ກອງປະຊຸມ ຄະນະຊີ້ນຳໂຄງການ ນ້ຳປະປາ ແລະ ສຸຂະພິບານ ຕົວເມືອງນ້ອຍ ໂຄງການນ້ຳປາປາ ແລະ ສຸພິບານ ໂຄງການເສີມສ້າງຄວາມເຂັ້ມແຂງ ໃຫ້ຂະແໜງນ້ຳປາປາ

 ກອງປະຊຸມຄະນະຊີ້ນຳ ໂຄງການນ້ຳປະປາ ແລະ ສຸຂະພິບານຕົວເມືອງນ້ອຍ, ໂຄງການນໍ້າປາປາ ແລະ ສຸພິບານ ໂຄງການເສີມສ້າງຄວາມເຂັ້ມແຂງ ໃຫ້ຂະແໜງນໍ້າປາປາ. ​ໄດ້​ຈັດ​ຂື້ນ ​ໃນ​ວັນ​ທີ 26 ພຶດສະພາ 2017 ທີ ຫ້ອງ​ປະຊຸມ​ໃຫຍ່ ກະຊວງ ​ໂຍທາ​ທິກາ ​ແລະ ຂົນ​ສົ່ງ, ​ໂດຍ​ການ​ເປັນປະ​ທານ​ຂອງທ່ານ ນາງ ວິ​ໄລ​ຄຳ ​ໂພ​ສາລາ​ດ ຮອງ​ລັດລັດຖະມົນຕີ​ກະຊວງ ​ໂຍທາ​ທິການ ​ແລະ ຂົນ​ສົ່ງ; ​ໂດຍ​ການເຂົ້າ​ຮ່ວມຂອງທ່ານ ສີດາ ສຸວັນນະ​ສາຍ ຮອງ​ເຈົ້າ​ແຂວງ ​ແຂວງ​ເຊ​ກອງ; ທ່ານ ພອຍ​ຄຳ ຮຸ່ງບຸນ​ຍວງ ຮອງ​ເຈົ້າ​ແຂວງ ​ແຂວງ​ໄຊ​ສົມ​ບູນ; ມີທ່ານ ຮອງໜ້າຫ້ອງການ ກະຊວງ ຍທຂ ແລະ ບັນດາ ທ່ານ ຈາກກະຊວງການເງີນ ແລະ ກະຊວງແຜນການ ແລະ ການລົງທືນ,  ບັນດາທ່ານ ຫົວໜ້າກົມ ອ້ອມຂ້າງ ກະຊວງ ຍທຂ; ບັນດາທ່ານ ຫົວໜ້າ-ຮອງຫົວໜ້າ ພະແນກ ຍທຂ ແຂວງ ແລະ ອຳນວຍການລັດວິສາຫະກິດ ນ້ຳປະປາ ທົ່ວປະເທດ; ທ່ານ ຜູ້ຕາງໜ້າຫ້ອງການ ADB ປະຈໍາລາວ ແລະ ບັນດາ ຊ່ຽວຊານປະຈໍາໂຄງການ ​ແລະ ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

      ປັດຈຸບັນນີ້ນ້ຳປະປາໄດ້ກາຍເປັນປັດໄຈໜຶ່ງ ທີ່ຈຳເປັນທີ່ສຸດສຳລັບການພັດທະນາຊຸມຊົນ ຢູ່ໃນຕົວເມືອງ ກໍຄືຊົນນະບົດ ແລະ ເພື່ອຊ່ວຍຍົກລະດັບຄຸນນະພາບຊີວິດ ຂອງປະຊາຊົນໃຫ້ດີຂື້ນ ນັບທັງເປັນການປົດປ່ອຍແມ່ຍິງ ແລະ ເດັກນ້ອຍໃຫ້ພົນຈາກການອອກແຮງງານໜັກອີກດ້ວຍ. ອັດຕາສ່ວນການຊົມໃຊ້ນ້ຳປະປາ ໃນຕົວເມືອງ ແລະ ຊົນນະບົດຍັງແມ່ນຕົວຊີ້ບອກພື້ນຖານອັນໜຶ່ງຂອງການພັດທະນາ.

      ສະນັ້ນລັດຖະບານກໍ່ໄດ້ເອົາໃຈໃສ່ພັດທະນາ, ປັບປຸງ ແລະ ຂະຫຍາຍລະບົບນໍ້າປະປາໃຫ້ທົ່ວເຖິງທັງໃນຕົວເມືອງ ແລະ ຊົນນະບົດ ໃນຂອບເຂດທົ່ວປະເທດ ແລະ ໄດ້ວາງເປົ້າໝາຍ ຂອງ ຂະ  ແໜງການໄວ້ຄື: ໃນປີ2015 ປະຊາກອນໃນຕົວເມືອງ ທົ່ວປະເທດສາມາດເຂົ້າເຖິງນໍ້າປະປາໃຫ້ໄດ້ 67%, ປີ2016 ສາມາດເຂົ້າເຖິງນໍ້າປະປາໄດ້ 71.90% ແລະ ເປົ້າໝາຍສູ້ຊົນ ໃນປີ 2020 ໃຫ້ໄດ້ 80% ແລະ ຮອດປີ 2030 ໃຫ້ໄດ້ 90%.

