ກອງປະຊຸມວິຊາການທົ່ວຂະແໜງ ໂຍທາທິການ ແລະ ຂົນສົ່ງ.

  ໃນຕອນເຊົ້າຂອງວັນທີ 20 ກຸມພາ 2017 ຢູ່ທີ່ຫ້ອງປະຊຸມໃຫຍ່ຂອງກະຊວງ ຍທຂ, ໄດ້ມີພິທີ ເປີດກອງປະຊຸມວິຊາການ ເພື່ອເປັນການກະກຽມໃຫ້ແກ່ກອງປະຊຸມວຽກງານໂຍທາທິການ ແລະ ຂົນສົ່ງ ປະຈຳປີ 2016 ທີ່ຈະໄຂຂຶ້ນ ໃນວັນທີ 21 ກຸມພາ 2017 ທີ່ຫ້ອງປະຊຸມແຫ່ງຊາດ ຫລັກ 6. ໂດຍແມ່ນ ທ່ານ ປອ ບຸນຈັນ ສິນທະວົງ, ລັດຖະມົນຕີກະຊວງ ຍທຂ ເປັນປະທານກອງປະຊຸມ, ມີບັນດາທ່ານຮອງລັດຖະມົນຕີ, ມີບັນ ດາທ່ານຫົວໜ້າກົມຮອງຫົວໜ້າກົມ, ມີບັນ ດາທ່ານຫົວໜ້າພະແນກ, ຮອງຫົວໜ້າພະແນກ ທີ່ມາຈາກບັນ ດາແຂວງ ແລະ ນະຄອນຫວງ, ບັນດາທ່ານຫົວໜ້າ, ຮອງຫົວໜ້າ ບໍລິສັດລັດວິສະຫະກິດທີ່ຂຶ້ນກັບກະ ຊວງ ຍທຂ ເຂົ້າຮ່ວມຢ່າງພ້ອມພຽງ.

  ທ່ານ ປອ ບຸນຈັນ ສິນທະວົງ, ລັດຖະມົນຕີ ປະທານກອງປະຊຸມ ໄດ້ສະແດງຄວາມຕ້ອນຮັບ ຢ່າງອົບອຸ່ນ ຕໍ່ບັນດາທ່ານທີ່ເຂົ້າຮ່ວມກອງປະຊຸມ, ພ້ອມທັງໄດ້ຊີ້ໃຫ້ເຫັນເຖິ່ງຄວາມສຳຄັນ ຂອງກອງປະຊຸມ ວິຊາການ ໃນຄັ້ງນີ້, ໂດຍທ່ານໄດ້ເນັ້ນໃສ່ການຄົ້ນຄ້ວາເພື່ອແກ້ໄຂ 18 ບັນຫາ ຄົງຄ້າງທີ່ພົ້ນເດັ່ນ ຕາມທິດສ້າງ ບາດກ້າວບຸກທະລຸ 4 ດ້ານຂອງຂະແໜງການ ຍທຂ ພາຍໃຕ້ຫົວຂໍ້: “ບຸກທະລຸການແກ້ໄຂ ບັນຫາຫຍໍ້ທໍ້ ຂອງຂະແໜງການ ໂຍທາທິການ ແລະ ຂົນສົ່ງ ຢ່າງເປັນລະບົບ” ເພື່ອສັງລວມເອົາມາດ ຕະການແກ້ໄຂທີ່ເປັນເອກະພາບກັນແລ້ວນີ້ ໄປສະເໜີຕໍ່ກອງປະຊຸມ ຍທຂ ທົ່ວປະເທດ ເພື່ອພິຈາລະນາ ຮັບຮອງເອົາ ແລະ ນຳໄປຈັດຕັ້ງ ປະຕິບັດໃຫ້ເປັນຮູບປະທຳໃນສົກປີ 2017 ຕໍ່ໄປ. ເຊິ່ງປະຈຸບັນ ເຫັນ ໄດ້ວ່າແຕ່ລະພາກສ່ວນ ໄດ້ເປັນເຈົ້າການແກ້ໄຂຂໍ້ຄົງຄ້າງດ້ວຍຄວາມຮັບຜິດຊອບສູງ ແລະ ມີຄວາມຄືບ ໜ້າດີພໍ ສົມຄວນເປັນຕົ້ນ:ໄດ້ພະຍາມຈັດຕັ້ງປະຕິບັດໂຄງການລົງທຶນໃຫ້ສອດຄອງກັບກົດໝາຍວ່າດ້ວຍ ການລົງທຶນຢ່າງເຂັ້ມງວດຂຶ້ນເທື່ອລະກ້າວເຊັ່ນ: ດຳລັດວ່າດ້ວຍກອງທຶນທາງ ໄດ້ມີການດັດ ແກ້ໃຫ້ສອດ ຄ່ອງກັບສະພາບຕົວຈິງ ແລະໄດ້ຮັບການອະນຸມັດ ສະບັບເລກທີ 130/ລບ, ລົງວັນທີ 1/6/2016 (ສະບັບປັບປຸງ); ​ການ​ສ້າງ ​ແລະ ປັບປຸງລາຄາຫົວໜ່ວຍກໍ່ສ້າງ ບັນດາຂະແໜງການ ໂຄງລ່າງພື້ນຖານ ໄດ້ຮັບການປັບປຸງ ແລະ  ກຽມນຳເຂົ້າຜ່ານກອງປະຊຸມລັດຖະບານສາມັນໃນປີ 2017; ສໍາເລັດການ ປັບປຸງຮ່າງກົດໝາຍຜັງເມືອງ (ສະບັບປັບປຸງ),    ໄດ້ຜ່ານກະຊວງຍຸຕິທໍາ ກ່ອນສະເໜີໄປຜ່ານສະພາແຫ່ງ ຊາດ, ສໍາເລັດການປັບປຸງຮ່າງລະບຽບການຄຸ້ມຄອງ ການປຸກ ສ້າງ, ສໍາເລັດການປັບປຸງແຜນຜັງເມືອງລວມ ຂອງນະຄອນຫຼວງວຽງຈັນ, ພ້ອມທັງລະບຽບຄູ້ມ ຄອງ ແລະ ນໍາໃຊ້ທີ່ດີນ;  ໄດ້ແກ້ໄຂການພິມໃບຂັບຂີ ແລະ ທະບຽນພາຫະນະທີ່ຄ້າຄາມາຫລາຍປີ ສຳເລັດໃນຂອບເຂດທົ່ວປະເທດ ແລະ ອັນພົ້ນເດັ່ນ ແມ່ນການນໍາໃຊ້ລະບົບການຄຸ້ມຄອງ, ພິມໃບທະບຽນ ແລະໃບຂັບຂີ່ແບບທັນສະໄໝ ໂດຍການນໍາ ໃຊ້ລະບົບຂອງກອງຄຸ້ມຄອງພາ ຫະນະ ແລະການຂັບຂີ່ນະຄອນຫລວງວຽງຈັນເປັນຕົວແບບ ແລະຂະ ຫຍາຍໄປສູ່ແຂວງອື່ນ ໃນທົ່ວປະເທດ. ສຳລັບການແກ້ໄຂຄວາມແອອັດ ຂອງການຈະລາຈອນໃນຕົວເມືອງ ຢູ່ນະຄອນ ຫລວງວຽງຈັນ ໄດ້ເລີ່ມຈັດຕັ້ງປະຕິບັດໂຄງການຂົນສົ່ງທີ່ຍືນຍົງ ຢູ່ນະຄອນຫຼວງວຽງຈັນໂດຍ ທຶນຂອງ ADB (Vientiane Urban Sustainable Transport), ຊຶ່ງມີມູນຄ່າທັງໝົດ 97 ລ້ານໂດລາສະຫະລັດ ໃນກຳນົດເວລາດຳເນີນໂຄງການ 3 ປີ.

