ພິທີສະເຫຼີມສະຫຼອງ ວັນແມ່ຍິງສາກົນ ວັນທີ 8 ມີນາ 2018 ຄົບຮອບ 108 ປີ

ໃນຕອນເຊົ້າເວລາ 8:30 ໂມງ ຂອງວັນທີ 6 ມີນາ 2018 ຢູ່ທີ່ຫ້ອງປະຊຸມໃຫຍ່ເບີ 1 ກະຊວງ ໂຍທາທິການ ແລະ ຂົນສົ່ງ ໄດ້ເປີດ ພິທີສະເຫຼີມສະຫຼອງ ວັນແມ່ຍິງສາກົນ ວັນທີ 8 ມີນາ 2018 ຄົບຮອບ 108 ປີ ໃຫ້ກຽດເປັນປະທານ ຂອງທ່ານ ລັນ ແສງອາພອນ ຄະນະປະຈຳພັກກະຊວງ, ຫົວໜ້າກົມຈັດຕັ້ງ-ພະນັກງານ, ທ່ານ ນາງ ພອນສະຫວັນ ແພງສີດາ ຄະນະພັກກະຊວງ, ຄະນະບໍລິຫານງານສູນກາງແມ່ຍິງລາວ, ປະທານສະຫະພັນແມ່ຍິງກະຊວງ. ມີບັນດາ ທ່ານຫົວໜ້າກົມ, ທ່ານຮອງຫົວໜ້າກົມທີ່ມາຈາກຫ້ອງການ, ກົມອ້ອມຂ້າງກະຊວງ ເຂົ້າຮ່ວມທັງໝົດ 157 ທ່ານ.

ກອງປະຊຸມໄດ້ຮັບຟັງປະຫວັດຄວາມເປັນມາຂອງວັນແມ່ຍິງສາກົນ ວັນທີ 8 ມີນາ, ວຽກງານພົວພັນ ແລະ ຮ່ວມມືກັບ ຕ່າງປະເທດ ປີ 2017, ນະໂຍບາຍ ແລະ ກົນໄກສົ່ງເສີມຄວາມກ້າວໜ້າຂອງແມ່ຍິງ ໃນ ສປປ ລາວ, ບັນດາອົງການ ຈັດຕັ້ງສົນທິສັນຍາຖະແຫຼງການ ແລະ ກອງປະຊຸມຕ່າງໆ ກ່ຽວກັບແມ່ຍິງ ໃນລະດັບສາກົນ ພາກພື້ນ ແລະ ອາຊຽນ.

ໃນໂອກາດນີ້ກອງປະຊຸມຍັງໄດ້ຮັບຟັງການໂອ້ລົມຂອງຄະນະປະທານ ແລະ ກ່າວອວຍພອນເນື່ອງໃນວັນແມ່ຍິງສາ ກົນຄົບຮອບ 108 ປີ ດັງຄຳຂວັນວັນແມ່ຍິງສາກົນ ປີ 2018 ’’ ເຖິງເວລາແລ້ວທີ່ທຸກຄົນຮ່ວມມືກັນປັບປຸງຊີວິດການ ເປັນຢູ່ຂອງແມ່ຍິງໃນຕົວເມືອງ ແລະ ຊົນນະບົດໃຫ້ດີຂຶ້ນ. ’’

ກອງປະຊຸມໄດ້ດຳເນີນໄປເປັນເວລາເຄິ່ງມື້ ແລະ ໄດ້ປິດລົງໃນວັນດຽວກັນ.   

 

ກວດແກ້ໂດຍ ທ່ານ ແສງຈັນ ຫອມສີລາຮັກ

ຂຽນຂ່າວໂດຍ ທ່ານ ຈັນທະລາ ຂັນທະວີໄຊ

 

 

 

 

 

 

 

 

 

 

 

Additional information