ຫ້ອງການກະຊວງ ຍທຂ ເຊື່ອມຊຶມວຽກງານປະຫຍັດ ແລະ ວຽກແຈ້ງຊັບສິນຂອງພະນັກງານ ລັດຖະກອນຮອບທີ 2

ໃນຕອນເຊົ້າວັນທີ 13/9/2017 ຢູ່ທີ່ຫ້ອງປະຊຸມໃຫຍ່ຂອງກະຊວງ ໂຍທາທິການ ແລະ ຂົນສົ່ງ ຫ້ອງການ ກະຊວງ ຍທຂ. ໂດຍແມ່ນ ສະຫາຍ ບຸນຈັນ ສິຣາດຊະວົງ, ເລຂາ ຄະນະພັກຮາກຖານ, ຫົວໜ້າຫ້ອງການ ແລະ ສະຫາຍ ພູແກ້ວ ທຳມະວົງ, ຮອງເລຂາ ຄະນະພັກຮາກຖານ, ຮອງຫົວໜ້າຫ້ອງການໃຫ້ກຽດເປັນ ປະທານຮ່ວມ. ມີທ່ານ ກິດສະໜາ ຈັນທະວຽງ, ຮອງຫົວໜ້າຫ້ອງການ, ມີບັນດາທ່ານຫົວໜ້າພະແນກ, ຮອງຫົວໜ້າພະແນກ ພ້ອມດ້ວຍພະນັກງານວິຊາການ ຂອງຫ້ອງ ການຂົ້າຮ່ວມຢ່າງພ້ອມພຽງ.

ພິທີດັ່ງກ່າວ ທ່ານປະທານທັງສອງໄດ້ຜັດປ່ຽນກັນເຜີຍແຜ່ເນື້ອໃນເອກະສານການແຈ້ງຊັບສິນ ແລະ ເນື້ອ ໃນເອກະສານການປະຍັດ ແນໃສ່ໃຫ້ຜູ້ເຂົ້າຮ່ວມໄດ້ຮັບຮູ້ ແລະ ເຂົ້າໃຈຢ່າງຖືກຕ້ອງ. ພາຍຫລັງໄດ້ຮັບຟັງ ການເຜີຍແຜ່ເອກະສານດັ່ງກ່າວແລ້ວ, ບັນດາທ່ານທີ່ເຂົ້າຮ່ວມໄດ້ພັດປ່ຽນກັນຂຶ້ນ ປະກອບຄຳຄິດຄຳເຫັນ ເພື່ອແລກປ່ຽນກ່ຽວກັບການຈັດຕັ້ງປະຕິບັດວຽກງານຕົວຈິງ ຢູ່ບັນດາພະແນກ ພາຍໃນຫ້ອງການໃນ ໄລຍະຜ່ານມາ ເພື່ອປະກອບສວ່ນເຮັດໃຫ້ການນຳໃຊ້ຊັບສົມບັດຂອງລັດ, ຂອງລວມໝູ່ ແລະ  ການນຳໃຊ້ ເວລາຂອງພະນັກງານລັດຖະກອນມີປະສິດທິພາບດີຂຶ້ນ ແລະ ເພື່ອພ້ອມກັນນຳໄປຈັດຕັ້ງປະຕິບັດໃຫ້ ສຳເລັດຕາມເປົ້າໝາຍ ແລະ ກຳນົດເວລາທີ່ໄດ້ຄາດໝາຍໄວ້. ກອງປະຊຸມໄດ້ດຳເນີນໄປ ເຄິ່ງມື້ ແລະ ໄດ້ປິດ ລົງໃນເວລາ 12 ໂມງຂອງວັນດຽວກັນ.

 

 

 

Additional information