ກອງປະຊຸມເຜີຍແຜ່ຜັນຂະຫຍາຍເນື້ອໃນກອງປະຊຸມ ວຽກງານຈັດຕັ້ງທົ່ວປະເທດ ຄັ້ງທີ X ຂອງກະຊວງ ໂຍທາທິການ ແລະ ຂົນສົ່ງ ໄດ້ປິດຢ່າງຈົບງາມ.

  ກອງປະຊຸມເຜີຍແຜ່ຜັນຂະຫຍາຍເນື້ອໃນກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ X ຂອງກະຊວງ ໂຍທາທິການ ແລະ ຂົນສົ່ງ ໄດ້​ດຳ​ເນີນ​ເປັນ​ເວລາ 2 ວັນ ຄື: ວັນ​ທີ 27-28 ກຸມພາ 2017 ​ແລະ ໄດ້ປິດລົງໃນຕອນບ່າຍ ຂອງວັນທີ 28 ກຸມພາ 2017 ທີ່​ກະຊວງ ​ໂຍທາ​ທິການ ​ແລະ ຂົນ​ສົ່ງ. ​ສະຫາຍ ລັດຕະນະ​ມະນີ ຄູນ​ນີວົງ ຮອງ​ເລຂາ​ຄະນະ​ພັກ​ກະຊວງ, ຮອງ​ລັດຖະມົນຕີ ກະຊວງ ​ໂຍທາ​ທິການ ​ແລະ ຂົນ​ສົ່ງ, ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ລາຍງາຍໂດຍຫຍໍ້ກ່ຽວກັບຜົນສຳເລັດ ກໍຄືບັນຫາສຳຄັນ ຕ່າງໆ ທີ່ກອງປະຊຸມໄດ້ປຶກສາຫາລືກັນ​ໃນ​ກອງ​ປະຊຸມ ຕໍ່ ສະຫາຍ ຈັນສີ ໂພສີຄໍາ ກໍາມະການກົມການເມືອງສູນກາງພັກ, ເລຂາທິການ ສູນກາງພັກ, ຫົວໜ້າຄະນະຈັດຕັ້ງສູນກາງພັກ ຊາບ, ກ່ຽວ​ກັບວຽກ​ງານ​ຈັດ​ຕັ້ງ, ກໍ່ສ້າງ​ພັກ-ພະນັກງານ ຂອງ​ກະຊວງ ​ໂຍທາ​ທິການ ​ແລະ ຂົນ​ສົ່ງ ໃນ 5 ປີ(2011-2015) ຜ່ານ​ມາ ແລະ ທິດທາງແຜນການໃນ 5 ປີຕໍ່ໜ້າ. ພ້ອມກັນນັ້ນ,  ກໍໄດ້ຮັບຟັງການເຜີຍແຜ່ບົດລາຍງານຂອງຄະນະຈັດຕັ້ງສູນກາງພັກ ກ່ຽວກັບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ ໃນໄລຍະ 5 ປີ ຜ່ານມາ ແລະ ທິດທາງໜ້າທີ່ 5 ປີ ຕໍ່ໜ້າ; ເຜີຍແຜ່ບົດໂອ້ລົມ ຂອງສະຫາຍເລຂາທິການໃຫຍ່ຄະນະບໍລິຫານງານສູນກາງພັກ ຕໍ່ກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ X.

     ກອງປະຊຸມໃນຄັ້ງນີ້ ໄດ້ຕີລາຄາສູງຕໍ່ບັນດາສະຫາຍຄະນະປະຈຳພັກ, ຄະນະພັກກະຊວງ, ຄະນະພັກບັນດາຮາກຖານ ແລະ ບັນດາສະຫາຍໃນກອງປະຊຸມ ທີ່ໄດ້ຕັ້ງໜ້າເຂົ້າຮ່ວມກອງປະຊຸມ ແລະ ໄດ້ຍົກສູງຄວາມຮັບຜິດຊອບຄົ້ນຄວ້າ, ປະກອບຄໍາຄິດ-ຄໍາເຫັນຢ່າງກົງໄປກົງມາຕໍ່ເນື້ອໃນບົດສະຫຼຸບ ທີ່ໄດ້ສະເໜີຜ່ານກອງປະຊຸມ, ຊຶ່ງ​ເປັນ​ການ​ປະກອບສ່ວນ​ໃນ​ການ​ຕີ​ລາຄາ​ດ້ານ​ຕັ້ງໜ້າ-ຫຍໍ້​ທໍ້ ກໍ​ຄືການ​ກຳນົດ​ທິດ​ທາງ ​ແລະ ວິທີ​ແກ້​ໄຂ​ໃນ​ຕໍ່ໜ້າ ຂອງ​ວຽກງານກໍ່ສ້າງພັກ-ພະນັກງານ ແລະ ການປັບປຸງກົງຈັກການຈັດຕັ້ງ ຂອງຂະແໜງ ຍທຂ ​ໃນ​ໄລຍະ​ຜ່ານ​ມາ.