ລັດຖະບານ ກໍ່ຄື ກະຊວງ ໂຍທາທິການ ແລະ ຂົນສົ່ງ ສະແດງຄວາມຂອບໃຈຢ່າງເລິກເຊິງ ມາຍັງທະນາຄານພັດທະນາອາຊີ ແລະ ອົງການຊ່ວຍເຫຼືອຂອງປະເທດນ໊ອກແວ ທີໄດ້ໃຫ້ການຊ່ວຍເຫຼືອທາງດ້ານທືນຮອນໃຫ້ແກ່ໂຄງການນ້ຳປະປາ ແລະ ສຸຂະພິບານຕົວເມືອງນ້ອຍ, ໂຄງການນ້ຳປະປາ ແລະ ສຸຂະພິບບານ ແລະ ໂຄງການພັດທະນາຄວາມສາມາດໃຫ້ຂະແໜງນໍ້າປະປາ. ເພື່ອ​ເປັນການສະໜັບສະໜຸນ ແລະ ຍາດເອົາໃຫ້ໄດ້ຕົວເລກຄາດໝາຍສູ້ຊົນດັ່ງກ່າວຂ້າງເທິງນັ້ນຂະແໜງການຕ້ອງເອົາໃສ່ໃນການຈັດຕັ້ງປະຕິບັດບັນດາໂຄງການຕ່າງໆໃຫ້ປະກົດຜົນເປັນຈິງ ແລະ ເສີມສ້າງຂະ   ແໜງການໃຫ້ເຂັ້ມແຂງຮອບດ້ານ.

      ກອງປະຊຸມໃນຄັ້ງ​ນີ້​ແມ່ນ ຈະ​ໄດ້ຮັບຟັງການລາຍງານກ່ຽວກັບສະພາບລວມ ຂອງຂະແໜງການນ້ຳປະປາ, ຄວາມຄືບໜ້າການຈັດຕັ້ງປະຕິບັດໂຄງການ ໃນບັນດາຕົວເມືອງໂຄງການ, ທົບທວນຄືນວຽກງານ ແລະ ຖອດຖອນບົດຮຽນ, ຈຸດດີ ແລະ ຂໍ້ຄົງຄັ້ງ ເພື່ອປຶກສາຫາລືບັນຫາທ້າທ້າຍຕ່າງໆ ແລະ ຊອກຫາວີທີທາງທີເໝາະສົມ ໃນການຈັດຕັ້ງປະຕິວັດໃຫ້ແທບເໝາະກັບສະພາບຕົວຈິງໃນແຕ່ລະທ້ອງຖີ່ນ;  ນອກຈາກ​ນັ້ນ​ ແມ່ນຢາກໃຫ້ຜູ້ຊີ້ນຳໂຄງການ ຂັ້ນສູນກາງ ແລະ ແຂວງໄດ້ຮັບຮູ້ ແລະ ເຂົ້າໃຈກ່ຽວກັບຂໍ້ສະດວກ ແລະ ຂອດຈໍາກັດຂອງການຈັດຕັ້ງປະຕິບັດໂຄງການໃນໄລຍະຜ່ານມາ. ຊຶ່ງ​ກອງ​ປະຊຸມ​ດັ່ງກ່າວ ​ແມ່ນຈະເຮັດໃຫັຄະນະຊີ້ນຳ​ໂຄງການ ສາມາດເຂົ້າໃຈໄດ້ເຖິງສະພາບລວມ ຂອງຂະ    ແໜງການນໍ້າ​ປະປາໂດຍລວມ, ມີຄວາມເປັນເອກະພາບໃນທິດທາງດຽວກັນ ແລະ ຊີ້ນຳໂຄງການ ໃນການຈັດຕັ້ງປະຕິບັດວຽກງານໃຫ້ມີປະສິດທິພາບສູງ ແລະ ສາມາດຮັບປະກັນໄດ້ທາງດ້ານເວລາ, ເຮັດໃຫ້ການຈັດຕັ້ງປະຕິບັດໂຄງການມີຄວາມຄອງຕົວ ແລະ ສາມາດສໍາເລັດວຽກງານໄດ້ຕາມແຜນການທີກຳນົດໄວ້ ​ແລະ ເຮັດໃຫ້ຂໍ້ຄົງຄ້າງ ແລະ ສິງທ້າທາຍຕ່າງໆຖືກແກ້ໄຂເທື່ອລະກ້າວ.

Additional information