ການຮ່ວມມືກັບອົງການຈັດຕັ້ງສາກົນ

ທຶນຊ່ວຍເຫຼືອລ້າ ແລະ ກູ້ຢືມຈາກລັດຖະບານ ສສ ຫວຽດນາມ

ແຂວງອັດຕະປືເປັນແຂວງທີ່ຕັ້ງຢູ່ພາກໃຕ້ສຸດຂອງ ສປປ ລາວ ຕິດກັບ ສສ ຫວຽດນາມແລະ ຣາຊະອານາຈັກກຳປູເຈັຍ. ​ແຂວງດັ່ງກ່າວນີ້ ຖຶກປິດລ້ອມມາເປັນເວລາຫຼາຍທົດສະຫວັດ ຍ້ອນເສັ້ນທາງບໍ່ສະດວກ. ​ເພື່ອເຮັດໃຫ້ແຂວງອັດຕະປືໄຂປະຕູສູ່ ສສ ຫວຽດນາມໄດ້ໃຫ້ທືນກູ້ຢືມ ຈຳນວນ 45 ລ້ານໂດລາສະຫະລັດ ມາກໍ່ສ້າງທາງຫຼວງແຫ່ງຊາດເລກ 18 B ມີລວງຍາວ 113 ກມ, ກໍ່ສ້າງຂົວເຊກອງ,ຂົວເຊກະໝານແລະຂົວນ້ອຍ 16 ​ແຫ່ງ ມີລວງຍາວທັງໝົດ 1.020.65 ມ ຊື່ໄດ້ດຳເນີນການກໍ່ສ້າງແຕ່ປີ 2001-2005. ທາງຫຼວງແຫ່ງຊາດເລກ 18B ​ເປັນທາງຍຸດທະສາດແນໃສ່ພັດທະນາ 4 ​ແຂວງພາກໃຕ້ສອດຄອງກັບແຜນການພັດທະນາການຂົ່ນສົ່ງພາກພື້ນລຸ່ມແມ່ນ້ຳຂອງຕາມແລວເສດຖະກິດຕາເວັນອອກ-​ຕາເວັນຕົກ.

      ລັດຖະບານ ສສ ຫວຽດນາມໄດ້ໃຫ້ທືນກູ້ຢືມໄລຍະຍາດອກເບັ້ຽຕ່ຳ ຈຳນວນ 43 ລ້ານໂດລາສະຫະ ລັດໃນການຍົກລະດັບທາງຫຼວງແຫ່ງຊາດເລກ 2 E ​ເມືອງຂວາ-​ໄຕຈາງ ມີລວງບາ 68.2ກມ, ກໍ່ສ້າງຂົວ 3 ​ແຫ່ງ ນ້ຳພາກ, ນ້ຳອູແລະນ້ຳງາ ຊຶ່ໄດ້ດຳເນີນການກໍ່ສ້າງແຕ່ປີ2009 ​ແລະຈະສຳເລັດໃນປີ 2012, ລັດຖະບານ ສປປ ລາວໄດ້ອານຸຍາດໃຫ້ບໍລິສັດເລີມສານເຈືອງເຊີນ ສສ ຫວຽດນາມ ລົງທຶນກ່ອນສຳຫລັບກໍ່ສ້າງທາງ 16B ​ແຕ່ເມືອງດາກຈຶ່ງຫາຊາຍແດນ ສສ ຫວຽດນາມ ມີລວງຍາວ 21 ກມໃນມູນຄ່າ 5.363 ລ້ານໂດລາສະ ຫະລັດ, ​ເປັນທາງທີບຸກ​​ເບີໃໝ່ຊຶ່ໄດ້ດຳເນີນມາແຕ່ປີ 2004 ຕາມແຜນການໃຫ້ສຳເລັດປີ 2008 ​ແຕ່ໄດ້ຕໍ່ສັນຍາຈົນເຖີງເດືອນ12/2011. ລັດຖະບານ ສສ ຫວຽດນາມໄດ້ໃຫ້ທືນຊ່ວຍເຫຼືອ​, ທຶນກູ້ຢືມແລະ ຮູບການລົງທຶນ ກ່ອນໃນການກໍ່ສ້າງຂົວທາງຢູ່ ສປປ ລາວ ລວມປະມານ 93.363 ລ້ານໂດລາສະຫະລັດ.

