ພິທີເຊັນສັນຍາໂຄງການຈັດຊື້ລະບົບຄຸ້ມຄອງທັນສະໄໝ ໃນການເກັບເງິນຄ່າບິນຜ່ານ ລະຫວ່າງ ກອງຄຸ້ມຄອງຈະລາຈອນທາງອາກາດ ແລະ ບໍລິສັດ ບໍລິການສະໜາມບິນປະເທດອິນເດຍ

ໃນຕອນຄ່ຳເວລາ 17:30 ຢູ່ທີ່ໂຮງແຮມ ຄຣາວພາຊາ ນະຄອນຫຼວງວຽງຈັນ ໄດ້ມີພິທີເຊັນສັນຍາໂຄງການ ຈັດຊື້ລະບົບຄຸ້ມຄອງທັນສະໄໝ ໃນການເກັບເງິນຄ່າບິນຜ່ານ ລະຫວ່າງ ກອງຄຸ້ມຄອງຈະລາຈອນທາງ ອາກາດ ແລະ ບໍລິສັດ ບໍລິການສະໜາມບິນປະເທດອິນເດຍ ໂດຍໃຫ້ກຽດເຂົ້າຮ່ວມໃນພິທີມີ ທ່ານ ປອ. ບຸນຈັນ ສິນທະວົງ ລັດຖະມົນຕີ ກະຊວງ ຍທຂ, H.E. Mr. Ravi Shankar Aisola ເອກອັກຄະລັດຖະທູດ ອິນເດຍປະຈຳ ສປປ ລາວ, ທ່ານ ວັນເພັງ  ຈັນທະພອນ ຫົວໜ້າກົມການບິນພົນລະເຮືອນ,  ທ່ານ ສົມຈິດ ວິນິດແກ້ວພາວັນ ຫົວໜ້າກອງຄຸ້ມຄອງການຈະລາຈອນທາງອາກາດ  ພ້ອມດ້ວຍພະນັກງານວິ ຊາການ ແລະ ພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມຈຳນວນ 58 ທ່ານ.

ຕາງໜ້າຝ່າຍລາວໂດຍທ່ານ ວັນເພັງ ຈັນທະພອນ ຫົວໜ້າກົມການບິນພົນລະເຮືອນ ກະຊວງ ໂຍທາທິ ການ ແລະ ຂົນສົ່ງ ແລະ ທ່ານ ສົມຈິດ ວິນິດແກ້ວພາວັນ ຫົວໜ້າກອງຄຸ້ມຄອງການຈະລາຈອນທາງ ອາກາດ ກະຊວງ ໂຍທາທິການ ແລະ ຂົນສົ່ງ  ເປັນຜູ້ລົງລາຍເຊັນ ກັບ ຝ່າຍບໍລິສັດ ບໍລິການສະໜາມ ບິນປະເທດອິນເດຍ ນຳໂດຍທ່ານ Mr. Sheshadri Suresh, ( Board Member Finance AAl ) ຄະນະກຳມາ ທິການບໍລິຫານ ການເງິນການບິນປະເທດອິນເດຍ ແລະ Mr. Manfred Blondeel, ( Director, Enhancing and Finance, IATA ) ຜູ້ອຳນວຍການການເງິນ ບໍລິສັດ IATA ເປັນຜູ້ລົງລາຍເຊັນ.

ໃນການຈັດຊື້ລະບົບຄຸ້ມຄອງທັນສະໄໝດັ່ງກ່າວນີ້ ເພື່ອເພີ່ມຂີດຄວາມສາມາດ ໃຫ້ແກ່ການເກັບເງິນຄ່າບໍ ລິການບິນຜ່ານໃຫ້ແກ່ ສປປ ລາວ ໃຫ້ມີປະສິດທິພາບ ວ່ອງໄວ, ທັນສະໄໝ, ໂປງໃສຂຶ້ນ, ເຊິ່ງຈະເປັນທ່າ ແຮງປະກອບສ່ວນເຂົ້າໃນການສ້າງສາພັດທະນາປະເທດຊາດໃນອະນາຄົດອີກດ້ວຍ.  

 

 

 

 

 

 

 

 

 

 

 

 

Additional information