ຂ່າວ

ທ່ານລັດຖະມົນຕີ ເຂົ້າຮ່ວມກອງປະຊຸມສະມັດຊາໃຫຍ່ ອົງການການບິນພົນລະເຮືອນສາກົນ (ICAO) ຄັ້ງທີ 39 ທີ່ເມືອງມົງເຕຣອານ ປະເທດການາດາ, ລະຫວ່າງວັນທີ 27/9-7/10/2016

ອີງຕາມການເຊື້ອເຊີນຂອງອົງການການບິນພົນລະເຮືອນສາກົນ (ICAO), ໃນວັນທີ 29/9-7/10/ 2016, ທ່ານລັດຖະ ມົນຕີ ກະຊວງໂຍທາທິການ ແລະຂົນສົ່ງ ພ້ອມດ້ວຍຄະນະ ໄດ້ເດີນທາງໄປຮ່ວມກອງປະຊຸມສະມັດຊາໃຫຍ່ອົງການ ການບິນ ພົນລະເຮືອນສາກົນ (ICAO) ຄັ້ງທີ 39, ຊຶ່ງຈັດຂຶ້ນທີ່ເມືອງ ມົງເຕຣອານ ປະເທດການາດາ, ໂດຍມີຄະນະ ຜູ້ແທນຂັ້ນສູງຈາກ 191 ປະເທດສະມາຊິກເຂົ້າຮ່ວມ.

ໃນກອງປະຊຸມດັ່ງກ່າວ ມີການປຶກສາຫາລືກ່ຽວກັບ 31 ຫົວຂໍ້ ທີ່ພົວພັນເຖິງວຽກງານຄວາມປອດໄພ, ການຮັກສາ ຄວາມປອດໄພການບິນ, ການຮັກສາສິ່ງແວດລ້ອມ ແລະ ການພັດທະນາບຸກຄະລາກອນ. ນອກຈາກນັ້ນ, ກອງປະຊຸມ ຍັງໄດ້ດຳເນີນການເລືອກຕັ້ງສະພາບໍລິຫານ ຂອງອົງການການບິນພົນລະເຮືອນສາກົນ.

ພິເສດ, ໃນກອງປະຊຸມຄັ້ງນີ້ ໄດ້ຈັດພິທີມອບ-ຮັບໃບຢັ້ງຢືນຜົນການກວດສອບຄວາມປອດໄພການບິນຮອບດ້ານ ໃຫ້ ແກ່ 14 ປະເທດສະມາຊິກ (ຈາກທັງໝົດ 191 ປະເທດ) ທີ່ມີຄວາມຄືບໜ້າດີເດັ່ນໃນການການຄຸ້ມຄອງຄຸນນະພາບ ການບິນຕາມ ມາດຕະຖານຂອງອົງການການບິນພົນລະເຮືອນສາກົນ, ຊຶ່ງ ສປປ ລາວ ກໍ່ແມ່ນໜຶ່ງໃນ 14 ປະເທດທີ່ ໄດ້ຮັບໃບຢັ້ງຢືນ ດັ່ງກ່າວ.

