ພິທີເປີດຊຸດຝຶກອົບຮົມທິດສະດີ ການເມືອງ ແລະ ການປົກຄອງຊຸດທີ່ 20 ຂອງກະຊວງໂຍທາທິການ ແລະ ຂົນສົ່ງ

ກະຊວງໂຍທາທິການ ແລະ ຂົນສົ່ງ ໄດ້ໄຂຊຸດຝຶກອົບຮົມທິດສະດີ ການເມືອງ ແລະ ການປົກຄອງຊຸດທີ 20 ຂື້ນ ຢ່າງເປັນທາງການໃຫ້ແກ່ພະນັກງານຫຼັກແຫຼ່ງ ແລະ ພະນັກງານສະມາຊິກພັກ ແລະ ບັນດາກົມ, ກອງ, ສະຖາບັນ ແລະ ລັດວິສາຫະກິດ ອ້ອມຂ້າງກະຊວງ ຍທຂ. ​ ​​ເປັນ​ກຽດກ່າວ​ເປີດຊຸດຝຶກອົບຮົມທິດສະດີ ການເມືອງ ແລະ ການປົກຄອງຊຸດທີ່ 20 ຢ່າງເປັນທາງການ ໂດຍສະຫາຍ ວຽງສະຫວັດ ສີພັນດອນ, ຄະນະ​ພັກ​ກະຊວງ, ຮອງລັດຖະມົນຕີກະຊວງ ໂຍທາທິການ ແລະ ຂົນສົ່ງ ແລະ ສະຫາຍ ຮສ ສະໝຸດ​ທອງ ສົມ​ພານິດ, ຄະນະ​ພັກ, ຮອງ​ຫົວໜ້າສະ​ຖາ​ບັນ​ການ​ເມືອງ ​ແລະ ​ການ​ປົກຄອງ​ແຫ່ງ​ຊາດ;   ມີ​ສະຫາຍ ​ແທ່ນ​ຄຳ ທອງ​ບົນ ​ເລຂາ​ໜ່ວຍພັກ, ຫົວໜ້າສະ​ຖາ​ບັນ​ຝຶກ​ອົບຮົມ ຍທຂ, ຜູ້ຕາງໜ້າ​ຈາກ​ຫ້ອງການ​ກະຊວງ ​ແລະ ກົມ​ຈັດ​ຕັ້ງ-ພະນັກງານ, ແຂກ​ຖືກ​ເຊີນຈາກພາກສ່ວນທີ່ກ່ຽວຂ້ອງ ​ແລະ ນັກ​ສຳ​ມະ​ນາກ​ອນທັງ​ໝົດເຂົ້າຮ່ວມ. ຊຶ່ງຫຼັກສູດຝຶກອົບຮົມດັ່ງກ່າວໄດ້ຈັດຂຶ້ນຢູ່ທີ່ສະຖາບັນຝຶກອົບຮົມ ໂຍທາທິການ ແລະ ຂົນສົ່ງ.

