ສະຖາບັນຝຶກອົບຮົມໂຍທາທິການ ແລະ ຂົນສົ່ງ ສະຫຼຸບການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2017

  ສະຖາບັນຝຶກອົບຮົມໂຍທາທິການ ແລະ ຂົນສົ່ງ ສະຫຼຸບການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2017 ຂຶ້ນທີ່ສະຖາບັນຝຶກອົບຮົມ ຍທຂ ຫຼັກ 19. ໂດຍ​ເປັນກຽດ​ເຂົ້າ​ຮ່ວມ​ຂອງທ່ານ ປອ ສັນຕິສຸກ ສິມມາລາວົງ, ຮອງລັດຖະມົນຕີກະຊວງ ຍທຂ;  ທ່ານ ແທ່ນຄຳ ທອງບົນ ຫົວໜ້າສະຖາບັນຝຶກອົບຮົມ ຍທຂ ພ້ອມ​ດ້ວຍ​ຄະນະ, ມີ​ບັນດາຄູອາຈານ ແລະ ພະນັກງານ ລັດຖະກອນ ຂອງສະຖາບັນຝຶກອົບຮົມໂຍທາທິການ ແລະ ຂົນສົ່ງ ເຂົ້າຮ່ວມທັງໝົດ.

 ກອງ​ປະຊຸມ​ໃນ​ຄັ້ງ​ນີ້ ​​ເພື່ອສະຫຼຸບ​ຜົນ​ການຈັດຕັ້ງປະຕິບັດວຽກງານ 6 ເດືອນຕົ້ນປີ ທີ່ຜ່ານ​ມາ ແລະ ແຜນວຽກຈຸດສຸມ 6 ເດືອນທ້າຍປີ 2017 ຂອງສະຖາບັນຝຶກອົບຮົມໂຍທາທິການ ແລະ ຂົນສົ່ງ, ​ໄດ້ສະ​ແດງ​ອອກ​ໃນ​ຫຼາຍ​ດ້ານທີ່​ທາງ ສຝຍຂ ​ໄດ້​ວາງ​ຄາດໝາຍ​ສູ້​ຊົນບຸກທະລຸ​ໃນ 4ດ້ານ​ເປັນ​ຕົ້ນ: ບຸກທະລຸ​ທາງ​ດ້ານ​ການ​ມາ​ປະຈຳການ​ເປັນ​ປົກກະຕິ, ບຸກທະລຸທາງ​ດ້ານ​ຄວາມ​ມີ​ນ້ຳ​ໃຈ ​ເອື້ອ​ເຟື້ອ​ເພື່ອ​ແຜ່ ຮັກ​ແພງ​ສາມັກຄີ, ບຸກທະລຸທາງ​ດ້ານ​ການ​ເຮັດ​ວຽກ​ງານ​ດ້ວຍ​ຄວາມ​ຫ້າວຫັນ ​ແລະ ຄວາມ​ຮັບຜິດຊອບ​ສູງ ​ແລະ ບຸກທະລຸທາງ​ດ້ານ​ການ​ເຄົາລົບ ​ແລະ ນັບຖື​ການຈັດ​ຕັ້ງ. ຊຶ່ງ​ເຮັດ​ໃຫ້ ສ​ຝຍຂ ສາມາດ​ຍາດ​ໄດ້ຜົນ​ສຳ​ເລັດ​ບາງ​ວຽກ​ງານ​ຈຸດ​ສຸມ​ດັ່ງ​ນີ້: ສະມາຊິກ​ພັກ-ພະນັກງານ ພາຍ​ໃນ ສຝຍຂ ມີ​ຄວາມ​ອຸ່ນ​ອ່ຽນ ທຸ່ນ​ທ່ຽງ ​ແລະ ໜັ້ກ​ແໜ້ນ​ດີ, ຫ້າວຫັນ​ຕໍ່​ວຽກ​ງານ ​ແລະ ມີ​ຄວາມ​ຮັບຜິດຊອບ​ສູງ, ມີສະຕິ​ ແລະ ນັບຖື​ການ​ຈັດ​ຕັ້ງ, ມີ​ຄວາມ​​ເອື້ອ​ເຟື້ອ​ເພື່ອ​ແຜ່ ຮັກ​ແພງ​ສາມັກຄີ​ ​ແລະ ມີ​ຄວາມ​ເປັນ​ປຶກ​ແຜ່ນ​ແໜ້ນໜາ​ດີ; ພະນັກງານ​ຂອງ ສຝຍຂ ກໍ່​ໄດ້​ໄປ​ຍົກ​ລະດັບ​ການສຶກສາ ​ແລະ ຍົກ​ລະດັບ​ວິຊາ​ການ​ຫຼາຍ​ເທື່ອ​ຄົນ.