ກອງຄຸ້ມຄອງສະໜາມບິນ ໄດ້ປັບປຸງວຽກງານຫລາຍດ້ານ ໃນໄລຍະກອງປະຊຸມສຸດຍອດອາຊຽນຄັ້ງທີ 28-29

ວັນທີ 22 ກັນຍາ 2016 ສະໜາມບີນສາກົນວັດໄຕ ອີງຕາມການໃຫ້ສຳພາດ ຂອງ ທ່ານ ສົມບູນ ດາວສະຫວັນ ຫົວໜ້າ ກອງຄຸ້ມຄອງສະໜາມ ນີ້ວ່າ ໃນໄລຍະກອງປະຊຸມສຸດຍອດອາຊຽນ ຄັ້ງທີ່ 28-29 ປີ 2016 ຂອງສະໜາມບິນ ສາກົນວັດໄຕ ເຊິ່ງປະກອບດ້ວຍ ວຽກແຕ້ມເສັ້ນເຄື່ອງໝາຍລານຈອດເຮືອບີນ ເບີ 1, ເບີ 2, ເບີ 2A, 2B ແລະ ເບີ 3 ພ້ອມທາງແລ່ນຂຶ້ນ-ລົງ, ວຽກສ້ອມແປງຕຶກ VVIP, ວຽກລ່ວງຄອງນ້ຳສະໜາມບິນ, ວຽກຕັດຫຍ້າ, ວຽກຕົບແຕ່ງສວນ ດອກໄມ້, ຕິດຕັ້ງປະຕູເບີ 7 ເຮັດໃຫ້ການເຂົ້າ-ອອກ ມີຄວາມສະດວກດີ, ວຽກຕິດຕັ້ງລະບົບແສງສະຫວ່າງໃສ່ລານຈອດ ເຮືອບິນທຸກບ່ອນໃຫ້ສະຫວ່າງດີ ເພື່ອຮັບປະກັນຄວາມປອດໄພ ນອກຈາກນັ້ນ ສຳລັບວຽກລະບົບເຕັກນິກທົ່ວສະໜາມ ບິນ ແມ່ນໄດ້ກວດກາສ້ອມແປງລະບົບໄຟຟ້າສະໜາມບິນ ແລະ ຈັກໄຟຟ້າສຳຮອງ, ພ້ອມກັນນີ້ ໄດ້ສົມທົບກັບໄຟຟ້າ ນະຄອນຫຼວງ ເພື່ອສຳຮອງຈັກໄຟຟ້າ ແລະ ພະນັກງານຈຳນວນໜຶ່ງ, ກະກຽມລົດດັບເພີງ, ລົດກູ້ໄພ, ລົດໂຟໂລມີ ພ້ອມທັງກຳນົດບ່ອນຈອດເຮືອບິນ  ມີຄວາມພ້ອມ 100%  ນອກຈາກນີ້ ສະໜາມບິນຫຼວງພະບາງກໍໄດ້ກະກຽມ ໃຫ້ມີ ຄວາມຕຽມພ້ອມ 100% ເຊັ່ນດຽວກັນ  ສໍາລັບວຽກຮັກສາຄວາມປອດໄພ ແມ່ນຖືເປັນບັນຫາສຳຄັນສຸດຍອດ, ໄດ້ຕິດ ຕັ້ງກ້ອງວົງຈອນປິດທຸກຈຸດອ້ອມຮອບສະໜາມບິນ, ສ້າງແຜນຮັກສາຄວາມປອດໄພຢ່າງຮັດກຸມທີ່ສຸດ ທັງສະໜາມບິນ ສາກົນວັດໄຕ ແລະ ຢູ່ຫຼວງພະບາງ ແລະ ໄດ້ສົມທົບແໜ້ນກັບ ກະຊວງ ປ້ອງກັນຊາດ, ກະຊວງ ປ້ອງກັນຄວາມສະຫງົບ ແລະ ກະຊວງ ໂຍທາທິການ ແລະຂົນສົ່ງ, ກົມການບິນພົນລະເຮືອນ ຕະຫຼອດຮອດອຳນາດການປົກຄອງ ອ້ອມຂ້າງ ສະໜາມບິນ 12 ບ້ານ ເຂົ້່າຮ່ວມອັນໄດ້ເຮັດໃຫ້ການບໍລິການຮັບໃຊ້ຄະນະຜູ້ແທນທີ່ມາເຂົ້າຮ່ວມ ໃນກອງປະຊຸມໃນຄັ້ງນີ້ ມີຄວາມ ສະດວກ ແລະ ມີຄວາມສະຫງົບປອດໄພ 100%.

