ແຈ້ງເຕືອນ ສະພາບການສັນຈອນຕາມເສັ້ນທາງຫຼວງແຫ່ງຊາດ ເລກ 8 ແຂວງບໍລິຄຳໄຊ

  ວັນ​ທີ 3 ສິງຫາ 2017 ​ເຂດ​ເມືອງ​ຄຳ​ເກີດ ​ແຂວງ​ບໍລິ​ຄຳ​ໄຊ ​ແລະ ​ເມືອງ​ຄູນ​ຄຳ​ແຂວງ​ຄຳ​ມ່ວນ ​ໄດ້​ເກີດ​ມີ​ຝົນຕົກ​ໝັກ​ຕິດ​ຕໍ່​ກັນ ຈົນ​ຮອດ ວັນ​ທີ 5 ສິງຫາ 2017 ກໍ່​ຍັງສືບ​ຕໍ່​ຕົກ ຈິງ​ເຮັດ​ໃຫ້​ມີ​ນ້ຳ​ຖ້ວມ​ທາງ​ຊ່ວງ ກິ​ໂລ​ແມັດ 75+800 - 79+700  ລະດັບ​ນ້ຳສະ​​ສູງເລ່ຍ 1,40 ​ແມັດ; ມາ​ຮອດ​ປະຈຸ​ບັນ​ນ້ຳ​ກໍ່​ຍັງ​ບໍ່​ທັນ​ລົງ​ເທື່ອ ​ເຮັດ​ລົດ​ບໍ່​ສາມາດ​ຈັນ​ຈອນ​ຜ່ານ​ໄປ-ມາ​ໄດ້ ​ເປັນ​ເວລາ 2 ວັນ​ແລ້ວ, ພ້ອມ​ດຽວ​ກັນ​ນັ້ນ​ກໍ່​ມີ​ສະພາບຫີນ-ດິນ​ເຈືອນ​ທັບ​ທາງຊ່ວງ ກິ​ໂລ​ແມັດ 43+000 - 53+000 ​ແຕ່​ດິນ​ເຈືອນ​ທັບ​ທາງ​ເປັນ​ຈຸດໆ ​ເຮັດ​ໃຫ້​ກິດ​ຂວາງ​ການ​ສັນຈອນ; ຊ່ວງ ກິ​ໂລ​ແມັດ 56+200 - 59+600 ມີ​ດິນ​ເຈືອນ​ທັບ​ທາງ​ແຕ່ບໍ່​ຮ້າຍ​ແຮງປານ​ໃດລົດ​ສາມາດ​ສັນຈອນ​ໄປ-ມາ​ໄດ້; ຊ່ວງກິ​ໂລ​ແມັດ 60+800 - 63+000 ຊ່ວງ​ນີ້​ມີ​ດິນ​ເຈືອນຫຼາຍລົດ​ບໍ່ສາມາດ​ສັນຈອນ​ໄປ-ມາ​ໄດ້ ​ແລະ  ຊ່ວງກິ​ໂລ​ແມັດ 82+000 - 83+000 ຊ່ວງນີ້​ກໍ່​ມີ​ດິນ​ເຈື່ອນ​ທັບ​ທາງ​ຄື​ກັນ ​ແຕ່​ໄດ້​ຍ້າຍ​ດິນ​ເຈືອ​ນອອກ​ແລ້ວລົດ​ສາມາດ​ສັນຈອນ​ໄປ-ມາ​ໄດ້.

      ມາ​ຮອດ​ອວັນ​ທີ 4 ສິງຫາ 2017 ທາງພະ​ແນ​ກ ຍທຂ ​ແຂວງ ບໍລິ​ຄຳ​ໄຊ, ຫ້ອງການ ຍທຂ ​ເມື​ອງ, ​ໂຄງການ​ສ້ອມ​ແປງ​ທາງ​ຫຼວງ​ແຫ່ງ​ຊາດ​ທີ 16.2 ​ແລະ ບໍລິສັດ​ຮັບ​ເໝົາ​ໄດ້​ພ້ອມ​ພາກັນ​ແກ້​ໄຂ​ຍົກຍ້າຍ​ດິນ​ເຈືອ​ນທັບ​ທາ​ງອອກ ​ແຕ່​ຍັງ​ບໍ່​ທັນ​ສາມາດ​ແກ້​ໄຂ​ໄດ້​ເຮັດ​ໃຫ້ການ​ສັນຈອນ​ຖືກ​ຕັດຂາດ.

      ຄາດ​ຄະ​ແນ​ໃນ​ການ​ປະຕິບັດ​ເພື່ອ​​ໃຫ້ລົດ​ສາມາດ​ສັນຈອນ​ໄປ-ມາ​ໄດ້ ປະມານ 3ວັນ ​ຂ້າງ​ໜ້າ ຫຼື​ຖ້າ​ແລ້ວ​ກ່ອນ​ຈະ​ແຈ້ງ​ຕາມ​ພາຍ​ຫຼັງ. ດັ່ງ​ນັ້ນ​ຈິງ​ຮຽກຮ້ອງ​ໃຫ້​ຜູ້​ສັນຈອນປ​ໄ-ມາ​ຕາມ​ເສັ້ນທາງຫຼວງ​ແຫ່ງ​ຊາດ​ເລກ 8 ​ໃຫ້​ມີ​ຄວາມ​ລະມັດລະວັງ​ ​ເພື່ອ​ຄວາມ​ປອດ​​ໄພຂອງ​​ໂຕ​ທ່ານ​ເອງ ​ແລະ ​ໃຫ້ກວດ​ສອບ​ສະພາບອາກາດ​ຈາກ​ກົມ​ອຸຕຸນິຍົມ ​ແລະ ສະພາບ​ເສັ້ນທາງ ກ່ອນທ່ານ​ຈະ​ອອກ​ເດີນທາງ​ທຸກ​ຄັ້ງ.

Additional information