ກະຊວງ ຍທຂ ປະກາດແຕ່ງຕັ້ງຫົວໜ້າຫ້ອງການຄົນໃໝ່

 ໃນວັນ​ທີ 19 ພຶດສະພາ​ 2017 ນີ້ ທີ​ຫ້ອງ​ປະຊຸມ​ໃຫຍ່ ກະຊວງ ​ໂຍທາ​ທິການ ​ແລະ ຂົນ​ສົ່ງ ​ໄດ້​ມີ​ພິທີ​ປະກາດ​ແຕ່ງ​ຕັ້ງ​ຫົວໜ້າ​ຫ້ອງກະຊວງ ​ໂຍທາ​ທິການ ​ແລະ ຂົນ​ສົ່ງຜູ້ໃໝ່ຢ່າງ​ເປັນ​ທາງ​ການ, ​ໂດຍ​ການ​ເປັນປະທານ​ຂອງ​ທ່ານ ປອ ບຸນ​ຈັນ ສິນ​ທະ​ວົງ ກຳມະການ​ສູນ​ກາງ​ພັກ, ​ເລ​ຂາ​ຄະນະ​ພັກ​, ລັດຖະມົນຕີກະຊວງ ​ໂຍທາ​ທິການ ​ແລະ ຂົນ​ສົ່ງ, ​​ເປັນ​ກຽດ​ເຂົ້າ​ຮ່ວມຂອງ​ທ່ານ ຮອງ​ລັດຖະມົນຕີ, ທ່ານຜູ້​ຊ່ວຍ​ລັດຖະມົນຕີ, ທ່ານ​ທີ​ປຶກສາ​ທ່ານ​ລັດຖະມົນ​ຕີ​, ບັນດານທ່ານ​ຄະນະນຳ​ຈາກບັນດາ​ກົມ, ຫ້​ອງການ, ສະ​ຖາ​ບັນ, ກອງ​ວິຊາ​ການ, ລັດ​ວິຊສາ​ຫະກິດ​ ແລະ ພະນັກງານ​ຫຼັກ​ແຫຼ່ງທີ່​ກ່ຽວຂ້ອງ​ຂອງ​ກະຊວງ ຍທຂ ​ເຂົ້າ​ຮ່ວມ​ຢ່າງ​ພ້ອມພຽງ.

   ໃນ​ພິທີ​ດັ່ງກ່າວ ທ່ານ ລັນ​ ແສງ​ອາພອນ ຄະນະ​ປະຈຳ​ພັກ​ກະຊວງ, ຫົວໜ້າ​ກົມ​ຈັດ​ຕັ້ງ ​ແລະ ພະນັກງານ ​ໄດ້​ຂື້ນ​ຜ່ານ​ດຳລັດຂອງນາຍົກລັດຖະມົນຕີ ສະບັບ​​ເລກທີ 170/ນຍ, ລົງ​ວົນ​ທີ 27 ​ເມສາ 2017. ວ່າ​ດ້ວຍ​ການ​ແຕ່ງ​ຕັ້ງ ທ່ານ​ ບຸນ​ຈັນ ສິນຣາຊະ​ວົງ ຮັກສາ​ການ​ຫົວໜ້າ​ຫ້ອງການ ຂື້ນ​ເປັນ​ຫົວໜ້າ​ຫ້ອງການ.

    ໃນພິທີ​ປະກາດ​ການຈັດ​ຕັ້ງ​ໃນ​ຄັ້ງ​ນີ້ຍັງ​ໄດ້​ຮັບ​ກຽດຈາກ ທ່ານ ລັດຖະມົນຕີ ກະຊວງ ​ໂຍທາ​ທິການ ​ແລະ ຂົນ​ສົ່ງ ​ໂອ້ລົມ ​ແລະ ​ໃຫ້​ທິດ​ຊີ້​ນຳ​​ໃນ​ການ​ແຕ່ງ​ຕັ້ງທ່ານ​ຫົວໜ້າ​ຫ້ອງຄົນ​ໃໝ່ ​ໃນ​ການ​ປະຕິບັດ​ໜ້າ​ທີ​ວຽກ​ງານ​ໃນ​ຕໍ່ໜ້າ. ຊຶ່ງການ​​ແຕ່ງ​ຕັ້ງໃນ​ຄັ້ງ​ນີ້ ​​ເປັນ​ຂີດ​ໝາຍ​ທີ່​ສຳຄັນ​ໃນ​ການ​ປັບປຸງ​ກົງຈັກ​ການຈັດ​ຕັ້ງ, ​ເພື່ອ​ເສີມ​ສ້າງ​ໃຫ້ການ​ຄຸ້ມ​ຄອງ​ບໍລິຫານ​ວຽກ​ງານ​ລັດ​ໃນ​ຂະ​ແໜງ ​ໂຍທາ​ທິການ ​ແລະ ຂົນ​ສົ່ງ ໃຫ້​ມີຄວາ​ມ​ ​ເຂັ້ມ​ແຂ່ງ ແລະ ສອດ​ຄອງ​ກັບ​ການ​ບໍລິຫານ​ວຽກ​ງານ​ລັດ​ໃນ​ໄລຍະ​ໃໝ່, ​ໂດຍ​ສະ​ເພາະ​ແມ່ນ​ການ​ຊີ້​ນຳ ນຳພາ​ການຈັດ​ຕັ້ງ​ປະຕິບັດ​ວຽກ​ງານ​ຕາມ​ພາລະ​ບົດ​ບາດ​ຂອງ​ຫ້ອງການ​​ໃຫ້​ມີ​ຄວາມ​ທັນ​ສະ​ໄໝ, ​ໂດຍ​ແນ່​ໃສ່​ປະຕິບັດ​ຄຳ​ຂັວນຂອງ​ຫ້ອງການ​ຄື: ​ເປັນ​ເສນາ​ທິການ​ທີ່​ດີ, ​ເປັນ​ຜູ້​ປະສານ​ງານ​ທີ່​ດີ ​ແລະ ​ເປັນ​ຜູ້​ບໍລການ​ທີ່​ດີ.

 

Additional information