ຊຸດຝຶກອົບຮົມດັ່ງກ່າວນີ້ຈະໃຊ້ເວລາ 50 ວັນ ຫຼື 10 ອາທິດເຕັມ ເຊິ່ງຈະເລີ່ມແຕ່ວັນທີ 7 ສິງຫາ ຈົນໄປຮອດວັນທີ 13 ຕຸລາ 2017 ຈຶ່ງຈະສຳເລັດ. ໃນຊຸດຮຽນນີ້ ມີນັກສຳມະນາກອນທັງໝົດ 30 ສະຫາຍ ເປັນຍິງ 9 ສະຫາຍ, ເຊິ່ງມາຈາກບັນດາ​ກົມ, ຫ້ອງການ, ສະ​ຖາ​ບັນ, ກອງ ​ແລະ ລັດ​ວິ​ສາ​ຫະກິດອ້ອມຂ້າງກະຊວງ ຍທຂ. ​ໃນ​ບັ້ນ​ຝຶກ​ອົບຮົມ​ທິດ​ສະ​ດີການ​ເມືອ​ງ-ການ​ປົກຄອງ​ຄັ້ງ​ນີ້​ຈະ​ເຮັດ​ໃຫ້​ນັກ​ສຳ​ມະ​ນາກ​ອນມີ​ຄວາມ​ຮັບ​ຮູ້​ອັນ​ໃໝ່​ຫຼາຍດ້ານ​ເຊັ່ນ: ບັນຫາ​ຫຼັກ​ມູນຖານພື້ນຂອງ​ທິດະ​ດີ​ມາກ​ເລ-ນິນ ​ໃນ​ເງື່ອນ​ໄຂ​ໃໝ່​ຢ່າງ​ເປັນ​ລະບົບ ​ແລະ ​ເຂົາ​ໃຈ​ແຈ້ງ​ກວ່າ​ເກົ່າ​ ເປັນຕົ້ນ​ແມ່ນ​ວິທີ​ສັດຈະ​ວິພາກ​ວັດຖຸ​ນິຍົມ, ບັນດາ​ຄູ່​ມາດຕະາເກນ ​ແລະ ກົດ​ເກນ​ພື້ນຖານຈຳນວນ​ໜື່ງ, ທິດສະ​ດີວ່າ​ດ້ວຍ​ຮູບ​ຖານ​ເສດຖະກິດ​ສັງຄົມ, ບັນດາ​ຫຼັກ​ມູນ​ພື້ນຖານ​ທາງ​ດ້ານ​ທິດ​ສະ​ດີ​ເສດຖະສາດ​ການ​ເມືອງ​ຂອງ​ມາກ, ​ແນວທາງ​ເສດຖະກິດ ​ແລະ ນະ​ໂຍບາຍ​ຂອງ​ພັກ ​ແລະ ທິດ​ສະ​ດີ​ກໍ່ສ້າງ​ພັກ​ແບບ​ໃໝ່​ຂອງ​ເລ​ນິນ. ນອກຈາກ​ນັ້ນ​ ຍົງ​ເຮັດ​ໃຫ້​ນັກ​ຝຶກ​ອົບຮົມ​ສາມາດ​ກຳ​ໄດ້​ກ່ຽວ​ກັບ​ ບົດບາດ​ການ​ນຳພາ​ຂອງ​ພັກ ​ແລະ ການ​ຄຸ້ມ​ຄອງ​ຂອງ​ລັດ ຕໍ່​ກົນ​ໄກ​ເສດຖະກິດ​ຕະຫຼາດ, ການ​ພົວພັນ​ເສດຖະກິດ​ກັບ​ຕ່າງປະ​ເທດ ​ແລະ ສູ້​ຊົນ​ເຮັດ​ໃຫ້​ປະ​ເທດ​ຊາດຂອງ​ພວກ​ເຮົາ ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ; ພ້ອມ​ກັນ​ເຊື່ອມ​ຊືມຕໍ່​ແນວທາງ​ປ່ຽນ​ແປງ​ໃໝ່​ຂອງ​ພັກ​ຢ່າງຮອບ​ດ້ານ ທີ​ມີ​ຫຼັກການ​ຂອງ​ພັກ,  ​ແລະ ​ໃນ​ບັ້ນ​ຝຶກ​ອົມ​ຮົມ​ຄັ້ງ​ນີ້ ຍັງ​ຈະ​ໄດ້​ສ້າງ​ທັດສະນະ​ຫຼັກ​ໝັ້ນ​ການ​ເມືອງ​ໃຫ້​ມີ​ຄວາມ​ໜັກ​ແໜ້ນຕື່ມ​ອີກ, ພ້ອມ​ທັງ​ປັນ​ການຝຶກ​ຝົນ​ຫຼໍ່​ຫຼອມ​ຕົນ​ເອງ​ທາງ​ດ້ານ​ຄຸນສົມບັດ ສີນ​ທຳ​ປະຕິວັດ, ​ເພີ້​ມທະວີ ສະຕິ​ລະມັດລະວັງ​ຕົວ​ຕໍ່​ກົນອຸ​ບ່າຍ​ຫັນ​ປ່ຽນ​ໂດຍ​ສັນຕິຂອງ​ສັດຕູ ​ແລະ ກຸ່ມ​ຄົນ​ບໍ່​ດີ ​ແລະ ຍັງ​ເປັນ​ການ​ສ່ອງ​ແສງ​ໃຫ້​ເຫັນ​ດ້ານ​ຕັ້ງໜ້າ, ດ້ານ​ຫຍໍ້​ທໍ້ ທີ່​ເກີດ​ຂື້ນ​ໃນ​ສັງຄົມ ກໍ່​ຄື​ໃນ​ຕົນ​ເອງ​ໃນ​ໄລຍະ​ຜ່ານ​ມາ ​ແລະ ຊອກ​ຫາ​ວິ​ທີ​ແກ້​ໄຂ​ຢ່າ​ງ​ເໝາະ​ສົມ​ໃນ​ຕໍ່ໜ້າ.

