ກະຊວງ ຍທຂ ປະຊຸມປຶກສາຫາລືການຈັດຕັ້ງປະຕິບັດແຜນຍຸດທະສາດ ແລະ ການນຳໃຊ້ ຄູ່ມືສົ່ງເສີມບົດບາດຍິງຊາຍ.

ໃນຕອນບ່າຍຂອງວັນທີ 14/09/2017 ທີ່ຜ່ານມາ ຢູ່ຫ້ອງປະຊຸມໃຫຍ່ກະຊວງ ຍທຂ ໄດ້ເປີດກອງປະຊຸມ ປຶກສາຫາລື ແລະ ທົບທວນ ການຈັດຕັ້ງປະຕິບັດແຜນຍຸດທະສາດ ແລະ ການນຳໃຊ້ຄູ່ມືສົ່ງເສີມບົດບາດ ຍິງຊາຍ ຂອງກະຊວງໂຍທາທິການ ແລະ ຂົນສົ່ງ. ເປັນກຽດເຂົ້າຮ່ວມ ແລະ ເປັນປະທານ ໂດຍທ່ານ ນາງ ວິໄລຄຳ ໂພສາລາດ, ປະທານຄະນະກຳມາທິການ ເພື່ອຄວາມກ້າວໜ້າ ຂອງແມ່ຍິງ, ຮອງລັດຖະມົນຕີ ກະຊວງ ຍທຂ, ມີບັນດາແຂກທີ່ຖືກເຊີນ, ແລະ ຄະນະປະສານ ງານແມ່ຍິງອອ້ມຂ້າງກະຊວງເຂົ້າຮ່ວມຈຳ ນວນ 40  ທ່ານ ຍິງ 26 ທ່ານ.

ກອງປະຊຸມໃນຄັ້ງນີ້ ໄດ້ສັງເກດຕີລາຄາການຈັດຕັ້ງປະຕິບັດວຽກງານ ແລະ ການເຄື່ອນໄຫວຂອງເອື້ອຍ ນ້ອງແມ່ຍິງຢູ່ບັນດາກົມ, ກອງ, ສະຖາບັນ ແລະ ລັດວິສະຫະກິດອອ້ມຂ້າງກະຊວງໃນໄລຍະ 6 ເດືອນຕົ້ນປີ 2017 ແລະ ໄດ້ສະເໜີທິດທາງແຜນການ 6 ເດືອນທ້າຍປີ 2017 ແນໃສ່ໃຫ້ບັນລຸເປົ້າໝາຍຄືໃນປີ2025 ໃຫ້ມີພະນັກງານເພດຍິງສັງກັດໃນຂະແໜງ ຍທຂ ຢ່າງໜ້ອຍ ໃຫ້ໄດ້ 30 ເປີເຊັນຂອງຈຳນວນພະນັກງານ ທັງໝົດ ແລະ ໃນນີ້ໃຫ້ມີພະນັກງານນຳພາທີ່ເປັນເພດຍິງ 15 ເປີເຊັນ.

 

 

 

 

Additional information