ກອງປະຊຸມຂະແໜງພື້ນຖານໂຄງລ່າງ ຄັ້ງທີ 9 ປະຈຳປີ 2016

ໜ່ວຍງານຂະແໜງພື້ນຖານໂຄງລ່າງ ແມ່ນໜຶ່ງໃນສິບໜ່ວຍງານຂະແໜງການ ຂອງຂະບວນການໂຕະມົນ, ໜ່ວຍງານ ຂະແໜງການພື້ນຖານໂຄງລ່າງ ໄດ້ກວມເອົາບັນດາໜ້າວຽກ ເຊັ່ນ: ຂົວທາງ, ຂົນສົ່ງ, ການບິນ, ທາງລົດໄຟ, ທາງນໍ້າ, ນໍ້າປະປາ ແລະ ເຄຫາຜັງເມືອງ. ກອງປະຊຸມໜ່ວຍງານຂະແໜງ ການພື້ນຖານໂຄງລ່າງ ແມ່ນໄດ້ເລີ່ມຕົ້ນແຕ່ປີ 2008, ຊຶ່ງໄດ້ຈັດຂື້ນປີລະ 1 ຄັ້ງ, ສຳລັບປີ 2016 ແມ່ນ ເປັນຄັ້ງທີ 9, ເຂົ້າຮ່ວມກອງປະຊຸມໃນມື້ນີ້, ມີຜູ້ເຂົ້າຮ່ວມທີ່ມາຈາກ ເບີ້ອງລັດຖະບານ ແລະ ຄູ່ຮ່ວມພັດືະ ນາ ປະມານ 50 ພາກສ່ວນ, ໃນນີ້ ຕາງໜ້າບັນດາປະເທດ ແລະ ອົງການຈັດຕັ້ງ ສາກົນ ທີ່ໃຫ້ທຶນ ແກ່ ກະຊວງໂຍທາທິການ ແລະ ຂົນສົ່ງ ປະມານ 20 ພາກສ່ວນ.
ປະທານກອງປະຊຸມໃນຄັ້ງນີ້ແມ່ນ ທ່ານ ປອ ບຸນຈັນ ສິນທະວົງ, ລັດຖະມົນຕີກະຊວງ ຍທຂ ແລະ ປະທານຮ່ວມແມ່ນ ທ່ານເອກອັກຄະລັດຖະທູດຍີ່ປຸ່ນ, ທ່ານຫົວໜ້າຜູ້ອຳນວນການ ທະນາຄານໂລກ ແລະ ທ່ານຜູ້ຕາງໜ້າທະນາຄານພັດ ທະນາອາຊີ.

 

ຈຸດປະສົງຂອງກອງປະຊຸມ ແມ່ນເພື່ອທົບທວນຄືນ ສະພາບການຈັດຕັ້ງປະຕິບັດແຜນສົກປີ 2015-2016 ຍົກໃຫ້ເຫັນ ບັນດາຜົນສຳເລັດ, ຂໍ້ຄົງຄ້າງ, ຂໍ້ຫຍຸ້ງຍາກ ເພື່ອປຶກສາຫາລືກັນ, ໂດຍສະເພາະແມ່ນກັບບັນ ດາຜູ້ໃຫ້ທຶນ ເພື່ອພ້ອມກັນ ຊອກຫາວິທີແກ້ໄຂ, ເຮັດແນວໃດໃຫ້ສາມາດຈັດຕັ້ງປະຕິບັດໄດ້ຕາມແຜນປີທຳອິດຂອງສົກປີ 2017 ຂອງແຜນ 5 ປີ 2016-2020 ເພື່ອບັນລຸເປົ້າໝາຍການພັດທະນາແບບຍືນຍົງ.
ນອກນັ້ນ, ຜົນຂອງກອງປະຊຸມໜ່ວຍງານຂະແໜງການພື້ນຖານໂຄງລ່າງ ແຕ່ລະປີແມ່ນຈະໄດ້ລາຍງານ ໃຫ້ກອງປະຊຸມ ໂຕະມົນລະດັບຊາດ ເພື່ອໃຫ້ບັນດາຜູ້ໃຫ້ທຶນ ແລະ ຄູ່ຮ່ວມພັດທະນາໄດ້ຮັບຊາບ ແລະ ດຶງດູດເອົາການຊ່ວຍເຫລືອ ຈາກພາຍນອກມາໃຫ້ແກ່ຂະແໜງ ຍທຂ ໃຫ້ນັບມື້ນັບຫລາຍຂື້ນເປັນກ້າວໆ.

ພິທີປະດັບຫລຽນປະເພດຕ່າງໆ ແລະ ໃບຍ້ອງຍໍໃຫ້ກັບ ກົມກອງ ແລະ ບຸກຄົນທີ່ປະກອບ ສ່ວນເຂົ້າໃນການກໍ່ສ້າງ ຍົກຍ້າຍ ແລະ ຈັດສັນເມືອງກະລືມໃໝ່ ແຂວງເຊກອງ

