ພິທີປິດບັ້ນຝຶກອົບຮົມຫຼັກສູດທິດສະດີການເມືອງ-ການປົກຄອງ ໄລຍະສັ້ນ 50 ວັນ ຊຸດທີ XX ໃຫ້ແກ່ພະນັກງານຫຼັກແຫຼ່ງ ຂອງ ກະຊວງໂຍທາທິການ ແລະ ຂົນສົ່ງ ວັນທີ 13 ຕຸລາ 2017

 

ພິທີປິດບັ້ນຝຶກອົບຮົມຫຼັກສູດທິດສະດີການເມືອງ-ການປົກຄອງ ໄລຍະສັ້ນ 50 ວັນ ຊຸດທີ XX ໃຫ້ແກ່ ພະນັກງານຫຼັກແຫຼ່ງ ຂອງ ກະຊວງໂຍທາທິການ ແລະ ຂົນສົ່ງ ​ໄດ້​ຈັດ​ຂີ້ື້ນວັນ​ທີ 13  ຕຸລາ 2017 ທີ່ສະ ຖາບັນຝຶກອົບຮົບ ໂຍທາທິການ ແລະ ຂົນສົ່ງ(ຫຼັກ 19 ທ່າ​ນາ​ແລ້ງ) ​ໂດຍ​​ເປັນກຽດ​ເຂົ້າ​ຮ່ວມ​ຂອງ ສະຫາຍ ປອ. ສັນຕິສຸກ ສິມມາລາວົງ ຄະນະ​ປະຈຳ​ພັກ​ກະຊວງ, ຮອງລັດຖະມົນຕີ ກະຊວງ ຍທຂ ​ແລະ ສະຫາຍ ຮສ ສະໝຸດທອງ ສົມພານິດ ຮອງຫົວໜ້າ ສະ​ຖາ​ບັນ​ການ​ເມືອງ​ ການປົກຄອງ​ແຫ່ງ​ຊາດ; ​​ ພ້ອມ​ດ້ວຍນັກ​ສຳ​ມະ​ນາກ​ອນທັງໝົດທີ່ມາຈາກ 25 ພາກສ່ວນ  ຂອງບັນດາກົມ, ກອງ, ຫ້ອງການ, ສະຖາບັນ, ອົງການຈັດ ຕັ້ງມະຫາຊົນ ແລະ ພາກສ່ວນບໍລິສັດ ລັດວິສາຫະກິດ ອ້ອມຂ້າງກະຊວງເຂົ້າຮ່ວມ.

 ການຝຶກອົມຮົມທິດສະດີການເມືອງ ການປົກຄອງ ຊຸດທີ່ XX ແມ່ນໄດ້ເລີ່ມດຳເນີນ ການຝຶກມາ ແຕ່ວັນທີ່ 07 ສິງຫາ 2017 ຈົນເຖິງ ວັນທີ່  13 ຕຸລາ 2017 ລວມເປັນເວລາ 50 ວັນ. ການຝຶກອົບຮົມຄັ້ງນີ້ມີນັກ ສຳມະນາກອນທັງໝົດ 31 ສະຫາຍ, ຍິງ 9 ສະຫາຍ. ໃນນີ້ມີສະມາຊິກພັກສົມບູນ 26 ສະຫາຍ, ຍິງ 8 ສະຫາຍ, ສະມາຊິກພັກສຳຮອງ 2 ສະຫາຍ, ຍິງ 0 ສະຫາຍ, ມະຫາຊົນທີ່ຢູ່ໃນເປົ້າໝາຍກໍ່ສ້າງເພື່ອຂະ ຫຍາຍເຂົ້າພັກ 3 ສະຫາຍ, ຍິງ 1 ສະຫາຍ. ແລະ ມີບັນດາອາຈານເຂົ້າຮ່ວມສິດສອນທັງໝົດ 32 ສະຫາຍ, ຊຶ່ງທັງໝົດແມ່ນມາຈາກ ສະຖາບັນການເມືອງ ແລະ ການປົກຄອງແຫ່ງຊາດ. ມີ​ບັນດາຄູຮັບ ເຊີນຈາກບັນດາກົມກອງໃນກະຊວງ ຍທຂ ມີຈຳນວນ 03 ກົມ 02 ທ່ານ; ຄູຮັບເຊີນຈາກກະຊວງ ປ້ອງກັນປະເທດ 01 ທ່ານ; ຄູຮັບເຊີນຈາກກະຊວງປ້ອງກັນ ຄວາມສະຫງົບ 01 ທ່ານ ແລະ ຄູຮັບເຊີນຈາກ ກະຊວງການຕ່າງປະເທດ 01 ທ່ານ.

