ກະຊວງ ຍທຂ ເຜີຍແຜ່ຄຳແນະວຽກງານຂະຫຍາຍພັກ ແລະ ວຽກງານກໍ່ສ້າງໜ່ວຍພັກ ເຂັ້ມແຂງ-ຮູ້ນຳພາຮອບດ້ານ

ໃນວັນທີ 6 ທັນວາ 2017 ທີ່ຜ່ານມາ ຄະນະພັກກະຊວງໂຍທາທິການ ແລະ ຂົນສົ່ງ ໄດ້ເປີດກອງປະຊຸມເຜີຍແຜ່ ວຽກງານຂະຫຍາຍພັກ ແລະ ວຽກງານກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ຂື້ນຢູ່ທີ່ຫ້ອງປະຊຸມໃຫຍ່ຂອງ ກະຊວງ ໂດຍການເປັນປະທານຂອງທ່ານ ລັນ ແສງອາພອນ ຄະນະປະຈຳພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ ມີບັນດາສະຫາຍເລຂາ, ຮອງເລຂາຄະນະພັກຮາກຖານ, ໜ່ວຍພັກຮາກຖານ, ເລຂາໜ່ວຍພັກຂື້ນກັບ ຄະນະພັກຮາກຖານ ແລະ ຫົວໜ້າຈັດຕັ້ງ-ບໍລິຫານ ຈຳນວນ 56 ສະຫາຍ, ຍິງ 13 ສະຫາຍ.

ກອງປະຊຸມໄດ້ຍົກໃຫ້ເຫັນບົດບາດ, ຄວາມສຳຄັນຂອງວຽກງານຂະຫຍາຍພັກ ແລະ ວຽກງານກໍ່ສ້າງໜ່ວຍພັກເຂັ້ມ ແຂງ-ຮູ້ນຳພາຮອບດ້ານ ເຊີ່ງວຽກງານຂະຫຍາຍພັກ ແມ່ນການເພີ່ມທະວີກຳລັງແຮງ ແລະ ເປັນການປັບປຸງພັກໃຫ້ ເຂັ້ມແຂງ ພ້ອມນັ້ນ,  ການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ກໍແມ່ນຄວາມຮຽກຮ້ອງຕ້ອງການທີ່ຈຳເປັນ ພາວະວິໄສ, ທັງເປັນບັນຫາຍຸດທະສາດ ທີ່ພົວພັນເຖິງການຄົງຕົວ ແລະ ຂະຫຍາຍຕົວຂອງພັກເຮົາ.

ກອງປະຊຸມຍັງໄດ້ແລກປ່ຽນຄວາມຄິດຄວາມເຫັນ ແລະ ໄດ້ຕົກລົງເປັນເອກະພາບກັນ ກ່ຽວກັບວິທີ, ຂັ້ນຕອນໃນການ ຈັດຕັ້ງປະຕິບັດວຽກງານຂະຫຍາຍພັກ, ວຽກງານຄຸ້ມຄອງ-ຍົກຍ້າຍຮ່ວມຊີວິດພັກ ແລະ ວຽກງານກໍ່ສ້າງໜ່ວຍພັກເຂັ້ມ ແຂງ-ຮູ້ນຳພາຮອບດ້ານ ໃນທົ່ວຄະນະພັກກະຊວງ ໂຍທາທິການ ແລະ ຂົນສົ່ງ.

Additional information