ປາຖະກະຖາ ວັນມະຫາປະຕິວັດ ເດືອນຕຸລາ ລັດເຊຍ ຄົບຮອບ 100 ປີ (7/11/1917-7/11/2017)

ໃນຕອນເຊົ້າຂອງວັນທີ  23 ​ພະຈິກ 2017, ຢູ່ທີ່ຫ້ອງປະຊຸມໃຫຍ່ຂອງກະຊວງ ຍທຂ ໄດ້ຈັດປາຖະກະຖາ ວັນມະຫາປະຕິວັດ ເດືອນຕຸລາ ລັດເຊຍ ຄົບຮອບ 100 ປີ (7/11/1917-7/11/2017) ໂດຍໃຫ້ກຽດ ປາຖະກະຖາຂອງ ສະຫາຍ ປອ. ຄຳໝັ້ນ ຈັນທະລັງສີ ຮອງເລຂາຄະນະພັກ, ຮອງຫົວໜ້າຄະນະໂຄສະນາ ອົບຮົມສູນກາງພັກ; ເປັນກຽດເຂົ້າຮ່ວມໃນພິທີໃນມື້ນີ້ມີ ສະຫາຍ ລັນ ແສງອາພອນ ຄະນະປະຈຳພັກ ກະຊວງ ຍທຂ, ຫົວໜ້າກົມຈັດຕັ້ງ ແລະ ພະນັກງານ; ມີບັນດາສະຫາຍ ຄະນະປະຈຳພັກ, ກຳມະການ ພັກກະຊວງ, ຄະນະພັກບັນດາຮາກຖານ, ຜູ້ຊ່ວຍລັດຖະມົນຕີ-ທີ່ປຶກສາລັດຖະມົນຕີ, ຄະນະຫ້ອງການ, ພະນັກງານຫຼັກແຫຼ່ງທີ່ມາຈາກບັນດາກົມ, ກອງ, ສະຖາບັນ, ລັດວິສາຫະກິດ, ສາມອົງການຈັດຕັ້ງມະຫາ ຊົນຂັ້ນກະຊວງ, ເຂົ້າຮ່ວມຢ່າງພ້ອມພຽງ

ການປາຖະກະຖາຄັ້ງນີ້ ສະຫາຍ ປອ. ຄຳໝັ້ນ ຈັນທະລັງສີ ຮອງເລຂາຄະນະພັກ, ຮອງຫົວໜ້າຄະນະໂຄສະ ນາອົບຮົມສູນກາງພັກ ໄດ້ຍົກໃຫ້ເຫັນເຖິງ ການກຳເນີດການປະຕິວັດເດືອນຕຸລາລັດເຊຍ, ຄວາມໝາຍ ແລະ ຜົນສະທ້ອນຂອງການປະຕິວັດເດືອນຕຸລາລັດເຊຍ, ຕໍ່ຊົນຊັ້ນກຳມະຊີບໃນທົ່ວໂລກ, ໂດຍສະເພາະ ແມ່ນ ການຊ່ວຍເຫຼືອຂອງສະຫະພາບໂຊວຽດຕໍ່ ສປປ ລາວ ຂອງພວກເຮົາ, ເຮັດໃຫ້ພະນັກງານ, ສະມາ ຊິກພັກ ກະຊວງ ຍທຂ ໄດ້ທົບທວນຫວນຄືນຄວາມຮັບຮູ້ ແລະ ເຂົ້າໃຈຄວາມໝາຍຄວາມສຳຄັນ ຂອງວັນ ປະຫວັດສາດດັ່ງກ່າວຢ່າງເລິກເຊິ່ງ.

 

 

 

 

 

Additional information