ທ່ານ ປອ. ສັນຕິສຸກ ສິມມາລາວົງ ຮອງລັດຖະມົນກະຊວງ ຍທຂ ພ້ອມດ້ວຍຄະນະ ເຂົ້າອວຍພອນວັນສ້າງຕັ້ງກອງທັບ ປະຊາຊົນລາວ ຄົບຮອບ 69 ປີ

ໃນຕອນບ່າຍເວລາ 15:00 ໂມງ ຂອງວັນທີ 18 ມັງກອນ 2018 ຢູ່ທີ່ກະຊວງ ປ້ອງກັນປະເທດ ທ່ານ ປອ. ສັນຕິສຸກ ສິມມາລາວົງ ຮອງລັດຖະມົນກະຊວງ ຍທຂ ພ້ອມດ້ວຍຄະນະ ມີບັນດາທ່ານຫົວໜ້າກົມ, ທ່ານຮອງຫົວໜ້າກົມ, ທ່ານຫົວໜ້າສະຖາບັນ ເຂົ້າອວຍພອນຄະນະນຳກະຊວງປ້ອງກັນປະເທດ ເນື່ອງໃນໂອກາດວັນສ້າງຕັ້ງກອງທັບປະ ຊາຊົນລາວຄົບຮອບ 69 ປີ.

ໃນໂອກາດອັນສະງ່າລາສີນີ້ ທ່ານ ປອ. ສັນຕິສຸກ ສິມມາລາວົງ ຮອງລັດຖະມົນຕີ ກະຊວງ ຍທຂ ພ້ອມດ້ວຍຄະນະ ໄດ້ເຂົ້າອວຍພອນ ທ່ານ ພົ.ທ. ວິໄລ ຫລ້າຄຳຟອງ, ເລຂາທິການສູນກາງພັກ, ຮອງລັດຖະມົນຕີກະຊວງ ປ້ອງກັນປະເທດ ພ້ອມດ້ວຍຄະນະ, ໂດຍທ່ານ ໄດ້ສະແດງຄວາມຮູ້ບຸນຄຸນຕໍ່ກຳລັງປ້ອງກັນຊາດປ້ອງກັນຄວາມສະຫງົບ ທີ່ຍາມໃດກໍ່ຍອມເສຍສະຫຼະຕົນເອງ ບໍ່ວ່າຈະເປັນກຳລັງ ປ້ອງກັນຊາດທີ່ປະຈຳຢູ່ເຂດຊາຍແດນ,ຫ່າງໄກ ສອກຫລີກ ກໍຄືກອງກຳລັງທີ່ປະຈຳຢູ່ໃນຂອບເຂດທົ່ວປະເທດ ເພືອ່ເຮັດໃຫ້ປະຊາຊົນລາວບັນດາເຜົ່າໄດ້ມີຄວາມຜາ ສຸກຮົມເຢັນ ພ້ອມກັນສ້າງສາພັດທະນາປະເທດຊາດໃຫ້ຮຸ່ງເຮືອງສີວິໄລ, ໂອກາດນີ້ ທ່ານຍັງໄດ້ສະແດງຄວາມ ຮູ້ບຸນຄຸນຢ່າງຈິງໃຈມາຍັງຄະນະນຳກະຊວງປ້ອງກັນປະເທດ ແລະ  ໄດ້ອວຍພອນໄຊອັນປະເສີດ ໃຫ້ແກ່ ຄະນະນຳກະຊວງປ້ອງກັນປະເທດທຸກທົ່ວໜ້າ ຈົ່ງມີສຸກຂະພາບເຂັ້ມແຂງ ຕາງໜ້າກະຊວງ ຍທຂ ທ່ານ ປອ. ສັນຕິສຸກ ສິມມາລາວົງ ຮອງລັດຖະມົນຕີໄດ້ມອບເງິນຊ່ວຍເຫຼືອຈຳນວນໜື່ງເພື່ອປະກອບສ່ວນ ນຳໃຊ້ເຂົ້າໃນການປະຕິບັດວຽກງານ ວິຊາສະເພາະ ຂອງກຳລັງປ້ອງກັນຊາດ ຈາກນັ້ນ ທ່ານ ພົ.ທ. ວິໄລ ຫລ້າຄຳຟອງ, ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ  ກໍ່ໄດ້ສະແດງຄວາມຂອບໃຈມາຍັງຄະນະນຳກະຊວງ ຍທຂ ທີ່ຍາມໃດກໍ່ໃຫ້ ການຊ່ວຍເຫຼືອບໍ່ວ່າຈະເປັນທາງດ້ານປັດໃຈຕ່າງໆ ປະກອບສ່ວນເຂົ້າໃນກຳລັງ ປ້ອງກັນຊາດເປັນປະຈຳທຸກປີ.

Additional information