ກະຊວງ ຍທຂ ຈັດປາຖະກະຖາເລົ່າມູນເຊື້ອວັນສ້າງຕັ້ງ ຄຊປປ ລາວ ຄົບຮອບ 62 ປິ

  ເພື່ອເປັນການສະເຫຼີມສະຫຼອງ 62 ປີ ແຫ່ງການເຕີບໃຫຍ່ຂະຫຍາຍຕົວ ຂອງສູນ​ກາງຊາວ​ໝຸ່ມປະຊາຊົນ​ປະຕິວັດ​ລາວ, ໃຫ້ມີເນື້ອໃນ ມີຄວາມໝາຍສຳຄັນຢ່າງເລີກເຊິ່ງ, ກ້ວາງຂວາງ ທົ່ວສະມາຊິກຊາວ​ໜຸ່ມ. ຍ້ອນເຫັນໄດ້ເຖິງວັນສໍາຄັນດັ່ງກ່າວ, ໃນຕອນເຊົ້າຂອງວັນທີ 8 ​ມີຖຸນາ 2016, ຢູ່ທີ່ຫ້ອງປະຊຸມໃຫຍ່ຂອງກະຊວງ ຍທຂ ໄດ້ຈັດປາຖະກະຖາເລົ່າມູນ​ເຊື້ອ ຄຊປປ ລາວ ຄົບຮອບ 62 ປິ ​, ໂດຍໃຫ້ກຽດເປັນປະທານ ແລະ ປາຖະກະຖາຂອງ ສະຫາຍ ລັນ ແສງອາພອນ ຄະນະປະຈຳພັກກະຊວງ, ຜູ້ຊີ້ນຳວຽກງານສາມອົງການຈັດຕັ້ງມະຫາຊົນ, ຫົວໜ້າກົມຈັດຕັ້ງ ແລະ ພະນັກງານ; ເປັນກຽດເຂົ້າຮ່ວມຂອງ ສະຫາຍ ລິດຕາ ຂັດທິຍະ ​ກຳມະການສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມກະຊວງ ​ພ້ອມ​ດ້ວຍ ຄະນະ​ບໍລິຫານ​ງານ​ຊາວ​ໝຸ່ມກະຊວງ ​ໂຍທາ​ທິການ ​ແລະ ຂົນ​ສົ່ງ; ຕາງໜ້າສະຫະພັນກຳມະບານ ແລະ ສະຫະພັນແມ່ຍິງກະຊວງ; ບັນດາ​ສະຫາຍ​ເລຂາ, ຮອງ​ເລ​ຂາ ​ແລະ ສະມາຊິກ​ຊາວ​ໜຸ່ມ ​ຈາກ 23 ຮາກ​ຖານ ​ອ້ອມ​ຂ້າງກະຊວງ ຍທຂ ເຂົ້າຮ່ວມຢ່າງພ້ອມພຽງ.

      ການປາຖະກະຖາຄັ້ງນີ້ ສະຫາຍ ລັນ ແສງອາພອນ ຄະນະປະຈຳພັກກະຊວງ, ຜູ້ຊີ້ນຳວຽກງານສາມອົງການຈັດຕັ້ງມະຫາຊົນ, ຫົວໜ້າກົມຈັດຕັ້ງ ແລະ ພະນັກງານ ໄດ້ຍົກໃຫ້ເຫັນເຖິງມູນ​ເຊື້ອການກຳເນີດ ແລະ ເຕີບໃຫຍ່ຂະຫຍາຍຕົວຂອງສູນ​ກາງ​ຊາວ​ໜຸ່ມ​ ປປ ລາວ(14 ​ເມສາ 1955 - 14 ​ເມສາ 2016), ການເຄື່ອນໄຫວຂອງສູນ​ກາງ​ຊາວ​ໜຸ່ມ​ ປປ ລາວ ໃນແຕ່ລະໄລຍະທີ່ຜ່ານມາ, ໂດຍສະເພາະແມ່ນຜົນງານ​ຂອງ​​ຊາວ​ໜຸ່ມ​ ປປ ລາວ ທີ່​ຍາດ​ມາ​ໄດ້​ໃນ​ແຕ່ລະ​ໄລຍະ ​ເຊິ່ງ​ເຫັນ​ວ່າ ​ຊາວ​ໜຸ່ມ​ ປປ ລາວ ​​ໄດ້​ເຕີບ​ໃຫຍ່​ຂະຫຍາຍຕົວ​ ແລະ ​ໄດ້​ເຄື່ອນໄຫວ​ປະກອບສ່ວນ​ໃນ​ການຈັດ​ຕັ້ງ​ ຜັນ​ຂະຫຍາຍ​ມະຕິ​ກອງ​ປະ​ຊຸມ​ໃຫຍ່ ຄັ້ງ​ທີ X ຂອງ​ພັກ ​ແລະ ​ແຜນ​ພັດທະນາ​ເສດຖະກິດ-ສັງຄົມ 5 ປີ ຄັ້ງ​ທີ VIII ຂອງລັດ. ມີຜົນສໍາເລັດ​ທີ່​ປະຈັກ​ຕາ​ໃນ​ຫຼາຍ​ດ້ານ​ເຊັ່ນ: ກົງຈັກ​ການຈັດ​ຕັ້ງຂອງ​ຊາວ​ໜຸ່ມ​ ປປລາວ​ ໃນ​ທົ່ວ​ປະ​ເທດ​ໄດ້​ມີ​ການ​ຂະຫຍາຍຕົວຢ່າງ​ຕໍ່​ເນື່ອງ ​ແລະ ນັບ​ມື້​ເພີ່ມ​ຂື້ນ​ທາງ​ດ້ານ​ປະລິມານ ​ແລະ ຄຸນ​ນະພາ​ບ, ຊຶ່ງ​ມາ​ເຖີງປະຈຸ​ບັນ​ທົ່ວ​ປະ​ເທດ, ​ສະມາຊິກ​ຊາວ​ໜຸ່ມ​ແຕ່ລະ​ຂັ້ນ​ກໍ່​ໄດ້​ສຸມ​ໃສ່​ປັບປຸງ​ລະບົບ​ການຈັດ​ຕັ້ງ​ຂອງ​ຕົນ ຕິດ​ພັນ​ກັບ​ວຽກ​ງານ 3 ສ້າງ​, ຕິດ​ພັນ​ກັບ​ການ​ຂະຫຍາຍຕົວ​ຂອງ​ອົງການ​ຈັດ​ຕັ້ງ​ພັກ-ລັດ ​ແລະ ​ໄດ້​ເຮັດ​ໃຫ້​ລະບົບ​ການ​ຈັ້ດ​ຕັ້ງ ​ແລະ ການ​ຄຸ້ມ​ຄອງ​ວຽກ​ງານ​ຊາວ​ໜຸ່ມ​ເຂົ້າ​ສູ່​ລະບົບ​ດີ​ຂື້ນ​ເປັນ​ກ້າວໆ.

 

Additional information