     ໃນໂອກາດໂອ້ລົມຕໍ່ ກອງປະຊຸມວຽກງານຈັດຕັ້ງ, ກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງຂອງ ກະຊວງໂຍທາທິການ ແລະ ຂົນ ສົ່ງ (ຍທຂ), ທ່ານ ຈັນສີ ໂພສີຄຳ ກຳມະການກົມ ການເມືອງສູນກາງພັກ ເລຂາທິ ການສູນກາງພັກ ຫົວໜ້າຄະນະ ຈັດຕັ້ງສູນກາງພັກໄດ້ເນັ້ນໜັກ ໃຫ້ຄະນະພັກກະຊວງ, ຄະນະພັກບັນດາຮາກຖານກໍຄືຜູ້ເຮັດວຽກງານຈັດຕັ້ງ, ກໍ່ສ້າງພັກ - ພະນັກງານ ແລະ ປັບປຸງກົງຈັກ ການຈັດຕັ້ງເອົາໃຈໃສ່ບາງວຽກງານທີ່ສຳຄັນດັ່ງນີ້: ເອົາໃຈໃສ່ສຶກສາອົບຮົມຄຸນ​ທາດ​ການ​ເມືອງ, ຄຸນສົມບັດ​ສິນ​ທຳ​ປະຕິວັດ, ​ແບບ​ແຜນ​ວິທີ​ເຮັດ​ວຽກ, ນ້ຳ​ໃຈ​ຮັບ​ໃຊ້​ປະຊາຊົນ ​ແລະ ຄວາມ​ເສຍສະຫຼະ​ເພື່ອ​ສ່ວນ​ລວມ;ເອົາໃຈໃສ່ການສຶກສາ ອົບຮົມນຳພາການເມືອງແນວ ຄິດໃຫ້ພະນັກງານ - ສະມາ ຊິກພັກຢູ່ທຸກຮາກຖານທີ່ຂຶ້ນ ກັບກະຊວງ ແລະ ພະແນກ ຍທຂ ຢູ່ທ້ອງຖິ່ນຢ່າງແຂງແຮງກວ່າເກົ່າ ໂດຍຖືເອົາການປະຕິບັດ ກົດ    ໝາຍ ແລະ ລະບຽບການ ຢ່າງເຂັ້ມງວດ, ເພີ່ມທະວີຄວາມ ສາມັກຄີເປັນເອກະພາບພາຍ ໃນຄະນະພັກ, ປັບປຸງການ ດຳເນີນຊີວິດພັກຢູ່ຂັ້ນຮາກ ຖານໃຫ້ດໍາເນີນເປັນປະຈຳ ທຸກເດືອນ, ມີເນື້ອໃນເລິກ ເຊິ່ງຮັບປະກັນລັກສະນະນຳພາ, ສຶກສາອົບຮົມ ແລະ ຕໍ່ສູ້ ໂດຍຖືເອົາການກໍ່ສ້າງຕຳນິຕິ ຊົມຕົນເອງ ແລະ ຕິຊົມກັນຢ່າງ ແຂງແຮງ, ໃນນັ້ນໃຫ້ຄະນະ ພັກກະຊວງເອົາໃຈໃສ່ປະຕິ ບັດຫຼັກການລວມສູນປະຊາທິ ປະໄຕຂອງພັກ, ຕົກລົງເປັນໝູ່ຄະນະ, ບຸກຄົນຮັບຜິດຊອບ ຢ່າງຈະແຈ້ງ; ເອົາໃຈໃສ່ວຽກງານການກໍ່ສ້າງພັກໃຫ້ປອດໃສ, ໜັກແໜ້ນ, ເຂັ້ມແຂງ ແລະ ວຽກງານອອກບັດ - ມອບບັດໃຫ້ສະມາຊິກພັກສົມບູນ ໂດຍມີການກວດກາຕີລາຄາ ແບ່ງປະເພດການຈັດຕັ້ງພັກ ແລະ ສະມາຊິກພັກ, ລວມທັງເອົາໃຈໃສ່ວຽກງານຂະຫຍາຍພັກໂດຍຖືເອົາຄຸນນະພາບເປັນກົກ; ເອົາໃຈໃສ່ວຽກງານພະນັກງານ ໂດຍການຂຶ້ນແຜນບຳລຸງກໍ່ສ້າງພະນັກງານ ໃຫ້ຮັບປະກັນໄປຕາມທິດ ໂດຍສະເພາະເອົາໃຈໃສ່ສ້າງພະນັກງານທີ່ເຮັດວຽກງານຈັດຕັ້ງໃຫ້ໜັກແໜ້ນ, ພຽງພໍກັບໜ້າທີ່ການເມືອງເພື່ອຊ່ວຍວຽກງານໃຫ້ແກ່ຄະນະພັກໃຫ້ສຳເລັດໜ້າທີ່; ເອົາໃຈໃສ່ວຽກງານນະໂຍບາຍຕ່າງໆຕໍ່ພະນັກງານປະຈຳການ, ພະນັກງານບຳນານເພື່ອແກ້ໄຂຊີວິດການເປັນຢູ່ ແລະ ຊຸກຍູ້ສົ່ງເສີມ ພະນັກງານທີ່ມີຄວາມບຸກບືນຫ້າວຫັນ, ມີຫົວຄິດປະດິດສ້າງ, ມີຄຸນງາມຄວາມດີຕໍ່ປະເທດຊາດ, ຕໍ່ການຈັດຕັ້ງ ແລະ ເອົາໃຈໃສ່ປະຕິບັດວິໄນຕໍ່ພະນັກງານສະມາຊິກພັກທີ່ລະເມີດລະບຽບກົດໝາຍຢ່າງເຂັ້ມງວດ; ຮີບຮ້ອນປັບປຸງພາລະບົດບາດກະຊວງ, ກົມກອງ, ສະຖາບັນ, ພະແນກ ຍທຂ ສາຍຕັ້ງປະຈໍາທ້ອງຖິ່ນໃຫ້ ສອດຄ່ອງວຽກຂະແໜງການໄລຍະໃໝ່ຕາມທິດກະທັດຮັດ ສົມ​ເຫ​ດສົມ​ຜົນ, ມີ​ປະສິດທິ​ຜົນ ກົງຈັກເຂັ້ມແຂງສັກສິດ.

Additional information