ອນ ທີ່ຄະນະໜ່ວຍພັກຮາກຖານ ໄດ້ເອົາໃຈໃສ່ຊີ້ນໍານໍາພາຢ່າງໃກ້ຊິດແທດເຖິງ, ຈຶ່ງ​ເຮັດ​ໃຫ້​ບັນ​ດາ​ສະ​ຫາຍ​ສະ​ມາ​ຊິກ​ພັກ​ເຂົ້າ​ໃຈ ເຊື່ອມ​ຊຶມກຳແໜ້ນ ແລະ ​ເຊື່ອ​ໝັ້ນ​ຕໍ່​ການ​ນຳ​ພາ​ຂອງ​ພັກ​ຢ່າງ​ໜັກ​ແໜ້ນ; ພ້ອມ​ດຽວ​ກັນນັ້ນຮາກຖານພັກ ຍັງ​ໄດ້​ເອົາ​ໃຈ​ໃສ່​ນຳພາປັບປຸງ​ແບບ​ແຜນ ​ແລະ ​ວິທີ​ການຈັດ​ຕັ້ງ​ປະຕິບັດ​ວຽກ​ງານ​ວິຊາ​ສະ​ເພາະ​ແຕ່​ລະ​ດ້ານ​ ເຮັດ​ໃຫ້​ວຽກ​ງານຂອງ ສະຖາບັນຄົ້ນຄວ້າໂຍທາທິການ ແລະ ຂົນສົ່ງ ໄດ້​ດີ​ຂຶ້ນ​ເທື່ອ​ລະກ້າວ.

ສະຫາຍ ນ. ວິໄລຄຳ ໂພສາລາດ ຄະນະປະຈຳພັກກະຊວງ ​ໄດ້​ສະ​ແດງ​ຄວາມ​ຊົມ​ເຊີຍ ຕໍ່ຄະນະໜ່ວຍພັກຮາກຖານ ສະຖາບັນຄົ້ນຄວ້າ ຍທຂ ທີ່ໄດ້ນຳພາ-ຊີ້ນຳກໍ່ສ້າງ ຮາກຖານພັກຕົນ ມີຜົນສຳເລັດ ແລະ ມີຜົນງານອັນພົ້ນເດັ່ນຫລາຍ ດ້ານ ເປັນຕົ້ນ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ, ຈັດຕັ້ງເຊື່ອມຊຶມແນວທາງ, ແຜນນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ ແລະ ກົດໝາຍຂອງລັດ ເຮັດໃຫ້ຖັນແຖວພະນັກງານ-ສະມາຊິກພັກ ຢູ່ຮາກຖານ ມີ ຄຸນທາດການເມືອງ, ຄຸນສົມບັດສິນທຳປະຕິວັດ, ທັດສະນະຫລັກໝັ້ນຊົນຊັ້ນທີ່ໜັກແໜ້ນ, ມີຄວາມສະຫງົບອຸ່ນອ່ຽນ ແລະ ບຸກບືນຫ້າວຫັນປະຕິບັດໜ້າທີ່ວຽກງານ; ເອົາໃຈໃສ່ຊີ້ນຳພະນັກງານ-ສະມາຊິກພັກຂອງຕົນ ປະຕິບັດໜ້າທີ່ວິຊາ ສະເພາະຕາມໜ້າທີ່ຄວາມຮັບຜິດຊອບຢ່າງຕັ້ງໜ້າ, ເຮັດໃຫ້ວຽກງານວິຊາສະເພາະ ມີຜົນສຳເລັດຕາມຄາດໝາຍ ທີ່ ວາງໄວ້; ໄປຄຽງຄູ່ກັບຜົນງານທີ່ຍາດມາໄດ້, ແຕ່ຍັງມີບາງດ້ານຈະ​ໄດ້ປັບປຸງແກ້ໄຂ ເພື່ອໃຫ້ສົມຄູ່ກັບຄວາມຮຽກຮ້ອງ ຕ້ອງການຂອງໄລຍະໃໝ່ ດັ່ງນີ້: ການຈັດຕັ້ງເຊື່ອມຊຶມບັນດາມະຕິ, ຄຳສັ່ງຂອງຂັ້ນເທິງ ຢູ່ຮາກຖານບາງຄັ້ງຍັງ ບໍ່ທັນ ກັບສະພາບການ; ພະນັກງານ-ສະມາຊິກພັກບາງສະຫາຍແນວຄິດຍັງບໍ່ອຸ່ນອ່ຽນ ໄດ້ຍົກຍ້າຍໄປເຮັດວຽກຢູ່ບ່ອນອື່ນ; ການປະຕິບັດວຽກງານວິຊາສະເພາະ  ບາງຄັ້ງຍັງມີລັກສະນະຊັກຊ້າ; ການຊີ້ນໍາອົງການຈັດຕັ້ງມະຫາຊົນ ເຫັນວ່າ ຍັງບໍ່ທັນມີຂະບວນການທີ່ຟົດຟື້ນ ເທົ່າທີ່ຄວນ ​ແລະ ການຂະຫຍາຍພັກ ແລະ ການກໍ່ສ້າງພະນັກງານ ຍັງບໍ່ທັນ ມີແຜນກໍ່ສ້າງລະອຽດ.   ເພື່ອສືບຕໍ່ຈັດຕັ້ງປະຕິ ບັດແຜນການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ຂອງ ບັນດາສະຫາຍ ໃຫ້ສຳເລັດຕາມຄາດ  ໝາຍທີ່ວາງໄວ້, ກໍຄືການຜັນຂະຫຍາຍມະຕິ ກອງປະຊຸມໃຫຍ່ ຄັ້ງທີ IV ຂອງ​ອົງຄະ​ນະ​ພັກ​ກະຊວງ ​ໂຍທາ​ທິການ​ ແລະ ຂົນ​ສົ່ງ​,  ຄະນະໜ່ວຍພັກຮາກຖານ ຕ້ອງ​ເພີ່ມ​ທະວີວຽກງານສຶກສາ ອົບຮົມ ພະນັກງານ-ສະມາຊິກພັກ ຢ່າງເປັນປະຈຳ, ເອົາໃຈໃສ່ການ​ຂະຫຍາຍ​ພັກ​​ຕິດ​ພັນ​ກັບ​ການ​ຍົກ​ສູງຄວາມ​ຮັບຜິດຊອບ​ການ​ເມືອງ ເພື່ອ​ເປັນ​ກຳລັງ​ແກ່ນສານ​ນຳພາ ​ຢູ່​ຂົງ​ເຂດ​ວຽກ​ງານ​ຕ່າງໆ; ເສີມຂະຫຍາຍປະຊາທິປະ​ໄຕພາຍໃນພັກ, ປະຕິບັດ​ລະບອບ​ປຶກສາ​ຫາລື​ເປັນ​ໝູ່​ຄະນະ, ແບ່ງ​ຄວາມ​ຮັບຜິດຊອບ​ໃຫ້​ບຸກຄົນ​ຢ່າງຈະແຈ້ງ; ເພີ່ມ​ທະວີ​ຄວາມ​ສາມັກ ຄີ​ພາຍ​ໃນ​ຄະນະ​ພັກ​ ແລະ ເຊີດ​ຊູ​ຄວາມ​ເປັນ​ແບບຢ່າງ​ນໍາ​ໜ້າທີ່​ດີ​ຂອງ​ສະມາຊິກ​ພັກ ​ແລະ ເອົາ​ໃຈ​ໃສ່​ບຳລຸງ​ກໍ່ສ້າງ​ພະນັກງານຢ່າງຮອບດ້ານ ໃຫ້​ມີ​ລະດັບຄວາມ​ຮູ້, ຄວາມສາມາດທີ່ສົມຄູ່ກັບໜ້າ​ທີ່​ວຽກງານ ທີ່ນັບມື້ນັບຫັນເປັນທັນ ສະໄໝ.

Additional information