ກອງປະຊຸມເພື່ອກະກຽມໂຄງການພັດທະນາ ຕົວເມືອງຕາມແລວທາງອະນຸພາກພື້ນແມ່ນນ້ຳຂອງ 4

ນຕອນເຊົ້າວັນທີ 20 ຕຸລາ 2017 ຢູ່ທີ່ໂຮງແຮມລັດສະໝີ ໄດ້ມີພິທີເປີດກອງປະຊຸມ ກອງປະຊຸມໄລຍະກາງ ໂຄງການຊ່ວຍເຫຼືອລ້າດ້ານວິຊາການ ເພື່ອກະກຽມໂຄງການພັດທະນາ ຕົວເມືອງຕາມແລວທາງ ອະນຸພາກ ພື້ນແມ່ນນ້ຳຂອງ 4 ພາຍໃຕ້ການເປັນປະທານ ຂອງທ່ານ ນາງ ວິໄລຄຳ ໂພສາລາດ ຮອງລັດຖະມົນຕີ ກະຊວງ ຍທຂ. ໃຫ້ກຽດເຂົ້າຮ່ວມໂດຍ ທ່ານ ບຸນເສັງ ປະທຳມະວົງ ຮອງເຈົ້າແຂວງ ແຂວງ ບໍລິຄຳໄຊ, ທ່ານ ບຸນມີ ພິມມະສອນ ຮອງເຈົ້າແຂວງ ແຂວງຄຳມ່ວນ, ທ່ານ ຊາໂຕຊິ ອີຊິອິ ຫົວໜ້າຄະນະສະເພາະກິດ ທະນາຄານພັດທະນາອາຊີ, ທ່ານ ຄຳທະວີ  ໄທພະຈັນ ຫົວໜ້າກົມເຄຫາ-ຜັງເມືອງ, ບັນດາເຈົ້າເມືອງ, ຄະນະກົມ, ຄະນະພະແນກ, ຜູ້ຕາງໜ້າຈາກ ທະນາຄານພັດທະນາອາຊີ, ຄະນະຮັບຜິດຊອບໂຄງການ ແລະ ພາກສ່ວນກ່ຽວຂ້ອງ ທີ່ມາຈາກສູນກາງ ແລະ ທ້ອງຖິ່ນ ທັງໝົດ 62 ທ່ານ.

      ໂຄງການດັ່ງກ່າວນີ້, ແມ່ນເພື່ອພັດທະນາ ແລະ ສົ່ງເສີມບັນດາຕົວເມືອງທີ່ນອນໃນໂຄງການ ໃຫ້ສາ ມາດແຂ່ງຂັນກັບຕົວເມືອງອື່ນໆ ຢູ່ລຽບຕາມແລວທາງເສດຖະກິດອະນຸພາກພື້ນແມ່ນ້ຳຂອງ ເຊິ່ງຈະຊ່ວຍ ປັບປຸງການບໍລິຫານຕົວເມືອງໃຫ້ດີຂຶ້ນເຊັ່ນ: ພັດທະນາພື້ນຖານໂຄງລ່າງ ແລະ ສະພາບແວດລ້ອມຕົວ ເມືອງ ລະບົບເສັ້ນທາງ, ກັນເຈື່ອນ, ລະບົບລະບາຍນ້ຳ, ການຄຸ້ມຄອງຂີ້ເຫຍື້ອ ແລະ ສວນສາທາລະນະ, ລວມທັງການເສີມສ້າງຂີດຄວາມສາມາດ ແລະ ຄວາມເຂັ້ມແຂງໃຫ້ແກ່ທ້ອງຖິ່ນ.

      ໃນກອງປະຊຸມ ໄດ້ຮັບຟັງການສະເໜີກ່ຽວກັບ ຮ່າງບົດລາຍງານໄລຍະກາງຂອງໂຄງການ,  ປຶກສາຫາ ລືແລກປ່ຽນ ແລະ ປະກອບຄຳຄິດຄຳເຫັນໃສ່ຮ່າງບົດລາຍງານ ເພື່ອເປັນເອກະພາບກັນແລະ ສາມາດ ຮັບຮອງເອົາຢ່າງເປັນທາງການ ເຊັ່ນ: ການຈັດຕັ້ງ ຫຼື ອົງປະກອບການຈັດຕັ້ງປະຕິບັດໂຄງການ, ການຈັດ ສັນງົບປະມານໃນ ການຈັດຊື້-ຈັດຈ້າງ ການເວນຄືນການຊົດເຊີຍ ກົນໄກການຈັດຕັ້ງປະຕິບັດ ແລະ ວິທີ ແກ້ໄຂທັນເວລາ, ເຫັນຄວນຮ່າງລະບຽບຄຸ້ມຄອງສະເພາະໃນໂຄງການ GMS ເພື່ອເປັນຕົວແບບ ໃຫ້ມີ ຄວາມຍືນຍົງ ແລະ ຄວນວາງໄລຍະເວລາມາກວດກາຕີລາຄາຄືນ ເພື່ອເປັນຕົວແບບຂອງໂຄງການອື່ນໆ.

ໃນໂອກາດນີ້ຂອງທ່ານ ນາງ ວິໄລຄຳ ໂພສາລາດ ຮອງລັດຖະມົນຕີ ກະຊວງ ຍທຂ ໃນນາມປະທານກອງ ປະຊຸມ ກ່າວຄວາມຊົມເຊີຍມາຍັງ ທ່ານ ຊາໂຕຊິ ອີຊິອິ ຫົວໜ້າຄະນະສະເພາະກິດ ທະນາຄານພັດທະນາ ອາຊີ ທີ່ໄດ້ເປັນຫ່ວງເປັນໃຍ ແລະ ໃຫ້ການຊ່ວຍເຫຼືອຕໍ່ໂຄງການດັ່ງກ່າວ.

ກອງປະຊຸມໄດ້ປິດລົງໃນວັນ ດຽວກັນ

 

 

Additional information