ຂໍ້ມູນຂາກ: ວາລະສານ ໂຍທາທິການ ແລະ ຂົນສົ່ງ ສະບັບທີ 007

ທຶນຊ່ວຍເຫຼືອລ້າ ແລະ ກູ້ຢືມຂອງລັດຖະບານ ສປປ ຈີນ

ລັດຖະບານຂອງສປປຈີນ, ​ໄດ້ໃຫ້ທຶນຊ່ວຍເຫຼືອລ້າແລະກູ້ຢືມແກ່ລັດຖະບານແຫ່ງສປປລາວ ໃນການກໍ່ສ້າງຂົວທາງດັ່ງນີ້:

-    ແຕ່ປີ 2004 ຫາ 2007 ​ໄດ້ກໍ່ສ້າງທາງຫຼວງແຫ່ງຊາດ R3 ​ແຕ່ນ້ຳລັງຫາບໍ່ເຕັນຊາຍແດນລາວ-​ຈີນ ມີລວງຍາວ 67.7ກມ. ທາງໃນເທດສະບານເມືອງຫຼວງນ້ຳທາມີລວງຍາວ 18.5ກມແລະກໍ່ສ້າງຂົວມີລວງຍາວ 264​ໃນມູນຄ່າ 30 ລ້ານໂດລາສະຫະລັດໃນຮູບການໃຫ້ທືນຊ່ວຍເຫຼືອລ້າ 30% ​ແລະກູ້ຢືມ 70%

-    ໃຫ້ທືນຊ່ວຍເຫຼືອລ້າໃນມູນຄ່າ1.125 ລ້ານໂດລາສະຫະລັດໃນການກໍ່ສ້າງແລະປັບປຸງສວນສາ ທາລະນະປະຕູໄຊຢູ່ຕໍ່ໜ້າສຳນັກງານຫ້ອງວ່າການລັດຖະບານການຊ່ວຍເຫຼືອດັ່ງກ່າວນີ້ແມ່ນມີຄວາມໝາຍສຳຄັນຍີ່ໃນການປ່ຽນແປງຂອງນະຄອນຫຼວງວຽງຈັນໃຫ້ມີໃບໜ້າໃໝ່, ມີນ້ຳພຸພ້ອມດ້ວຍສຽງເພງທີ່ອອນຊອນ, ສ້າງຂື້ນໃນໂອກາດຈັດກອງປະຊຸມສຸດຍອດອາຊຽນຄັ້ງທີ່ 10 ​ໃນທ້າຍປີ 2004. ຊາວນະຄອນຫຼວງວຽງຈັນມີຄວາມຍີນດີແລະຊົມເຊີຍຕໍ່ສວນສາທາລະນະແຫ່ງດັ່ງກ່າວ, ມີຄົນມາທ່ຽວຊົມແລະອອກກຳລັງກາຍເປັນຈຳນວນຫຼວງຫລາຍໃນແຕ່ລະມື້. ປະຕູໄຊຍັງເປັນຈຸດເຊື່ອມຕໍ່ລະຫວ່າງສຳນັກງານປະທານປະເທດແລະໄປຫາພະທາດຫຼວງທີ່ເປັນສິ່ງ ສັກສິດກະລະບູຊາຂອງປວງຊົນລາວ.

-    ໂຄງການກໍ່ສ້າງຂົວຂ້າມແມ່ນ້ຳຂອງຕອນເໜືອຕາມເສັ້ນທາງຄູນໝີ-ບາງກອກຫຼືເອີ້ນວ່າຂົວມິດຕະພາບ ລາວ-​ໄທ IV ຫ້ວຍຊາຍຊຽງຂອງຊື່ງລັດຖະບານຣາຊະອານາຈັກໄທແລະລັດຖະບານສປປຈີນ ໄດ້ແບ່ງກັນລົງທຶນຜູ້ລະ 50% ​ໃນມູນຄ່າລວມຈຳນວນ 40 ລ້ານໂດລາສະຫະລັດໃນຮູບການຊ່ວຍເຫຼືອລ້າໃຫ້ແກ່ລັດຖະບານສປປລາວ.

-    ໂຄງການປັບປູເສັ້ນທາງຫຼວງແຫ່ງຊາດເລກ 13 ​ເໜືອແຕ່ນາເຕີຍຫາອຸດົມໄຊມີລວງຍາວ 79 ກມ ໃນ​ມູນ ຄ່າ 39.854 ລ້ານໂດລາສະຫະລັດໃນຮູບການຊ່ວຍເຫຼືອລ້າ, ​ໂຄງການນີ້ໄດ້ດຳເນີນມາແຕ່ປີ 2009 ​ແລະຄາດວ່າຈະໃຫ້ສຳເລັດໃນທ້ານປີ 2011.

-    ໂຄງການກູ້ຢືມສຳຫລັບກໍ່ສ້າງຂົວທາງມີດັ່ງນີ້:

1   ທາງແຕ່ 3 ​ແຍກໂທລະພາບໜອງໜ່ຽງ-3​ແຍກຂົວທາດຫຼວງມີລວງຍາວ 6 ກມໃນມູນຄ່າ 11.581ລ້ານໂດລາສະຫະລັດ.