 ເນື້ອໃນຕົ້ນຕໍຂອງການຝຶກອົບຮົມແມ່ນບັນຫາພື້ນຖານທາງດ້ານຫຼັກມູນທິດສະດີມາກ-ເລນິນ, ທິດສະດີ ການບໍລິຫານ, ການປົກຄອງ ແລະ ແນວທາງນະໂຍບາຍການປ່ຽນແປງໃໝ່ຂອງພັກ ໂດຍໄດ້ແບ່ງອອກ ເປັນ 5 ກຸ່ມວິຊາຮຽນ ລວມທັງໝົດມີ 39 ບົດ ລະອຽດຄື: ພາກທີ່ I ພາກປັດສະຍາ ປະກອບມີບົດຮຽນ 8 ບົດ; ພາກທີ່ II ພາກເສດຖະກິດການເມືອງ ປະກອບມີບົດຮຽນ 10 ບົດ; ພາກທີ່ III ພາກລັດທິສັງ ຄົມນິຍົມ ວິທະຍາສາດ ປະກອບມີ ບົດຮຽນ 8 ບົດ; ພາກທີ່ IV ພາກບໍລິຫານສາດ ປະກອບມີບົດຮຽນ 8 ບົດ ​ແລະ ພາກທີ່ V ພາກກໍ່ສ້າງພັກ ປະກອບມີບົດຮຽນ 5 ບົດ. ຊຶ່ງ​ການ​ຮຽນ​ການ​ສອນ​ແມ່ນໄດ້ມີການ ແຕ່ງຕັ້ງຄະນະບໍລິຫານຫຼັກສູດເພື່ອຊີ້ນຳ, ຄະນະປະສານງານລະຫວ່າງສອງສະຖາ ບັນ ​ແລະ ນັກ​ສຳ​ມະ​ນາກ​ອນຍັງໄດ້ແຕ່ງຕັ້ງຄະນະຫ້ອງ, ຄະນະໜ່ວຍ ແລະ ໜ່ວຍງານຕ່າງໆ ເພື່ອຮັບປະກັນການສ່ອງແສງລາຍ ງານ ແລະ ການເຄື່ອນໄຫວກິດຈະກຳໃຫ້ເປັນປົກກະຕິ, ຄ່ຽງຄູ່ກັບ ການຂື້ນຫ້ອງຮຽນ, ຄົ້ນຄວ້າຮ່ຳຮຽນ. ນັກສຳມະນາກອນ ກໍ່ຍັງໄດ້ມີການເຄື່ອນໄຫວ ວຽກງານຕ່າງໆ ເຊັ່ນ: ໄປຢ້ຽມຍາມຊົມ ຫໍພິພິທະພັນ ປະ ທານ ສຸພານຸວົງ;   ຫໍພິພິທະພັນ ກຳລັງປ້ອງກັນຄວາມສະຫງົບ ແລະ ຫໍພິພິທະພັນ ປະທານ ໄກສອນ ພົມ ວິຫານ.

   ນອກຈາກນັ້ນ ນັກສໍາມະນາກອນໃນຊຸດນີ້ ກໍຍັງໄດ້ມີໂອກາດໄປຢ້ຽມສະຖາບັນການເມືອງ ແລະ ການປົກ ຄອງແຫ່ງຊາດ ຢູ່ທ່າງອນ, ໄດ້ຂື້ນຫ້ອງຮັບຟັງການ ບັນຍາຍກ່ຽວ ກັບປະຫວັດ ຄວາມເປັນມາ,  ສະພາບ ການຈັດຕັ້ງ ແລະ ການເຄື່ອນໄຫວທາງດ້ານວິຊາສະເພາະ ຂອງສະຖາບັນດັ່ງກ່າວ ພ້ອມທັງໄດ້ແຂ່ງຂັນ ເປຕັງມິດຕະພາບກັບຄູອາຈານ ສມປຊ ຢ່າງຟົດຟື້ນ.