ໂຄງການກໍ່ສ້າງຍົກຍ້າຍ ແລະ ຈັດສັນເມືອງກະລືມໃໝ່ ໄດ້ຈັດຕັ້ງປະຕິບັດ​ພາຍໃນ​ໄລຍະກຳນົດເວລາ 3 ປີ ນັບ​ແຕ່​ປີ 2012 – 2016, ທຸກໆພາກສ່ວນທີ່ຮັບຜິດຊອບໃນໂຄງການໂດຍສະເພາະ​​ແມ່ນການ​ນໍາ​ຂັ້ນສູນ​ກາງກໍ່​ໄດ້​ລົງ​ເລີກ ​ແລະ ​ໄກ້​ຊິດ​ຕິດ​ແທດ​ຢ່າງ​ແທ້​ຈິງ​ຮ່ວມ​ກັບ​ຄະນະຮັບຜິດການ​ນໍາ​ຂອງ​ແຂວງ​ໃນ​ຫຼາຍຄັ້ງ, ບໍລິສັດຜູ້ຮັບເໝົາ ໄດ້ສຸມກຳລັງ ທຶນຮອນເຂົ້າໃສ່ ການກໍ່ສ້າງ. ປະຈຸບັນການ​ກໍ່ສ້າງ​ຍົກຍ້າຍ ​ແລະ ຈັດ​ສັນ​ເມືອງ​ກະລຶມ​ໃໝ່ ​ແມ່ນ​ປະຕິບັດ​ໄປ​ຕາມ​ກອບ​ ​ແລະ ຂໍ້​ກໍາ​ນົດຂອງ​ສັນຍາ​ໄດ້​ສໍາ​ເລັດ​ຕາມ​ລະດັບ​ຄາດໝາຍ ​ແລະ ຈະ​ໄດ້ສືບຕໍ່​ຈັດ​ສັນ​ອາຊີບ​ບ່ອນ​ທໍາ​ມາ​ຫາ​ກິນ​ໃຫ້​ປະຊາຊົນເພາະວ່າ​ວຽກ ດັ່ງກ່າວ​ນີ້​ ແມ່ນ​ຈະ​ຕ້ອງ​ໄດ້​ມີ​ຄວາມ​ລະອຽດອ່ອນພໍ​ສົມຄວນ​.

ພາຍຫລັງໄດ້ສໍາເລັດ​ ​ແລະເປີດນໍາ​ໄຊ້ຢ່າງ​ເປັນ​ທາງ​ການ​ແລ້ວ, ປະຊາຊົນທັງໝົດ​ໃນ​ເທດສະບານ ເມືອງກະລຶມ​ເກົ່າໄດ້ ຍົກຍ້າຍເຂົ້າມາຢູ່ ແລະ ກຳລັງປັບປຸງສະພາບການດຳລົງຊີວິດການເປັນຢູ່ຂອງ​ເຂົາ​ເຈົ້າໃຫ້ເຂົ້າສະພາບປົກກະຕິ, ສໍາ ນັກງານ ຫ້ອງການຂອງລັດ, ໂຮງຮຽນ, ໂຮງໝໍ, ຕະຫລາດ ແລະການບໍລິການ ດ້ານສັງຄົມໄດ້ເຄື່ອນໄຫວ ແລະ ຄ່ອຍໆ ດີຂື້ນເທື່ອ ລະກ້າວ.

ຜົນສໍາເລັດຂ້າງເທິງນັ້ນ ແມ່ນຜົນງານອັນໃຫຍ່ຫລວງຂອງພັກ-ລັດຖະບານ, ອໍານາດການປົກຄອງແຂວງ, ເມືອງ, ບ້ານ, ອົງ ການຈັດຕັ້ງທຸກຂັ້ນ ແລະ ພະນັກງານການນໍາ, ວິຊາການທຸກຂັ້ນ ໄດ້ພ້ອມກັນເອົາໃຈໃສ່ສຸມທຸກເຫື່ອແຮງ ປະຕິບັດໜ້າທີ່ ຂອງຕົນ ດ້ວຍຄວາມຮັບຜິດຊອບສູງ, ຕໍ່ຜົນສຳເລັດດັ່ງກ່າວ ຂັ້ນ​ເທິງ​ຈຶ່ງ​ໄດ້ຕົກລົງ​ຍ້ອງຍໍທັງຢູ່ສູນກາງ ແລະ ທ້ອງຖິ່ນ ດັ່ງນີ້:

- ສະເພາະທ້ອງ​ຖີ່​ນ​​ໃນ​ຄັ້ງ​ວັນ​ທີ 10/09/2015 ທີ່​ຜ່ານມາ ​ເຊິ່ງມີ​ລາຍ​ລະອຽດດັ່ງນີ້

 

ລຳດັບ

 

ປະເພດການຍໍ້ອງຍໍ

ສຳລັບທ້ອງຖີ່ນ.