      2. ຂົວແມ່ນ້ຳຂອງປາກແບ່ງໃນມູນຄ່າ 50 ລ້ານໂດລາສະຫະລັດ.

      3. ທາງເລກ 1 A ບູນເໜືອ-​ລານຕຸຍໃນມູນຄ່າ 81 ລ້ານໂດລາສະຫະລັດ.

      4. ຂົວແມ່ນ້ຳຂອງດອນໂຂງໃນມູນຄ່າ 34.12 ລ້ານໂດລາສະຫະລັດ.

      5. ທາງຈີ່ນາຍໂມ້-​ຫາດດອກແກ້ວ-​ທ່າເດື່ອມີລວງຍາວ 24​ກມໃນມູນຄ່າ 53.8 ລ້ານໂດລາສະຫະລັດ.

     6. ຢູ່ໃນແຜນການຄັ້ງທີ VII ຂອງຂະແໜງການຍທຂມີແຜນການຍົກລະດັບທາງຫຼວງແຫ່ງຊາດເລກ 7 ​ເມືອງສີ-ຊຽງກົກໃນມູນຄ່າ 91 ລ້ານໂດລາສະຫະລັດ.

      ລັດຖະບານສປປຈີນໄດ້ໃຫ້ທືນຊ່ວຍເຫຼືອລ້າ, ກູ້ຢືມໃນຊຸມປີຜ່ານມາແລະກະກຽມໃຫ້ກູ້ຢືມໃໝ່ຈຳນວນ ໜຶ່ງແກ່ລັດຖະບານສປປລາວໃນມູນຄ່າປະມານ 362 ລ້ານໄດລາສະຫະລັດ.

 ຂໍ້ມູນຈາກ: ວາລະສານ ໂຍທາທິການ ແລະຂົນສົ່ງ ສະບັບທີ 007

ການຊ່ວຍເຫຼືອລ້າຂອງອົງການ ສປຊ

ອົງການສະຫະປະຊາຊາດ ເພື່ອການພັດທະນາ (UNDP) ປະຈຳຢູ່ ສປປ ລາວ ໄດ້ສົມທົບກັບອົງການ (UNDP) ໃຫ້ການຊ່ວຍເຫຼືອໃນການກໍ່ສ້າງທາງປູດ້ວຍຫີນແຕ່ເມືອງຊຽງເງີນ ຫາ ໄຊຍະບູລີ ມີລວງຍາວ 92 ກມ ໃນມູນຄ່າ 7.344 ລ້ານໂດລາສະຫະລັດ ຊື່ງໄດ້ດຳເນີນການກໍ່ສ້າງແຕ່ປີ 1989 ຫາ ປີ 1992. ອົງການສະຫະປະຊາຊາດ ເພື່ອການພັດທະນາໄດ້ສືບຕໍ່ໃຫ້ການຊ່ວຍເຫຼືອ ຈຳນວນ 6.507 ລ້ານໂດລາສະຫະລັດ ໃນນັ້ນ UNDP 1.498 ລ້ານໂດລາສະຫະລັດ ແລະ UNCDP 5.009 ລ້ານໂດລາສະຫະລັດ.

     ການກໍ່ສ້າງທາງປູດ້ວຍຫີນ ແຕ່ໄຊຍະບູລີ ຫາ ປາກລາຍ ມີລວງຍາວ 152.2 ກມ ຊື່ງໄດ້ເລີ່ມກໍ່ສ້າງແຕ່ ປີ 1992 ຫາ ປີ 1996.

      ການກໍ່ສ້າງທາງແຕ່ປາກລາຍ ຫາແກ່ນທ້າວມີລວງຍາວ 57 ກມ ໃນມູນຄ່າ 4.61 ລ້ານໂດລາສະຫະລັດ.

      ອົງການສະຫະປະຊາຊາດ ເພື່ອການພັດທະນາ ໄດ້ຊ່ວຍເຫຼືອທັງໝົດຮອດປີ 2005 ປະມານ 19.591 ລ້ານໂດລາສະຫະລັດ ແລະ ໄດ້ຊ່ວຍເຫຼືອທາງດ້ານວິຊາການແຕ່ປີ 1987ຫາປີ 1996 ໃນມູນຄ່າ 1.131 ລ້ານ ໂດລາສະຫະລັດ ເພື່ອສະໜັບສະໜູນໂຄງການພັດທະນາອາຊີ (ADB) ໃນການກໍ່ສ້າງທາງຫຼວງແຫ່ງຊາດເລກ 13 ເລກ 20 ຢູ່ບັນດາແຂວງພາກໃຕ້.

 ຂໍ້ມູນຈາກ: ວາລະສານ ໂຍທາທິການ ແລະ ຂົນສົ່ງ ສະບັບທີ 007

Additional information