    ຜ່ານການຮ່ໍ່າຮຽນ ແລະ ພຶດຕິກໍາຕົວຈິງ ​ເຫັນ​ວ່າ​ນັກ​ສຳ​ມະ​ນາກ​ອນສາມາດ​ຮັບ​ຮູ້​​ໄດ້​ບັນຫາ​ພື້ນຖານ ຂອງ​ທິດ​ສະ​ດີ​ມາກ-​ເລ​ນິນ ​ໃນ​ເງື່ອ​ນໄຂ​ໃໝ່​ຢ່າງ​ເປັນ​ລະບົບ ​ແລະ ເຂົ້າໃຈແຈ້ງກວ່າເກົ່າ ເປັນຕົ້ນແມ່ນວິທີ ສັດຈະວິພາກວັດຖຸນິຍົມ,​ ບັນດາຄູ່ມືມາດຕາເກນ ແລະ ກົດເກນພື້ນຖານຈຳນວນໜຶ່ງ, ທິດສະດີວ່າດ້ວຍ ຮູບຖານເສດຖະກິດສັງຄົມ, ບັນດາຫຼັກມູນພື້ນຖານທາງດ້ານທິດສະດີເສດຖະສາດການເມືອງຂອງມາກ, ແນວທາງເສດຖະກິດ ແລະ ນະໂຍບາຍສັງຄົມຂອງພັກ, ທິດສະດີກໍ່ສ້າງພັກແບບໃໝ່ຂອງເລນິນ; ນອກ ຈາກ​ນັ້ນ, ນັກ​ສຳ​ມະ​ນາກ​ອນຍັງ​ກຳ​ໄດ້​ກ່ຽວ​ກັບ ບົດບາດການນຳພາຂອງພັກ ແລະ ການຄຸ້ມຄອງຂອງລັດ ຕໍ່ກົນໄກເສດຖະກິດການຕະຫຼາດ, ການພົວພັນເສດຖະກິດກັບຕ່າງປະເທດ ແລະ ການສູ້ຊົນເຮັດໃຫ້ປະ ເທດເຮົາຫຼຸດພົ້ນອອກຈາກຄວາມທຸກຍາກ; ພ້ອມກັນເຊື່ອມຊຶມຄືນໃໝ່ຕໍ່ແນວທາງປ່ຽນແປງໃໝ່ ຂອງ ພັກຢ່າງຮອບດ້ານທີ່ມີຫຼັກການຂອງພັກ, ເປັນຕົ້ນແມ່ນຈຸດໝາຍເສັ້ນທາງກ້າວຂຶ້ນຂອງປະເທດເຮົາ, ຮັບ ຮູ້ບັນຫາແນວທາງເສດຖະກິດ ແລະ ນະໂຍບາຍສັງຄົມຈຳນວນໜຶ່ງທີ່ຈຳເປັນຂອງພັກເຮົາ; ສ້າງທັດສະນະ ຫຼັກໝັ້ນການເມືອງໃຫ້ມີຄວາມໜັກແໜ້ນຕື່ມອີກກ້າວໜຶ່ງ,ພ້ອມກັນນີ້ຍັງເປັນການຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດ ສິນທຳປະຕິວັດ ເພີ່ມທະວີສະຕິລະວັງຕົວຕໍ່ກົນອຸບາຍຂອງສັດຕູ ແລະ ກຸ່ມຄົນບໍ່ດີ.ພ້ອມກັນນັ້ນຍັງ ເປັນ ການສ່ອງແສງ ໃຫ້ເຫັນດ້ານຕັ້ງໜ້າດ້ານຫຍໍ້ທໍ້ທີ່ເກີດຂຶ້ນໃນສັງຄົມ. ​

 

 

 

 

 

Additional information