ຈັດຝຶກອົບຮົມກ່ຽວກັບການນຳໃຊ້ສະຖິຕິຂັ້ນພື້ນຖານ ໃຫ້ແກ່ຜູ້ຮັບຜິດຊອບວຽກງານສະຖິຕິ ປະຈຳພະແນກ ຍທຂ ທົ່ວປະເທດ

ໃ​ນ​ວັນ​ທີ 22​-26 ມັງ​ກອນ 2018, ກົມ​ແຜນ​ການ ແລະ ການ​ຮ່ວມ​ມື, ກະຊວງ ຍທຂ ໄດ້ຮ່ວມກັບ ສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໄດ້​ຈັດ​ຊຸດ​ຝຶກ​ອົມ​ຮົມກ່ຽວ​ກັບ​ການ​ນຳ​ໃຊ້ສະ​ຖິ​ຕິ​ຂັ້ນ​ພື້ນ​ຖານ ໃຫ້​ແກ່​ພະນັກງານ ຜູ້​ຮັບ​ຜິດ​ຊອບ​ວຽກ​ງານ​ສະ​ຖິ​ຕິ ປະ​ຈຳ​ພະ​ແນກ ຍ​ທ​ຂ ທົ່ວ​ປະ​ເທດ ຢູ່​ທີ່​ສູນ​ຝຶກ​ອົບ​ຮົມ​ສູນ​ກາງ​ແນວ​ລາວ​ສ້າງ​ຊາດ.​ ​ເປັນ​ປະ​ທານ​ເປີດຊຸດ​ຝຶກ​ອົມ​ຮົມ​ ໂດຍ​ທ່ານ ຄຳຫຼ້າ ພົມ​ມະ​ວັນ, ຮອງ​ຫົວ​ໜ້າ​ກົມ​ແຜນ​ການ ແລະ ການ​ຮ່ວມ​ມື, ກະ​ຊວງ ຍ​ທ​ຂ ແລະ ທ່ານ ເລື່ອມ ສົນ​ສີ​ວິໄລ ຮອງ​ຫົວ​ໜ້າ​ສູນ​ສະ​ຖິ​ຕິ​ແຫ່ງ​ຊາດ, ກະ​ຊວງ​ແຜນ​ການ​ ແລະ ການ​ລົງ​ທຶນ. ການ​ຈັດ​ຊຸດ​ຝຶກ​ອົບ​ຮົມ​ດັ່ງ​ກ່າວ ແມ່​ນ​ສ່ວນ​ໜຶ່ງ​ຂອງ​ການ​ຈັດ​ຕັ້ງປະ​ຕິ​ບັດ​ຕາມ​ແຜນ​ພັດ​ທະ​ນາ​ວຽກ​ງານ​ສະ​ຖິ​ຕິ ຂະ​ແໜງ​ການ ຍ​ທ​ຂ 2017 – 2020 ໂດຍ​ມີ​ຈຸດ​ປະ​ສົ​ງ​ເພື່ອ​ສ້າງ​ຄວາມ​ເຂັ້ມ​ແຂງ​ທາງ​ດ້ານ​ວິ​ຊາ​ສະ​ເພາະ ​ໃຫ້​ແກ່​ພະ​ນັກ​ງານ​ຜູ້​ຮັບ​ຜິດ​ຊອບ​ວຽກ​ງານ​ສະ​ຖິ​ຕິ ຂັ້ນ​ທ້ອງ​ຖິ່ນ. ເຊິ່ງ​ໄດ້​ມີວິ​ທະ​ຍາ​ກອນ​ຮັບ​ເຊີນ​​ຈາກ ສູນ​ສະ​ຖິ​ຕິ​ແຫ່ງ​ຊາດ​ໃນ​ການ​ບັນ​ລະ​ຍາຍຄວາມ​ໝາຍ​ຄວາມ​ສຳ​ຄັນ​ຂອງ​ສະ​ຖິ​ຕິ, ປະ​ເພດ​ຂອງ​ຂໍ້​ມູນ, ການ​ຈັດ​ລຽງ​ຂໍ້​ມູນ, ວິ​ທີ​ການ​ນຳ​ສະ​ເໜີ​ຂໍ້​ມູນ, ສ​ະ​ຖິ​ຕິ​ພັນ​ລະ​ນາ, ຄ່າ​ບ່ຽງ​ເບນ​ມາດ​ຖານ, ສົມ​ຜົນ​ທົດ​ຖອຍ​, ການ​ວິ​ເຄາະ​ສະ​ຫະ​ສຳ​ພັນ…​ສຳ​ລັບ ​ນັກ​ສຳ​ມະ​ນາ​ກ​ອນ​ແມ່ນ​ມາ​ຈາກ 18 ແຂວງ ລວມ​ທັງ​ໝົດ 36 ທ່ານ.

Additional information