ກົມກອງ

ບຸກຄົນ

1

ຫຼຽນໄຊແຮງງານຊັ້ນ 1

3

7

2

ຫຼຽນໄຊແຮງງານຊັ້ນ 2

2

15

3

ຫຼຽນໄຊແຮງງານຊັ້ນ 3

1

17

4

ຫຼຽນກາແຮງງານ

0

9

5

ຍ້ອງຍໍລັດຖະບານ.

0

29

6

ຍ້ອງຍໍຂັ້ນແຂວງ.

0

48

 

ລວມ:

6

125

- ສະ​ເພາະ​ຄະນະ​ຂັ້ນສູນ​ກາງ​, ລັດຖະບານໄດ້​ຕົກລົງ​ຍ້ອງ​ຍໍໃຫ້​ກັບ​ກົມ​ກອງ ​ແລະບຸກຄົນ​ດັ່ງກ່າວ​ທີ່​ປະກອບສ່ວນ​ເຂົ້າ​ໃນ​ ບັ້ນກໍ່ສ້າງ​ຍົກຍ້າຍ ​ແລະ ຈັດ​ສັນ​ເມືອງ​ກະລຶມ​ໃໝ່ ຄັ້ງທີ 02 ຈິ່ງ​ໄດ້​ກະກຽມຈັດ​ພິທີ​ປະດັບ​ໃຫ້​ກັບ​ຄະນະ​ດັ່ງກ່າວ​ເຊິ່ງມີ​ລາຍ​ລະອຽດດັ່ງນີ້

 

ລຳດັບ

 

ປະເພດການຍໍ້ອງຍໍ

ສຳລັບສູນກາງ.

ກົມກອງ

ບຸກຄົນ

1

ຫຼຽນໄຊແຮງງານຊັ້ນ 1

2

3

2

ຫຼຽນໄຊແຮງງານຊັ້ນ 2

0

7

3

ຫຼຽນໄຊແຮງງານຊັ້ນ 3

1

5

4

ຫຼຽນກາແຮງງານ

0

0

5

ຍ້ອງຍໍລັດຖະບານ.

0

4

6

ຍ້ອງຍໍຂັ້ນແຂວງ.

0

0

 

ລວມ:

3

19

ຜົນງານ ແລະ ຜົນສຳເລັດດັ່ງກ່າວຂ້າງເທິງນັ້ນ, ກະຊວງໂຍທາທິການ ແລະ ຂົນສົ່ງ ກໍ່ແມ່ນໜຶ່ງ ໃນ 2 ພາກສ່ວນທີ່ໄດ້ຮັບນາມ ມະຍົດກົມກອງດີເດັ່ນ ໄດ້ຮັບປະດັບຫລຽນໄຊແຮງງານຊັ້ນ 1 ໂດຍແມ່ນທ່ານ ດຣ ບຸນຈັນ ສິນທະວົງ, ລັດຖະມົນຕີກະຊວງ ຍທຂ ໃຫ້ກຽດຂຶ້ນຮັບ, ສະຖາບັນໂຍທາທິ ການ ແລະ ຂົນສົ່ງໄດ້ຮັບຫລຽນໄຊແຮງ ງານຊັ້ນ 3 ໃຫ້ກຽດຂຶ້ນຮັບໂດຍທ່ານ ນ ພອນສະຫວັນ ແພງສີດາ, ຫົວໜ້າສະຖາບັນ ຍທຂ. ສຳລັບປະເພດບຸກຄົນ ທ່ານ ນ ວິໄລ ຄຳ ໂພສາລາດ, ຮອງລັດຖະມົນຕີກະຊວງ ຍທຂ ໄດ້ຮັບຫລຽນໄຊແຮງງານຊັ້ນ 2, ທ່ານ ຈັນທະລາ ພິມມະຈັກ, ຮອງກົມຈັດຕັ້ງ ແລະ ພະນັກງານ ໄດ້ຮັບຫລຽນໄຊແຮງງານຊັ້ນ 3.  

Additional information