 

ໃນການຈັດຝຶກອົບຮົມຄັ້ງນີ້ ຄາດວ່າຈະມີ ອາຈານເຂົ້າຮ່ວມສິດສອນ ເຊິ່ງຄູອາຈານທັງໝົດ ແມ່ນມາຈາກສະຖາບັນການເມືອງ ແລະ ການປົກຄອງ​ແຫ່ງ​ຊາດ ແລະ ນອກຈາກນັ້ນ ກໍ່ຍັງຈະມີຄະນະພັກຂອງ ກະຊວງໂຍທາທິການ ແລະ ຂົນສົ່ງ, ກະຊວງປ້ອງກັນຊາດ, ປ້ອງກັນຄວາມສະຫງົບ ແລະ ບັນດາກົມຂອງກະຊວງ ຍທຂ ຈະໄດ້ໃຫ້ກຽດມາຂື້ນຫ້ອງໃນບາງຫົວຂໍ້ຕື່ມຊຶ່ງຈະເຮັດໃຫ້ການຝຶກອົບຮົມໃນຄັ້ງນີ້ມີເນື້ອໃນໜັກແໜ້ນຂຶ້ນຕື່ມ.  ຊຶ່ງຫຼັກສູດຝຶກ​ອົບຮົມທິດສະດີການເມືອງ ແລະ ການປົກຄອງ ​ໃນ​ຄັ້ງ​ນີ້ກອບມີ 5 ພາກໃຫຍ່ ແລະ ມີບົດຮຽນທັງໝົດຢູ່ 39 ບົດ ເຊັ່ນ:

  • ພາກວິຊາ ປັດສະຍາ, ມີ 8 ບົດ
  • ພາກວິຊາ ເສດຖະສາດການເມືອງ, ມີ 10 ບົດ
  • ພາກວິຊາ ລັດທິສັງຄົມສັງຄົມນິຍົມ ວິທະຍາສາດ, ມີ 8 ບົດ
  • ພາກສ່ວນວິຊາ ບໍລິຫານສາດ, ມີ 8 ບົດ
  • ພາກສ່ວນວິຊາ ກໍ່ສ້າງພັກ, ມີ 5 ບົດ
  • ອີກ 5 ວັນ ເປັນຫຼັກສູດເສີມ ກະຊວງ ຍທຂ ລວມມີ 10 ບົດ

 

  ການຝຶກອົບຮົມຄັ້ງນີ້ຈະປະກອບມີຫຼາຍກິດຈະກຳເຊັ່ນ: ການຮ່ຳຮຽນທິດສະດີຢູ່ຫ້ອງຮຽນ, ຄົ້ນຄວ້າລວມຫ້ອງ, ການຄົ້ນຄວ້າເປັນໜ່ວຍ, ການໄປທັດສະນະສຶກສາຢ້ຽມຢາມສະຖານທີ່ສຳຄັນໆ ເຊັ່ນ: ຫໍພິພິດຕະພັນຂອງອາດີດຜູ້ນຳ ແລະ ໄປຖອດຖອນບົດຮຽນນຳຫົວໜ່ວຍຜະລິດເປັນສິນຄ້າ ຫຼື ຫົວໜ່ວຍບໍລິການຕ່າງໆ, ການຂຽນບົດ ແລະ ຜ່ານບົດເປັນໜ່ວຍ ພ້ອມທັງການຮັບລາຍງານສ່ອງແສງ ແລະ ແກ້ໄຂຂໍ້ຂ້ອງໃຈຕ່າງໆ.

Additional information