 ນອກຈາກ​ນັ້ນ​ທາງ ສຝຍຂ ສາມາດ​ຈັດຊຸດ​ຝຶກ​ອົບຮົມ​ໄດ້ 10 ຫຼັກສູດ ​ເປັນ​ຕົ້ນ: ຫຼັກສູດ ມາດ​ຕະການ​ຮັບ​ມື​ຕໍ່​ການ​ປ່ຽນ​ແປງ​ສະພາບດິນຟ້າ​ອາກາດ; ຫຼັກສູດ ການ​ສຳ​ຫຼວດ ​ແລະ ອອກ​ແບບ​ທາງ; ການ​ສ້ອມ​ແປງ​ທາງ​ດ້ວຍ​ແຮງ​ງານຄົນ ​​ເຫຼົ່າ​ນີ້​ເປັນຕົ້ນ ​ແລະ ​ໄດ້​ໄປ​ຈັດ​ຝຶກ​ອົບ​ຢູ່​ຕ່າງ​ແຂວງ​ອີກ ​ແລະ ​ໄດ້​ສຳ​ເລັດ​ການ​ສ້າງ​ຫຼັກສູດ​ໃໝ່​ໄດ້ 2 ຫຼັກສູດ ​ແລະ ປັບປຸງ​ຫຼັກສູດ​ທີ​ມີ​ແລ້ວອີກ 7 ຫຼັກສູດ, ພ້ອມ​ດຽວ​ກັນ​ນັ້ນ ທາງ ສຝຍຂ ​ໄດ້​ສຳ​ເລັດ​ການສະ​​ແກນ ​ແລະ ອັບ​ໂຫຼ​ດ ຂໍ້​ມູນປື້​ມຕ່າງ​ໆ ຈຳນວນ 220 ຫົວ ​ເຂົ້າ​ໃນ​ລະບົບ E-Library ​ແລະ ​ໄດ້​​ເລີ່​ມເປີດ​ໃຫ້​ບໍລິການ​ຢືມ​ປື້​ມ​ໃນ​ຫ້ອງ​ສະໝຸດ​ມາ​ແຕ່​ຕົ້ນ​ປີ 2017 ​​ແລະ ​ໄດ້​ສຳ​ເລັດ​ການ​ສ້າງ​ວິ​ດີ​ໂອ​ສັ້ນ ​ເພື່ອ​ໂຄສະນາ​ແນະນຳ ສະ​ຖາ​ບັນ​ຝຶກ​ອົບຮົມ ຍທຂ ​ແລະ ວຽກ​ງານ​ດ້ານ​ອື່ນໆ. ຕໍ່​ຜົນງານ​ທີ​ກ່າວ​ມາ​ຂ້າງ​ເທິງ​ນັ້ນ ສຝຍຂ ຍັງ​ໄດ້​ວາງ​ທິດ​ທາງ​ແຜນການ ​ແລະ ວຽກ​ຈຸດ​ສຸມ ​6 ​ເດືອນ​ທ້າຍ​ປີ 2017 ​ເພື່ອ​ສືບ​ຕໍ່​ຈັດ​ຕັ້ງ​ປະຕິບັດ​ບັນດາ​ໜ້າ​ວຽກ​ທີ່​ຍັງ​ຄົງ​ຄ້າງ ​ແລະ ສືບ​ຕໍ່ສ້າງ​ຄວາມ​ເຂັ້ມ​ແຂງ​ໃຫ້​ວຽກ​ງານ​ຂອງສະ​ຖາ​ບັນ​ຝຶກອົບຮົມ ​ໂຍທາ​ທິກ​ານ ​ແລະ ຂົນ​ສົ່ງ ສຳ​ເລັດ​​ໃນ​ຕໍ່ໜ້າ.

Additional information