ກອງປະຊຸມລະດັບລັດຖະມົນຕີ ລະຫວ່າງ ລັດຖະມົນຕີ ກະຊວງ ໂຍທາທິການ ແລະ ຂົນສົ່ງ ສປປ ລາວ ແລະ ລັດຖະມົນຕີ ກະຊວງ ຄົມມະນາຄົມ ແຫ່ງ ລາຊະອານາຈັກໄທ ທີ່ ຫຼວງພະບາງ ວັນທີ 5 ຕຸລາ 2017

 

ໃນຕອນເຊົ້າຂອງວັນທີ 5 ຕຸລາ 2017  ຢູ່ທີ່ໂຮງແຮມວິນລາສັນຕິຣີສອດ ແຂວງ ຫຼວງພະບາງ ໄດ້ມີພິທີ ເປີດກອງປະຊຸມລະດັບລັດຖະມົນຕີ ລະຫວ່າງ ລັດຖະມົນຕີ ກະຊວງ ໂຍທາທິການ ແລະ ຂົນສົ່ງ ສປປ ລາວ ແລະ ລັດຖະມົນຕີ ກະຊວງ ຄົມມະນາຄົມ ແຫ່ງ ລາຊະອານາຈັກໄທ.

ພາຍໃຕ້ການເປັນປະທານຂອງ ທ່ານ ປອ. ບຸນຈັນ ສິນທະວົງ ລັດຖະມົນຕີ ກະຊວງ ຍທຂ ພ້ອມດ້ວຍຄະນະ (ຝ່າຍລາວ). ແລະ ທ່ານ ອາຄົມ ເຕີມພິດທະຍາໄພສິດ ລັດຖະມົນຕີ ກະຊວງຄົມມະນາຄົມ ແຫ່ງລາດ ຊະອານາຈັກໄທ ພ້ອມດ້ວຍຄະນະ (ຝ່າຍໄທ) ໃຫ້ກຽດເຂົ້າຮ່ວມໃນຄັ້ງນີ້ແມ່ນ ທ່ານ ຄຳຂັນ ຈັນທະວີສຸກ ເຈົ້າແຂວງ ແຂວງຫຼວງພະບາງ, ຜູ້ແທນຈາກ ກະຊວງໂຍທາທິການ ແລະ ຂົນສົ່ງ, ຈາກບັນ ດາກະຊວງ ແລະ ພະແນກການ ທີ່ກ່ຽວຂ້ອງຂອງບັນດາແຂວງ ຂອງ ສປປ ລາວ, ຜູ້ແທນຈາກ ກະຊວງຄົມມະນາຄົມ ແຫ່ງ ລາຊະອານາຈັກໄທ, ຜູ້ແທນຈາກສະຖານທູດໄທ ປະຈຳ ສປປ ລາວ ແລະ ຈາກອົງການນິດາລວມ ທັງໝົດມີ 73 ທ່ານ, ຝ່າຍລາວ 53 ທ່ານ ແລະ ຝ່າຍໄທ 20 ທ່ານ

ໃນກອງປະຊຸມທັງສອງຝ່າຍໄດ້ທົບທວນຄວາມຄືບໜ້າບົດບັນທຶກກອງປະຊຸມ ສອງຝ່າຍ, ຄັ້ງວັນທີ 13 ກໍລະກົດ 2016 ສືບຕໍ່ປຶກສາຫາລືບັນຫາທີ່ຍັງຄົງຄ້າງໃນກອງປະຊຸມປີ 2016 ແລະ ບັນຫາໃໝ່ທີ່ທັງສອງ ຝ່າຍຈະຍົກຂຶ້ນໃນກອງປະຊຸມຄັ້ງນີ້ມີ ການເຊື່ອມໂຍງຜ່ານຂົວມິດຕະພາບ ລາວ-ໄທ, ການເຊື່ອມໂຍງທາງ ລົດໄຟ, ການເຊື່ອມໂຍງການຂົນສົ່ງທາງລົດໂອໂຕ, ການເຊື່ອມໂຍງການຂົນສົ່ງທາງອາກາດ, ການພັດ ທະນາພື້ນຖານໂຄງລ່າງ, ການພັດທະນາບຸກຄະລາກອນ ແລະ ບັນຫາອື່ນໆ. ໃນໂອກາດນີ້ທັງສອງຝ່າຍ ໄດ້ມີພິທີລົງນາມໃນສັນຍາດ້ານການບິນ (ASA) ແລະ ພິທີລົງນາມບົດບັນທຶກກອງປະຊຸມ, ກອງປະຊຸມ ໄດ້ປິດລົງໃນຕອນບ່າຍຂອງວັນດຽວກັນ.

 

 

 

 

Additional information