  ຄຽງ​ຄູ່​ກັບ​ຄວາມ​ຄືບ​ໜ້າ​ຂອງ​ການ​ແກ້​ໄຂບັນຫາຄືດັ່ງກ່າວຂ້າວ​ເທິງ ພວກ​ເຮົາ​ຍັງ​ຕ້ອງ​ສືບ​ຕໍ່​​ແກ້​ໄຂ​ຂໍ້ຄົງຄ້າງ​ຕ່າງໆ ຊຶ່ງ​ບັນຫາ​ດັ່ງກ່າວ ລ້ວນແຕ່ເປັນບັນຫາໃຈກາງ ແລະ ຍັງເປັນບັນຫາ ທີ່ສັງຄົມເລັ່ງທວງ ໃຫ້ຂະແໜງການພວກເຮົາໃຫ້ມີການແກ້ໄຂ ໂດຍສະເພາະແມ່ນບັນຫາລາ ຄາກໍ່ສ້າງສູງ ຄຸນນະພາບຕ່ຳ ແລະບັນຫາອື່ນໆ, ທີ່ເປັນຜົນກະທົບທາງລົບຕໍ່ພາບພົດບົດ ບາດການນຳພາ-ຊີ້ນຳຂອງຄະນະພັກ-ຄະນະ ນຳກະຊວງພວກເຮົາ. ພວກເຮົາຈະຕ້ອງໄດ້ພ້ອມ ກັນປ່ຽນດ້ານແນວຄິດຈິນຕະນາການ ສ້າງບາດກ້າວ ບຸກທະລຸໃໝ່, ພ້ອມກັນຄົ້ນຄວ້າກຳນົດ ກົນໄກ ແລະມາດຕະການຈັດຕັ້ງປະຕິບັດແຕ່ລະວຽກໃຫ້ຊັດເຈນໃນ ປີ 2017 ບົນພື້ນຖານ ວິໄສທັດ ຮອດປີ 2030, ແຜນຍຸດທະສາດ 10 ປີ (2016-2025) ແລະແຜນການ 5 ປີ (2016-2020) ຂອງຂະແໜງການ ຍທຂ ດັ່ງຄຳຂວັນທີ່ວ່າ: ພັດທະນາໂຍທາທິການ ແລະຂົນສົ່ງ ໃຫ້ເປັນປາຍແຫລມ, ມີຈຸດສຸມ, ປະສິດທິຜົນສູງທັນສະໄໝ, ປອດໄພ, ເຊື່ອມໂຍງ-ເຊື່ອມຈອດ ແລະຍືນຍົງ.

 

 

 

 

 

 

Additional information